ادامزاتقا تىڭ، اناعۇرلىم زور ۇلەستەر قوسايىق
− باس شۋجي شي جينپيڭنىڭ جۇڭگولىق، شەتەلدىك تىلشىلەرمەن كەزدەسكەندەگى ءسوزى جونىندە تولعانىس (8)
حالىق گازەتىنىڭ شولۋشىسى
2017.11.17 11:12 كەلۋ قاينارى : شينجياڭ گازەتى
«بۇل ءبىر مەملەكەت بولعانىمەن، وتباسى سياقتى، جۇڭگوعا كەلسەڭىز، ونى ۇناتىپ قالارىڭىز ءسوزسىز...». ەكى شەتەلدىك ءانشى ۆەلوسيپەدكە ءمىنىپ كوشە ارالاپ كەلەدى، ارالىعىندا قولدارىنداعى قوندىرعى تاياعىن سوزىپ، وزدەرىنىڭ جۇڭگوداعى ساپارىنىڭ قىزىقتارى مەن كوركەم كورىنىستەردى قول تەلەفوندارىنا تۇسىرەدى. ينتەرنەتتە كەڭ تارالعان بۇل اعىلشىنشا ءان دۇنيەگە بەت تۇزەگەن جۇڭگونىڭ حالىقاراداعى ىقپال كۇشى مەن باۋراۋ قۋاتىن ايگىلەدى. «ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى بەلسەنە العا ىلگەرىلەتىپ، ادامزاتتىڭ بەيبىتشىلىك، دامۋ ۇلى ىستەرىنە تىنباي تىڭ دا اناعۇرلىم زور ۇلەستەر قوسامىز». باس شۋجي شي جينپيڭنىڭ جۇڭگولىق، شەتەلدىك تىلشىلەرمەن كەزدەسكەندە ايتقان سالتاناتتى سەرتى جۇڭگو حالقىنىڭ قۇن سەنىمىن بەينەلەپ، جۇڭگو كوممۋنيستىك پارتياسىنىڭ بورىشىن، جاۋاپكەرلىگىن ايگىلەپ، حالىقارالىق قوعامنىڭ جاپپاي قۇپتاۋىنا يە بولدى.
جۇڭگو حالقىنىڭ باقىتى ءۇشىن ءارى ادامزاتتىڭ العا باسۋ ىستەرى ءۇشىن قۇلشىنۋ. پارتيا 18 - قۇرىلتايىنان بەرى، ءبىز ءوزىمىزدى تاباندىلىقپەن دامىتىپ، دۇنيە ءجۇزى ەكونوميكاسىنىڭ ارتۋىنا %30تەن استام تەبىندى قوزعاۋشى كۇش ۇستەدىك. «ءبىر بەلدەۋ، ءبىر جول» قۇرىلىسىنىڭ كەزىندەگى «سيىر ءسۇتى مەن ارا بالى اعىپ جاتقان جەردەن» تاعى دا جىبەك جولى بويىنداعى حالىقتىڭ ىرىسىنا اينالۋىنان حالىقارالىق ساحنادا دۇنيە ءجۇزىن جونگە سالۋدىڭ جۇڭگو پاراساتى مەن قۋاتتاماسى كەڭ كولەمدى ۇندەستىك تاپقانعا دەيىن، جۇڭگو ادامزاتتىڭ تاعدىرلاس ورتاق تۇلعاسىن قۇرۋداعى ناقتى ارەكەتتەرىمەن باستان - اياق دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەسكەرى، حالىقارالىق ءتارتىپتىڭ قورعاۋشىسى بولۋداي مىندەت - جاۋاپكەرلىگىن ارقالاپ، بەيبىتشىلىكتى قاستەرلەيتىن، ادامزاتقا قۇت اكەلەتىن بەرىك سەنىمىن كەستەلەدى. «جۇڭگو حالقى ءوزىنىڭ جاقسى تۇرمىس كەشىرۋىن كوكسەپ قانا قالماستان، ءار ەل حالقىنىڭ دا جاقسى تۇرمىس كەشىرۋىن ءۇمىت ەتەدى». ۇزاق ۋاقىت بەيبىت، جاپپاي حاۋىپسىز، ورتاق گۇلدەنگەن، اشىق تا قامتىمدى، تازا دا كوركەم دۇنيە تۇلعالاپ، بەيبىتشىلىكتىڭ الاۋىن ۇرپاقتان - ۇرپاققا جالعاپ، دامۋدىڭ قوزعاۋشى كۇشىن تىنباي تۋىنداتىپ، وركەنيەتتىڭ شۇعىلاسىن شار تاراپقا تاراتۋ − جۇڭگو حالقىنىڭ قاپىسىز ءۇمىتى، جۇڭگو كوممۋنيستىك پارتياسىنىڭ تىنباي قۇلشىناتىن تالپىنىسى.
