بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى اۆتونوميالى رايوننىڭ ۇگىت - لەكسيا ۇيىرمەسى جەر - جەردە ۇزبەي ۇگىت - لەكسيا جاسادى

2017.11.17 11:10     كەلۋ قاينارى : شينجياڭ گازەتى

  گازەتىمىزدىڭ جيناق حابارى. پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى اۆتونوميالى رايوننىڭ ۇگىت - لەكسيا ۇيىرمەسى 14 - قاراشادا التاي، حوتان سياقتى جەرلەردە ۇگىت - لەكسيا جاسادى.

  ۇگىت - لەكسيا ۇيىرمەسىندەگىلەر پارتيا 19 - قۇرىلتايى بايانداماسىنىڭ اۋەلگى نۇسقاسىمەن تىعىز ۇشتاستىرا وتىرىپ، پارتيا 19 - قۇرىلتايى باستى تاقىرىبىنىڭ تەرەڭ مازمۇنى مەن ناقتى ءمانىن ەگجەي - تەگجەيلى ءتۇسىندىرىپ، وتكەن 5 جىلدان بەرگى پارتيا مەن مەملەكەت ىستەرىندە جارىققا شىققان تاريحي تابىستار مەن تاريحي وزگەرىستەردى جۇيەلى قورىتىندىلاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن نەگىزگى جالپى جوباسىنىڭ يدەيالىق جاۋھارىن، وزەكتى ماڭىزىن جانە كەلەلى ۇلەسىن تەرەڭ بايىمداپ، جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشىن بايانداپ، جۇڭگوشا سوتسياليزمنىڭ جاڭا داۋىرگە قادام قويعانى، ەلىمىزدىڭ قوعامدىق باستى قايشىلىعىنىڭ وزگەرۋى سياقتى ماڭىزدى تۇجىرىمداردى ءتۇسىندىرىپ، « 2 ساتىعا ءبولىپ ءجۇرۋ»، «2 باسقىش»، «قوس 100 جىلدىق» كۇرەس نىساناسى جونىندەگى ستراتەگيالىق ورنالاستىرۋ، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى سياقتى ءبىر قىدىرۋ ماڭىزدى ورنالاستىرۋ، پارتيانى جاپپاي قاتاڭ جونگە سالۋدى بۇلجىماي ىلگەرىلەتۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىماي دايەكتىلەندىرۋ سياقتى 11 جاقتان جۇيەلى تۇسىنىك جاسادى.

  سول جەردەگى پارتيالى كادرلار دەن قويا تىڭداپ، تاپتەشتەي ەستەلىك الدى. كوپشىلىك ءبىر اۋىزدان بىلاي دەستى: پارتيا 19 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى، ءسوز جوق، كەزەكتەگى جانە مۇنان بىلايعى باستى ساياسي مىندەت ەتىپ، تانىم مەن ارەكەتتى پارتيا 19 - قۇرىلتايى تۇراقتاندىرعان مىندەتتەرمەن بىرلىككە كەلتىرىپ، جاڭا ءداۋىر جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن ويداعىداي جازامىز.

  حوتان قالاسىندا، ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق ءتارتىپ تەكسەرۋ كوميتەتىنىڭ ورىنباسار شۋجيى پۋ شۋەمەي تارتىمدى ۇگىت - لەكسيا بايانداماسىن جاسادى. بايانداما ءماجىلىسى تەلەۆيزور - تەلەفون ءماجىلىسى فورماسىندا اۋداندارعا (قالا) دەيىن اشىلدى. ايماققا، اۋدانعا (قالا) تىكە قاراستى، سونداي - اق قاتىستى ورىنداردىڭ جاۋاپتىلارىنان، پەنسياعا، دەمالىسقا شىققان ساقا كادر ۋاكىلدەرىنەن، پارتيا مەكتەبى، پەداگوگيكالىق ارناۋلى كۋرس مەكتەبى، مەديتسينالىق ارناۋلى كۋرس مەكتەبى سياقتى مەكتەپتەردىڭ وقىتۋشى ۋاكىلدەرىنەن، نەگىزگى ساتىداعى حالىق ۇگىتشى ۋاكىلدەرىنەن جالپى 1690نان استام ادام ۇگىت - لەكسيانى تىڭدادى. پۋ شۋەمەي تاعى حوتان قالاسى گۇلباق ءمالى باسقارماسى مۇعا ءمالى الەۋمەتتىك اۋماعىنا بارىپ، نەگىزگى ساتى پارتيالى كادرلارىمەن جانە الەۋمەتتىك اۋماق تۇرعىندارىمەن بەتپە - بەت پىكىر اۋىستىرىپ، ولاردى كۇدىك - كۇماننان ارىلتىپ، نەگىزگى ساتى پارتيالى كادرلارىنا باعىتتامالى تۇردە جەتەكشىلىك ەتىپ، سول جەردەگى كادرلار مەن بۇقارانىڭ كۇشتى اڭىسىن قوزعادى.

  كوكتوعاي اۋدانىندا، ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى قىزىركەلدى ابدىراحمان ۇلى تەلەۆيزور - تەلەفون ءماجىلىسى فورماسىندا قازاق تىلىندە بۇكىل ايماقتاعى 5000عا جۋىق از ۇلت پارتيا مۇشەلەرىنە، كادرلارىنا، قىستاقتا تۇراتىن قىزمەت اترەتىندەگىلەرگە، ەگىنشى - مالشىلارعا، سونداي - اق ءار سالا قايراتكەرلەر ۋاكىلدەرىنە تارتىمدى ۇگىت - لەكسيا جاسادى. بايانداما جاساۋ ءماجىلىسى اقىرلاسقاننان كەيىن، قىزىركەلدى ابدىراحمان ۇلى ءىشىنارا كادرلارمەن، بۇقارامەن پىكىر اۋىستىردى.

  «اۆتونوميالى رايوننىڭ ۇگىت - لەكسيا ۇيىرمەسىنىڭ بايانداماسىن تىڭداعاننان كەيىن، پارتيا 19 - قۇرىلتايىنىڭ رۋحى جونىندەگى تانىمىم تەرەڭدەي ءتۇستى، سونداي - اق مۇنان بىلاي ۇگىت - لەكسيا جاساۋىما نازاريالىق نەگىز قالاندى»، - دەدى كوكتوعاي اۋدانى قۋەرتىس قالاشىعىنىڭ تۇرعىنى حو يچيڭ. ول اۆتونوميالى رايوندىق ۇلتتار ىنتىماعى، العاباسارلىعىنىڭ ۇلگىسى، سونداي - اق كوكتوعاي اۋدانى «مادەنبەك ۇگىت - لەكسيا اترەتىنىڭ» مۇشەسى. حو يچيڭ بىلاي دەدى: وتكەندە قىستاقتا بالاباقشا مەن باستاۋىش مەكتەپ جوق ەدى، بالالاردىڭ وقۋى قيىن بولاتىن، قازىر وقۋ جاسىنداعى بالالار تۇگەلدەي وقۋعا ءتۇستى، وسى مازمۇندار ۇگىت - لەكسيامنىڭ تاقىرىبى، مەن رەال تۇرمىستاعى زور وزگەرىستەر ارقىلى پارتيانىڭ حالىققا تيىمدىلىك جاساۋ ساياساتتارىن تۇسىندىرەمىن.

  (التاي تىلشىلەر پۋنكتىنەن لي چاڭدا، ەرىكتى ءتىلشى نيۋ بين حابارلايدى)

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

مادەنيەت