ءتىپتى قاجىرلى، ءتىپتى جاپالى قۇلشىنىستار جاساۋعا، ءسوز جوق، ساقاداي ساي بولۋىمىز كەرەك
− باس شۋجي شي جينپيڭنىڭ «5 - قاڭتارداعى» ماڭىزدى ءسوزىن ۇيرەنۋ، دايەكتىلەندىرۋ جونىندە (4)
حالىق گازەتىنىڭ شولۋشىسى
2018.01.10 15:26 كەلۋ قاينارى : شينجياڭ گازەتى
«ءبىز كوپتەگەن جاڭا تاريحي ەرەكشەلىككە يە ۇلى كۇرەستى ۇزدىكسىز جۇرگىزىپ، بارلىق قيىندىق پەن قاتەردى جەڭۋگە ساقاداي سايلانىپ، پارتيامىز تۇراقتاندىرعان ۇلى نىسانانى بەتكە الىپ ەرلىكپەن العا باسۋىمىز كەرەك».
باس شۋجي شي جينپيڭ 5 - قاڭتاردا پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ راسىمىندە ماڭىزدى ءسوز سويلەپ، بۇكىل پارتيانى اۋەلگى ماقساتتى ۇمىتپاي، بورىشتى ەستە بەرىك ساقتاپ، ءتىپتى قاجىرلى، ءتىپتى جاپالى قۇلشىنىستار جاساۋعا، ءسوز جوق، ساقاداي سايلانۋدى تاعى دا ەسكەرتىپ، بۇكىل پارتيانى قىزمەتكە ۋاقىت ۇتا ءبىلۋ، تەز قيمىلداۋ رۋحىمەن كىرىسۋگە ۇندەدى. كەسىپ ايتىلعان سالماقتى ءسوز، شىنايى ءۇمىت ماركستىك بيلىكتى پارتيانىڭ ساياسي سانالىلىعى مەن بورىش سانالىلىعىن كورسەتتى، ول بۇكىل پارتيانىڭ، بۇكىل ەلدەگى ءار ۇلت حالقىنىڭ كۇش - قۋاتىن پارتيا 19 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋعا شوعىرلاندىرۋداعى پارمەندى يدەيالىق جۇمىلدىرۋ جانە رۋحاني شابىت.
«جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە قۇر ايعاي - سۇرەنمەن وڭاي - وسپاق بىتە سالاتىن شارۋا ەمەس». پارتيا 18 - قۇرىلتايىنان بەرگى ەرەكشە تاريحي ۇدەرىس جۇڭگوشا سوتسياليزمنىڭ دە جاڭا داۋىرگە وڭاي - وسپاق، قۇر ايعاي - سۇرەنمەن وتە سالماعانىن كورسەتتى. كۇردەلى دە الماعايىپ سىرتقى ورتا مەن تەرەڭ وزگەرىستەرگە تولى ەل ءىشى جاعدايىندا، پارتيا مەن مەملەكەت ىستەرىندە قول جەتكەن تابىستاردىڭ، جارىققا شىققان وزگەرىستەردىڭ كەيبىرى بۇرىن - سوڭدى بولماعان، كەيبىرى كەرەڭنىڭ كوكىرەگىن اشىپ، كەيبىرى جان سارايىڭدى جادىراتادى، ءبارى دە وڭاي ىسكە اسا سالعان جوق، بارلىعى دا توتەنشە ساياسي ەرلىك پەن ساياسي ارىندى قاجەت ەتەدى، سونداي - اق ۇقىپتى جوبا - جوسپار مەن مىزعىماس جىگەردى قاجەت ەتەدى. العا باسۋ جولىنىڭ سايراعان داڭعىل بولۋى مۇمكىن ەمەس، ءتىپتى قاجىرلى، ءتىپتى جاپالى قۇلشىنىستار جاساۋعا جان - جاقتى ساقاداي سايلانىپ، ماڭگى بويكۇيەزدىككە سالىنبايتىن رۋحاني كۇيدى جانە العان بەتىنەن قايتپايتىن كۇرەسكەرلىك قالىپتى ساقتاعاندا عانا، «قارلى تاۋلاردان» توقتاۋسىز اسىپ، «لازىكوۋلاردى» بويسۇندىرىپ، جاڭا ءداۋىر جورىعىنا اتتانا الامىز.
