بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

«گۇلي −ءبىزدىڭ ماڭگىلىك قىزىمىز»

− باعيگۇل نىعىمەت قىزى جانە ونىڭ 11 ءار ۇلت تۋىسىنىڭ حيكاياسى

2017.11.13 14:10    

  سۇيىسپەنشىلىك ۇلت ايىرمايدى



  ءبىر ادامنىڭ بىرەر جاقسى ءىس ىستەۋى قيىن ەمەس، قيىنى كوپ جىل بويى جاقسى ءىس ىستەۋ؛ باسقالاردىڭ نازارىندا جاقسى ءىس ىستەۋ قيىن ەمەس، قيىنى باستان - اياق ءۇن - ءتۇنسىز جاقسى ءىس ىستەۋ. جەمسارى اۋدانى جەمسارى قالاشىعى مانچىڭ جولى الەۋمەتتىك اۋماعىنىڭ كادرى باعيگۇل نىعىمەت قىزى ىلگەرىندى - كەيىندى وتباسىندا قيىنشىلىعى بار ادامدارمەن تۋىس بولىپ، كوپ جىلدار بويى ءۇن - ءتۇنسىز جاقسى ءىس ىستەدى، قالتقىسىز ءوزىن ارناپ، قىزمەت ورنىن قاستەرلەپ، كاسىبىن ءسۇيىپ، باسقالارعا كومەكتەسۋدى قۋانىش دەپ بىلەتىن رۋحاني قاسيەتىمەن كوپشىلىكتى اسەرلەندىرىپ، ءوزىنىڭ قاراپايىم قىزمەت ورنىندا پارتياعا مۇشە بولعاندا بەرگەن سەرتىن ورىنداپ، ءۇن - ءتۇنسىز بوداۋ بەرىپ، قارىمجى دامەتپەيتىن وسكەلەڭ قاسيەتتى ايگىلەدى.


  باعيگۇلدىڭ 11 تۋىسى ءار ۇلتتان قۇرالعان. ول سۇيىسپەنشىلىك ۇلت ايىرمايدى، ءار ۇلت تەگىنەن ءبىر ءۇيلى جاندار دەپ بىلەدى.


  شينجياڭ − ءار ۇلت عاسىرلار بويى بىرگە جاساپ جاتقان جەر، ۇزاق ۋاقىتتىق بىرگە تۇرمىس كەشۋ بارىسىندا، ءار ۇلت بىرىنە - ءبىرى دەم بەرىپ، ءوزارا كومەكتەسىپ، ىنتىماقتاسا كۇرەس جاساپ، كورىكتى شينجياڭدى، ورتاق مەكەنىمىزدى بىرگە قۇرعان. پارتيا 19 - قۇرىلتايىنىڭ بايانداماسى «ءار ۇلتتىڭ ارالاسۋىن، ىشتەسۋىن، توعىسۋىن كۇشەيتىپ، ءار ۇلتتىڭ اناردىڭ دانىندەي تىعىز ۇيىسىپ، ىنتىماقتاسا كۇرەس جاساپ، بىرگە كوركەيىپ - گۇلدەنۋىن» اتاپ كورسەتتى. باعيگۇل كوپ جىلدىق ءىس جۇزىندىك ارەكەتى ارقىلى ۇلتتار ىنتىماعىنىڭ بەرەكەلى شاڭىراعىنىڭ بوساعاسىن بەكەمدەپ، كوممۋنيستەردىڭ العاباسارلىق، ونەگەلىك رولىن ساۋلەلەندىردى. ول − ءبىزدىڭ ۇيرەنۋ ۇلگىمىز.



  بۇيرا شاشى يىعىنا توگىلگەن، قيمىلى شيراقى، داۋىسى كوتەرىڭكى، اشىق - جارقىن، قوس جانارى جايناعان وسى ءبىر تاتار ايەل ءبىزدى بىردەن باۋراپ اكەتتى.


