تاماشا تۇرمىسقا قادام تاستاۋدىڭ جاڭا جورىعىن باستايىق
جينپيڭنىڭ ازيا - تىنىق مۇحيت ەكونوميكالىق ىنتىماقتاستىق ۇيىمى ونەركاسىپ - ساۋدا باسشىلارىنىڭ باس قوسۋىنداعى ارقاۋ ءسوزى تۋرالى (4)
حالىق گازەتىنىڭ شولۋشىسى
2017.11.17 11:13 كەلۋ قاينارى : شينجياڭ گازەتى
حالىقتى تاماشا تۇرمىسقا باستاۋ − جۇڭگو كوممۋنيستىك پارتياسىنىڭ ءارقاشان اينىمايتىن كۇرەس نىساناسى؛ حالىقتىڭ ىرىسىن ۇزدىكسىز مولايتۋ − جۇڭگو دامۋىنىڭ ءتۇبىرلى ماقساتى. ازيا - تىنىق مۇحيت ەكونوميكالىق ىنتىماقتاستىق ۇيىمى ونەركاسىپ - ساۋدا باسشىلارىنىڭ باس قوسۋىنداعى ارقاۋ سوزىندە شي جينپيڭ دۇنيە جۇزىنە جۇڭگونىڭ «حالىقتى وزەك ەتىپ، تاماشا تۇرمىسقا قادام تاستايتىن جاڭا جورىق» باستايتىنىن جاريالاپ، جۇڭگو كوممۋنيستىك پارتياسىنىڭ اۋەلگى ماقساتى مەن بورىشىن پارمەندى تۇردە ايگىلەپ، الەمدىك ەكونوميكانىڭ دامۋىن جەبەۋگە جۇڭگو پاراساتى مەن جۇڭگو جوباسىن ۇسىندى.
«جۇڭگونىڭ وراسان زور تابىسقا جەتۋىنىڭ تۇپكى <سىرى> بيلىك باسىنداعى پارتيا جۇڭگو كوممۋنيستىك پارتياسىنىڭ حالىقتىڭ ناعىز قاجەتىن تۇسىنە بىلگەنىندە». حالىقارالىق قوعامنىڭ جۇڭگونىڭ دامۋ «سىرى» جونىندەگى تۇيىندەمەسى وسى رەتكى ازيا - تىنىق مۇحيت ەكونوميكالىق ىنتىماقتاستىق ۇيىمى ونەركاسىپ - ساۋدا باسشىلارىنىڭ باس قوسۋىندا تاعى ءبىر مارتە دالەلدەندى. جالپىعا ءتيىمدى بازاردى كەڭەيتىپ، مۇددەلەردەن بىرگە يگىلىكتەنەتىن تىزبەكتى نىعايتۋ؛ قامتىمدى بولۋ، بىرگە يگىلىكتەنۋ ۇستانىمىن دامۋ ستراتەگياسىنا ءسىڭىرىپ، ونىمدىلىكتى دارىپتەيتىن، ادىلدىككە ءمان بەرەتىن ءتۇزىلىس - مەحانيزمدەردى كەمەلدەندىرۋگە قۇلشىنىپ، قوعامدىق تەڭدىك پەن ادىلدىكتى قورعاۋ؛ ءبىلىم بەرۋ، ەمدەۋ، جۇمىسقا ورنالاستىرۋ سياقتى حالىق تۇرمىسى سالالارىنا ۇسىنىلىمدى ارتتىرىپ، كەدەيلىك، تابىس ءبولىسى ايىرماشىلىعىنىڭ ۇلعايۋى سياقتى ماسەلەلەردى ويداعىداي شەشۋ؛ ءالسىز توپتاردى دەمەۋ سەرپىنىن كۇشەيتىپ، ورتا، شاعىن، ۇساق كاسىپورىنداردىڭ دامۋ ورتاسىن جاقسارتىپ، ەڭبەكشىلەردىڭ كاسىپ سالاسىنىڭ وزگەرىسىنە ۇيلەسۋ قابىلەتىن كۇشەيتۋ... شي جينپيڭ حالىقتى وزەك ەتكەن دامۋ يدەياسىن تەرەڭ ءتۇسىندىرىپ، ەكونوميكالىق دامۋدىڭ قامتىمدىلىعىن ۇزدىكسىز كۇشەيتىپ، حالىق بۇقاراسىنىڭ دامۋ جەمىستەرىنەن بىرگە يگىلىكتەنۋىنە مۇمكىندىك جاساۋ تۋرالى جۇڭگو دارىپتەمەسىن ورتاعا قويىپ، حالىقارالىق قوعامنىڭ جوعارى باعاسىن الدى.
