سۇن جينلۇڭ بيڭتۋان 6 - ديۆيزياسىنىڭ ۋجياچۇي قالاسىندا پارتيا 19 - قۇرىلتايىنىڭ رۋحى جونىندە ۇگىت - لەكسيا جاساعاندا
جەتە ۇيرەنۋگە، جەتە يگەرۋگە، شىنايى تياناقتاندىرۋعا كۇش سالىپ، پارتيا 19 - قۇرىلتايىنىڭ رۋحىن بيڭتۋانداعى بارشا جۇرتتىڭ بىلۋىنە، وي - ساناعا ۇيالاتۋىنا كەپىلدىك ەتۋدى باسا دارىپتەدى
2017.11.13 14:45 كەلۋ قاينارى : شينجياڭ گازەتى
ەرىكتى ءتىلشى بي يۇيجۇڭ 9 - قاراشادا ۋجياچۇيدەن حابارلايدى. 9 - قاراشادا اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، بيڭتۋاننىڭ ساياسي كوميسسارى سۇن جينلۇڭ بيڭتۋان 6 - ديۆيزياسىنىڭ ۋجياچۇي قالاسىنا كەلىپ، كاسىپورىنداردى، الەۋمەتتىك اۋماقتاردى، روتا - اترەتتەردى ارالاپ، پارتيا 19 - قۇرىلتايىنىڭ رۋحى جونىندە ۇگىت - لەكسيا جاسادى. ول پارتيا 19 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن ونان ارى كوتەرىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا كۇش سالىپ، پارتيا 19 - قۇرىلتايىنىڭ رۋحىن بيڭتۋانداعى بارشا جۇرتتىڭ بىلۋىنە، وي - ساناعا ۇيالاتۋعا كەپىلدىك ەتۋدى باسا دارىپتەدى.
سۇن جينلۇڭ الدىمەن ۋجياچۇي ەكونوميكالىق - تەحنيكالىق اشۋ رايونىنداعى سولتۇستىك ونەركاسىپ باقشاسىنا ورنالاسقان شينجياڭ فىڭحوگۋاڭ حابارلاسۋ شەكتى سەرىكتەستىگىنە كەلىپ، كاسىپورىننىڭ دامۋ بارىسىن جانە ءوندىرىس، تيجارات احۋالىن تاپتەشتەي ۇعىستى. سۇن جينلۇڭ بىلاي دەدى: پارتيانىڭ 19 - قۇرىلتايى جاڭالىق اشۋ − دامۋدى جەتەكتەيتىن ءبىرىنشى قوزعاۋشى كۇش، وسىزاماندانعان ەكونوميكالىق جۇيە قۇرۋدىڭ ستراتەگيالىق تىرەگى ەكەندىگىن ايقىن ورتاعا قويدى، سەرىكتەستىكتىڭ جاڭالىق اشۋدى قوزعاۋشى كۇش ەتۋ ستراتەگياسىن باتىل اتقارىپ، بيڭتۋانمەن ىنتىماقتاستىق ورناتۋ ءورىسىن ونان ارى كەڭەيتىپ، بيڭتۋاننىڭ ينفورماتسيالانۋ الاۋىن تۇتاندىرۋىنا دەم بەرۋىن ءۇمىت ەتەمىن.
102 - پولكتىڭ ۋتۇڭ قالاشىعى جينيۋان كوشەسى الەۋمەتتىك اۋماعىنىڭ «ءبىر بەكەتتىك» قىزمەت كورسەتۋ زالىنا بارىپ، الەۋمەتتىك اۋماقتىڭ جاۋاپتىسىمەن جانە قىزمەتكەرلەرمەن شىن ىقىلاستى اڭگىمەلەسىپ، الەۋمەتتىك اۋماقتىڭ نەگىزگى جاعدايى مەن پارتيا ياچەيكاسى قۇرىلىسىنىڭ جاعدايىن ەگجەي - تەگجەيلى ۇعىستى. سۇن جينلۇڭ بىلاي دەدى: پارتيا 19 - قۇرىلتايىنىڭ بايانداماسىندا پارتيانىڭ نەگىزگى ساتى ۇيىمدارى − پارتيانىڭ لۋشيانىن، باعىت - ساياساتتارىن، شەشىمدەرى مەن ورنالاستىرۋلارىنىڭ دايەكتى تياناقتاندىرۋعا كەپىلدىك ەتەتىن نەگىز دەلىندى. سوندىقتان ۇيىمداستىرۋ قابىلەتىن جوعارىلاتۋدى ءتۇيىن ەتىپ، ساياسي فۋنكتسيانى كورنەكتىلەندىرىپ، روتا - اترەت، الەۋمەتتىك اۋماق سياقتىلاردىڭ نەگىزگى ساتى پارتيا ۇيىمدارىن پارتيانىڭ قۋاتتاماسىن ۇگىتتەيتىن، شەشىمىن دايەكتىلەندىرەتىن، نەگىزگى ساتىلاردى باسقارۋعا باسشىلىق ەتەتىن، بۇقارانى ىنتىماقتاستىراتىن، جۇمىلدىراتىن، رەفورما مەن دامۋدى ىلگەرىلەتەتىن بەرىك جاۋىنگەرلىك قورعان ەتىپ قۇرىپ شىعۋ كەرەك.