  17 جىلدان بەرى، ول ۇلتى ۇقسامايتىن، ءتۇرلى جاستاعى، وتباسىندا قيىنشىلىعى بار 11 اداممەن تانىسىپ تۋىس بولدى. جاسى ۇلكەندەر ونى «گۇلي قىز» دەپ شاقىرسا، ول تۋىستارىن: «اكە، شەشە»، - دەپ اتايدى. ونىڭ كىشكەنتاي قىزى كەزىندە: شەشە، ءبىزدىڭ ءۇيىمىزدىڭ تۋىستارى نە دەگەن كوپ؟ - دەپ سۇراعاندا، ول: ويتكەنى ولار مەنى قاجەت ەتەدى، مەن دە ولاردان قول ۇزە المايمىن، - دەيدى.


  ول − جەمسارى اۋدانى جەمسارى قالاشىعى مانچىڭ جولى الەۋمەتتىك اۋماعىنىڭ كادرى باعيگۇل نىعىمەت قىزى ەدى.


  «اكە، شەشە» دەگەن ءبىر اۋىز ءسوزدى 17 جىل سەرىك ەتتى



  ليۋ گوچۇن، ليۋ گۇيحۋا ەرلى - زايىپتى ەكەۋى باعيگۇلدىڭ العاش رەت تانىسقان تۋىستارى.


  31 - قازان − ليۋ گۇيحۋانىڭ 80 جاسقا كەلگەن تۋعان كۇنى، باعيگۇل مۇنى ەسىندە ساقتاپ جۇرەتىن، «اكە - شەشەسىن» ۇيىنە شاقىرىپ تۋعان كۇنىن تويلادى. ءتۇرلى - ءتۇستى تاعامدار داستارقانعا ءتىزىلىپ، ورتاسىنا ۇلكەن بالكۇلشە قويىلدى، باعيگۇلدىڭ وتباسىنداعىلار داستارقاندى اينالا وتىرىپ، تۋعان كۇن ءانىن شىرقادى، بالاۋىز شام ۇرلەپ ءسوندىرىلدى، بالكۇلشە تۋرالدى، ليۋ گۇيحۋا كوزىنە جاس الىپ: قىزىمنىڭ ۇيىندە تۋعان كۇنىمدى وتكىزگەنىمە ەرەكشە قۋاندىم، - دەدى.


  ءبىز اڭگىمەنى 17 جىلدىڭ الدىنان باستاۋىمىزعا تۋرا كەلەدى.


  ۇلىنا جاڭا ءۇي الۋ ءۇشىن وتباسى 70 مىڭ يۋانعا قارىزدار بولىپ قالادى. 2003 - جىلى ناۋرىز ايىندا ەكى قاريانىڭ ۇلى اۆتوموبيل شىرعالاڭىنان دۇنيە سالادى. ول كەزدە 62 جاستاعى ليۋ گوچۇن مەن جۇبايى كوز جاستارىن كولدەتە ءجۇرىپ، ەگىس جۇمىسىن ىستەپ، قوقسىق تەرىپ، شامالارىنىڭ كەلگەنىنشە قارىز قايتارماقشى بولادى.


  سول جىلى قىستا باعيگۇل ليۋ گوچۇن قاريانىڭ بۇل جاعدايىن ەستىپ قالادى دا، ەرەكشە جانى اشيدى ءارى قاريانىڭ ءۇيىن سۇراستىرىپ بىلگەننەن كەيىن، ادەيى بارىپ حال سۇرايدى. باعيگۇلدىڭ بۇل جان اشىرلىعىنا سۇيىنگەن قاريا كوڭىلدەگىسىن اقتارىپ، سول ءبىر ايانىشتى ىستەردى جايىپ سالادى. ءاسىلى ەكى قاريا 1973 - جىلى حىنان ولكەسىنەن شينجياڭعا كەلگەن ەكەن، بۇرىن جەمسارى اۋدانىنداعى ءبىر كەرپىش زاۆودىندا جۇمىسشى بولىپ ىستەپتى، ۇلى اۆتوموبيل شىرعالاڭىنا ۇشىراعان كەزدە باس قۇراعانىنا نەبارى ءتورت - اق كۇن بولعان ەكەن...


