اۆتونوميالى رايوندىق حالىق ۇكىمەتى 56 - رەتكى ۇنەمىلىك ىستەر ءماجىلىسىن اشتى
2017.11.16 11:04 كەلۋ قاينارى : شينجياڭ گازەتى
ءتىلشىمىز يۋان لەي 14 - قاراشادا ۇرىمجىدەن حابارلايدى. 14 - قاراشادا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 12 - كەزەكتى حالىق ۇكىمەتىنىڭ 56 - رەتكى ۇنەمىلىك ىستەر ءماجىلىسىن باسقارىپ اشىپ، «اۆتونوميالى رايوننىڭ جوعارى دارەجەلى وقۋ - اعارتۋ سالاسىندا ۇكىمەت ورىندارىن ىقشامداپ، ۇقىقتى تومەنگە بەرۋ، ۇكىمەت ورىندارىن ىقشامداۋ مەن ۇقىقتى تومەنگە بەرۋدى ۇشتاستىرۋ، قىزمەت كورسەتۋدى كەمەلدەندىرۋ رەفورماسىن اتقارۋ جونىندەگى پىكىرگە»، «اۆتونوميالى رايوننىڭ <مەملەكەتىمىزدىڭ جۇڭگوشا شيپاگەرلىكتى، ءدارى - دارمەكتى دامىتۋ ستراتەگياسىنىڭ جوبا باعدارناماسىن (2016 − 2030 جىل)> دايەكتىلەندىرۋدى، تياناقتاندىرۋدى اتقارۋ جوباسىنا»، «اۆتونوميالى رايوننىڭ <13 - بەسجىلدىق> جوبا مەزگىلىندە نەگىزگى الەۋمەتتىك قىزمەت كورسەتۋدى بىركەلكىلەندىرۋدى ىلگەرىلەتۋ جوسپارىنا»، «اۆتونوميالى رايوندىق دەموگرافيالىق دامۋ جوسپارىنا (2017 − 2030 جىل)» زەرتتەۋ جۇرگىزدى.
ماجىلىستە مىنالار اتاپ كورسەتىلدى: پارتيا 19 - قۇرىلتايىندا وقۋ - اعارتۋداعى قۇدىرەتتى مەملەكەت قۇرۋ جۇڭحۋا ۇلتىنىڭ ۇلى گۇلدەنۋىندەگى نەگىزدىك ينجەنەريا. ءسوزسىز، وقۋ - اعارتۋ ىستەرىن الدىمەن ويلاستىرىلاتىن ورىنعا قويىپ، وقۋ - اعارتۋ رەفورماسىن تەرەڭدەتىپ، وقۋ - اعارتۋدى وسىزامانداندىرۋدى جەدەلدەتىپ، حالىق رازى بولاتىن وقۋ - اعارتۋدى تىڭعىلىقتى اتقارۋ كەرەك. اۆتونوميالى رايونداعى وقۋ - اعارتۋ تاراۋلارى «ءتورتتى جاپپاي ورىنداۋ» ستراتەگيالىق ورنالاستىرۋى ارقىلى تۇتاس رايوننىڭ جوعارى دارەجەلى وقۋ - اعارتۋى رەفورماسىن دامىتۋعا ءبىر تۇتاس باسشىلىق ەتۋدەن جازباي، وقۋ - اعارتۋ سالاسىنداعى كەشەندى رەفورمانى تەرەڭدەتىپ، مەملەكەتىمىز بەن رايونىمىزدىڭ «ۇكىمەت ورىندارىن ىقشامداپ، ۇقىقتى تومەنگە بەرۋ، ۇكىمەت ورىندارىن ىقشامداۋ مەن ۇقىقتى تومەنگە بەرۋدى ۇشتاستىرۋ، قىزمەت كورسەتۋدى كەمەلدەندىرۋ» رەفورماسىن تەرەڭدەتۋگە قاتىستى تالاپتارىن دايەكتىلەندىرىپ، ماڭداي الدى ۋنيۆەرسيتەت جانە ماڭداي الدى ءپان قۇرىلىسىن جەدەلدەتىپ، جوعارى دارەجەلى وقۋ - اعارتۋدىڭ ماندىك دامۋىن جۇزەگە اسىرىپ، تۇتاس رايونداعى جوعارى دارەجەلى وقۋ - اعارتۋدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك.
