جاڭا داۋىرگە قادام تاستاپ، جاڭا يدەيانى يگەرىپ، جاڭا بورىشتى باتىل ارقالايىق
2017.11.13 14:13 كەلۋ قاينارى : شينجياڭ گازەتى
اۆتونوميالى رايوندىق قوعامدىق عىلىمدار بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ءتوراعا
شي جيان
بەتاشار
پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ − كەزەكتەگى جانە بۇدان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ ماڭداي الدى ساياسي مىندەتى. جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ بۇكىل پارتيانىڭ، بۇكىل ەلدىڭ ءبىر رەتكى زور ۇيرەنۋىن قاجەت ەتەدى. ۇيرەنۋ ارقىلى يدەيانى پارتيا 19 - قۇرىلتايىنىڭ رۋحىمەن بىرلىككە كەلتىرىپ، كۇش - قۋاتتى پارتيا 19 - قۇرىلتايىندا بەلگىلەنگەن ءتۇرلى مىندەتتەرگە شوعىرلاندىرىپ، 19 - قۇرىلتاي رۋحىن نازاريالىق جاقتان ويداعىداي ءتۇسىندىرىپ، 19 - قۇرىلتايدا تۇراقتاندىرىلعان جاڭا يدەيا، جاڭا ستراتەگيا، جاڭا نىسانالاردىڭ جۇرت جۇرەگىنە تەرەڭ ۇيالاۋىنا مۇمكىندىك جاساۋ − پارتيا گازەتىنىڭ بۇلتارماس جاۋاپكەرشىلىگى. وسىعان وراي، شينجياڭ گازەتى مەن اۆتونوميالى رايوندىق قوعامدىق عىلىمدار بىرلەستىگى سەلبەسىپ، بۇگىننەن باستاپ «پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى ۇلاسپالى سۇحبات» اتتى ايدار اشىپ، اۆتونوميالى رايوننىڭ قوعامدىق عىلىمدار نازاريا سالاسىنداعى مامانداردى پارتيا 19 - قۇرىلتايىنىڭ رۋحىن ءىس جۇزىندىك جاعدايمەن بايلانىستىرىپ، تەرەڭدەي تۇسىندىرۋگە ۇسىنىس ەتىپ، وسى ايداردى رايونىمىزداعى ءار ۇلت پارتيالى كادرلاردىڭ پارتيا 19 - قۇرىلتايىنىڭ رۋحىن ىشكەرىلەي ۇيرەنۋىنىڭ، تەرەڭ ءتۇسىنۋىنىڭ تۇعىرىنا اينالدىرىپ، پارتيا 19 - قۇرىلتايىنىڭ رۋحىنىڭ پارتيا مەن مەملەكەت ىستەرىنىڭ دامۋىن ىلگەرىلەتەتىن قۇدىرەتتى يدەيالىق قارۋعا اينالۋىنا مۇمكىندىك جاسايدى.
پارتيا 19 - قۇرىلتايىنىڭ بايانداماسى جان - جاقتى جازىلعان، وزەكتى ويى ايقىن، مازمۇنى مول، يدەياسى تەرەڭ، ايبىنى اسقاق، بولاشاققا جول باستايتىن، بويىنان ماركسيزم اقيقاتىنىڭ نۇر - شۇعىلاسى توگىلگەن، جاڭا باستامانى تياناق ەتىپ، جاڭا داۋىرگە جول اشاتىن ساياسي جارناما، تۋ ۇستاپ، باعدار كورسەتەتىن، جوبا - جوسپار دايىنداپ، ورنالاستىرۋ جاسايتىن كۇرەس باعدارناماسى، زەيىن - زەردە، كۇش - قۋاتتى شوعىرلاندىرۋدىڭ، پارتيانى گۇلدەندىرىپ، مەملەكەتتى قۇدىرەتتەندىرۋدىڭ ارەكەت قىبلاناماسى، باياندامادا جاڭالىق، پاراسات، كۇش - قۋات، جاۋاپكەرشىلىك بار، ول پارتيانىڭ وسى رەتكى مەملەكەتتىك قۇرىلتايىنا مىناداي 4 ايقىن ەرەكشەلىك بەرگەن.
