ىلە وبلىسىنىڭ سىرتقى ساۋداسى كۇسەت بولدى
2017.11.20 16:47
پارتيا 18- قۇرىلتايىنان بەرگى بەس جىلدا ىلە قازاق اۆتونوميالى وبلىسى مەملەكەتتىڭ «ءبىر بەلدەۋ، ءبىر جول» ستراتەگياسىنا بەلسەنە سايكەسىپ، اۆتونوميالى رايوننىڭ جىبەك جولى ەكونوميكالىق بەلدەۋىندەگى ماڭىزدى ورنىن قالىپتاستىرۋ ءۇشىن ءتيىمدى ساياساتتاردان دۇرىس پايدالانا وتىرىپ، بايلىق جانە ورىن ابزالدىعىنا سۇيەنىپ، قورعاس ەكونوميكالىق اشۋ رايونىن نەگىز ەتكەن سىرتقا باعىتتالعان ساۋدانى جاپپاي دامىتتى. بۇل شارا وبلىستىڭ قارجى قوسۋدى ارتتىرىپ، ساياحات ىستەرى، زات اينالىمى جانە شەتەل ونىمدەرىنىڭ كەلۋ قاينارىن اشۋ ىستەرىن ورنىقتى ىلگەرىلەتتى.
بۇكىل ەل كولەمىندە «ءبىر بەلدەۋ، ءبىر جول» ستراتەگياسىن جاپپاي العا قويۋ ۇردىسىندە بايىرعى جىبەك جولىنداعى ماڭىزدى وتكەل ەسەپتەلەتىن قورعاس وتكەلى ورتا ازيا، شىعىس ازيا جانە ەۆروپاعا زات تاسمالداۋدا ەڭ جاقىن، ەڭ قولايلى شەكارا وتكەلى بولۋ سىندى ماڭىزدى رولىن شىنايى ساۋلەلەندىردى. سونىمەن بىرگە مەملەكەتتىڭ سىرتقى ساۋداعا دەگەن ابزال ساياساتىنىڭ ارقاسىندا قازىر قورعاس وتكەلىنىڭ تاۋار يمپورت- ەكسپورت مولشەرى قاۋىرت ارتىپ، وتكەلدەن تاسىمالدانىپ وتەتىن زات تۇرلەرى دە كورنەكتى كوبەيدى.
قورعاس كەدەنىنىڭ ساناعىنا نەگىزدەلگەندە، بيىل قاڭتاردان تامىزعا دەيىن قورعاس وتكەلىنىڭ تاۋار يمپورت - ەكسپورت مولشەرى 19 ميلليون 372 مىڭ 700 تونناعا جەتىپ، وتكەن جىلداعىمەن سالىستىرعاندا %12.4 ارتقان، ال يمپورت - ەكسپورت ساۋدا سوماسى 70 ميلليارد 179 ميلليون يۋانعا جەتىپ، ۇقساس مەزگىلدەگىدەن %29.86 ارتقان.
جاقىنعى جىلداردان بەرى قۇلجا قالاسى جىڭ - قۇلجا - قورعاس تەمىر جولىن، 218-، 313- مەملەكەت تاس جول لەنياسىن نەگىز ەتكەن قاتىناس قولايلىلىعى ابزالدىعىنان پايدالانىپ، كەدەنگە جەتكىزىلگەن تاۋارلاردى دەركەزىندە سىرتقا جونەلتۋ شاراسىن كەمەلدەندىرىپ، كاسىپورىنداردىڭ سىرتتان كىرگەن بايلىقتان ۇتىمدى پايدالانۋىنا كومەك كورسەتىپ، قورعاس كەدەنىنىڭ ورىن ابزالدىعىنىڭ جاريالىلىعىن ارتتىردى. بۇل شارا ىشكى ولكەلەردەگى قۋاتتى كاسىپورىنداردى ابزال ساياساتتاردىڭ قولداۋىندا سىرتقا قارجى قوسۋعا ىنتالاندىرىپ، حالىقارالىق ساياحات، ساۋدا اينالىمى جانە قۇرىلىس تۇرلەرىن كوتەرەگە الۋ، سىرتقا ەڭبەككۇش شىعارۋ، سىرتقى ساۋدا سياقتى جاقتاردا ورنىقتى دامۋىنا ۇلكەن جەبەۋ بولدى.
بيىلعى جىلى قۇلجا قالاسىنىڭ سىرتقى ساۋدا يمپورت - ەكسپورت ساۋدا سوماسى 107 ميلليون امەريكا دوللارىنا جەتىپ، ۇقساس مەزگىلدەگىدەن %71 ارتقان.
2016- جىلدىڭ سوڭىنا دەيىن ىلە وبلىسى 131 مەملەكەت جانە رايونىمەن ساۋدا بارىس - كەلىسىن ورناتىپ، مول بايلىق ەرەكشەلىگىن ارقاۋ ەتىپ، كولەمدى سىرتقى ساۋدا بازار اۋقىمىن قالىپتاستىردى. مۇندا توقىما ونىمدەرى، كيىم- كەشەك، قۇرىلىس ماتەريالدارىن نەگىز ەتكەن اۋىل شارۋاشىلىق ونىمدەرىن جانە كوكونىس، استىق - ماي، بيولوگيالىق ءدارى ماتەريالدارىن نەگىز ەتكەن اۋىل شارۋاشىلىق ونىمدەرى يمپورت ەتىلدى. بۇعان ىلەسە مانەرلەۋ، جاساۋ ءبىر تۇلعالانعان قىزمەت وتەۋ جۇيەسى قالىپتاسىپ، ەڭبەككۇشتى، تەحنيكانى سىرتقا شىعارۋ جۇيەسى قالىپتاسا باستادى. مىنە، وسى نەگىز ارقىلى قازىر ىلە وبلىسىنىڭ قۇلجا، قورعاس، كۇيتۇندى نەگىز ەتكەن سىرتقا باعىتتالعان حالىقارالىق زات اينالىم جۇيەسى العاشقى ادىمدا قالىپتاسىپ، وبلىستىڭ ەكونوميكاسىنىڭ تەز قارقىنمەن دامۋىن قامتاماسىز ەتكەن. باقىتبەك ءجۇمادىل ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
