بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ ازيا - تىنىق مۇحيت ىنتىماقتاستىق ۇيىمى مۇشەلەرى باسشىلارىنىڭ 25 - رەتكى بەيرەسمي ماجىلىسىنە قاتىناستى ءارى ماڭىزدى ءسوز سويلەدى

جاعدايعا سايكەس پايدالى باعىت ۇستانىپ، ارەكەتتى تياناق ەتىپ، عالامدىق جاڭا كەزەكتى دامۋ، گۇلدەنۋگە جەتەكشىلىك ەتۋدى باسا دارىپتەدى

2017.11.13 14:13     كەلۋ قاينارى : شينجياڭ گازەتى

  شينحۋا اگەنتتىگىنىڭ 11 - قاراشادا ۆيەتنامنىڭ داناڭىنان بەرگەن حابارى (تىلشىلەر چىن جى، لي جيانمين، ۋاڭ فىڭفىڭ). ازيا - تىنىق مۇحيت ەكونوميكالىق ىنتىماقتاستىق ۇيىمى باسشىلارىنىڭ 25 - رەتكى بەيرەسمي ءماجىلىسى 11 - قاراشادا ۆيەتنامنىڭ داناڭ قالاسىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «قول ۇستاسىپ، ازيا - تىنىق مۇحيت ءوڭىرىنىڭ ءوزارا ءتيىمدى ىنتىماقتاستىعىنىڭ جاڭا داستانىن جازايىق» دەگەن تاقىرىپتا ماڭىزدى ءسوز سويلەپ، ازيا - تىنىق مۇحيت وڭىرىندەگى ءار جاقتىڭ جاڭالىق اشۋدى قاجىماي ىلگەرىلەتىپ، ەسىك اشۋدى تاباندىلىقپەن كەڭەيتىپ، قامتىمدى دامۋدى بەلسەنە ىسكە اسىرىپ، سەرىكتەستىك قاتىناستىڭ ىشكى ءمانىن ۇزدىكسىز بايىتىپ، عالامدىق جاڭا كەزەكتى دامۋ، گۇلدەنۋگە جەتەكشىلىك ەتۋى كەرەكتىگىن باسا دارىپتەدى.

  ءماجىلىس باستالاردان بۇرىن، شي جينپيڭ جانە باسقا دا باسشىلار ىلگەرىندى - كەيىندى جەتىپ، ۆيەتنامنىڭ مەملەكەت ءتوراعاسى چىن داگۋاڭنىڭ قىزۋ قارسى الۋىنا يە بولدى.

  جەرگىلىكتى ۋاقىت تۇستەن بۇرىن ساعات 9دان 45 مينۋت وتە بەرە ءماجىلىس باستالدى. ءماجىلىستى چىن داگۋاڭ باسقاردى. ازيا - تىنىق مۇحيت ەكونوميكالىق ىنتىماقتاستىق ۇيىمى مۇشەلەرى باسشىلارىنىڭ وسى رەتكى بەيرەسمي ءماجىلىسىنىڭ نەگىزگى تاقىرىبى «جاڭا قوزعاۋشى كۇش قالىپتاستىرىپ، بىرگە بولىسەتىن بولاشاق قۇرۋ». ماجىلىسكە قاتىناسقان ەكونوميكالىق تۇلعالاردىڭ باسشىلارى «سيفرلى داۋىردەگى جاسامپاز ارتۋ، قامتىمدى جانە باياندى جۇمىستاندىرۋ»، «بىرگە بولىسەتىن بولاشاق قۇرۋ» سياقتى كەڭەستىك تاقىرىپتار توڭىرەگىندە ىشكەرىلەي پىكىر اۋىستىردى.