  ەكى قاريانىڭ ءسوزىن تىڭداعاننان كەيىن، باعيگۇل كوز جاسىن كولدەتە وتىرىپ: سىزدەر ۇلدارىڭىزدان ايىرىلعاندارىڭىزبەن، تاعى ءبىر قىزدارىڭىز بار، بۇدان كەيىن مەن سىزدەردىڭ قىزدارىڭىزبىن، سىزدەردىڭ تۇرمىستارىڭىزعا قارايلاسامىن، - دەيدى.


  سول كۇننەن باستاپ باعيگۇل قولى بوساي قالسا بولعانى ليۋ گوچۇننىڭ وتباسىنا ۇن، ازىقتىق ماي نەمەسە تۇرمىستىق تۇتىنۋ بۇيىمدارىن اپارىپ تۇرادى. ءبىر جولى ليۋ گوچۇن بانكە كارتچكاسىنىڭ قۇپيا سيفرىن ۇمىتىپ قالادى، ول باعيگۇلدى ىزدەپ تاۋىپ، بىرگە بانكەگە بارادى. ەكەۋى بانكە كارتچكاسىنىڭ قۇپيا سيفرىن وزگەرتىپ بولىپ ەسىكتەن شىعا بەرگەندە، بانكەنىڭ كۇزەت قىزمەتكەرى ول ەكەۋىن توسىپ الادى دا، كۇماندانعانداي بەينەدە ليۋ گوچۇن قارياعا: ول ءسىزدىڭ نەمەنەڭىز، ءتىپتى بانكە كارتچكاڭىزدىڭ قۇپيا سيفرىنا دەيىن بىلەدى ەكەن، - دەيدى. قاريا ماقتانىشپەن: ول مەنىڭ قىزىم، - دەيدى. بۇل ەكەۋىنىڭ ەرەكشە اكەلى - بالالى قاتىناسىن ۇققاننان كەيىن، بۇل اراداعى ادامداردان اسەرلەنبەگەنى قالمايدى. ليۋ گوچۇننىڭ كونە لاشىق ءۇيى بۇزىلعاننان كەيىن، كونە ءۇيىنىڭ ورنىنا بەرىلگەن اقشاعا جاڭا ءۇي ساتىپ الادى ءارى قارىزىن قايتارادى، قولىنا اسىپ قالعان بىرنەشە ون مىڭ يۋان اقشاسىن بانكەگە قويادى. قاريانىڭ اۋلاسىندا قوقىر - قوقسىق، قاعاز جاشىكتەر مەن كونە زاتتار ءۇيىلىپ جاتاتىن. ليۋ گوچۇن: ءبىز ءوزىمىز تاسي الامىز، ءوز كۇنىمىزدى ءوزىمىز كورە الامىز، قىزىمدى اۋرەلەمەيمىز، - دەيتىن.


  باعيگۇل ۇنەمى: قاريانى بالاشا كۇتىپ قارايمىن، - دەيدى. جاڭا جىل مەرەكەسىندە ەكى قاريانىڭ ەسىك الدىنا تۇمشالامالى شام ءىلىپ، شوشىرە ءتۇيىپ بەرەدى؛ ءۇيىنىڭ توبەسىنەن سۋ وتسە، سۋ قۇبىرى بۇزىلسا، ادام اكەلىپ جوندەتەدى؛ ءۇيى كوشىرىلسە، ەڭ تومەنگى تۇرمىستى قامتاماسىزداندىرۋ قاراجاتى بەرىلمەي قالسا، ول قاربالاستىعىنا قاراماي ءزىر جۇگىرىپ جۇمىستارىن ءبىتىرىپ بەرەدى... قاريا ۇلكەندى - كىشىلى ىستەرىنىڭ بارىندە گۇلي قىزىن ىزدەيدى ءارى بارعان سايىن وعان باۋىر باسىپ كەتەدى.


