اناعۇرلىم جوعارى ورەدەگى اشىق ەكونوميكانى دامىتۋدىڭ جاڭا ساپارىن باستايىق
− ءتوراعا شي جينپيڭنىڭ ازيا - تىنىق مۇحيت ەكونوميكالىق ىنتىماقتاستىق ۇيىمى ونەركاسىپ - ساۋدا باسشىلارىنىڭ باس قوسۋىنداعى ارقاۋ ءسوزى تۋرالى (3)
□ حالىق گازەتىنىڭ شولۋشىسى
2017.11.14 14:58 كەلۋ قاينارى : شينجياڭ گازەتى
اشىقتىق العا باسۋعا باستايدى، توماعا - تۇيىقتىق، ءسوزسىز، مەشەۋلىككە اپارىپ سوعادى. سىرتقا ەسىك اشۋ − مەملەكەتتى گۇلدەندىرىپ، دامىتۋدا، ءسوزسىز، باسىپ وتەتىن جول.
«جۇڭگونىڭ سىرتقا ەسىك اشۋ اياق الىسى توقتامايدى»، «الداعى 15 جىلدا، جۇڭگونىڭ بازارى ونان ارى كەڭەيەدى، دامۋى اناعۇرلىم جان - جاقتى بولادى». ازيا - تىنىق مۇحيت ەكونوميكالىق ىنتىماقتاستىق ۇيىمى ونەركاسىپ - ساۋدا باسشىلارىنىڭ باس قوسۋىندا ءتوراعا شي جينپيڭ جۇڭگونىڭ سىرتقا ەسىك اشۋداي نەگىزگى مەملەكەت ساياساتىن قايتالاپ دارىپتەپ، جۇڭگو ەكونوميكاسىنىڭ دۇنيە جۇزىنە تيىمدىلىك جەتكىزەتىن تاماشا بولاشاعىنا كوز جىبەرىپ، جۇڭگونىڭ دۇنيە جۇزىنە ونان ارى بەت تۇزەپ، اناعۇرلىم جوعارى ورەدەگى اشىق ەكونوميكانى دامىتۋدىڭ جاڭا ساپارىن باستايتىنىن سالتاناتپەن جاريالاپ، حالىقارالىق قوعامنىڭ وسكەلەڭ نازار سالۋى مەن كەڭ كولەمدى تالقىسىن قوزعادى.
ۋاقىت − ەڭ ۇلى جازۋشى. 40 جىلعا جۋىق ۋاقىتتان بەرى، جۇڭگو سىرتقا ەسىك اشۋدان جازباي، دۇنيە جۇزىنە بەت تۇزەۋ بارىسىندا ءوزىنىڭ قارىشتاپ دامۋىن جۇزەگە اسىردى. وتە - موتە، كەرەمەتكە تولى وتكەن 5 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى جالپى جاعدايدى مەڭگەرىپ، تىڭعىلىقتى جوبا - جوسپار جاساپ، سىرتقا ەسىك اشۋدىڭ نازارياسى مەن امالياتىندا جاڭالىق اشۋدى مۇرات تۇتىپ ىلگەرىلەتىپ، اشىق دامۋ جاڭا ۇستانىمىن ورناتىپ، «ءبىر بەلدەۋ، ءبىر جولدى» بىرگە قۇرۋ دارىپتەمەسىن اتقارىپ، اشىق دۇنيە ءجۇزى ەكونوميكاسىن دامىتۋدى دارىپتەپ، دۇنيە ءجۇزى ەكونوميكاسىن جونگە سالۋعا بەلسەندىلىكپەن ات سالىسىپ، ەلىمىزدىڭ اشىق ەكونوميكاسىنىڭ جاڭا ءتۇزىلىسىن بىرتىندەپ كەمەلدەندىرىپ، سىرتقى ساۋدانى، سىرتقا قارجى قوسۋدى، شەتەل اقشاسى قورىن دۇنيەنىڭ الدىڭعى لەگىنە شىعارىپ، سىرتقا ەسىك اشۋدا جاڭا دا ماڭىزدى تابىستارعا قول جەتكىزدى. اماليات مىنانى ايگىلەدى: ەسىك اشۋ ارقىلى رەفورمانى، دامۋدى جەبەۋ − ەلىمىز ەكونوميكاسىنىڭ ءۇرتىس ارتۋىنىڭ نەگىزگى تاجىريبەسى بولىپ قانا قالماستان، ەلىمىزدىڭ وسىزامانداندىرۋ قۇرىلىسىنىڭ ۇزدىكسىز تىڭ تابىسقا جەتۋىنىڭ دە ماڭىزدى اسىلى.
