بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

بولاشاقتىق ۇلى ىستە 100 جىل كەمەلىنە كەلگەن كەز

− باس شۋجي شي جينپيڭنىڭ جۇڭگولىق، شەتەلدىك تىلشىلەرمەن  كەزدەسكەندەگى ءسوزى تۋرالى تولعانىس (5)

□ حالىق گازەتىنىڭ شولۋشىسى 

2017.11.14 14:57     كەلۋ قاينارى : شينجياڭ گازەتى

  «جۇڭگو جاڭا داۋىرگە قادام تاستادى»، «جۇڭگو كوممۋنيستىك پارتياسى اسقاق مۇرات، ايبىندى جىگەرىن تاعى ءبىر مارتە ايگىلەدى»... پارتيا 19 - قۇرىلتايى جابىلدى، جۇڭگونىڭ جاڭا داۋىردەگى تىڭ ارىنى كۇللى الەم نازارىن اۋداردى. جۇرت ەندى بىرنەشە جىلدا قۇرىلعاندىعىنا 100 جىل بولاتىن جۇڭگو كوممۋنيستىك پارتياسى اناۋ جىلدارى ەدىگار سىنوۋ يان - اندا كورگەن «جالىنىن» قايتىپ ساقتاپ كەلە جاتىر دەپ تاڭ قالۋدا.

  كوپتەگەن ادام وسى سىرعا جاۋاپ تاپقىسى كەلىپ، قوعامدىق ۋاكىلدىك سيپاتى، ۇيىمدىق دامۋ قابىلەتى، ساياسي باسشىلىق قۋاتى سياقتى تۇرلىشە تۇرعىدان وسى ساياسي پارتيانىڭ «ومىرشەڭدىك قۋاتىنىڭ» قاينارىن ىزدەيدى. «جۇڭگو كوممۋنيستىك پارتياسى جۇڭحۋا ۇلتىنىڭ بولاشاقتىق ۇلى ءىسىن مۇرات تۇتقان، 100 جىل كەمەلىنە كەلگەن كەزى!». 25 - قازاندا ج ك پ ورتالىق كوميتەتىنىڭ باس شۋجيى بولىپ قايتا سايلانعان شي جينپيڭ جۇڭگولىق، شەتەلدىك تىلشىلەرمەن كەزدەسكەن كەزدە گۇلدەنۋ جولى ارقىلى پارتيانىڭ جورىعىن ولشەپ، شەشۋشى تەتىكتى، ءتۇبىرلى دايەكتى ءداپ باسىپ ايتتى. اۋەلگى ماقساتىن بەرىك بەكەمدەگەن، بورىش ارقالاعان پارتيامىز ۇلى كۇرەستە شىنىعىپ، ۇلى ينجەنەريا جۇرگىزۋگە قۇلشىنىپ، ۇلى ىستەردى جىگەرلەنە ىلگەرىلەتىپ، ۇلى ارمانعا قانات قاعا بىلگەنى ءۇشىن، توڭكەرىستىڭ، قۇرىلىستىڭ جانە رەفورمانىڭ قيىن وتكەل، سۇراپىل تاسقىنىنان ءوتىپ، عاسىرعا جۋىق وتسە دە قارتايىپ سەمبەي، جاستىق جالىنىن سول قالپى ساقتاپ كەلەدى.

  جۇڭگو كوممۋنيستىك پارتياسىنىڭ ارمانعا قانات قاققان جەرى − جىجياڭ ولكەسى جياشيڭ قالاسىنداعى نانحۋ كولىندە باس شۋجي شي جينپيڭ بۇكىل پارتياعا: «اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى باقي كۇرەس جۇرگىزگەندە عانا، جۇڭگو كوممۋنيستىك پارتياسى جاستىق كوكتەمىن ماڭگى ساقتايدى» دەپ ەسكەرتتى. وتكەنگە قايىرىلا قاراساق، ساياسي پارتيانىڭ ءوسىپ - جەتىلۋى ۇلتتىڭ كوركەيۋىمەن تىعىز بايلانىستى بولىپ وتىرعان. مىنە وسىنداي ۇلى ءىستىڭ جۇڭگو كوممۋنيستەرىنە سيلاعان پاراساتتىلىعى مەن دارقاندىعى كوز الدىنداعىعا عانا قول جەتكىزۋگە اسىعاتىن باسقا پارتيا - توپتاردىڭ قيالىنا ەش ۋاقىت تا كىرمەيدى. ۇزاق جورىقتاعى قان كەشكەن سوعىس، جاپونيا شاپقىنشىلارىنا قارسى سوعىس ءورتى، ەسىك اشۋ تۋرالى ىزدەنىس جاساۋ، رەفورمادا قامال الۋ بارىسىندا ۇلتتىڭ كوركەيۋ ىستەرى ءبىر قادام العا باسقان سايىن، پارتيامىز ءبىر مارتە سىننان ءوتىپ وتىردى. ەسكىلىكتى جويىپ، جاڭالىققا كوشىپ، داۋىرگە جەتەكشىلىك ەتۋدە كوممۋنيستەردىڭ اۋەلگى ماقساتى پارتيامىزدىڭ ۇزاق ۋاقىت ارىنىنان جازباي، قاۋلاپ، ماۋەلەي بەرۋىنە مۇمكىندىك جاسادى. تەك 50 نەشە مۇشەدەن دامىپ، 89 ميلليوننان استام مۇشەسى بار دۇنيە جۇزىندەگى 1 - ۇلكەن پارتياعا اينالۋعا دەيىن، ەڭسە كوتەرۋدەن، بايۋدان قۇدىرەتتەنۋگە دەيىن، سوناۋ جىلداردا ۇلتتىڭ ءۇمىتىن ارقالاعان كىپ - كىشكەنتاي قىزىل قايىق ءبىر ميلليارد 300 ميلليوننان استام جۇڭگو حالقىنىڭ ءۇمىتىن ارقالاعان كوركەيۋدىڭ الىپ كەمەسىنە اينالدى.