  ەكى قاريانى ەرتىپ، حىنانعا تۋىسشىلاي باردى



  ليۋ گوچۇن قاريا جۇبايىمەن حىنانداعى اۋىلىنان شىعىپ كەتكەنىنە 44 جىلدىڭ ءجۇزى بولىپ، جاسى ۇلعايعان سايىن اۋىلىنا دەگەن ساعىنىشى ارتا تۇسەدى. بيىل 16 - قىركۇيەكتە ولار اۋىلىنا تۋىسشىلاي بارماقشى بولىپ، پويەزدىڭ ورىندىق بەلەتىن الىپ قويادى، باعيگۇل ليۋ اتاي مەن ليۋ شەشەي جاستارىنىڭ 80نەن اسقاندىعىن، نەشە كۇن پويەزدىڭ قاتتى ورىندىعىنا وتىرىپ 3000 كيلومەتردەن استام جول باسىپ حىنانعا بارۋ وڭايعا تۇسپەيتىندىگىن ويلاپ، قاتتى الاڭدايدى.


  باعيگۇل پويەز بەلەتىن قايتارتادى ءارى مەكەمەسىنە قاريانى اپارىپ كەلۋ ويىن ايتادى. ونىڭ بۇل تالابى جەمسارى اۋداندىق پارتكوم، حالىق ۇكىمەتى جانە قوعامداعى ءار سالانىڭ قولداۋىنا يە بولىپ، وعان قولايلىلىق جاراتىپ بەرەدى.


  گۇلي قىزدارىنىڭ وزدەرىمەن بىرگە باراتىندىعىن بىلگەن ليۋ گۇيحۋا اجەي قاتتى قۋانادى، ول باعيگۇلدىڭ موينىنان قۇشاقتاپ تۇرىپ: گۇلي قىزىمىز شالىمىز ەكەۋىمىزدىڭ سۇيەنىشىمىز، ول بولماسا مەن ۇيدەن ۇزاپ شىعۋدان قورقامىن، قىزىم جانىمدا بولعاندىقتان، مەن قايدا بارسام دا قورىقپايمىن، - دەيدى.


  ۇشاقپەن ۇشىپ بارىپ، ماشيناعا الماسىپ 25 - قىركۇيەك كۇنى باعيگۇل ليۋ اتاي مەن ليۋ شەشەيدى حىنان ولكەسى مينچۋان اۋدانى شۋاڭتا قالاشىعى نيۋمۋگاڭ قىستاعىنا جەتكىزدى. ليۋ گوچۇننىڭ ءىنىسى ليۋ گويۋاننىڭ وتباسىنا كەلگەندە، كورىسپەگەلى كوپ بولعان 10 نەشە تۋىسى قاريانى قاۋمالاي قاۋىشا امانداسىپ، ساعىنىشتان كوز جاستارىن كولدەتەدى.


  شينجياڭعا جۇمىس ىستەۋگە كەتكەن ەكى قاريانىڭ ءبىر از ۇلت قىزدى ەرتىپ كەلگەنى جۇرتتى تاڭ قالدىرادى. ەكى قاريا وتكەن - كەتكەندى ايتۋعا ۇلگەرمەستەن، ەڭ الدىمەن، وزدەرىن اۋىلدارىنا ەرتىپ كەلگەن شينجياڭدىق قىزدارىن اۋىلداستارىنا تانىستىرىپ: گۇلي −ءبىزدىڭ ماڭگىلىك قىزىمىز، - دەيدى.


  ىسكە شوگەل باعيگۇل حىنانداعى تۋىستارىنا مەيىز، بادام سياقتى شينجياڭنىڭ ەرەكشە كەپتىرىلگەن جەمىس - جيدەكتەرىن اپارۋمەن بىرگە، بالالارعا گۇلدى تاقيا دايىندايدى. شينجياڭنان «گۇلي» ەسىمدى اپايلارىنىڭ كەلگەنىن ەستىگەن ليۋ گويۋاننىڭ ەكى نەمەرەسى مەكتەپتەن كەلە سالىپ، تاڭىرقاي باستارىنا گۇلدى تاقيانى كيىپ الىپ، باعيگۇلدىڭ اۋزىنان كورىكتى شينجياڭ مەن ءار ۇلت حالقىنىڭ باقىتتى تۇرمىسى جونىندە ايتقان اڭگىمەلەرىن ەستىپ، جانارىنان ءۇمىت ۇشقىنى الاۋلايدى.