بۇگىنگى دۇنيە ەكونوميكانىڭ جاھاندانۋ ۇردىسىندە تۋىلعان تەرەڭ وزگەرىستەرگە ءدوپ كەلدى. ءبىر جاعىنان، ەكونوميكانىڭ جاھاندانۋى ءداۋىردىڭ وزگەرمەس اعىمىنا اينالدى، دۇنيە ءجۇزىنىڭ ەكونوميكا تەڭىزىن وقشاۋ كولدەرگە، وزەنشەلەرگە قايتارىپ اكەلۋ مۇمكىن ەمەس. ەندى ءبىر جاعىنان، ەكونوميكانىڭ جاھاندانۋى فورما جانە مازمۇن جاعىنان جاڭا رەتتەۋلەرگە ءدوپ كەلدى، ۇستانىم جاعىندا اشىق، قامتىمدى بولۋعا اناعۇرلىم دەن قويۋ، باعىت جاعىندا جاپپاي ءتيىمدى جانە تەپە - تەڭ بولۋعا اناعۇرلىم دەن قويۋ، ەففەكت جاعىندا ادىلدىككە، تەڭ يگىلىككە كەنەلۋگە اناعۇرلىم دەن قويۋ كەرەك. ەكونوميكانىڭ جاھاندانۋى الا كەلگەن وراي مەن سىن - سىناق الدىندا، جۇڭگو قايتكەندە ەكونوميكانىڭ جاھاندانۋ باعىتىنا بىرگە جەتەكشىلىك ەتە الادى؟ ەكونوميكانىڭ جاھاندانۋ ۇردىسىنە قالاي ات سالىسىپ جانە ونى ىلگەرىلەتىپ، ەلىمىز ەكونوميكاسىنىڭ قۋاتى مەن ۋنيۆەرسال مەملەكەت قۋاتىن قالاي ۇزدىكسىز كۇشەيتۋ كەرەك؟ مۇنىڭ تەتىگى جاڭا ساپاردى باتىلدىقپەن باستاپ، دۇنيە جۇزىنە ونان ارى بەت تۇزەپ، اناعۇرلىم جوعارى دەڭگەيدەگى اشىق ەكونوميكانى دامىتۋدا.
«جۇڭگونىڭ ەسىك اشۋ سەرپىنى اناعۇرلىم زورايا تۇسەدى، دۇنيە جۇزىنە تيىمدىلىك جەتكىزۋ دارەجەسى اناعۇرلىم تەرەڭدەي تۇسەدى». ءتوراعا شي جينپيڭ باسا دارىپتەگەندەي، جۇڭگو مەملەكەت قاقپاسىن اشىپ، قۇرىلىس جۇرگىزۋدەن باستان - اياق جازبايدى، پارتيا 19 - قۇرىلتايىندا دا جاپپاي ەسىك اشۋدىڭ جاڭا جاعدايىن ىلگەرىلەتۋ، قالىپتاستىرۋ جونىندە كەلەلى ورنالاستىرۋ جاسالدى. جاڭا داۋىردە دۇنيە جۇزىنە ونان ارى بەت تۇزەۋدىڭ، اناعۇرلىم جوعارى دەڭگەيدەگى اشىق ەكونوميكانى دامىتۋدىڭ جاڭا ساپارىن باستاۋدا ءبىز، ءسوزسىز، «ءبىر بەلدەۋ، ءبىر جول» قۇرىلىسىن ءتۇيىن ەتىپ، قۇرلىقتا، تەڭىزدە، ىشتە، سىرتتا بىرگە ارەكەتتەنەتىن، شىعىس - باتىس قوس باعىتتى ءوزارا كومەكتەسەتىن اشىق جاعدايدى قالىپتاستىرۋىمىز كەرەك؛ ساۋدا مەن قارجى قوسۋعا ەركىندىك بەرۋدىڭ، قولايلىلىق جاساۋدىڭ جوعارى دەڭگەيلى ساياساتىن جولعا قويىپ، ەلىمىزدە تىركەۋگە الدىرعان بارلىق كاسىپورىندارعا بىردەي قاراۋىمىز، تەڭ مامىلە جاساۋىمىز كەرەك؛ ەركىن ساۋدا سىناق رايونىنىڭ رەفورما جاساۋىنا اناعۇرلىم زور ءوزىن باسقارۋ ۇقىعىن بەرىپ، ەركىن ساۋدا پورتىن قۇرۋ جونىندە ىزدەنىس جاساۋىمىز كەرەك؛ سىرتقا قارجى قوسۋ فورماسىندا جاڭالىق اشىپ، دۇنيە جۇزىنە بەت تۇزەگەن ساۋدا، قارجى قوسۋ، قارجى قۇراۋ، ءوندىرىس، قىزمەت كورسەتۋ جەلىسىن قالىپتاستىرىپ، حالىقارالىق ەكونوميكالىق ىنتىماقتاستىق پەن باسەكەدەگى جاڭا باسىمدىقتى جەدەلدەتە جەتىلدىرۋىمىز كەرەك. ەسىك اشۋ بارىسىندا سەنىمدىلىكتى بەكەمدەسەك، سەنىمدىلىك بارىسىندا ەسىك اشۋدى زورايتساق بولعانى، ءبىز ەسىك اشۋدىڭ ىرىقتىلىعى ارقىلى دامۋدىڭ ىرىقتىلىعىنا قول جەتكىزىپ، دامۋدىڭ جاڭا كينەتيكالىق ەنەرگياسىن ۇزدىكسىز شوعىرلاندىرىپ، دامۋدىڭ تىڭ ءورىسىن اشا الامىز.
«قوس 100 جىلدىق» كۇرەس نىساناسىنىڭ تاريحي توعىسۋى مەزگىلىندە، ەسىك اشۋ − جاڭا رايدى اسقاقتاتاتىن، جاڭا ىسكەرلىك تۋدىراتىن ماڭىزدى كۇش. ەكونوميكا جاھاندانۋىنىڭ جاڭا بەتالىسىنا بەلسەندىلىكپەن ۇيلەسىپ، ەل ىشىندەگى رەفورما جاساۋدىڭ، دامۋدىڭ جاڭا تالاپتارىن جەتە يگەرىپ، دۇنيە جۇزىنە ونان ارى بەت تۇزەپ، اناعۇرلىم جوعارى دەڭگەيدەگى اشىق ەكونوميكانى دامىتۋدىڭ جاڭا ساپارىن كۇش سالا باستاساق بولعانى، ءبىز، ءسوزسىز، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى قوزعاۋشى كۇش ۇستەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم مول وڭ ەنەرگيا قوسا الامىز.
(شينحۋا اگەنتتىگىنىڭ 12 - قاراشادا بەيجيڭنەن بەرگەن حابارى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