ءبىرىنشى، باعىتتىق سيپاتى. قۇرىلتاي جۇڭگوشا سوتسياليزمنىڭ جاڭا داۋىرگە ءوتۋى سىندى ايقىن نەگىزگى تاقىرىپتى مىقتى يگەرىپ، جاڭا تاريحي باستامادا، جاڭا دامۋ ساتىسىندا ءبىزدىڭ جۇڭگوشا سوتسياليزم ۇلى تۋىن ۇزدىكسىز بيىك ۇستاپ، كونە سۇردەكتەن اۋلاق بولىپ، تەرىس جولعا تۇسپەي، جۇڭگوشا سوتسياليزم جولىمەن بۇلجىماي ءجۇرىپ، جۇڭحۋا ۇلتىنىڭ ۇلى گۇلدەنۋىنىڭ تاريحي بورىشىن ۇستىمىزگە الۋىمىزعا ايقىن باعدار نۇسقادى. بۇل پارتيامىزدىڭ وسكەلەڭ سەنىمىن تولىق ايگىلەپ، جۇڭگو كوممۋنيستەرىنىڭ تۋ، باعىت، جول ماسەلەسىندە وزىنە كامىل سەنەتىندىگىن، اناعۇرلىم كۇشتى ستراتەگيالىق تۇراقتىلىق پەن تاريحي جاۋاپكەرشىلىككە يە ەكەنىن كورسەتتى. جۇڭگوشا سوتسياليزم − قازىرگى تاڭداعى جۇڭگونىڭ دامۋىنىڭ، العا باسۋىنىڭ ءتۇبىرلى بەتالىسى، جۇڭگوشا سوتسياليزم عانا جۇڭگونى دامىتا الادى، پارتيانىڭ 19 - قۇرىلتايى جۇڭگوشا سوتسياليزمنىڭ جاڭا ساپارىن باستادى، جۇڭحۋا ۇلتىنىڭ ۇلى گۇلدەنۋىنىڭ جاڭا جوباسىن جاسادى، جۇڭگوشا سوتسياليزمگە تاباندى بولۋ مەن ونى دامىتۋدىڭ جاڭا مىندەتتەرىن ايقىندادى.
ەكىنشى، حالىقتىق سيپاتى. قۇرىلتاي حالىقتى نەگىز ەتۋ سىندى دامۋ يدەياسىن مىقتاپ يگەرىپ، ادىلدىكتى، ادىلەتتىلىكتى جۇزەگە اسىرۋدى، حالىقتىڭ باق - داۋلەتىن مولايتۋدى رەفورمانىڭ، دامۋدىڭ ءتۇبىرلى شىعار ءتۇيىنى مەن تياناعى ەتىپ، حالىقتىڭ سۋبيەكتتىك تانىمىنا شابىت بەرۋدى، حالىقتىڭ بەلسەندىلىگىن جۇمىلدىرۋدى رەفورمانىڭ، دامۋدىڭ ءتۇبىرلى سۇيەنىش كۇشى ەتىپ، حالىقتىڭ ءتۇبىرلى ۇقىق - مۇددەسىن قورعاۋدى، حالىقتىڭ تاماشا تۇرمىسقا دەگەن تالپىنىسىن رەفورمانىڭ، دامۋدىڭ ءتۇبىرلى نىساناسى ەتتى. پارتيامىز بۇكىل ەل حالقىن باستاپ ۇلى كۇرەس، ۇلى ينجەنەريا جۇرگىزىپ، ۇلى ءىستى ىلگەرىلەتىپ، ۇلى ارماندى ورىنداۋدا، ءسوز جوق، حالىقتىڭ سۋبيەكتتىك ورنىنا تاباندى بولىپ، جالپى ءۇشىن پارتيا قۇرۋ، حالىق ءۇشىن بيلىك جۇرگىزۋ سىندى بيلىك جۇرگىزۋ كوزقاراسىنا تاباندى بولىپ، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىن امالياتتا ايگىلەپ، پارتيانىڭ بۇقارالىق لۋشيانىن ەل باسقارۋدىڭ بارلىق قيمىلدارىنا ارقاۋ ەتىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، حالىققا سۇيەنىپ، تاريحي ۇلى ءىس جاراتۋى كەرەك.