  شاڭچيۋ قالاسى مينچۋان اۋدانىنىڭ ورىنباسار اكىمى جاڭ شىشان، ۇلت - ءدىن ىستەرى كوميتەتىنىڭ مەڭگەرۋشىسى لۇي ۋىنجۇڭ قاتارلىلار ليۋ گوچۇن مەن جۇبايىنا جانە ولاردىڭ شينجياڭدىق قىزىنا امانداسا كەلەدى. جاڭ شىشان اسەرلى سەزىممەن: باعيگۇل − ۇلتتار ىنتىماعىنىڭ ەلشىسى، جەمسارى مەن مينچۋان ەكى جەردىڭ ۇلتتار ىنتىماعىنىڭ، ارالاسۋ، ىشتەسۋ، توعىسۋىنىڭ دوستىق كوپىرى. سۇيىسپەنشىلىكتە شەك جوق، ءبىز مينچۋاندا باعيگۇلدىڭ اسەرلى ىزگى ىستەرىن كەڭىنەن ۇگىتتەپ، كوپشىلىكتى ۇلگىدەن ۇيرەنۋگە شاقىرامىز، - دەيدى.


  باعيگۇلدىڭ قىزمەتتەسى ءاسيا: باعيگۇلمەن ۇزاق ۋاقىت ارالاسساڭىز، «لەي فىڭنىڭ» ءوزىمىزدىڭ قاسىمىزدا ەكەنىن بىلەسىز. ونىمەن بىرگە قىزمەت ىستەسەڭىز، قول قۋسىرىپ قاراپ تۇرا المايسىز. قانشا تاسباۋىر بولساڭىز دا، ول ءسىزدى اسەرلەندىرمەي قويمايدى، ونىڭ اسقان ادامگەرشىلىك قاسيەتى، ءسىزدى وزىمەن بىرگە ارەكەتتەنۋگە جەتەلەيدى، - دەيدى.


  ىلگەرىندى - كەيىندى وتباسىندا قيىنشىلىعى بار 11 اداممەن تۋىس بولعان جەمسارى اۋدانى جەمسارى قالاشىعى مانچىڭ جولى الەۋمەتتىك اۋماعىنىڭ كادرى باعيگۇل نىعىمەت قىزى 2016 - جىلى جەمسارى اۋدانىنىڭ 4 - كەزەكتى «جەمسارىنى اسەرلەندىرگەن» تۇلعا بولىپ باعالاندى، كوپتەگەن ادامدار ونىڭ ىزگى ىستەرىمەن تانىسا باستادى.


  ازعانتاي توككەن مەيىر بۇلاق بولىپ اعىلدى



  2015 - جىلى جاز كۇندەرىنىڭ ءبىر كەشىندە، قالىڭ جاڭبىر جاۋىپ تۇرعان - دى. ەندى عانا جاستىققا باسى تيگەن باعيگۇل: «الەۋمەتتىك اۋماقتىڭ تۇرعىنى جاڭ شاۋحۋا اجەيدىڭ وتىرعانى كونە ءۇي، قىزى جۇمىسپەن سىرتقا كەتكەن، جۇبايى ميىنا قان ءتۇسىپ قايتىس بولعان، تۋما كەم اقىل ناۋقاسى بار ول ۇيىندە جالعىز وتىرىپ بىرەر قاتەرگە جولىعىپ قالماسىن» دەپ ويلاپ، ۇيىقتاپ جاتقان جۇبايىن جۇلقىپ وياتىپ، بىرگە جاڭ شاۋحۋانىڭ ۇيىنە بارادى. باعيگۇل ەسىك قاعىپ، جاڭ شاۋحۋانى شاقىرادى، ەسىكتى اشا سالا باعيگۇلدى كورىپ، قۇشاقتاي الىپ جىلاي جونەلەدى. باعيگۇل ءۇيدىڭ توبەسىنەن سۋ تامشىلاپ تۇرعانىن، جاتىن ورنىنىڭ شىلقا سۋ بولىپ كەتكەنىن كورەدى. ول الاقانىمەن اقىرىن عانا اجەيدىڭ ارقاسىنان قاعىپ جۇباتادى، سوڭىنان اجەيدى قوناق ۇيگە اپارىپ ورنالاستىرادى ءارى اجەيدىڭ قىزىنا تەلەفون بەرىپ، اجەيدىڭ امان - ەسەن ەكەنىن جەتكىزەدى.