  شي جينپيڭ سوزىندە بىلاي دەپ اتاپ كورسەتتى: 3 جىلدىڭ الدىنداعى وسى كۇنى، ءبىز بەيجيڭدە ازيا - تىنىق مۇحيت ءوڭىرىنىڭ ۇلى جوسپارىن اقىلداسقان ەدىك. 3 جىلدان بەرى الەم ەكونوميكاسى بىرتىندەپ جاقسارىپ، تاراپتاردىڭ سەنىمى نىعايىپ كەلەدى. ءبىز الەم ەكونوميكاسىندا ورىن الىپ وتىرعان تەرەڭ ساتىلى كەلەلى وزگەرىستەردى تاني بىلۋگە ءتيىسپىز. ازيا - تىنىق مۇحيت وڭىرىندەگى ءار جاق جاعدايعا سايكەس پايدالى باعىت ۇستانىپ، ارەكەتتى تياناق ەتىپ، عالامدىق جاڭا كەزەكتى دامۋ، گۇلدەنۋگە جەتەكشىلىك ەتۋى كەرەك.

  ءبىرىنشى، جاڭالىق اشۋدى قاجىماي ىلگەرىلەتىپ، دامۋدىڭ قۋاتتى قوزعاۋشى كۇشىن قالىپتاستىرۋ كەرەك. ءبىز عىلىم - تەحنيكادا جاڭالىق اشۋ مەن تۇزىمدە جاڭالىق اشۋ دەگەن ەكى دوڭعالاقتى بىردەي دوڭگەلەتىپ، بازار مەن تەحنيكانى جاراسىمدى جاڭعىرتىپ، جاڭا تەحنيكا، جاڭا فورماتسيا، جاڭا ۇلگىلەردىڭ ۇزدىكسىز شەشەك اتىپ، جەمىس بەرۋىنە مۇمكىندىك تۋدىرىپ، دامۋدىڭ كومەسكى مۇمكىندىكتەرىن مەيلىنشە اشىققا شىعارۋعا ءتيىسپىز. ءبىز ازيا - تىنىق مۇحيت ەكونوميكالىق ىنتىماقتاستىق ۇيىمىنىڭ تۇعىرىن ويداعىداي پايدالانىپ، بيىل جاسالعان ينتەرنەت جانە سيفرلىق ەكونوميكا جول كارتاسىن ىشكەرىلەي تياناقتاندىرۋىمىز كەرەك. وتكەن بىرنەشە جىلدا جۇڭگو ەكونوميكاسىنىڭ جاڭا قوزعاۋشى كۇشتەرى ۇزدىكسىز كوزگە ءتۇستى، بۇنىڭ تەتىگى − جاڭالىق اشا دامۋ جولىنا تابان تىرەپ تۇرعاندىعىمىزدا.

  ەكىنشى، ەسىك اشۋدى تاباندىلىقپەن كەڭەيتىپ، كەڭ دامۋ ءورىسىن دايىنداۋ كەرەك. ءبىز اۋەلگى ماقساتتى ۇمىتپاي، ساۋدا مەن قارجى سالىمىنىڭ ىرىقتاندىرىلۋى مەن وڭتايلانۋىن ىشكەرىلەي ىلگەرىلەتىپ، اشىق ەكونوميكا قۇرىلىمداپ، كوپ جاقتى ساۋدا ءتۇزىلىسىن قورعاپ جانە كۇشەيتىپ، ەكونوميكانىڭ جاھاندانۋىن قايتا تەڭگەرىلۋگە جەتەكتەۋىمىز كەرەك. ازيا - تىنىق مۇحيت ەركىن ساۋدا رايونىنىڭ قۇرىلىسىن بۇلجىماستان ىلگەرىلەتىپ، ەسىك اشۋ بارىسىندا ازيا - تىنىق مۇحيت ءوڭىرىنىڭ جاڭا كەزەكتى دامۋىن ىسكە اسىرۋىمىز كەرەك. كەلەر جىلى جۇڭگونىڭ رەفورما جاساپ، ەسىك اشقانىنا 40 جىل تولادى. 40 جىلعا تاياۋ ۋاقىتتان بەرى، جۇڭگو سىرتقا ەسىك اشۋعا تاباندى بولىپ، دۇنيە جۇزىنە بەت الۋ ۇردىسىندە وزىندىك سەكىرمەلى دامۋدى ىسكە اسىردى. بولاشاققا كوز جىبەرسەك، جۇڭگونىڭ ەسىك اشۋ تەبىنى ارتىپ، الەمدى يگىلىكتەندىرۋ دەڭگەيى تەرەڭدەي تۇسپەك.

