شايار اۋدانىنىڭ وگەن وزەنى سۋارمالى القابىنداعى 500 مىڭ مۋلىق سۋ ۇنەمدەپ، كىرىستى ارتتىرۋ سىناق ءتۇيىنى نىسانى جۇمىس باستادى
2017.12.07 16:02 كەلۋ قاينارى : شينجياڭ گازەتى
ءتىلشىمىز گاي يوۋجۇن، ەرىكتى ءتىلشى ۋاڭ يۇيتاڭ ۇرىمجىدەن حابارلايدى. جۋىقتا شايار اۋدانى گۇلباق قالاشىعى ورتا كولدەش قىستاعىنداعى ءبىر ەگىس اتىزىندا قازۋ، كۇرەۋ، تەگىستەۋ ماشينالارى قايشالىسىپ، قاربالاس جۇمىس ىستەۋدە. ورتا كولدەش قىستاعىنىڭ جەردى تەگىستەۋ قىزمەتىنىڭ ورىستەتىلۋى شايار اۋدانى وگەن وزەنى سۋارمالى القابىنداعى 500 مىڭ مۋلىق سۋ ۇنەمدەپ، كىرىستى ارتتىرۋ سىناق ءتۇيىنى نىسانىنىڭ رەسمي جۇمىس باستاعاندىعىن بەينەلەيدى.
بيىل 8 - ماۋسىمدا اۆتونوميالى رايوندىق حالىق ۇكىمەتى «اۆتونوميالى رايوننىڭ وڭتۇستىك شينجياڭ اۋىل شارۋاشىلىعىندا سۋ ۇنەمدەۋ سىناق ءتۇيىنى اتقارۋ جوباسىنا» بەكىتۋ جازىپ، شايار اۋدانىندا اۋىل شارۋاشىلىعىندا سۋ ۇنەمدەپ، كىرىستى ارتتىرۋ سىناق ءتۇيىنى قىزمەتىن جۇرگىزۋگە قوسىلىپ، سىناق تۇيىنىندە ۇلگى كورسەتۋ ارقىلى باسقاعا جەتەكشىلىك ەتۋ ءتاسىلىن قولدانىپ، وڭتۇستىك شينجياڭ اۋىل شارۋاشىلىعىندا سۋ ۇنەمدەۋ تەحنيكاسىن جالپىلاستىرۋدى، پايدالانۋدى زور كۇشپەن ىلگەرىلەتۋدى قۇپتادى.
شايار اۋدانى وگەن وزەنى سۋارمالى القابىنداعى سۋ ۇنەمدەپ، كىرىستى ارتتىرۋ سىناق ءتۇيىنى نىسانىنىڭ قۇرىلىس باستاۋى وسى اۋداننىڭ قايلور قالاشىعى، تويبولدى قالاشىعى، گۇلباق قالاشىعى، جاڭا ءمالى قالاشىعى، قىزىلتۋ قالاشىعى، يانتاقشار اۋىلى، نۇرباق اۋىلى سياقتى 7 اۋىل - قالاشىعىنا قاتىستى. مۇنىڭ مازمۇنى مىنالاردى قامتيدى: اۋىل شارۋاشىلىعىندا سۋ ۇنەمدەيتىن 500 مىڭ مۋ جەردى جاڭادان اشۋ، 864 كيلومەتر سۋ سىڭبەيتىن سايكەستى توعاندار تارتۋ، 3881 جەردەن ولشەۋ قۇرىلعىسىن قۇرۋ، اۋىل شارۋاشىلىعىنداعى جەر سۋارۋعا قاجەتتى سۋدىڭ جالپى مولشەرىن مەڭگەرۋ جانە نورمالاپ باسقارۋ ءتۇزىمىن جاپپاي ورناتۋ، سۋ ۇقىعى، سۋ باعاسى رەفورماسىن ىلگەرىلەتۋ، دالمە - ءدال قوسىمشا قاراجات، ەكولوگيالىق سيلىق بەرۋ جانە اينالىم، باسقارۋ ءتۇزىلىس مەحانيزمىن ورناتۋ، كەمەلدەندىرۋ. نىسان قۇرىلىسى بيىل باستاپ اتقارىلىپ، 2019 - جىلى اياقتايدى، وعان مەجەمەن ءبىر ميلليارد 300 ميلليون يۋانعا جۋىق قارجى جۇمسالادى. بۇل نىساننىڭ اتقارىلۋى ارقىلى وسى اۋداننىڭ سۋارۋ تەحنيكاسىنىڭ مەشەۋلىگى، سۋارمالى سۋدان پايدالانۋ كوەفيتسەنتىنىڭ تومەن بولۋى سياقتى ماسەلەلەرىن ءونىمدى شەشىپ، اۋىل شارۋاشىلىعىن سۋمەن قامداۋعا كەپىلدىك ەتۋ مولشەرى مەن سۋدان پايدالانۋ مولشەرىن مۇمكىندىگىنشە جوعارىلاتادى، سونىمەن قاتار، وسى اۋداننىڭ اۋىل شارۋاشىلىعىن ماشينالاندىرىپ، كولەمدەندىرىپ باسقارۋىن ىلگەرىلەتىپ، اۋىل شارۋاشىلىق ءوندىرىس وزىندىك قۇنىن تومەندەتىپ، توپىراقتان ءونىم الۋ مولشەرىن مولايتىپ، اۋىل شارۋاشىلىعىنىڭ ونىمدىلىگىن جوعارىلاتۋدى جەبەپ، شارۋالاردىڭ كىرىسىن ارتتىرۋدى ىلگەرىلەتەدى.
قازىر شايار اۋدانىنداعى 7 اۋىل - قالاشىق اۋىل شارۋاشىلىعىنداعى سۋ ۇنەمدەپ، كىرىستى ارتتىرۋ سىناق ءتۇيىنى نىسانىنا ۇشتاستىرىپ جەردى تەگىستەۋ قىزمەتىن ورىستەتىپ، بيىل قىس، كەلەر جىلى كوكتەمنەن پايدالانىپ 213 مىڭ مۋ جەردى تەگىستەۋدى جوسپارلادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