  قازىر، باعيگۇلدىڭ كومەگىندە جاڭ شاۋحۋا جەمسارى اۋداندىق قارتتار كۇتىمحاناسىنا كىرىپ، الاڭسىز بولدى.


  2009 - جىلى باعيگۇل شيپاحانادا ءبىر ناۋقاسقا امانداسا بارىپ، رازۋانگۇلمەن تانىسادى، رازۋانگۇلدىڭ جۇمىس ورنى جوقتىعىن، جۇبايى راك اۋرۋىنا شالدىققانىن، ۇلى ميلادين مي سالدانۋ اۋرۋىنا شالدىعىپ، قاراۋدى قاجەت ەتەتىنىن بىلگەننەن كەيىن، ونىمەن ءتىپتى دە تۋىستىق قاتىناس ورناتادى.


  باعيگۇل رازۋانگۇلگە ەكى جەردەن تازالىق جۇمىس ورنىن تاۋىپ بەرەدى، ونىڭ وتباسىنىڭ كىرىسى تۇراقتى بولادى. 3 جىلدان كەيىن، رازۋانگۇلدىڭ جۇبايى قايتىس بولادى، ەكى وتباسىنىڭ بارىس - كەلىسى جيىلەي تۇسەدى. ميلاديننىڭ مۇگەدەك بولعانىمەن وتە زەرەك ەكەنىن كورگەن باعيگۇل وعان كومپيۋتەر الىپ بەرىپ ءارىپ باسۋدى ۇيرەتەدى. قازىر ميلادين توراپ ساۋداسىمەن شۇعىلدانىپ، ايگىلى ماركالى جۋىنۋ، تەرى قورعاۋ بۇيىمدارىن وكىلەتتى ساتۋشى بولىپ، باعيگۇل ميلاديننىڭ تۇراقتى قاريدارىنا اينالدى. ءبىر جولى ميلادين باعيگۇلدىڭ كەلگەنىن كورىپ، اسەرلەنگەنىنەن كومپيۋتەردىڭ بەتىنە: «گۇلي شەشەي، سىزگە راقىمەت!» - دەگەن ەكى اۋىز ءسوزدى جازادى.


  سىرتتان جۇمىس ىستەي كەلگەن يان پەيشيا اپايدىڭ كاسىپ كوزىن اشۋىنا قارجىلاي كومەك بەردى، پاناسىز قاريا ما كىمينگە ءۇرتىس 13 جىل تاماق اپارىپ بەرىپ قارايلاستى، جۇمىس ورنىنان بوساعان ايەل جۇمىسشى شۇي جينپيڭگە قارجىلاي كومەك بەرىپ، ۇلىنىڭ جوعارى مەكتەپ وقۋ ارمانىن جۇزەگە اسىردى... باعيگۇلدىڭ ولارعا توككەن مەيىرى جينالا كەلە سۇيىسپەنشىلىك بۇلاعى بولىپ اعىلدى.


  ءبىر وتباسىندا ءۇش ۇرپاققا جالعاسقان سۇيىسپەنشىلىك



  باعيگۇل وتكەن كۇندەرىن ەسكە الدى، كىشكەنە كەزىندە وقىتۋشى اكەسىنىڭ ۇنەمى وتباسىندا قيىنشىلىعى بار وقۋشىلاردى ۇيگە اكەلىپ تاماقتاندىرىپ، ولارعا ساباق پىسىقتاتاتىنىن كورەدى. اكەسى تاعى باعيگۇلگە ۇنەمى باسقالارعا كومەكتەسۋدى باقىت دەپ ءبىل دەپ وتىراتىن كورىنەدى، ول اكەسىنىڭ وسى ءبىر تاپسىرماسىن كوكەيىندە بەرىك ساقتاعان.