جاپالى دا اۋىر مىندەتتەر مەن كۇن سايىن كۇردەلىلەسىپ كەلە جاتقان كۇرەستەر الدىندا، ءبىزدىڭ اۋەلگى ماقساتىمىز ماڭگى وزگەرمەيدى. پارتيا 19 - قۇرىلتايىندا اۋەلگى ماقساتتى ۇمىتپاۋ، بورىشتى ەستە بەرىك ساقتاۋ كەرەكتىگى تۇيىندەپ باسا دارىپتەلدى. پارتيا 18 - قۇرىلتايىنان بەرى، باس شۋجي شي جينپيڭنىڭ وسى قيسىندى قايتا - قايتا ايتۋىنداعى ماقساتى − بۇكىل پارتياعا جۇڭگو كوممۋنيستىك پارتياسىنىڭ قانداي پارتيا ەكەندىگى، نەنى ىستەۋى كەرەكتىگى سىندى وسى ءتۇبىرلى ماسەلەنى ۇمىتپاۋدى، جاپالى مىندەت الدىندا قويان جۇرەك بولماۋدى، تارتىنشاقتاماۋدى، كۇرەستە ءوزىن جوعالتپاي، باعداردان اداسپاي، نىسانانى انىق ءارى مىقتاپ يگەرىپ، ەرلىكپەن العا باسۋدى ەسكەرتۋ. ەلىمىز − دۇنيە جۇزىندەگى ەڭ ۇلكەن سوتسياليستىك مەملەكەت، ەلىمىز دۇنيە جۇزىندە كاپيتاليزم جولىمەن ەمەس، سوتسياليزم جولىمەن ءجۇرىپ، ءساتتى تۇردە قۇرىلعان تۇڭعىش وسىزاماندانعان قۇدىرەتتى مەملەكەتكە اينالعان كەزدە، پارتيامىزدىڭ حالىققا باسشىلىق ەتىپ، جۇڭگودا جۇرگىزگەن ۇلى قوعامدىق توڭكەرىسى ءوزىنىڭ تاريحي ماڭىزىن ءتىپتى تولىق كورسەتەتىن بولادى. بۇكىل پارتياداعى جولداستار توڭكەرىستىك رۋحتى، توڭكەرىستىك جىگەردى، ءسوز جوق، ساقتاپ، ۇلى كۇرەستى، ۇلى ينجەنەريانى، ۇلى ءىستى قۇلشىنا جۇرگىزىپ، ۇلى ارماندى قۇلشىنا جۇزەگە اسىرۋى كەرەك.
تاريح تاباندىلارمەن، اتويشىلارمەن، سايىسكەرلەرمەن عانا ساناسادى، ءارى - ءسارى بولۋشىلاردى، بويكۇيەزدەردى، قيىنشىلىقتان قورقاتىنداردى كۇتىپ تۇرمايدى. قازىردەن باستاپ جاپپاي دوڭگەلەك داۋلەتتى قوعامدى ورناتىپ بولۋعا دەيىن نەبارى 3 جىل ۋاقىت قالدى، وسى عاسىردىڭ ورتا شەنىندە جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا دەيىن دە 30 نەشە جىل عانا ۋاقىت قالدى. پارتيا 19 - قۇرىلتايىندا جاسالعان كوركەم جوبانى ىسكە اسىرۋدا ۋاقىت تىعىز، مىندەت اۋىر، حاۋىپ - قاتەر، سىن - سايىستار كوپ. ۋاقىت ۇتا بىلۋدەي كوكەي تەستىلىك سەزىممەن، تەز قيمىلداۋداي رۋح - جىگەرمەن، مەنەن باسقا ەشكىم جوق دەگەن جاۋاپكەرشىلىك سەزىممەن قۇرقيالعا سالىنباي، كوپىرمەلىكتەن اۋلاق بولىپ، تىڭعىلىقتى ىستەگەندە عانا، ءتۇرلى قىزمەتتەردى ۇزدىكسىز العا ىلگەرىلەتۋگە بولادى. ۋاقىتتى ۇتا بىلگەندە عانا، ءداۋىر اعىسىندا تولقىن جارىپ، شىعىستىڭ العاشقى تاڭعى ارايىن قارسى الامىز.
بۇگىنگى تاڭدا جاڭا ءداۋىر جۇڭگوشا سوتسياليزمنىڭ باعدار - بەتالىسى بەلگىلەنىپ بولدى، جۇڭحۋا ۇلتىنىڭ ۇلى گۇلدەنۋىنىڭ الىپ كەمەسى تولقىن جارا العا ىلگەرىلەپ بارادى. باس شۋجي شي جينپيڭنىڭ «5 - قاڭتارداعى» ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، بۇلجىماستان دايەكتى تۇردە ءورىس اشا ىلگەرىلەۋ كۇيىمەن جاڭا ىسكەرلىككە دەم بەرىپ، ۋاقىت ۇتا ءبىلۋ، تەز قيمىلداۋ رۋحىمەن جاڭا بورىشتى ارقالاپ، جاڭا ءداۋىر جۇڭگوشا سوتسياليزم ىستەرىنىڭ جاڭا جاعدايىن ۇزدىكسىز اشساق، «جۇڭگو، ءسوز جوق، القاۋلى كوركەم بولاشاققا يە بولا الادى».
(شينحۋا اگەنتتىگىنىڭ 8 - قاڭتاردا بەيجيڭنەن بەرگەن حابارى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