جۇڭگونىڭ قۇلشىنىسىن دۇنيە ءجۇزىنىڭ قۇلشىنىسى ەتۋ، جۇڭگونىڭ ۇلەسى ارقىلى دۇنيە ءجۇزىنىڭ قۇرمەتىنە بولەنۋ. پارتيا 19 - قۇرىلتايى كەزىندە 165 مەملەكەت، 452 باستى ساياسي پارتيا 855 دانا قۇتتىقتاۋ تەلەگرامماسىن، قۇتتىقتاۋ حاتىن جولدادى، تىلشىلىككە كەلگەن شەتەلدىك تىلشىلەردىڭ سانى تاريحتاعى جاڭا ورەنى جاراتتى. «شي جينپيڭ ەل باسقارۋ جونىندە» كىتابى قىسقا عانا بىرنەشە جىلدا 22 تىلدە، 25 ءتۇرلى باسىلىمدا، 6 ميلليون دانادان استام تيراجبەن دۇنيە جۇزىندەگى 160تان استام مەملەكەت پەن رايونعا تارادى. «الەمنىڭ كەلەشەكتەگى ەڭ تاماشا ءۇمىتى جۇڭگودا»، «دۇنيە ءجۇزىنىڭ 2030 - جىلعى بەينەسى جۇڭگوعا بايلانىستى» دەگەن حالىقارالىق قوعامنىڭ ءۇمىت - تىلەكتەرى جۇڭگونىڭ ىقپال كۇشىن ءتۇسىندىردى. دۇنيە ءجۇزىنىڭ تامسانۋىنىڭ استارىندا جۇڭگونىڭ دامۋىنىڭ دۇنيە جۇزىنە الا كەلگەن ورايى جاتىر، جۇڭگونىڭ العا باسۋى الا كەلگەن ءۇمىت جاتىر، جۇڭگونىڭ تابىستى جولىنان تۋىنداعان ادامزات ماسەلەسىن شەشۋدىڭ جوباسى جاتىر.
«تۇتاس ادامزاتتىڭ تۇبەگەيلى ازاتتىعىن جۇزەگە اسىرۋ». سوتسياليزمنىڭ 500 جىلىنا قايىرىلا قاراساق، ماركستىڭ ادامزاتتىڭ كەلەشەگىنە جالىندى جانارمەن كوز جىبەرگەنىن، ادامزاتتىڭ باقىتىن ومىرلىك كۇرەسىنىڭ ىزگى مۇراتى ەتكەنىن كورەمىز. ۇلتتىڭ قيىن - قىستاۋعا تاپ بولعان شاعىندا دۇنيەگە كەلگەن جۇڭگو كوممۋنيستىك پارتياسى باستان - اياق ماركسيزمدى ءوزىنىڭ بەرىك سەنىمى، باستان - اياق ادامزاتقا تىڭ دا اناعۇرلىم زور ۇلەستەر قوسۋدى ءوزىنىڭ بورىشى ەتتى. جاپا - ماشاقاتتى باستان كەشىرىپ بۇگىنگە جەتكەن، «دۇنيە ءجۇزىنىڭ ۇلى بىرلىگىن، الەمنىڭ بەرەكەسىن» تاريحي مايەك ەتىپ ۇستانعان، «بارلىق ەلدى بەرەكە - بىرلىككە شاقىرۋ»، «تۇتاس عالامنىڭ بىرگە وركەندەۋىن جۇزەگە اسىرۋ» سىندى مادەنيەت رۋحىنان تايماعان جۇڭگو كوممۋنيستىك پارتياسى مەن جۇڭگو حالقى بەيبىتشىلىكتىڭ قادىرىن، دامۋدىڭ قۇنىن تەرەڭ تۇسىنەتىندىكتەن، بەيبىت دامۋ جولىنان باستان - اياق جازباي، ءوزارا تيىمدىلىك جەتكىزىپ، بىرگە يگىلىككە كەنەلەتىن اشىق ستراتەگيانى ۇستانىپ، ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسى قۇرىلىسىن ىلگەرىلەتىپ، ادامزاتتىڭ تاماشا كەلەشەگىن بىرگە جاراتادى. تاريح جۇڭگونىڭ «بەيبىت، باۋىرمال، وركەنيەتتى» وياۋ ارىستان ەكەنىن، اناعۇرلىم دامىپ، قۇدىرەتتەنگەن سايىن دۇنيە ءجۇزىنىڭ بەيبىتشىلىگى مەن دامۋىن سولعۇرلىم جەبەيتىن بەرىك كۇش ەكەنىن الدەقاشان دالەلدەدى ءارى جالعاستى دالەلدەي بەرەدى.
1956 - جىلى ماۋ زىدۇڭ جولداس «جۇڭگو ادامزاتقا ءبىرشاما زور ۇلەستەر قوسۋى كەرەك» دەپ ورتاعا قويعان بولاتىن. 1985 - جىلى دىڭ شياۋپيڭ جولداس: «كەلەسى عاسىردىڭ ورتاسىنا بارعاندا... سوتسياليستىك جۇڭگونىڭ قارىمى مەن رولى باسقاشا بولادى، ءبىز ادامزاتقا ءبىرشاما زور ۇلەستەر قوساتىن بولامىز» دەگەن بولاتىن. 2017 - جىلى باس شۋجي شي جينپيڭ: وسى عاسىردىڭ ورتاسىنا بارعاندا «ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعىپ»، ادامزاتقا تىڭ دا اناعۇرلىم زور ۇلەس قوسۋعا جۇڭگونىڭ سەنىمى بار، ونان دا ماڭىزدىسى، كۇشى دە قاپتال جەتەدى، - دەپ جاريالادى.
(شينحۋا اگەنتتىگىنىڭ 14 - قاراشادا بەيجيڭنەن بەرگەن حابارى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
