شي جينپيڭ ورتا بولىك سوعىستىق رايونى قۇرلىق ارمياسىنىڭ بەلگىلى ديۆيزياسىن كوزدەن كەشىرگەندە پراكتيكالىق اسكەري جاتتىعۋدى مىقتى يگەرىپ، بىرەگەي جاۋىنگەرلىك كۇش دايىنداۋعا كۇش شوعىرلاندىرۋدى باسا دارىپتەدى
2018.01.08 14:33 كەلۋ قاينارى : شينجياڭ گازەتى
شينحۋا اگەنتتىگىنىڭ 4 - قاڭتاردا باۋديڭنەن بەرگەن حابارى (ءتىلشى ساۋ جى). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 33 - قاڭتار كۇنى ورتا بولىك سوعىستىق رايونى قۇرلىق ارمياسىنىڭ بەلگىلى ديۆيزياسىن كوزدەن كەشىرگەندە پارتيا 19 - قۇرىلتايىنىڭ رۋحىن مۇقيات دايەكتىلەندىرىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، پراكتيكالىق اسكەري جاتتىعۋدى مىقتى يگەرىپ، سيفرلانعان ارميا قۇرىلىسىن باسقارۋ مەن سوعىس جۇرگىزۋگە قولدانۋدان جاڭالىق اشۋدى ىشكەرىلەي ىلگەرىلەتىپ، بىرەگەي جاۋىنگەرلىك كۇش دايىنداۋعا كۇش شوعىرلاندىرۋدى باسا دارىپتەدى. شي جينپيڭ پارتيا ورتالىق كوميتەتى مەن ورتالىق اسكەري ىستەر كوميتەتى اتىنان ازاتتىق ارميا كوماندير - جاۋىنگەرلەرىنىڭ، قارۋلى ساقشى بولىمدەرى كوماندير - جاۋىنگەرلەرىنىڭ، حالىق جاساقتارى مەن زاپاستاعى اسكەريلەردىڭ جاڭا جىلىنا قۇتتى بولسىن ايتتى.
جاڭا جىلدىڭ شۋاعىنا مالىنعان يانجاۋ دالاسى تىرشىلىك تىنىسىنا تولى. 3 - قاڭتار كۇنى تۇستەن بۇرىن ساعات 10 نان 30 مينۋتتاي وتكەندە، شي جينپيڭ ورتا بولىك سوعىس رايونى قۇرلىق ارمياسىنىڭ بەلگىلى ديۆيزياسىنا كەلدى. ول الدىمەن اسكەري ءبولىمنىڭ قارۋ - جاراقتارى مەن جابدىقتارىن كوزدەن كەشىردى. نەشە ونداعان سيفرلانعان جابدىق قاز - قاتار ءتىزىلىپ، ايبات شەگىپ تۇر، شي جينپيڭ جۇرە كورىپ، ءالسىن - ءالى قادام كىدىرتىپ، قاتىستى جاعدايلاردى سۇرادى. جەر بەتىنەن تۇتقيىل شابۋىلداۋ جۇيەسى جابدىقتارىنىڭ الدىندا، شي جينپيڭ كوڭىلدى بەينەمەن 99A تانكىسىنە شىقتى. بۇل ەلىمىز ءوزى زەرتتەپ وندىرگەن جاڭا بۋىن نەگىزگى سوعىس تانكىسى، «قۇرلىق سوعىسىنىڭ پاتشاسى» دەگەن ادەمى اتى بار. وت كۇشىمەن سوققىلاۋ جۇيەسى جابدىقتارىنىڭ الدىندا، شي جينپيڭ قىزىل جەبە − 10 زىمىران ۇشىرۋ كولىگىنە شىعىپ، جابدىقتىڭ سوعىستىق تەحنيكا قۋاتىن تاپتىشتەپ ۇعىستى. شي جينپيڭ مىنالاردى باسا دارىپتەدى: عىلىم - تەحنيكادا جاڭالىق اشۋ دەگەن مۇرىندىقتى مىقتى يگەرىپ، اسكەري ءبولىمنىڭ عىلىم - تەحنيكالىق قۇرامىن تولىق اشىققا شىعارىپ، عىلىم - تەحنيكالىق ارتىقشىلىقتى قابىلەت ارتىقشىلىعىنا، سوعىس جۇرگىزۋ ابزالدىلىعىنا اينالدىرۋ كەرەك.
ونان كەيىن، شي جينپيڭ بارلاۋ - اقپار باتاليونىنىڭ جاتتىعۋ الاڭىنا باردى. وسى باتاليوننىڭ بارلاۋشىلار 2 - روتاسى قاھارمان بارلاۋشى ياڭ زىرۇڭ كوزى تىرىدە تۇرعان روتا، ورتالىق اسكەري ىستەر كوميتەتى جاعىنان «قاھارمان بارلاۋشىلار روتاسى» دەگەن داڭقتى اتاق بەرىلگەن. شي جينپيڭ مەرگەندەردىڭ بەكىنىس قۇرۋ جانە جاسىرىنۋ جاتتىعۋىن ەگجەي - تەگجەيلى قاراپ، سيفرلانعان جەكە سوعىس جۇرگىزۋ جۇيەسىنىڭ جاعدايىمەن تانىستى. بارلاۋشىلاردىڭ شيراق قيمىلداپ، ساپالى جاتتىعۋلار جاساعانىن كورگەندە شي جينپيڭ توتەنشە قۋاندى.