دامۋ − ادامزات قوعامىنىڭ ماڭگىلىك تاقىرىبى، حالىق − دۇنيە تاريحىن جاسايتىن قوزعاۋشى كۇش. قازىر ەكونوميكانىڭ جاھاندانۋ ءۇردىسى قيىندىقتارعا ءدوپ كەلدى، مۇنىڭ ماڭىزدى سەبەپتەرىنىڭ ءبىرى − دامۋدىڭ قامتىمدىلىعىنىڭ جەتكىلىكسىزدىگى. تۇرلىشە مەملەكەتتىڭ، تۇرلىشە جىكتەگىلەردىڭ بارلىعىنىڭ دامۋ پايداسىنان بىرگە يگىلىكتەنۋىنە مۇمكىندىك جاساۋدىڭ، ورايدىڭ اركىمگە ورتاق، جەمىستەن بىرگە يگىلىكتەنۋىنە مۇمكىندىك جاساۋدىڭ تەتىگى قامتىمدىلىقتى ءتىپتى دە كورنەكتى ورىنعا كوتەرۋدە. وتكەن بىرنەشە جىلدا، ەكونوميكالىق قۇرىلىمعا رەتتەۋ جۇرگىزۋمەن بىرگە، جۇڭگو قالا - قالاشىقتا جىلىنا تىڭنان 13 ميلليوننان استام ادامدى جۇمىسقا ورنالاستىردى، بۇل دۇنيەگە ءبىر تۇتاس جوسپارلاۋ كۇشەيتىلىپ، شارالار ورنىن تاۋىپ، ادىلدىك پەن ونىمدىلىكتىڭ، كاپيتال مەن ەڭبەككۇشتىڭ، تەحنيكا مەن جۇمىسقا ورنالاسۋدىڭ قاتىناسى دۇرىس ءبىر جاقتى ەتىلىپ، ءتىپتى دە كوپ ادام كاسىپ سالاسىنىڭ وزگەرىسىنە ۇيلەسۋ قابىلەتىنە يە بولسا، رەفورما مەن دامۋ ءۇشىن جەتكىلىكتى مۇمكىندىك ازىرلەۋگە بولادى دەيتىن تاجىريبە ۇسىندى.
«بامبۇكتىڭ ۇشار باسى 100 كەزگە جەتسە دە جەتىلە ءتۇسۋى كەرەك، سوڭعى شىعار تياناق − 10 جاقتى كەمەلدىلىك». پارتيا 19 - قۇرىلتايىندا: «جۇڭگوشا سوتسياليزم جاڭا داۋىرگە ءوتتى، ەلىمىز قوعامىنىڭ باستى قايشىلىعى حالىقتىڭ كۇن سايىن ارتقان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى» دەپ اتاپ كورسەتىلدى. حالىقتى وزەك ەتىپ، تاماشا تۇرمىسقا قادام تاستاۋدىڭ جاڭا جورىعىن باستاۋدا دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، حالىقتىڭ كۇن سايىن ارتقان تاماشا تۇرمىس قاجەتىن ۇزدىكسىز قاناعاتتاندىرىپ، قوعامنىڭ تەڭدىگىن، ادىلدىگىن ۇزدىكسىز جەبەپ، حالىقتىڭ كەنەلۋ سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ ءتىپتى دە كەمەلدى، ءتىپتى دە قامتاماسىز، ءتىپتى دە باياندى بولۋىنا مۇمكىندىك جاساۋ؛ كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى ۇزدىكسىز ىلگەرىلەتىپ، 2020 - جىلى ەلىمىزدىڭ قازىرگى ولشەمى بويىنشا اۋىل - قىستاق كەدەيلەرىن كەدەيلىكتەن قۇتىلدىرۋ نىساناسىن جۇزەگە اسىرۋ كەرەك. «جاپپاي دوڭگەلەك داۋلەتتى قوعام ورناتۋدا ءبىر ميلليارد 300 ميلليوننان استام جۇڭگولىقتىڭ بىردە - ءبىرىن قاعىس قالدىرۋعا بولمايدى»! باس شۋجي شي جينپيڭنىڭ جۇرەككە جەتكەن سوزدەرى ءدال جۇڭگو جاڭا جورىعىنىڭ قۇندىلىق كوورديناتاسى بولىپ تابىلادى.