  عاسىرلىق داڭق شۇعىلاسىندا بورىش ءبىزدىڭ ومىرشەڭدىك قۋاتتى ماڭگى ساقتاۋعا جەبەپ وتىردى. پارتيا 19 - قۇرىلتايىندا باس شۋجي شي جينپيڭ: «جۇڭگو كوممۋنيستەرىنىڭ العاشقى ماقساتى مەن بورىشى − جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ بولدى. وسى العاشقى ماقسات پەن بورىش − جۇڭگو كوممۋنيستەرىن ۇزدىكسىز العا باسۋعا جىگەرلەندىرەتىن ءتۇبىرلى قوزعاۋشى كۇش»، - دەپ باسا دارىپتەدى. پارتيا 19 - قۇرىلتايىنىڭ بايانداماسىن پاراقتاپ قاراساق، وسىزاماندانعان قۇدىرەتتى ەل قۇرۋ جاڭا نىساناسى بولسىن، الدە قوعامنىڭ باستى قايشىلىعىنداعى جاڭا وزگەرىس بولسىن، بارلىعى دا ۇلتتىڭ باقىتىن تياناق ەتىپ، حالىقتىڭ ءۇمىت - تىلەگىنە جاۋاپ قاتقانىن كورەمىز. الەمگە كوز سالساق، قايسى پارتيا ءبىزدىڭ پارتيامىزداي داۋىرگە سەزىمتالدىعىن ءاردايىم ساقتاي الدى؟ تاعى قايسى پارتيا حالىقتىڭ باقىتىن ءوزىنىڭ تۋىنا ءدال وسىلاي شىن پەيىلمەن جازا ءبىلدى؟ «3 جاستاعى قارت، 100 جاستاعى بالا بار» دەگەن، كوممۋنيستەردىڭ رۋحاني بەينەسى ەشقاشان ۋاقىتتىڭ ۇزىن - قىسقالىعىمەن ولشەنبەگەن، ول ءاردايىم بورىشتىڭ كۇشىمەن ولشەنىپ وتىرعان. جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىس كەزەڭىندە، سوتسياليستىك وسىزاماندانعان قۇدىرەتتى ەل قۇرۋدىڭ عاسىرلىق نىساناسى الدىندا، ۇلتتىڭ كوركەيۋىنىڭ جارقىن بولاشاعى الدىندا، تەك ءارقاشان حالىقتىڭ قىزمەتكەرى، ءداۋىردىڭ اتويشىسى، ۇلتتىڭ تىرەگى بولا بىلگەندە عانا، ءتۇرلى داۋىل - تولقىنداردىڭ سىناعىنان ءوتىپ، اناعۇرلىم كۇشتى باسشىلىق ۇيتقىعا اينالۋعا بولادى؛ اۋەلگى ماقساتتى ۇمىتپاي، بورىشتى ەستە بەرىك ساقتاعاندا عانا، پارتيامىز كۇرەس بارىسىندا ۇزدىكسىز ءوسىپ - جەتىلىپ، العا باسۋ بارىسىندا ومىرشەڭدىك جالىنىن ماڭگى ساقتاي الادى.

  مۇراتتى ادام ءار كۇنىن قىسقا سەزىنەدى، ءبىزدىڭ كۇرەس جولىمىز ءالى ۇزاق. 2021 - جىلى ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الامىز. بولاشاقتىق ۇلى ىستە 100 جىل تەك بەتاشار عانا، تاعى كوپتەگەن جەڭىستەر ءبىزدى كۇتىپ تۇر، اناعۇرلىم ۇلكەن بورىشتار ءبىزدىڭ ورىنداۋىمىزدى كۇتىپ تۇر. ماڭگى مويىمايتىن رۋحاني كۇيدى جانە العان بەتتەن قايتپايتىن كۇرەسكەرلىك بەينەنى ساقتاساق، ءبىزدىڭ عاسىرلىق ۇلى پارتيامىز، ءسوز جوق، تاريح كوشىندە ۇلتتىڭ كوركەيۋىنىڭ ايبىندى سيمفونياسىن اسقاقتاتادى.

  (شينحۋا اگەنتتىگىنىڭ 11 - قاراشادا بەيجيڭنەن بەرگەن حابارى)

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

مادەنيەت