شي جينپيڭ اسكەر قاتارىنا جاڭادان قابىلدانعان جاس جاۋىنگەرلەرگە توتەنشە كوڭىل ءبولدى. جاتتىعۋ الاڭىندا 22 - روتانىڭ جاس جاۋىنگەرى بارلاۋشىلىق اتىس جاتتىعۋىن جۇرگىزىپ جاتقان ەدى، شي جينپيڭ ولارمەن شۇيىركەلەسە اڭگىمەلەسىپ، قاتىستى جاعدايلاردى تاپتىشتەپ سۇرادى. جاڭا جاۋىنگەرلەردىڭ اراسىندا جاس دارىندىلار مەن جاس شەبەرلەردىڭ از ەمەستىگىنىڭ، كەيبىرىنىڭ مەملەكەتتىك 1 - دارەجەلى سپورتشى، كەيبىرىنىڭ كوپ جىل جۇدىرىق ونەرىنە تاربيەلەنىپ، كولەمدى جارىستاردا سيلىق - گراموتا العانىن بىلگەندە، شي جينپيڭ باس يزەپ، القاۋ ايتتى. جاۋىنگەر شۇي داچيڭ قولما - قول چاڭچۋان ونەرىن كورسەتتى، ونىڭ شيراق قيمىلىنا جۇرت شاپالاق سوعىپ، قوشامەت ءبىلدىردى. شي جينپيڭ ولاردى بارلاۋشىلىق ونەرى بويىنشا جاپالى جاتتىعۋ جاساپ، ياڭ زىرۇڭشىل قاھارمان بارلاۋشى اتانۋعا جىگەرلەندىردى. جاۋىنگەرلەر ءتوراعا شي جينپيڭمەن توپتىق سۋرەتكە تۇسۋگە تىلەك ءبىلدىردى، شي جينپيڭ ولاردى قۋانا قاسىنا شاقىردى، ولار شي جينپيڭدى قاۋمالاپ الىستى، جاستىقتىڭ نۇرى توگىلگەن جۇزدەردە باقىت پەن شاتتىقتىڭ لەبى ەستى. ايرىلىسار ساتتە، الاڭداعى كوماندير - جاۋىنگەرلەر شي جينپيڭدى قيماستىقپەن شىعارىپ سالىپ، «پارتيانىڭ قولباسشىلىعىنا بويسۇنىپ، جەڭىستى سوعىس جۇرگىزىپ، تاڭداۋلى ءداستۇردى ساقتايمىز» دەپ ۇراندادى، بۇل كوماندير - جاۋىنگەرلەردىڭ ءتوراعا شي جينپيڭنىڭ ءسوزىن تىڭداپ، ءتوراعا شي جينپيڭنىڭ جاقسى جاۋىنگەرى بولۋعا بەل بۋعان بەرىك بەكىمىن ايگىلەدى.
تۇستەن كەيىن ساعات 3 مولشەرىندە، شي جينپيڭ ەلىكتەمەلى جاتتىعۋ ورتالىعىنا بارىپ، ديۆيزيا ورگانىنداعى بارلىق كادر مەن قاراستى اسكەري بولىمدەردەگى پولك دارەجەسىنەن جوعارى كادرلاردى قابىلداپ، ولارمەن ىقىلاستى بەينەدە قول الىسىپ، ەستەلىك سۋرەتكە ءتۇستى. ىلە - شالا شي جينپيڭ ديۆيزيانىڭ تاريحي مۇراجايىن ەكسكۋرسيالادى. دانا - دانا سۋرەتتەر مەن ناقتى زاتتاردى شي جينپيڭ مۇقيات كورىپ شىقتى. وسى ديۆيزيانىڭ امەريكاعا قارسى تۇرىپ، چاۋشيانعا كومەكتەسۋ سوعىسى كەزىندە سۇڭگۋفىڭدە قيان - كەسكى شايقاس جۇرگىزگەن جاعدايى تۋرالى كورمە تاقتاسىنىڭ الدىندا شي جينپيڭ ويلى بەينەمەن بىلاي دەدى: بۇل شايقاس وتە قيان - كەسكى بولدى، كوماندير - جاۋىنگەرلەردىڭ ۇرىس جىگەرى وتە قايسار بولدى. ارميامىز ەجەلدەن ايباتتى، بۇرىن قۇرال تاپشى بولسا دا جىگەرىمىز ۇستەم بولاتىن، قازىر قۇرال جەتكىلىكتى، جىگەرىمىز ءتىپتى ۇستەم، سۇيەگىمىز ءتىپتى اسىل بولۋعا ءتيىستى.