  ءۇشىنشى، قامتىمدى دامۋدى بەلسەنە ىسكە اسىرىپ، جۇرتشىلىقتىڭ تابىس سەزىمىن ۇلعايتا ءتۇسۋ كەرەك. ءبىز قامتىمدىلىقتى كوتەرۋدى ءتىپتى كورنەكتى ورىنعا قويىپ، تەڭدىك پەن تيىمدىلىكتىڭ، كاپيتال مەن ەڭبەكتىڭ، تەحنيكا مەن جۇمىسقا ورنالاستىرۋدىڭ قاتىناسىن ويداعىداي شەشىپ، ءتىپتى، كوپ ادامدى دامۋدىڭ جەتىستىكتەرىنەن يگىلىكتەندىرۋىمىز كەرەك. كەدەيلىكتى ازايتۋ، ورتا، شاعىن، ۇساق كاسىپورىندار، وقۋ - اعارتۋ، جەمقورلىقپەن كۇرەس، قالا - قالاشىقتانۋ، ايەلدەر سياقتى سالالارداعى ىنتىماقتاستىقتى تەرەڭدەتىپ، ازيا - تىنىق مۇحيت وڭىرىندەگى 2 ميلليارد 800 ميلليون حالىقتىڭ ىرىسىن ارتتىرۋىمىز قاجەت. جۇڭگو قاشاندا جۇمىسقا ورنالاستىرۋدى الدىمەن ەسكەرۋگە تاباندى بولادى. وتكەن بىرنەشە جىلدا، جۇڭگو قالا - قالاشىقتاردا جىلىنا 13 ميلليوننان اسا ادامدى جاڭادان جۇمىسقا ورنالاستىردى.

  ءتورتىنشى، سەرىكتەستىك قاتىناستىڭ ىشكى ءمانىن ۇزدىكسىز بايىتىپ، ءوزارا تيىمدىلىكتى ىسكە اسىرۋ كەرەك. ءبىز تاعدىرلاس ورتاق تۇلعا تانىمىن كۇشەيتىپ، ساياساتتاردى سايكەستىرۋ، ءتۇيىلىستىرۋدى كۇشەيتۋىمىز كەرەك. ءار تۇرلىلىكتەن جاراستىق تابۋدى بەرىك ۇستانىپ، ارتىقشىلىقتارىمەن ءوزارا تولىقتىرۋ، ىنتىماقتاستىق ارقىلى ءوزارا پايدا جەتكىزۋ، دامۋدا ءوزارا ۇلگى الۋدى ىلگەرىلەتۋ كەرەك. ءوز مۇددەسى مەن باسقالاردىڭ مۇددەسىن بىردەي ەسكەرىپ، ساياساتتىق ۇنامسىز ارنادان اسۋ اسەرىن ازايتىپ، ازيا - تىنىق مۇحيت ءوڭىرىنىڭ سەرىكتەستىك قاتىناسىن تىڭعىلىقتى ىلگەرىلەتۋ كەرەك. بىرگە اقىلداسۋ، بىرگە قۇرۋ، بىرگە يگىلىكتەنۋ ۇستانىمى نەگىزىندە، جۇڭگو جاق «ءبىر بەلدەۋ، ءبىر جول» قۋاتتاماسىن ورتاعا قويدى ءارى بەلسەندىلىكپەن ىلگەرىلەتتى. جۇڭگو جاق ازيا - تىنىق مۇحيت سەرىكتەرىمەن ساياساتتاردى بايلانىستىرىپ، قۇرىلعىلاردى تۇتاستىرىپ، ساۋدانى ىركىلىسسىزدەندىرىپ، قارجىنى اينالىمعا سالىپ، جۇرت جۇرەگىن توعىستىرىپ، سايكەسە ىقپالداسىپ دامۋدى ىسكە اسىرىپ، تاعدىرلاس ورتاق تۇلعا باعىتىمەن ارشىنداي العا باسۋدى قالايدى.

