ج ك پ ورتالىق كوميتەتىنىڭ كەڭسەسى، مەملەكەتتىك كەڭەس كەڭسەسى پىكىر شىعارىپ، قالالاردىڭ حاۋىپسىز دامۋ جۇيەسىنىڭ قۇرىلىسىن جەبەدى
2018.01.10 13:35 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - قاڭتاردا بەيجيڭنەن بەرگەن حابارى (ءتىلشى يە حاۋميڭ). ج ك پ ورتالىق كوميتەتىنىڭ كەڭسەسى، مەملەكەتتىك كەڭەس كەڭسەسى جۋىقتا «قالالاردىڭ حاۋىپسىز دامۋىن ىلگەرىلەتۋ جونىندە پىكىر» شىعارىپ، قالالاردىڭ حاۋىپسىز ءوندىرىستى نەگىز ەتكەن، امبەباپ، جان - جاقتى، جۇيەلى حاۋىپسىز دامۋ جۇيەسىن ورناتۋدى جەبەپ، قالالاردىڭ حاۋىپسىزدىكتى قامتاماسىز ەتۋ دەڭگەيىن جاپپاي جوعارىلاتۋدى تالاپ ەتتى.
مەملەكەتتىك ءوندىرىس حاۋىپسىزدىگىن باقىلاۋ - باسقارۋ باس مەكەمەسىنىڭ قاتىستى جاۋاپتىسى مىنالاردى تانىستىردى: پىكىرگە سايكەس، 2020 - جىلعا دەيىن جاپپاي دوڭگەلەك داۋلەتتى قوعام ورناتۋ نىساناسىمەن سايكەستىرىلگەن حاۋىپسىز دامۋدان ۇلگى كورسەتەتىن قالالاردان ءبىر توبى قۇرىلادى؛ 2035 - جىلعا دەيىن سوتسياليستىك وسىزامانداندىرۋدى نەگىزىنەن ىسكە اسىرۋمەن سايكەستىرىلگەن حاۋىپسىز دامىعان قالالار قۇرىلادى؛ جۇيەلى، وسىزاماندانعان قالا حاۋىپسىزدىگىن قامتاماسىز ەتۋ جۇيەسىنىڭ قالىپتاسۋى ۇزدىكسىز ىلگەرىلەتىلىپ، قالانىڭ ورتالىق اۋماعىن نەگىز ەتكەن، توڭىرەككە جەبەۋشىلىك ەتەتىن، اۋدان - اۋىلدارعا ىقپال ەتىپ، حالىق تۇرمىسىنا يگىلىك اكەلەتىن حاۋىپسىز دامىعان قالا قۇرۋ اياق الىسى جەدەلدەتىلەدى.
وسى جاۋاپتى ادام مىنالاردى ءبىلدىردى: قالالاردىڭ ەكونوميكالىق، قوعامدىق دامۋىنىڭ جالپى جوباسى مەن قالا جوباسى، قالانىڭ اپاتتان ساقتانۋ، اپات زيانىن ازايتۋ امبەباپ جوباسى سەكىلدى ارناۋلى جوبالار قاتايتىلادى جانە اشالانادى، تۇرعىندار تۇراعى، ساۋدا رايونى، ەكونوميكالىق - تەحنيكالىق اشۋ رايونى، ونەركاسىپ باقشاسى، كەمەجاي اۋماعى جانە باسقا فۋنكتسيالىق رايونداردىڭ كەڭىستىك جۇيەسىن ورنالاستىرۋدا حاۋىپسىزدىك العى شارت ەتىلەدى. قالالارداعى لاشىقتار رايونىن، قالا اۋماعىنداعى قىستاقتار مەن قاتەرلى ۇيلەردى جاڭالاۋ بارىسىندا حاۋىپسىزدىككە باقىلاۋ - باسقارۋ كۇشەيتىلىپ، قالانىڭ قۇرىلىس اۋماعىنا سالىنعان زاڭسىز قۇرىلىستار قاتاڭ جونگە سالىنادى. اسا قاتەرلى سالالارداعى كاسىپورىنداردى قالا اۋماعىنان ونەركاسىپ باقشالارىنا ىرگە تەپتىرۋ، كوشىرۋ، جاڭالاۋ جانە ءوندىرىس ءتۇرىن وزگەرتكەندەرىن سۇيەمەلدەۋ، سيلاۋ ساياساتتارى كەمەلدەندىرىلەدى.
