بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

حالىق رەسپۋبليكاسىن اناعۇرلىم گۇلدەندىرەيىك، قۇدىرەتتەندىرەيىك

− باس شۋجي شي جينپيڭنىڭ جۇڭگولىق، شەتەلدىك تىلشىلەرمەن  كەزدەسكەندەگى ءسوزى جونىندە تولعانىس (3)

□حالىق گازەتىنىڭ شولۋشىسى

2017.11.13 14:44     كەلۋ قاينارى : شينجياڭ گازەتى

  «ءبىزدىڭ قىزمەتتەرىمىز ادامزاتتىڭ تاريحىنا جازىلادى». ماۋ زىدۇڭنىڭ 1949 - جىلى كۇزدەگى باتىل بولجامى نەشە بۋىننىڭ ۇزدىكسىز كۇرەس جۇرگىزۋى ارقىلى بۇگىنگى جۇڭگودا شىندىققا اينالدى. 2017 - جىلى كۇزدە جاڭا ءداۋىردىڭ كوممۋنيستەرى جاڭا ساپارعا قادام تاستاپ، تاريحتىڭ جاڭا پاراعىن اشتى.

  «2019 - جىلى ءبىز جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الامىز»، وسى ارقىلى بۇرىنعىعا مۇراگەر، كەيىنگىگە بۇيداگەر بولاتىن تاريحي ورىن بەلگىلەندى؛ «حالىق رەسپۋبليكامىزدى بارىنشا گۇلدەندىرەمىز، قۇدىرەتتەندىرەمىز»، وسى ارقىلى ۇزدىكسىز كۇرەستىڭ داۋىرلىك مىندەتى ايقىندالدى. 25 - قازاندا جۇڭگولىق، شەتەلدىك تىلشىلەرمەن كەزدەسكەندە، باس شۋجي شي جينپيڭنىڭ سويلەگەن ءسوزى مەملەكەتتىڭ اسقاق جىگەرىنە ارىن بەردى. حالىق رەسپۋبليكاسىنىڭ داڭقى تاريحقا ەنۋمەن قاتار، بولاشاققا دا جازىلۋعا ءتيىس، بۇل داڭق ميلليارد جۇڭحۋا ۇلانىنا ءتان، بۇل جاۋاپكەرشىلىك ءبىزدىڭ بۋىنعا جۇكتەلدى.

  1949 - جىلى رەسپۋبليكانىڭ قۇرىلۋى بايلانىسىمەن وتكىزىلگەن اسكەري پاراتتا ۇشاقتىڭ سانى ماردىمسىز بولعاندىقتان، ەكى مارتە ۇشۋعا ءماجبۇر بولعانى ءالى ەسىمىزدە؛ 1984 - جىلى رەسپۋبليكا قۇرىلعاندىعىنىڭ 35 جىلدىعىنا وراي وتكىزىلگەن اسكەري پاراتقا باتىستاعى اقپارات قۇرالدارىنىڭ «شىعىستىڭ ۇيقىداعى الىبى وياندى» دەپ تاڭ قالعانى ءالى ەسىمىزدە. ال بۇگىنگى زۇركىدەگى سالتاناتتى پارات الەمگە «جۇڭگونىڭ قۇدىرەتتەنگەنىن وسىدان - اق بىلۋگە بولادى» دەپ تاڭداي قاقتىردى. كۇيرەۋدەن كوركەيۋگە، كۇركەشەدەن جاپپاي گۇلدەنۋگە جول الىپ، ەكونوميكانىڭ جالپى مولشەرى الەم بويىنشا 2 - ورىنعا كوتەرىلىپ، الەم ەكونوميكاسىنىڭ وسۋىنە قوسقان ۇلەسى %30تەن استى... جاڭا داۋىرگە قادام باسقان جۇڭگو «جۇڭگونىڭ جۇڭگوسى»، «ازيانىڭ جۇڭگوسى» عانا ەمەس، «الەمنىڭ جۇڭگوسىنا» اينالىپ، ادامزات تاپ بولعان ماسەلەنى شەشۋگە جاسامپاز ويلارعا باي «جۇڭگو جوباسىن» ۇسىنىپ وتىر. الدىڭعى بۋىنداردىڭ ءىزىن باسىپ، ۇلت ارمانىن بولاشاققا جالعادىق، حالىق رەسپۋبليكاسىنىڭ قۇرىلعانىنا 70 جىل تولعان مەرەيلى ءسات كەلىپ جەتكەندە، ءبىز قالايدا «مىناۋ وركەندەگەن ءداۋىر سىزدەردىڭ ارمانداعاندارىڭىزداي بولدى» دەپ اعا بۋىنداردىڭ الدىندا ماقتانىشپەن ايتا الامىز.