ونان كەيىن، شي جينپيڭ وسى ديۆيزيانىڭ قىزمەت جاعدايىنان مالىمەتتى تىڭدادى ءارى ماڭىزدى ءسوز سويلەدى. ول مىنالاردى باسا دارىپتەدى: اسكەر جاتتىقتىرۋ مەن سوعىسقا دايىندالۋدى كۇشەيتۋ، اسكەري بولىمدەردىڭ بارلىق وي - ىنتاسى سوعىس جۇرگىزۋگە شوعىرلانۋ، ءتۇرلى قىزمەتتەردە سوعىس جۇرگىزۋگە كۇش سالۋ كەرەك، سيفرلانعان اسكەري ءبولىمنىڭ سوعىس جۇرگىزۋى تۋرالى زەرتتەۋدى كۇشەيتىپ، سوعىس جۇرگىزۋ ۇعىمدارى مەن تاكتيكالىق تاسىلدەردى جاڭالاپ، پراكتيكالىق اسكەري جاتتىعۋدى مىقتى يگەرىپ، جاتتىعۋدىڭ دەڭگەيى مەن جەڭىسكە جەتۋ قابىلەتىن ۇزدىكسىز كوتەرۋ كەرەك. جۇيە قۇرىلىسىن نىعايتىپ، ءتۇرلى كۇش، ءتۇرلى جۇيە، ءتۇرلى فاكتورلار قۇرىلىسىن ءبىر تۇتاس جوسپارلاپ، ينفورماتسيالىق جۇيە مەن سوعىس جۇرگىزۋ ساندى مالىمەت قۇرىلىسىن كۇشەيتىپ، جۇيەلى سوعىس جۇرگىزۋ قابىلەتىن ازىرلەۋگە كەپىلدىك ەتىپ، بۇكىل ارميانىڭ بىرلەسكەن سوعىس جۇرگىزۋ جۇيەسىمەن جاندى تۇردە توعىسۋ كەرەك. رەفورما جاساۋ مەن جاڭالىق اشۋدى كۇشەيتىپ، ءتۇزىلىم قۇرىلىمىن ساپالىلاندىرىپ، عىلىم - تەحنيكانى قولدانۋدى كۇشەيتىپ، كوماندير - جاۋىنگەرلەردىڭ عىلىم - تەحنيكالىق ساپاسىن نىعايتىپ، جاڭاشىل حالىق ارمياسىنىڭ امالياتتىق ىزدەنىسىن بەلسەندىلىكپەن ىلگەرىلەتۋ كەرەك. ساياسي كەپىلدىكتى قاتايتىپ، پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى مىقتى يگەرىپ، گۋتيانداعى بۇكىل ارميانىڭ ساياسي قىزمەت ءماجىلىسىنىڭ رۋحىن دايەكتىلەندىرىپ، جاڭا داۋىردەگى پارتيا قۇرىلىسىنىڭ جالپى تالابى بويىنشا ءار دارەجەلى پارتيا ۇيىمدارى قۇرىلىسىن كۇشەيتىپ، «توڭكەرىستىك گەندى جالعاستىرىپ، ارميانى قۇدىرەتتەندىرۋدىڭ اۋىر تاپسىرماسىن ارقالايىق» اتىنداعى تاقىرىپتىق تاربيەنى ەتەك الدىرىپ، اسكەري ءبولىمنىڭ پارتيا ورتالىق كوميتەتى مەن ورتالىق اسكەري ىستەر كوميتەتىنىڭ قولباسشىلىعىنا باتىل بويسۇنۋىنا كەپىلدىك ەتۋ كەرەك. ءار دارەجەلى ورىندار سيفرلانعان اسكەري ءبولىمنىڭ دارىندىلار قوسىنى قۇرىلىسىنا ايرىقشا ءمان بەرىپ، جوعارى ساپالى جاڭاشا اسكەري دارىندىلاردىڭ ءبىر توبىن جەتىلدىرۋى كەرەك. ىستىق ىقىلاسپەن كوماندير - جاۋىنگەرلەرگە ناقتى ىستەر ىستەپ بەرىپ، ولاردىڭ قيىنشىلىعىن شەشىپ، نەگىزگى ساتىداعى كوماندير - جاۋىنگەرلەردىڭ ماڭايىنداعى «ميكرو جەمقورلىق» پەن بۇرىس ستيلدەردى باتىل تۇزەتىپ، قالىڭ كوماندير - جاۋىنگەرلەردىڭ بەلسەندىلىگىن، ىرىقتىلىعىن جانە جاسامپازدىعىن تولىق جۇمىلدىرىپ، اسكەري ءبولىم قۇرىلىسىن بىرگە العا ىلگەرىلەتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا، ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين قيمىلعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