ءۇشىنشى، نازاريالىق سيپاتى. قۇرىلتاي ماركستىك ساياسي پارتيانىڭ داۋىرمەن بىرگە ىلگەرىلەۋدەي نازاريالىق قاسيەتىن ساقتاۋ مەن ساۋلەلەندىرۋدى مىقتاپ يگەرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ايقىن العا قويىپ، ماركسيزمنىڭ جاڭا ءورىسىن، جۇڭگوشا سوتسياليزمنىڭ جاڭا ءورىسىن، پارتيانىڭ ەل باسقارۋىنىڭ جاڭا ءورىسىن، پارتيانى باسقارۋدىڭ، پارتيانى جونگە سالۋدىڭ جاڭا ءورىسىن اشتى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى جاڭا داۋىردە قانداي جۇڭگوشا سوتسياليزمگە تاباندى بولۋ جانە دامىتۋ، جۇڭگوشا سوتسياليزمگە قالاي تاباندى بولۋ جانە دامىتۋ سىندى داۋىرلىك تاقىرىپتى مىقتاپ ارقاۋ ەتىپ، جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋدىڭ باس نىساناسى، باس مىندەتى، جالپىلىق ورنالاستىرۋى، ستراتەگيالىق ورنالاستىرۋى جانە دامۋ بەتالىسى، دامۋ ءتاسىلى، دامۋ قوزعاۋشى كۇشى، ستراتەگيالىق قادامى، سىرتقى شارت - جاعداي، ساياسي كەپىلدىك سياقتى نەگىزگى ماسەلەلەرگە ايقىن جاۋاپ بەردى، ول − ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ، «ۇشكە ۋاكىلدىك ەتۋ» ماڭىزدى يدەياسىنىڭ، عىلمي دامۋ كوزقاراسىنىڭ جالعاستىرىلۋى جانە دامىتىلۋى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى، پارتيا مەن حالىقتىڭ امالياتتىق تاجىريبەلەرى مەن كوللەكيتۆ اقىل - پاراساتىنىڭ جاۋھارى، جۇڭگوشا سوتسياليزم نازاريا جۇيەسىنىڭ ماڭىزدى قۇرامداس بولىگى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىنداعى كۇرەسىنىڭ ارەكەت قىبلاناماسى، وعان، ءسوز جوق، ۇزاق ۋاقىت تاباندى بولۋ ءارى ۇزدىكسىز دامىتۋ كەرەك.
ءتورتىنشى، امالياتتىق سيپاتى. قۇرىلتاي جاڭا داۋىردەگى جۇڭگوشا سوتسياليزمنىڭ ۇلى امالياتىن مىقتاپ يگەرىپ، كەزەكتەگى حالىقارالىق، ەل ءىشى جاعدايىنا عىلمي تالداۋ جاساپ، جاڭا داۋىردەگى پارتيا مەن مەملەكەت ىستەرىن دامىتۋدىڭ ءىرى باعىت - ساياساتتارى مەن ارەكەت باعدارناماسىن، قول جەتكەن ءبىر قىدىرۋ ماڭىزدى جەتىستىكتەردى تەرەڭ بايىمداپ، ءبىزدىڭ جاڭا داۋىرگە قادام باسىپ، جاڭا امالياتتى باستاپ، جاڭا جەڭىسكە جەتۋىمىزگە بەرىك نازاريالىق جانە امالياتتىق نەگىز قالادى. مىسالى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى پارتيامىزدىڭ، ءسوز جوق، ۇزاق ۋاقىت تاباندى بولاتىن جەتەكشى يدەياسى بولىپ تۇراقتانۋى پارتيامىزدىڭ جەتەكشى يدەياسىنىڭ داۋىرمەن بىرگە العا ىلگەرىلەۋىن