حالىقتى وزەك ەتكەن دامۋ يدەياسى ابستراكت، ءتىلسىم ۇعىم ەمەس، ونى اۋىز جۇزىندە قالدىرۋعا، وي جۇزىندە توقىراتۋعا بولمايدى، قايتا ونى ەكونوميكالىق، قوعامدىق دامۋدىڭ ءار بۋىنىندا ايگىلەۋ كەرەك. ءبىز ايتاتىن وسىزامانداندىرۋ ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، ءارى ءتىپتى دە مول ماتەريالدىق بايلىق جانە رۋحاني بايلىق جاراتىپ، حالىق بۇقاراسىنىڭ كۇن سايىن ارتقان تاماشا تۇرمىس قاجەتىن قاناعاتتاندىرۋ ءارى ءتىپتى دە مول ساپالى، ەكولوگيالىق ونىمدەر ۇسىنىپ، حالىق بۇقاراسىنىڭ كۇن سايىن ارتقان تاماشا ەكولوگيالىق ورتا قاجەتىن قاناعاتتاندىرۋ كەرەك. حالىقتى وزەك ەتىپ، تاماشا تۇرمىسقا قادام تاستاۋدىڭ جاڭا جورىعىن باستاۋدا جۇڭگو ەكولوگيالىق وركەنيەت ءتۇزىلىسى رەفورماسىن جەدەلدەتىپ، جاسىل، تومەن كومىرتەكتى، باياندى دامۋ جولىنان اۋىتقىماي، ەكولوگيالىق ورتانى قورعاۋدىڭ ەڭ قاتاڭ ءتۇزىمىن اتقارادى. دۇرىس دەپ تانىعان ءىستى العان بەتتەن قايتپاي، تاباندىلىقپەن جالعاستىرساق، ءبىز ادامزات ءومىر سۇرەتىن ورتاق مەكەندى جاقسى قورعاپ، ەكولوگيالىق وركەنيەت قۇرىلىسى جەمىستەرىنەن بۇكىل حالىققا ءتىپتى دە جاقسى تيىمدىلىك جاساپ، ۇرپاقتارعا باقىت جاراتا الامىز.
تەك حالىقتى مەملەكەتتىڭ نەگىزى ەتكەندە ءارى وسى نەگىزدى بەكەمدەگەندە، مەملەكەت تىنىش بولادى. دامۋدىڭ قوزعاۋشى كۇشى اناعۇرلىم مىعىم، حالقىنىڭ كەنەلۋ سەزىمى اناعۇرلىم كۇشتى، دۇنيە جۇزىمەن ءوزارا ىقپالداستىعى اناعۇرلىم تەرەڭ جۇڭگو، ءسوز جوق، ازيا - تىنىق مۇحيت ءوڭىرى جانە الەم ءۇشىن ءتىپتى دە مول وراي ازىرلەپ، ءتىپتى دە كوپ ۇلەس قوسادى.
(شينحۋا اگەنتتىگىنىڭ 13 - قاراشادا بەيجيڭنەن بەرگەن حابارى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