ماجىلىستە مىنالار اتاپ كورسەتىلدى: جۇڭگوشا شيپاگەرلىك، ءدارى - دارمەك ەرەكشە دەنساۋلىق ساقتاۋ بايلىعى، كومەسكى كۇشى زور ەكونوميكالىق بايلىق، العاشقى جاسامپازدىق باسىمدىعىنا يە عىلىم - تەحنيكا بايلىعى، تاڭداۋلى مادەنيەت بايلىعى جانە ماڭىزدى ەكولوگيالىق بايلىق ساناتىندا ەكونوميكانىڭ، قوعامنىڭ دامۋىنا ماڭىزدى رول اتقارادى. كەزەكتە، ءار ۇلت بۇقاراسىنىڭ جۇڭگوشا شيپاگەرلىك، ءدارى - دارمەك قىزمەت وتەۋىنە سۇرانىسى بارعان سايىن كۇشەيىپ كەلەدى، اۆتونوميالى رايونداعى قاتىستى تاراۋلار رايونىمىزدىڭ جۇڭگوشا شيپاگەرلىك، ءدارى - دارمەك ىستەرىنە ونان ارى مۇراگەرلىك ەتىپ جانە ونى دامىتىپ، حالىق بۇقاراسىن جان - جاقتى، تۇتاس دۇركىندىك دەنساۋلىق ساقتاۋ قىزمەت كورسەتۋىمەن قامتاماسىز ەتىپ، حالىق بۇقاراسىنىڭ كۇن سايىن ارتىپ وتىرعان تاماشا ومىرگە قاجەتى مەن جۇڭگوشا شيپاگەرلىككە، ءدارى - دارمەككە بولعان سۇرانىسىن ۇزدىكسىز قاناعاتتاندىرىپ، سالاماتتى شينجياڭ قۇرىلىسىن ىلگەرىلەتۋگە، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە بەلسەندى رول اتقارۋ كەرەك.
ماجىلىستە مىنالار باسا دارىپتەلدى: نەگىزگى قىزمەت كورسەتۋدەن يگىلىكتەنۋ ازاماتتاردىڭ ۇقىعى، بارلىق ادامنىڭ نەگىزگى قىزمەت كورسەتۋدەن يگىلىكتەنۋىن قامتاماسىز ەتۋ ۇكىمەتتىڭ جاۋاپكەرلىگى. «13 - بەسجىلدىق جوبا» مەزگىلى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەتىن باسقىش، رايونىمىزدىڭ نەگىزگى الەۋمەتتىك قىزمەت كورسەتۋ جۇيەسىن كەمەلدەندىرۋى، نەگىزگى الەۋمەتتىك قىزمەت كورسەتۋدى بىركەلكىلەندىرۋ ورەسىن جوعارىلاتۋى جاڭا ورايلار مەن سىن - سايىستارعا ءدوپ كەلدى. اۆتونوميالى رايونداعى قاتىستى تاراۋلار رايونىمىزدىڭ نەگىزگى الەۋمەتتىك قىزمەت كورسەتۋ جۇيەسى قۇرىلىسىن جەدەل كەمەلدەندىرىپ، نەگىزگى الەۋمەتتىك قىزمەت كورسەتۋدى بىركەلكىلەندىرۋدى ىلگەرىلەتىپ، قوعامنىڭ ادىلدىگىن، ادىلەتتىلىگىن ىشكەرىلەي جەبەپ، حالىقتىڭ ىرىسىن مولايتىپ، ءار ۇلت بۇقاراسىنىڭ بىرگە قۇرۋ، ورتاقتاسىپ دامۋ بارىسىنداعى كەنەلۋ سەزىمىن، ادىلدىك سەزىمىن، حاۋىپسىزدىك سەزىمىن جانە باقىت سەزىمىن كۇشەيتۋ كەرەك.
ماجىلىستە مىنالار باسا دارىپتەلدى: دەموگرافيا ماسەلەسى شينجياڭنىڭ قوعام ورنىقتىلىعى مەن باياندى تىنىشتىعىنا ساياتىن نەگىزدىك، جالپى جاعدايلىق جانە ستراتەگيالىق ماسەلە. كەزەكتە، شينجياڭنىڭ دەموگرافيالىق دامۋى ءتۇيىندى بۇرىلىس كەزەڭىنە ءوتتى، دەموگرافيالىق دامۋدىڭ ىشكى قوزعاۋشى كۇشى مەن سىرتقى شارت - جاعدايىندا كورنەكتى وزگەرىستەر تۋىلدى. اۆتونوميالى رايونداعى قاتىستى تاراۋلار رايونىمىز دەموگرافياسىنىڭ بەتالىستىق وزگەرىسى مەن ونىڭ ەكونوميكانىڭ، قوعامنىڭ دامۋىنا جاسايتىن تەرەڭ ىقپالىن ءدال يگەرىپ، ءونىمدى توتەپ بەرىپ، دەموگرافيا جانە جوسپارلى تۋىت قىزمەتىن جان - جاقتى جاقسى ىستەپ، دەموگرافيانىڭ ۇزاق ۋاقىت بىركەلكى دامۋىن جەبەپ، جاپپاي دوڭگەلەك داۋلەتتى قوعام ورناتۋعا، شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋعا ۇلەس قوسۋ كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