جۇزەگە اسىردى؛ پارتيا ۋستاۆىنا لايىقتى وزگەرىس ەنگىزۋ پارتيانىڭ نازاريادا جاڭالىق اشۋدىڭ، امالياتتا جاڭالىق اشۋدىڭ، تۇزىمدە جاڭالىق اشۋدىڭ ەڭ جاڭا جەتىستىكتەرىن تولىق ايگىلەدى؛ پارتيا مەن مەملەكەت ىستەرىنىڭ تاريحي وزگەرىسىنە تەرەڭدەي قورىتىندى جاسالۋى جۇڭگوشا سوتسياليزمنىڭ ۇلى ىستەرىن ۇزدىكسىز ىلگەرىلەتۋگە قۇدىرەتتى سەنىم جانە كۇش - قۋات توپتادى؛ جۇڭگوشا سوتسياليزمنىڭ جاڭا داۋىرگە وتكەندىگى تۋرالى كەلەلى ساياسي تۇجىرىمنىڭ شىعارىلۋى پارتيا مەن مەملەكەت ىستەرى دامۋىنىڭ تاريحي بەلەسىن تۇراقتاندىردى؛ ەلىمىز قوعامىنداعى باستى قايشىلىقتىڭ وزگەرگەندىگى تۋرالى كەلەلى ساياسي تۇجىرىمنىڭ شىعارىلۋى جاڭا داۋىردەگى پارتيا مەن مەملەكەت ىستەرىنىڭ دامۋىن جوبالاۋعا عىلمي نەگىز ازىرلەدى؛ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ تۋرالى نەگىزگى جالپى جوبانىڭ ورتاعا قويىلۋى پارتيا مەن مەملەكەتتىڭ قىزمەتتەرىنە نەگىزگى ولشەم ازىرلەدى؛ «قوس 100 جىلدى» بەتالىس ەتكەن جاڭا كۇرەس نىساناسىنىڭ ورتاعا قويىلۋى سوتسياليستىك وسىزاماندانعان قۇدىرەتتى ەلدى جاپپاي قۇرۋدىڭ اتتانىسقا كەلتىرۋ بۇيرىعىن شىعاردى؛ پارتيا مەن مەملەكەت قىزمەتتەرى جونىنەن ءبىر قىدىرۋ كەلەلى ستراتەگيالىق ورنالاستىرۋلار جاسالۋى ءبىر قىدىرۋ جاڭا يدەيالاردى، جاڭا شارالاردى، جاڭا تالاپتاردى ورتاعا قويدى؛ پارتيانى جاپپاي قاتاڭ جونگە سالۋ جونىنەن جاڭا تالاپتار قويىلۋى پارتيا مەن مەملەكەت ىستەرىنىڭ دامۋىنا پارمەندى ساياسي كەپىلدىك ازىرلەدى؛ ورتالىق كوميتەتتىڭ جاڭا كەزەكتى باسشىلىق قۇرىلىمىنىڭ سايلانۋى ماڭىزدى تاريحي مىندەت پەن ءداۋىر بورىشىن ارقالاي الاتىن پارمەندى باسشىلىق كوللەكتيۆىن قالىپتاستىردى.
فيلوسوفيا، قوعامدىق عىلىمدار قىزمەتكەرلەرى پارتيا 19 - قۇرىلتايىنىڭ رۋحىن مۇقيات ۇيرەنۋدى، ۇگىتتەۋدى، دايەكتىلەندىرۋدى بۇلتارماس ساياسي جاۋاپكەرشىلىگى ەتىپ، ەرەكشەلىكتەرىن ساۋلەلەندىرىپ، ىرىقتىلىقپەن ءىس تىندىرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن زەرتتەۋ، ۇگىتتەۋ، جالپىلاستىرۋ جاعىندا، وزىندىك رولىن ساۋلەلەندىرىپ، ماركسيزمنىڭ جۇڭگوشالانعان وسى ەڭ جاڭا جەتىستىگىنىڭ تياناقتانىپ، تەرەڭ تامىر تارتىپ، تۇتاس رايونىمىزداعى ءار ۇلت كادرلارى مەن بۇقاراسىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جاسايتىن قۇدىرەتتى يدەيالىق قارۋى جانە ارەكەت قىبلاناماسىنا اينالۋىن ىلگەرىلەتۋ كەرەك.