102 - پولكتىڭ 4 - روتاسىندا سۇن جينلۇڭ پارتيالى كادرلارمەن، جۇمىسشى - قىزمەتكەرلەرمەن اڭگىمەلەسىپ، كوپشىلىكتىڭ پارتيا 19 - قۇرىلتايىنىڭ رۋحىن ۇيرەنۋدەن العان اسەرلەرى مەن سەزىمدەرىن مۇقيات تىڭداپ، نەگىزگى ساتىداعى پارتيالى كادرلارعا پارتيا 19 - قۇرىلتايىنىڭ رۋحى جونىندە ۇگىت - لەكسيا جاسادى. سۇن جينلۇڭ بىلاي دەدى: روتانىڭ پارتيا ياچەيكاسى پارتيا 19 - قۇرىلتايىنىڭ رۋحىن باستاماشىلدىقپەن ۇيرەنىپ، قالىڭ پارتيا مۇشەلەرىن ۇزدىك ونەگەلىك رولدارىن ساۋلەلەندىرۋگە باستاپ، بۇكىل ىنتا - پەيىلمەن حالىق ءۇشىن قىزمەت ىستەۋ سىندى باستى ماقساتتى امالياتتا ايگىلەپ، حالىقتى يگىلىككە كەنەلدىرۋ جونىندە كوبىرەك ىزدەنىپ، حالىقتىڭ مۇڭ - مۇقتاجىن كوبىرەك ويلاپ، جۇمىسشى - قىزمەتكەرلەر مەن حالىق بۇقاراسىنىڭ حاۋىپسىزدىك سەزىمىن، يگىلىككە كەنەلۋ سەزىمىن، باقىت سەزىمىن تىنباي كۇشەيتۋى كەرەك.
سۇن جينلۇڭ بارعان جەرىنىڭ بارىندە نەگىزگى ساتىنىڭ پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ احۋالىن ەگجەي - تەگجەيلى ۇعىسىپ، پارتيا 19 - قۇرىلتايىنىڭ رۋحىن، وتە - موتە، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ۇعىنىقتى سوزبەن تۇسىندىرە وتىرىپ ۇگىت - لەكسيا جاسادى. سۇن جينلۇڭ مىنالاردى اتاپ كورسەتتى: پارتيا 19 - قۇرىلتايىنىڭ بايانداماسى مەن پارتيا ۋستاۆىنىڭ ءتۇپ نۇسقاسىن جاپپاي تولىق وقۋ، ۇيرەنۋ، مۇقيات زەرتتەپ وقۋ، ءمان - ماعىناسىن ءتۇسىنۋ، باس شۋجي شي جينپيڭنىڭ ج ك پ 19 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، ىشكەرىلەي ۇيرەنىپ، جەتە يگەرۋ كەرەك. ۇگىتتەۋ، ۇگىت - لەكسيا جاساۋ قىزمەتىن ويداعىداي ورىستەتىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى سىندى وسى نەگىزگى ارقاۋدى مىقتى ۇستاپ، پارتيا 19 - قۇرىلتايىنىڭ باستى تاقىرىبىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ باي مازمۇنىن انىق ءتۇسىندىرىپ، قالىڭ كادرلاردىڭ، جۇمىسشى - قىزمەتكەرلەردىڭ، حالىق بۇقاراسىنىڭ يدەياسىن پارتيا 19 - قۇرىلتايىنىڭ رۋحىمەن بىرلىككە كەلتىرىپ، كۇش - قۋاتتى پارتيا 19 - قۇرىلتايى تۇراقتاندىرعان ءتۇرلى مىندەتتەرگە شوعىرلاندىرۋ كەرەك. پارتيا 19 - قۇرىلتايىنىڭ رۋحىن، وتە - موتە، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن جانە بيڭتۋاننىڭ ورنى جونىندەگى تالاپتارىمەن ۇشتاستىرىپ، «قىزىل كەمە رۋحى» مەن بيڭتۋان رۋحىن، ساقا جاۋىنگەرلەر رۋحىن بارىنشا ساۋلەلەندىرىپ، ماڭگى بويكۇيەزدىككە سالىنبايتىن جانە العان بەتىنەن قايتپايتىن كۇرەسكەرلىك ارىنمەن بيڭتۋاننىڭ «3 فۋنكتسياسىن» شىنايى ويداعىداي اتقارىپ، «4 كەلەلى رولىن» ويداعىداي ساۋلەلەندىرىپ، شينجياڭ قىزمەتىنىڭ باس نىساناسىن ىسكە اسىرۋ ءۇشىن ايتارلىقتاي قىزمەت كورسەتىپ، جاڭا داۋىردە جاڭا ناتيجە جاراتۋعا كۇش سالۋ كەرەك.
ليۋ جيانميڭ، لي پيڭ، لي جيدۇڭ ۇگىت - لەكسياعا قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