  تاريحتىڭ كەلبەتىنە جىلداردىڭ بوران - شاشىنىن باستان كەشكەننەن كەيىن عانا كوز جەتكىزۋگە بولادى. توڭكەرىستىڭ، قۇرىلىستىڭ، رەفورمانىڭ وسىناۋ داڭقتى ساپارىنىڭ مىڭ ءبىر جاپانى باستان وتكەرگەن جۇڭحۋا ۇلتىنىڭ ەڭسە كوتەرۋدەن اۋقاتتانۋعا، ونان قۇدىرەتتەنۋگە دەيىنگى تاريحي سەكىرىستى ىسكە اسىرۋىن ىلگەرىلەتە الۋىنىڭ سەبەبى، جۇڭگو كوممۋنيستەرىنىڭ تالىقپاي كۇرەس جۇرگىزۋىنەن، حالىق رەسپۋبليكاسىنىڭ جۇدىرىقتاي جۇمىلۋىنان ەدى. وسىناۋ ۇزدىكسىز جالعاسقان ساپاردا، پارتيانىڭ 19 - قۇرىلتايى ەلەۋلى كەزەڭگە جول اشتى. ءبىز الداعى كەزەڭدە جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، سوتسياليستىك وسىزامانداندىرۋدى نەگىزىنەن ىسكە اسىرىپ، سوتسياليستىك وسىزاماندانعان قۇدىرەتتى ەل قۇرامىز. جاڭا تاريحي بەلەستە تۇرعاندا، ازاپ - تاۋقىمەتتەن داڭققا قول سوزىپ، توقىراۋدان ەرلىك كۇرەسكە قادام تاستاعان جۇڭگونىڭ، سوتسياليزمدى شىت جاڭا تىرشىلىك تىنىسىنا يە ەتكەن جۇڭگونىڭ، ادامزات وركەنيەتىنىڭ ءار ءتۇرلى باعىتپەن دامۋىن ىلگەرىلەتكەن جۇڭگونىڭ تاريحتى جاساۋعا ىنتاسى، ارماندى ورىنداۋعا شاماسى، مۇعجيزانى جالعاستىرۋعا سەنىمى بار ەكەنىن ءتىپتى انىق سەزىنە الامىز.

  «الەمدەگى باسقا ءىرى ەلدەردە ءدال وسىنداي ۇزاق مەرزىمدى ايقىن جوبا جوق، بۇل كوپ ادامدى تاڭ قالدىردى»، پارتيا 19 - قۇرىلتايىندا جاسالعان ايبىندى جوبا كۇللى دۇنيەنىڭ نازارىن اۋداردى جانە حالىق رەسپۋبليكاسىنىڭ جاڭا ساپارىنا جول اشتى. وسىزامانداندىرۋدى ءبىر ميلليارد 300 ميلليون حالىقپەن جان - جاقتى ۇشتاستىرىپ، 100 تريلليون دوللاردان اسقان ەكونوميكالىق كولەمنىڭ ساپالى ارتۋىن ساقتاپ، ەكولوگيا مەن دامۋدى ءوزارا سايكەستىرىپ، الدىمەن بايۋ مەن بىرگە بايۋدى ءبىر تۇتاس جوسپارلاپ، ارتۋ مەن بۇرىلىس جاساۋعا قاتار ءمان بەرگەن «جۇڭگو» اتتى الىپ كەمەنىڭ ساپار ۇستىندە ءار كەزەڭنىڭ داۋىلدى سىناعىنا تاپ بولۋى ابدەن مۇمكىن، دەگەنمەن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، ميلليارد حالىق بىلەك ءتۇرىپ، جۇمىلا ەڭبەك ەتە بىلسە، ءسوز جوق، حالىق رەسپۋبليكامىزدى اناعۇرلىم گۇلدەندىرىپ - كوركەيتىپ، قۇدىرەتتەندىرە تۇسەتىنىمىز داۋسىز.

  «جۇڭگونىڭ تاعدىرى جۇڭگو حالقىنىڭ ءوز قولىنا وتىسىمەن، جۇڭگو بەينە شىعىستان كوتەرىلگەن كۇن سياقتى، بايتاق دالانى ءوزىنىڭ ساۋلەسىنە مالىندىرادى». كۇن وتكەن سايىن مىڭ تۇرلەنگەن جۇڭگو رەسپۋبليكانىڭ ىرگەسىن قالاۋشىلاردىڭ كۇتكەن جەرىنەن كورىنىپ، ۇلى ۇلتتىڭ جارقىن بولاشاعىن ايگىلەي تۇسۋدە. جۇڭحۋا ۇلتىنىڭ ۇلى گۇلدەنۋ قادامى بارعان سايىن جىتىلەي تۇسەدى، باي، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت الەمنىڭ شىعىسىنان ەڭسەسىن بيىك ۇستاپ تۇراتىن بولادى.

  (شينحۋا اگەنتتىگىنىڭ 9 - قاراشادا بەيجيڭنەن بەرگەن حابارى)

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

مادەنيەت