  2004 - جىلى باعيگۇل وتباسىلارىن ارالاپ جاعداي ۇعىسىپ جۇرگەندە، 75 جاستاعى ما كىمين قاريامەن تانىسادى. قاريانىڭ وتباسىندا باسقا ادام بولماعاندىقتان، ۇزاق ۋاقىتتىق جالعىز باستى تۇرمىس ونى سويلەۋ قۋاتىنان دا ايىرعان ەدى. باعيگۇل قاريانى ەڭ تومەنگى تۇرمىس قامتاماسىزداندىرۋىنا الدىرادى، اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنە ءوتىنىش بەرىپ، قاريانىڭ جىلى، جاڭا ۇيگە كوشىپ كىرۋىنە كومەكتەسىپ، ءۇيىن مونتازداي ەتىپ تازالاپ بەرەدى... باعيگۇل ءار ەكى كۇندە ءبىر رەت دەرلىك ما كىمين قارياعا تاماق اپارىپ بەرىپ تۇرادى، جۇمىستان قولى بوساماعان كەزدەردە بالاسى اتاسىنا تاماق اپارىپ بەرەدى.


  باعيگۇل: وتباسىنداعىلاردىڭ تاباندىلىقپەن قولداۋى − مەنىڭ ەڭ مىقتى تىرەگىم، - دەيدى.


  10 نەشە جىلدان بەرى باعيگۇل ءار ايدا بىرنەشە ءجۇز يۋان، ءتىپتى ءبىر ايلىق ەڭبەكاقىسىن الىپ شىعىپ باسقالارعا كومەكتەسەدى، جۇبايى ءالي سىماعۇل ۇلى بۇعان اۋىز اشپايدى، قايتا ءوزىنىڭ ەڭبەكاقىسىن وعان قوسادى، دەمالىسقا شىققان قايىن اتاسى دا ىرىقتىلىقپەن بىرنەشە ون مىڭ يۋان اقشاسىن قارتتاردى ساقتاندىرۋعا جىلۋعا اتايدى.


  باعيگۇلدىڭ تاربيەلەپ ونەگە بولۋىندا ۇلى ەلشات ما كىمين قارياعا تاماق اپارىپ بەرۋ مىندەتىن ىرىقتىلىقپەن ءوز ۇستىنە الادى. قىزى ەليزا ۇنەمى شەشەسىنە ەرىپ قاريانىڭ ۇيىنە بارىپ ويىن كورسەتىپ تۇرادى. مەكتەپتە كومەككە ءزارۋ ساباقتاستارىنا جولىققاندا بالالارى تۇگەلدەي كومەك قولدارىن سوزادى. وسىلايشا، مەيىر - شاپاعات ءبىر وتباسىنداعى ءۇش ۇرپاق اراسىندا جالعاسۋدا.


  كوپتەگەن ەرىكتىلەردى يگىلىكتى ىستەر ىستەۋگە جەبەدى



  بيىل ساۋىردە جەمسارى اۋدانى باعيگۇل قىزمەت كەڭسەسىن قۇرىپ، قيىنشىلىعى بار توپتارعا، ەرىكتىلەرگە، مەيىر باعىشتاۋشىلارعا ءوزارا بايلانىس جاسايتىن، ءوزارا كومەكتەسەتىن، ورتاق يگىلىكتەنەتىن، ءوزارا ارالاساتىن تۇعىر ازىرلەپ، قيىنشىلىعى بار توپتاردىڭ كومەك سۇراۋىنا ءارى قۋاتى بار ادامداردىڭ قيىنشىلىعى بارلارعا كومەك كورسەتۋىنە مۇمكىندىك تۋدىردى. قازىرگە دەيىن، باعيگۇل قىزمەت كەڭسەسى قاراستىلىعىنداعى الەۋمەتتىك اۋماقتاعى 50دەن استام ءار ۇلت كەدەي وتباسىنا كومەك كورسەتىپ، 30 كەدەي شەشەيگە، مۇگەدەككە، مۇگەدەك بالاعا، وتباسىندا قيىنشىلىعى بار وقۋشىعا جالپى 100 مىڭ يۋاننان استام قارجىلاي كومەك اتادى.


