بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

تىنىستاپ الايىن، دەمالىپ الايىن دەيتىن وي ەشقاشان بولماۋى كەرەك

2017.11.16 13:58     كەلۋ قاينارى : شينجياڭ گازەتى

شۋجي شي جينپيڭنىڭ جۇڭگولىق، شەتەلدىك تىلشىلەرمەن كەزدەسكەندەگى ءسوزى جونىندە تولعانىس (7)

  جۇڭگونىڭ ىستەرىن جاقسى ىستەۋدىڭ تەتىگى پارتيادا.

  «پارتيانى جاپپاي قاتاڭ جونگە سالۋ ماڭگى جالعاسادى، بىزدە تىنىستاپ، دەمالىپ الايىن دەيتىن ەشقانداي وي بولماۋى كەرەك». جۇڭگولىق، شەتەلدىك تىلشىلەرمەن كەزدەسكەن كەزدە، باس شۋجي شي جينپيڭ بىلاي دەپ سالتاناتپەن جاريالادى: «ءبىز پارتيانىڭ اقاۋسىز تۇلعاسىن بۇلدىرەتىن ءارقانداي ۆيرۋستى ۇزدىكسىز الاستاپ، ستيلى پاك، سالتى دۇرىس ساياسي ەكولوگيانى زور كۇشپەن تۇلعالاپ، بۇكىل پارتيانىڭ قۇدىرەتتى وڭ ەنەرگياسى ارقىلى بۇكىل قوعامدا جۇڭگونىڭ دامىپ العا باسۋىن ىلگەرىلەتەتىن قۇدىرەتتى كۇش - قۋات توپتايمىز». بۇل − دۇنيە جۇزىندەگى ەڭ ۇلكەن ساياسي پارتيانىڭ ءوزى جونىندەگى ايقىن تۇجىرىمى ءارى 100 جىلدىق بەلەستەن ءوتۋ الدىنداعى ساياسي پارتيانىڭ بولاشاققا بەت العان ايبىندى جارناماسى.

  «ادىرنادان اتىلعان جەبە ارتقا قايتپايدى، جەمقورلىققا قارسى تۇرۋدىڭ اياقتالار تۇسى بولمايدى»، «ستيل قۇرىلىسىن اقىرىنا دەيىن مىقتاپ ۇستاۋ كەرەك»، «تەتىگى <ۇدايىلاندىرۋ>، <ۇزاق ۋاقىت> سىندى 2 سوزدە»... وتكەن 5 جىلدا، پارتيا قۇرىلىسىنا ءۇرتىس كۇش سالىنىپ، تاباندىلىقپەن جالعاستىرىلدى، «پارتيانىڭ توڭكەرىستىك سيپاتى شىڭدالۋ بارىسىندا اناعۇرلىم كۇشەيىپ، تىڭ دا قۇدىرەتتى ومىرشەڭدىك كۇش كورسەتتى». تەك «ورتالىقتىڭ 8 ءتۇرلى بەلگىلەمەسىنە» قايشىلىق جاساۋدىڭ وزىنەن 5 جىلدا ءبىر جاقتى ەتىلگەن پارتيالى كادرلاردىڭ سانى 256 مىڭ ادامعا جەتىپ، پارتيا ستيلى، ۇكىمەت ستيلى شىت جاڭا بەينەگە ەندى. «تەمىر سوقساڭ قۇرىش بول» دەگەن سەرتكە قايىرىلا قاراساق، مىنا ءبىر تۇجىرىم انىقتالا تۇسەدى: ۇزدىكسىز شىڭايتۋ، ءاردايىم شىنىقتىرۋ پارتيانىڭ كوڭىلىن جەلپىندىرىپ، حالىق تىلەگىن وياتىپ، ميللياردتاعان حالىقتىڭ قۇدىرەتتى كۇشىن ۇيىستىرىپ، جۇڭگونىڭ تاريحي وزگەرىسىن جەبەدى.

  «ەجەلدەن ۇلى جەتىستىككە جەتەتىن ادامدا ەلدەن ەرەك قابىلەت - دارىن بولۋمەن قوسا، ماسەلەگە تۋرا قارايتىن، ماسەلەنى شەشەتىن باتىلدىق پەن قايتپاس ەرىك تە بولعان». شىكۋمىننەن تيان - انمىنگە دەيىن، حۋنانداعى قىزىل كەمەدەن گۇلدەنۋ اتتى الىپ پاروحودقا دەيىن، جۇڭگو كوممۋنيستىك پارتياسى قالايشا وسىنشاما قابىلەت - قارىمعا يە بولدى؟ شۇعىلالى جەتىستىكتىڭ ارتىندا تىنباي كۇرەس جاسايتىن قايسار ەرىك، باستان - اياق جالعاسقان امالياتتىق قاسيەت جاتىر. «ماڭگى جولدا»، «اياقتالاتىن كەزى بولمايدى»، بۇلار − تانىم نازارياسى، ءادىس نازارياسى، ونان دا ماڭىزدىسى، رۋحاني قاسيەت، قۇن تالپىنىسى. باس شۋجي شي جينپيڭ تالاي رەت «<ەمتيحان> ماڭگى اقىرلاسقان جوق» دەگەندى قايتالاي دارىپتەپ، كوپ قايتالاپ «اسپاننان شەلپەك جاۋمايدى»، «بىلەكتى سىبانىپ قۇلشىنا ىستەيىك» دەپ باسا دارىپتەدى، قازىرگى «تىنىستاپ، دەمالىپ الايىن دەيتىن ەشقانداي وي بولماۋى كەرەك» دەگەن ىقىلاستى تاپسىرماسى بۇكىل پارتياعا تىنباي جالعاستىراتىن قاجىرلىلىق، توقتاۋسىز العا ىلگەرىلەيتىن رۋح كورسەتۋدى، كونە سۇردەكپەن جۇرەم دەگەننىڭ كەلەشەگى جوق ەكەنىن، قۇلشىنا العا ىلگەرىلەۋشىنىڭ عانا كەلەشەگى بولاتىنىن ەسكەرتكەنى.