ءبىرىنشى، وي - سانانى پارتيا 19 - قۇرىلتايىنىڭ رۋحىمەن سانالى تۇردە قارۋلاندىرۋ كەرەك. پارتيا 19 - قۇرىلتايىنىڭ رۋحى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسى جانە شينجياڭ قىزمەتى باس نىساناسى سياقتى مازمۇنداردى تىعىز ارقاۋ ەتىپ، الدىمەن ۇيرەنىپ، جەتە ۇيرەنىپ، بورىشقا سايكەستىرە ۇيرەنىپ، ماسەلەگە سايكەستىرە ۇيرەنىپ، پارتيا 19 - قۇرىلتايىنىڭ رۋحىن تەرەڭ ءتۇسىنىپ جانە دالمە - ءدال يگەرىپ، «4 تانىمدى» كۇشەيتىپ، «4 سەنىمدى» بەكەمدەپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن فيلوسوفيا، قوعامدىق عىلىمدار قىزمەتىنە ساباقتاستىرۋ كەرەك.
ەكىنشى، ۇگىت قىزمەتىنە پارتيا 19 - قۇرىلتايى رۋحىمەن سانالى تۇردە جەتەكشىلىك ەتۋ كەرەك. پارتيا 19 - قۇرىلتايىنىڭ رۋحى جونىندە ۇلاسپالى بايىمداۋ جۇرگىزۋ، تۇسىنىك جاساۋ، ىشكەرىلەي ۇگىت جۇرگىزۋ كەرەك. سونىمەن بىرگە، ءتۇرلى فورمالارمەن، ورگان، مەكتەپ، كاسىپورىن، الەۋمەتتىك اۋماق، اۋىل - قىستاق، روتا - اترەت، ءدىني قيمىل ورىندارى سياقتىلاردى ارالاپ، نەگىزگى ساتى كادرلارى مەن بۇقاراسىنا بەتپە - بەت ۇگىت - لەكسيا جاساپ، پارتيا 19 - قۇرىلتايى رۋحىن بارلىق وتباسىلارعا جەتكىزۋ، بارشا جۇرتتىڭ جۇرەگىنە ۇيالاتۋ كەرەك.
ءۇشىنشى، عىلمي زەرتتەۋ قيمىلدارىن پارتيا 19 - قۇرىلتايدىڭ رۋحىمەن سانالى تۇردە ىلگەرىلەتۋ كەرەك. پارتيا 19 - قۇرىلتايىندا العا قويىلعان ماڭىزدى يدەيالاردى، ماڭىزدى كوزقاراستاردى، كەلەلى تۇجىرىمداردى، كەلەلى شارالاردى تىعىز ارقاۋ ەتىپ، نازاريالىق زەرتتەۋ - تالقىلاۋ جانە تاقىرىپتىق زەرتتەۋ جۇرگىزۋ كەرەك. ماسەلەنى نىشان ەتۋدەن جازباي، شينجياڭنىڭ ءىس جۇزىندىك جاعدايىن تياناق ەتىپ، زەرتتەۋ ءتۇيىنىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن شينجياڭ قىزمەتى باس نىساناسىنا شوعىرلاندىرىپ، ءبىرقىدىرۋ كەلەلى نازاريالىق جانە امالياتتىق ماسەلەلەردى زەرتتەپ، ويداعىداي ءتۇسىندىرىپ، شينجياڭنىڭ قوعام ورنىقتىلىعى مەن باياندى تىنىشتىعى جونىنەن ماڭىزدى پايدالانۋ قۇنى بار ءبىر توپ ءتول جاسامپازدىق زەرتتەۋ جەتىستىكتەرىن شىعارىپ، اۆتونوميالى رايوندىق پارتكومنىڭ، ۇكىمەتتىڭ عىلمي شەشىم جاساۋىنا نازاريالىق جانە اقىل - پاراساتتىق قولداۋ كورسەتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