  شي جينپيڭ بىلاي دەپ اتاپ كورسەتتى: وتكەن ايدا، جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى تابىسپەن وتكىزىلدى. الداعى ءبىر مەزگىلدەگى نەگىزگى جالپى جوبا مەن دامۋ جوباسىن جاسادىق. ءبىز حالىقتى وزەك ەتكەن دامۋ يدەياسىنا تاباندى بولىپ، ادامنىڭ جان - جاقتى دامۋىن، قوعامنىڭ جاپپاي العا باسۋىن ءتىپتى ويداعىداي ىلگەرىلەتەمىز. ءبىز جاڭا دامۋ ۇستانىمىن ىشكەرىلەي دايەكتىلەندىرىپ، رەفورمانى جاپپاي تەرەڭدەتىپ، جاڭاشىل مەملەكەت قۇرۋدى جەدەلدەتىپ، جاپپاي ەسىك اشۋدىڭ جاڭا جاعدايىنىڭ قالىپتاسۋىن ىلگەرىلەتىپ، وسىزاماندانعان ەكونوميكالىق جۇيە قۇرامىز.

  دامۋ قوزعاۋشى كۇشى اناعۇرلىم جەتكىلىكتى، حالىقتىڭ تابىس سەزىمى اناعۇرلىم كۇشەيگەن، الەممەن ىقپالداستىعى اناعۇرلىم تەرەڭدەگەن جۇڭگونىڭ، ءسوز جوق، ازيا - تىنىق مۇحيت ءوڭىرى مەن الەمگە ءتىپتى كوپ وراي تۋدىرىپ، ءتىپتى زور ۇلەس قوساتىنىنا سەنەمىن.

  سول كۇنى تۇستەن كەيىن ءماجىلىس ارى قاراي وتكىزىلدى. ماجىلىسكە قاتىناسقان ەكونوميكالىق تۇلعالاردىڭ باسشىلارى «وڭىرلىك ساۋدا، قارجى قوسۋ جانە ءوزارا بايلانىستىڭ جاڭا قوزعاۋشى كۇشى» اتتى كەڭەستىك تاقىرىپ اياسىندا تالقى جۇرگىزدى. شي جينپيڭ بىلاي دەپ اتاپ كورسەتتى: وتكەن ءبىر مەزگىلدە، ازيا - تىنىق مۇحيت ەكونوميكالىق تۇلعاسى ورنىقتى، ءبىرشاما تەز ارتۋدى ساقتاپ، دۇنيە ەكونوميكاسىنىڭ قايتا كوتەرىلۋىنە تۇراقتى قوزعاۋشى كۇش ازىرلەدى. مۇندا ەكى ءتۇيىن توتەنشە ماڭىزدى. ءبىرىنشى، ازيا - تىنىق مۇحيت ەكونوميكالىق تۇلعاسى اشىق دامۋ ۇلكەن ورتاسىن قاشاندا زەر سالا قورعاپ، ساۋدا مەن قارجى قوسۋ قيمىلدارىنا ءتيىمدى شارت - جاعداي ازىرلەدى. ەكىنشى، ازيا - تىنىق مۇحيت ەكونوميكالىق تۇلعاسى ءوزارا بايلانىس، ىنتىماقتاستىقتىڭ جاڭا سالاسىن باتىل تۇردە اشىپ، ارتۋدىڭ وراسان زور كومەسكى كۇشىن تۋىنداتتى. ءبىز ىنتىماقتاستىق سەنىمىن نىعايتىپ، ەركىن، اشىق ساۋدا جانە قارجى قوسۋدى قورعاپ، ازيا - تىنىق مۇحيت ەركىن ساۋدا رايونى قۇرىلىسىن بىرگە ىلگەرىلەتىپ، ءوزارا بايلانىس جوباسىن تياناقتاندىرىپ، دۇنيە ەكونوميكاسىنا ۇزدىكسىز وڭ ەنەرگيا ۇستەۋىمىز كەرەك.

