رايونىمىز جۇمىستاندىرۋ ارقىلى حالىققا تيىمدىلىك جەتكىزۋ ينجەنەرياسىن ۇزدىكسىز ىشكەرىلەي اتقارادى
2018.01.10 13:35 كەلۋ قاينارى : شينجياڭ گازەتى
بيىل قالا - قالاشىقتاردان تىڭنان 460 مىڭ ادامدى جۇمىستاندىرۋدى، اۋىل - قىستاقتاردان 2 ميلليون 700 مىڭ (رەت) ارتىق ەڭبەككۇشتى باسقا سالاعا ويىستىرىپ جۇمىستاندىرۋدى جوسپارعا الدى
باس شۋجي شي جينپيڭ پارتيا 19 - قۇرىلتايىندا: جۇمىستاندىرۋ − حالىق تۇرمىسىنا ساياتىن ەڭ ۇلكەن ءىس. جۇمىستانۋدى الدىمەن ويلاستىرۋ ستراتەگياسى مەن بەلسەندى جۇمىستانۋ ساياساتىنا تاباندى بولىپ، اناعۇرلىم جوعارى ساپالى جانە اناعۇرلىم تولىق جۇمىستانۋدى جۇزەگە اسىرۋ كەرەك، - دەپ اتاپ كورسەتتى. رايونىمىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، 2018 - جىلى جۇمىستاندىرۋ ارقىلى حالىققا تيىمدىلىك جەتكىزۋ ينجەنەرياسى بويىنشا مىناداي جوسپار جاسادى: قالا - قالاشىقتاردان تىڭنان 460 مىڭ ادامدى جۇمىستاندىرىپ، قالا - قالاشىقتارداعى تىركەلگەن جۇمىسسىزدار مولشەرىن %4.5 اينالاسىندا تەجەۋ؛ اۋىل - قىستاقتاردان 2 ميلليون 700 مىڭ (رەت) ارتىق ەڭبەككۇشتى باسقا سالاعا ويىستىرىپ جۇمىستاندىرۋ؛ جوعارى مەكتەپ بىتىرگەن وقۋشىلاردىڭ جۇمىستانۋىن %88تەن اسىرۋ؛ جۇمىسقا ورنالاسۋى قيىن ادامداردان 40 مىڭ ادامدى جۇمىستاندىرىپ، بىردە - ءبىر ادامى جۇمىسقا ورنالاسپاعان وتباسىلارىنان 24 ساعاتتا كەم دەگەندە ءبىر ادامدى جۇمىستاندىرۋ؛ ءتۇرلى كۋرستار بويىنشا ءبىر ميلليون 100 مىڭ ادامدى تاربيەلەۋ.
ءتىلشىنىڭ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، 2018 - جىلى رايونىمىز بەلسەندى جۇمىستاندىرۋ ساياساتىن اتقارىپ، ءتۇيىندى توپتاردى، ءتۇيىندى وڭىرلەردى كورنەكتىلەندىرىپ، جۇمىستاندىرۋ ساياساتىنىڭ تياناقتانۋ جاعدايى ارقىلى قىزمەت ناتيجەسىن باعالاۋ - سارالاۋدى ءتۇيىن ەتىپ، جۇمىستاندىرۋ، شارۋاشىلىق قۇرۋ ساياساتتارىنىڭ تۇبەگەيلى تياناقتانۋىن جاپپاي جەدەلدەتەدى، ەڭبەكشىلەردىڭ قوعامدىق جىلجۋى جونىندەگى ساياسات - شارالاردى زەرتتەپ جانە ونى ىركىلىسسىزدەندىرىپ، جۇمىستاندىرۋدىڭ ءادىل ءتۇزىمىن اناعۇرلىم كەمەلدەندىرەدى، جۇمىسسىزداردى قامسىزداندىرۋ، كاسىپورىنداردى سۇيەمەلدەپ، جۇمىس ورنىن ورنىقتىرۋ قىزمەتىن ىلگەرىلەتىپ، كاسىپورىنداردىڭ تۇراقتى جۇمىس ورنىمەن قامداۋىن قولدايدى ەكەن.