وسى جاۋاپتى ادام مىنالاردى ءبىلدىردى: قالالاردىڭ حاۋىپسىزدىك قاتەرى جونىندەگى ينفورماتسيالاردى باسقارۋ تۇعىرى ورناتىلىپ، كولەمدى جولاۋشىلار لەگى بويىنشا باقىلاۋ، بولجاۋ، ساقتاندىرۋ جانە توتەنشە جاعدايلاردى تىزگىندەۋ، ءبىر جاقتى ەتۋ مەحانيزمى قۇرىلادى؛ جارناما تاقتاسىن، شام قورابىن جانە عيماراتتاردىڭ سىرتقى قابىرعاسىنداعى ىلىنگەن زاتتاردى باسقارۋ كۇشەيتىلىپ، قۇلاۋ جانە ءتۇسىپ كەتۋ وقيعالارىنىڭ قاتاڭ الدى الىنادى؛ كونە قالا رايوندارىنداعى ءورت قاتەرىن تەكسەرۋ كۇشەيتىلىپ، ءزاۋلىم عيماراتتاردا ورتتەن ساقتانۋ بويىنشا حاۋىپسىزدىك ديرەكتورى نەمەسە عيمارات باستىعى ءتۇزىمى جالپىلاستىرىلىپ، ءوزىن - ءوزى باسقارۋ مەحانيزمى ورناتىلادى.
وسى جاۋاپتى ادام مىنالاردى تالاپ ەتتى: قالالارداعى ءار دارەجەلى پارتكومدار مەن ۇكىمەتتەردىڭ ءوز وڭىرىندەگى ءوندىرىس حاۋىپسىزدىگى قىزمەتى جونىندەگى باسشىلىق جاۋاپكەرشىلىگىن، پارتيا، ۇكىمەت ورىندارىنداعى نەگىزگى جاۋاپتى ادامداردىڭ ءبىرىنشى جاۋاپتى ادام رەتىندەگى جاۋاپكەرشىلىگىن جاپپاي تياناقتاندىرىپ، ءوندىرىس حاۋىپسىزدىگىن باقىلاۋ - باسقارۋعا جاۋاپتى تاراۋلار اراسىنداعى جۇمىستاردىڭ ۇشتاسۋىن كۇشەيتۋ كەرەك. زاڭ اتقارۋ بويىنشا موبيلدىك تەرمينال، ەلەكتروندى حۇجاتتاما سياقتى تاسىلدەردى جان - جاقتى پايدالانىپ، زاڭ اتقارۋدىڭ تيىمدىلىگىن جوعارىلاتىپ، زاڭ اتقارۋشى قىزمەتكەرلەردىڭ جۇمىس جاۋاپكەرشىلىگىن جانە ولاردى باعالاۋ - تەكسەرۋ مەحانيزمىن كەمەلدەندىرۋ كەرەك.
وسى جاۋاپتى ادام مىنالاردى باسا دارىپتەدى: ءوندىرىس - شارۋاشىلىق بارىسىندا وندىرىستىك شىرعالاڭدارعا وڭاي تۇرتكى بولاتىن زاڭعا قايشى ارەكەتتەردى ءوندىرىس حاۋىپسىزدىگى سالاسىنداعى ورەسكەل سەنىمسىزدىك ارەكەتتەرىن بىرلەسىپ جازالاۋ بويىنشا «قارا تىزىمدىككە» ەنگىزىپ، قالا الەۋمەتتىك اۋماقتارىنىڭ حاۋىپسىزدىگىن ۇياشىقتاندىرۋ قىزمەتىنىڭ جۇيەسىن كەمەلدەندىرۋ كەرەك، سونىمەن قاتار مەملەكەتتىك كەڭەستىڭ ءوندىرىس حاۋىپسىزدىگى كوميتەتى حاۋىپسىز دامۋدان ۇلگى كورسەتۋشى قالالاردى باعالاۋ جانە باسقارۋ ءادىسىن شىعارىپ، «مەملەكەتتىك حاۋىپسىز دامۋدان ۇلگى كورسەتۋشى قالا» اتاعى بەرىلگەن نەمەسە الىپ تاستالعان قالالاردىڭ ءتىزىمىن جاساۋعا جاۋاپتى بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