  ما حۇيلين جۇڭگو جىلجىمالى حابارلاسۋ سەرىكتەستىگى جەمسارى اۋداندىق بولىمشەسى 2 - قىزمەت وتەۋ ورنىنىڭ جاۋاپتىسى ءارى باعيگۇل قىزمەت كەڭسەسىندەگى ەرىكتىلەردىڭ ءبىرى، ول: باعيگۇلدىڭ ىزگى ىستەرى بىزگە قالتقىسىز ۇلەس قوسۋ، باسقالارعا كومەكەسۋدى قۋانىش ساناۋداي وسكەلەڭ رۋحاني قاسيەتتىڭ قازىرگى كەزدە وتە قاجەت ەكەندىگىن ۇعىندىردى. مەن دە باعيگۇل سياقتى ۇلەس قوسۋدى ءبىر ءتۇرلى جاۋاپكەرشىلىك ساناپ، باسقالارعا كومەكتەسۋ ارقىلى ءوزىمنىڭ ومىرلىك قۇندىلىعىمدى ايگىلەيمىن! - دەدى.


  مانچىڭ جولى الەۋمەتتىك اۋماعىنىڭ مەڭگەرۋشىسى ۋ شياۋليننىڭ باعيگۇلمەن بىرگە ىستەگەنىنە 5 جىل بولدى. ول: باعيگۇل ءبىر وتباسىن عانا ەمەس، ءتىپتى ءبىر الەۋمەتتىك اۋماقتى جەتەكتەدى. قازىر مانچىڭ جولى الەۋمەتتىك اۋماعى جەلەكتىلەر قىزمەت وتەۋ اترەتى سياقتى 8 ەرىكتىلەر قوسىنى قالىپتاسىپ، ەرىكتىلەر 500دەن اسىپ، ەرىكتى قىزمەت وتەۋ بىرتىندەپ ۇدايىلانۋعا، قوعامدانۋعا قاراي ويىسىپ، قىزمەت وتەۋ كولەمى ەمدەۋ، وقۋ - اعارتۋ، دەنساۋلىق ساقتاۋ سياقتى كوپتەگەن سالالارعا كەڭەيدى، - دەيدى.


  بيىل شىلدە ايىندا جەمسارى اۋداندىق پارتكوم ۇگىت ءبولىمى تۇتاس اۋداننان ءبىر ءبولىم ۇزدىك ۇگىت لەكسيا جاساۋشىلاردى تاڭداپ، باعيگۇلدىڭ ىزگى ىستەرىنەن ۇگىت لەكسيا جاساۋ اترەتىن قۇرىپ، سانجى حۇيزۋ اۆتونوميالى وبلىسىنىڭ اۋدان، قالالارىندا ارالاپ ءجۇرىپ ۇگىت لەكسيا جاسادى. 24 - قىركۇيەك كۇنى باعيگۇل ليۋ گوچۇندى جۇبايىمەن بىرگە حىنان ولكەسىندەگى اۋىلىنا اپاردى، ۇگىت لەكسيا جاساۋ اترەتىنىڭ باستىعى زۋ بايدان دا ولارمەن بىرگە باردى ءارى باعيگۇلدىڭ اسەرلى ىزگى ىستەرىن حىنان ولكەسى شاڭچيۋ قالاسى مينچۋان اۋدانىنا جەتكىزىپ، سول جەردە كۇشتى اڭىس قوزعادى.


  جەمسارى اۋداندىق پارتكومنىڭ شۋجيى حى يۇڭجۇن: باعيگۇلدىڭ ءون بويىنا كوممۋنيستەردىڭ اسىل قاسيەتى دارىعان، ول تاياۋ جىلداردان بەرگى جەمسارى اۋدانىنداعى كوپتەگەن ۇلتتار ىنتىماعى ۇلگىلەرى ىشىندەگى ءبىر كورنەكتى تيپ. پارتيا 19 - قۇرىلتايىنىڭ بايانداماسىندا ءار ۇلتتىڭ ارالاسۋىن، ىشتەسۋىن، توعىسۋىن كۇشەيتىپ، ءار ۇلتتىڭ اناردىڭ دانىندەي تىعىز ۇيىسۋىن العا قويدى. ءبىز وسى تالاپ بويىنشا ۇلتتار ىنتىماعىنداعى تيپتەردى جەتىلدىرىپ، ۇلتتار ىنتىماعىنىڭ بايشەشەگىن قۇلپىرتامىز، جەتىلدىرەمىز، - دەيدى.


  كەلۋ قاينارى: «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

مادەنيەت