  نەلىكتەن تىنىستاپ الۋعا، دەمالىپ الۋعا بولمايدى؟ ويتكەنى، ەڭبەك داپتەرىن قاناعات تۇتىپ، ناتيجە كەستەسىندە توقىراپ قالساق، ماۋ زىدۇڭ ايتقان «يۇيگۇڭنىڭ تاۋدى كوشىرۋى» رۋحىنان ايرىلىپ قالامىز، دىڭ شياۋپيڭ ايتقان «مىعىم كۇش، قايتپاس قايراتتان» كوز جازىپ قالامىز. پارتيانى جاپپاي قاتاڭ جونگە سالۋدا «ءسال بوساڭسىساق بولعانى، ارتقا شەگىنىپ كەتەمىز»، بارلىق قىزمەتتە نەگە «جوعارى ناتيجە جاراتقاننان كەيىن دە قۇلشىنا العا ىلگەرىلەمەسكە؟» پارتيا 19 - قۇرىلتايى وسىزامانداندىرۋدى نەگىزىنەن جۇزەگە اسىرۋدىڭ ۋاقىت كەستەسىن 15 جىل الدىعا جىلجىتىپ، جاڭا ەكىنشى 100 جىلدىق نىسانانى تۇراقتاندىردى، بۇل دا تۇتاس پارتيانى جىگەرلەندىرۋ ەسەپتەلمەك، كۇرەستىڭ شەگى بولمايدى، گۇلدەنۋ جولى ۇزىننان - ۇزاققا سوزىلا بەرەدى. بۇگىنگى جۇڭگو ماقتانۋعا قاقىلى، ءبىراق توقمەيىلسۋىنە بولمايدى، وزىنە سەنىمى ارتا ءتۇسۋى كەرەك، ءبىراق مەنمەنسۋىنە بولمايدى، باس الماستان بالعانى ءۇستى - ۇستىنە سوعىپ، قادامعا - قادامدى قايسارلىقپەن جالعاعاندا عانا، جاڭا راي قالىپتاستىرۋعا، جاڭا ساپاردا جاڭا ىسكەرلىك كورسەتۋگە بولادى.

  جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە قۇر ايعاي - سۇرەنمەن وڭاي - وسپاق بىتە سالاتىن شارۋا ەمەس. ەكونوميكانىڭ جالپى مولشەرى 80 تريلليوننان اسقاندا، ءارقانداي سان - سيفردى الدىمەن ءبىر ميلليارد 300 ميلليونعا ءبولۋدى ۇمىتپاۋىمىز كەرەك؛ «گۇلدەندىرۋ اتتى» جۇردەك پويەز وقتاي زىمىراعاندا، تاعى دا 40 ميلليوننان استام ادامدى كەدەيلىكتەن قۇتىلدىرۋ كەرەك ەكەنىن كورە ءبىلۋىمىز كەرەك. جاڭا تاريحي بەلەستە، تىنباي قۇلشىنىپ، باسىنان باستاپ، اياعىنا دەيىن شىعارساق، تولقىن جارا العا ىلگەرىلەيمىز، تەبىنىمىز تەڭىز تولقىتادى ؛ قازىرگى جاعدايدى مىسە تۇتىپ، كەرەناۋ تارتىپ، بويكۇيەزدىككە سالىنساق، ىلگەرىلەۋدىڭ ورنىنا كەرى شەگىنىپ، ورايدى قولدان كەتىرەمىز. قوعامدىق باستى قايشىلىقتىڭ ماڭىزدى وزگەرىسى الدىندا، «2 وزگەرمەيدى» سىندى نەگىزگى مەملەكەت جاعدايىن تياناق ەتىپ، «100 شاقىرىم جولدىڭ 90 شاقىرىمىن باسساڭ دا ءالى جولدامىن دەپ ءبىل» دەگەن سەرگەكتىكتى ساقتاپ، «كروراندى الماسام ماڭگى ارتقا قايتپايمىن» دەيتىن بەكىممەن جاڭا داۋىردەگى ۇزاق جورىقتى جاقسى باسۋىمىز كەرەك.

 ءبىز − وسى ۇرپاق ادامدار الدىڭعىلاردىڭ ىسىنە مۇراگەرلىك ەتىپ، بۇگىنگى كۇرەستى جالعاستىرۋدامىز، ونان دا ماڭىزدىسى، ەرتەڭگى جولدى اشۋىمىز كەرەك. مىندەت اۋىر، جول الىس، ۋاقىت كۇتىپ تۇرمايدى، باستان - اياق ماڭگى تىنىم المايتىن رۋحاني كۇيدى جانە تىنباي العا ىلگەرىلەيتىن كۇرەس كۇيىن ساقتاساق بولعانى، ءسوزسىز، جاڭا ءداۋىردىڭ شۇعىلالى تاراۋلارىن جازاتىن بولامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

مادەنيەت