  ەكونوميكالىق تۇلعالاردىڭ باسشىلارى مىنالاردى ءبىلدىردى: قازىر دۇنيە ەكونوميكاسىندا قايتا جاندانۋ جاعدايى جارىققا شىقتى، ءبىراق حاۋىپ - قاتەر، سىن - سايىستار ءالى بار. ازيا - تىنىق مۇحيت ەكونوميكالىق تۇلعاسى قۇرىلىمدىق رەفورمانى ىلگەرىلەتىپ، جاڭالىق اشا ارتۋدى جۇزەگە اسىرىپ، ينتەرنەت پەن سيفرلىق ەكونوميكا ورايىن مىقتى ۇستاپ، عىلىم - تەحنيكا مەن جۇمىسقا ورنالاستىرۋدىڭ قاتىناسىن ويداعىداي ءبىر جاقتى ەتىپ، ازيا - تىنىق مۇحيت ءوڭىرى ىنتىماقتاستىعىنىڭ قوزعالتقىشتىق رولىن ۇزدىكسىز ساۋلەلەندىرىپ، دۇنيە ەكونوميكاسىنىڭ باياندى ارتۋىنا جەتەكشىلىك ەتۋى كەرەك. ءوزارا بايلانىس قۇرىلىسىن، ازيا - تىنىق مۇحيت ەركىن ساۋدا رايونىنىڭ اياق الىسىن، وڭىرلىك ەكونوميكانىڭ ءبىر تۇلعالانۋىن ىلگەرىلەتۋ كەرەك. تاراپتار ساۋدا جانە قارجى قوسۋعا ەركىندىك بەرۋ مەن قولايلىلاستىرۋدى قولداپ، كوپ جاقتى ساۋدا ءتۇزىلىسىن قولداپ، قامتىمدى دامۋدى جەبەپ، تاراپتاردىڭ ەكونوميكانىڭ عالامدانۋ بارىسىنان يگىلىككە كەنەلۋىنە مۇمكىندىك جاساۋدى قايتالاي دارىپتەدى.

  ماجىلىستە «ازيا - تىنىق مۇحيت ەكونوميكالىق ىنتىماقتاستىق ۇيىمى باسشىلارىنىڭ 25 - رەتكى بەيرەسمي ءماجىلىسىنىڭ جارناماسى» جاريالاندى.

  سول كۇنى تۇستەن بۇرىن، شي جينپيڭ ازيا - تىنىق مۇحيت ەكونوميكالىق ىنتىماقتاستىق ۇيىمى ەكونوميكالىق تۇلعاسىنىڭ باسشىلارىمەن بىرگە عالامدىق ەكونوميكا جاعدايى جونىندەگى بەيرەسمي كەڭەسكە قاتىناسىپ، حالىقارالىق اقشا قورى ۇيىمىنىڭ ءتوراعاسى لاگەردەنىڭ دۇنيە ەكونوميكاسىنىڭ جاعدايى، بولاشاعى، سونداي - اق ازيا - تىنىق مۇحيت وڭىرىنە ىقپالى جونىندەگى حابارلاندىرۋىن تىڭدادى. شي جينپيڭ جۇڭگونىڭ ەكونوميكالىق جاعدايىن تانىستىرىپ، جۇڭگونىڭ دۇنيە ەكونوميكاسى جانە ازيا - تىنىق مۇحيت ءوڭىرىنىڭ دامۋى جونىندەگى كوزقاراسىن بايىمداي كەلىپ: ءبىز دۇنيە ەكونوميكاسىنىڭ جوعارى كوتەرىلۋ پەريودىنا ءوتۋ ورايىن تولىق يگەرىپ، دامۋدا ورىن تەۋىپ وتىرعان تەرەڭ قاتپارلى قايشىلىقتار مەن ماسەلەلەردى كۇش سالا شەشىپ، ماكرولىق شارۋاشىلىق ساياساتىن سايكەستىرۋدى كۇشەيتىپ، قۇرىلىمدىق رەفورمانى تەرەڭدەتىپ، ناقتى ەكونوميكانى كۇش سالا گۇلدەندىرىپ، ىشكى قوزعاۋشى كۇشتى ىسكە قوسىپ، حاۋىپ - قاتەردەن ساقتانۋ مەن تىزگىندەۋدى كۇشەيتىپ، ازيا - تىنىق مۇحيتتىڭ دۇنيە ەكونوميكاسىنىڭ ارتۋىنا ۇزدىكسىز جەتەكشىلىك ەتۋىنە مۇمكىندىك جاساۋىمىز كەرەك، - دەپ باسا دارىپتەدى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

مادەنيەت