رايونىمىز وڭتۇستىك شينجياڭداعى 3 ايماق، ءبىر وبلىستاعى اۋىر كەدەي رايونداردى جۇمىستاندىرۋ ارقىلى كەدەيلەردى سۇيەمەلدەۋدىڭ 3 جىلدىق جوباسىن (2018 − 2020) اتقارىپ، قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى ۇيىمدى تۇردە ءتۇرلى ارنالارمەن باسقا سالالارعا ويىستىرىپ جۇمىستاندىرۋ جوبا - جوسپارىنا سۇيەنىپ، ونى وڭتۇستىك شينجياڭداعى 3 ايماق، ءبىر وبلىسقا كەڭەيتىپ، 22 اۋىر كەدەي اۋدانداعى (قالا) ارحيۆ تۇرعىزىلىپ، كارتچكالاندىرىلعان كەدەيلەر ىشىندەگى ەڭبەك قابىلەتى بار جانە جۇمىستانۋ، شارۋاشىلىق قۇرۋ ارمانى بار ەڭبەكشىلەرگە باسا نازار اۋدارىپ، شينجياڭدا ءوڭىر اتتاپ باسقا سالاعا ويىستىرىپ جۇمىستاندىرۋ، ىشكى ولكەلەرگە اپارىپ باسقا سالاعا ويىستىرىپ جۇمىستاندىرۋ كولەمىن ءتارتىپتى كەڭەيتۋ، بيڭتۋانعا اپارىپ باسقا سالاعا ويىستىرىپ جۇمىستاندىرۋ، سول جەردەگى، سول ماڭداعى قالا - قالاشىقتارعا، كاسىپورىندارعا، باقشا رايوندارىنا، «سەرىك زاۆودتارعا»، «اۋىل - قالاشىق شەبەرحانالارىنا» جۇمىستاندىرۋ، ۇساق شارۋاشىلىق قۇرۋ ارقىلى جۇمىستاندىرۋدى قولداۋ ارقىلى 3 جىلدا 100 مىڭ ادامدى جۇمىستاندىرۋ جوسپارىن اتقارىپ، 2018 - جىلى باسقا سالاعا ويىستىرىپ جۇمىستاندىرۋ ارقىلى 40 مىڭ كەدەيدى سۇيەمەلدەپ، باسقا سالاعا ويىستىرىلىپ جۇمىستاندىرىلعانداردىڭ تۇگەلدەي ورنىقتى جۇمىستانۋىنا، كەدەي وتباسىلارىندا كەم دەگەندە ءبىر ەڭبەككۇشتىڭ ءبىر ءتۇرلى ونەر يگەرۋىنە، اۋىل - قىستاقتارداعى جۇمىسسىز كەدەي وتباسىلارىندا كەم دەگەندە ءبىر ەڭبەككۇشتىڭ باسقا سالاعا ويىستىرىلىپ جۇمىستانۋىنا كەپىلدىك ەتەدى.
بۇدان تىس، رايونىمىز جوعارى مەكتەپ بىتىرگەن وقۋشىلاردى جۇمىستانۋعا جەبەۋ، شارۋاشىلىق قۇرۋعا جەتەكتەۋ، نەگىزگى ساتىدا جەتىلدىرۋ جوسپارىن اتقارىپ، جوعارى مەكتەپ بىتىرگەن وقۋشىلاردى كوپ ارنالارمەن، الۋان تاسىلدەرمەن نەگىزگى ساتىلاردا، كاسىپورىنداردا جۇمىستانۋعا جانە دەربەس شارۋاشىلىق قۇرۋعا جەتەكتەيدى جانە شابىتتاندىرادى؛ باسقا سالالارعا ۇيىمدى تۇردە ويىستىرىپ جۇمىستاندىرۋ بويىنشا نەگىزدىك تەحنيكالىق شەبەرلىككە باۋلۋ كۋرسىن ۇزبەي ورىستەتىپ، ەڭبەككۇش شوعىرلانعان كاسىپورىندارداعى جاڭادان قابىلدانعان قىزمەتكەرلەردى جۇمىس الدىنداعى تەحنيكالىق شەبەرلىككە تاربيەلەۋ كولەمىن كەڭەيتىپ، قىزمەت ورنىنداعى جۇمىسشى - قىزمەتشىلەردىڭ شەبەرلىك قابىلەتىن ءوسىرىپ، ءبىلىمدى، ونەرلى، جاسامپاز ەڭبەككۇش قوسىنىن قۇرادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
