بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

تولى: «پارتيا مۇشەسى سومكەسى» پارتيا 19 - قۇرىلتايىنىڭ رۋحىن وتباسىلارىنا جەتكىزدى

2018.01.10 15:28     كەلۋ قاينارى : شينجياڭ گازەتى

  تارباعاتاي تىلشىلەر پۋنكتىنەن فان چۇنحاي حابارلايدى. «پارتيا 19 - قۇرىلتايى بۇقارانىڭ تۇرمىسىمەن تىعىز قاتىستى. بايانداماداعى كوپتەگەن مازمۇندار حالىققا توتەنشە ەتەنە. تىنىش، جاراسىمدى، باقىتتى الەۋمەتتىك اۋماق قۇرۋ الەۋمەتتىك اۋماقتاعى ءار ۇلت تۇرعىندارىنىڭ بەلسەنە ات سالىسۋىنا مۇقتاج. جۇرت تەگىس كۇش قوسۋى كەرەك». 2 - قاڭتاردا تولى اۋدانى تولى قالاشىعى قاراعايباستاۋ الەۋمەتتىك اۋماعىنداعى ساقا پارتيا مۇشەسى كامەنعازى الەۋمەتتىك اۋماق پارتيا ياچەيكاسىنىڭ ۇسىنىسىنا ساي، «پارتيا مۇشەسى سومكەسىن» اسىنىپ، الەۋمەتتىك اۋماقتىڭ مادەنيەت ۇيىنە تاعى دا كەلىپ، «بۇقارالىق ساباقحانا» تاسىلىنەن پايدالانىپ، پارتيا 19 - قۇرىلتايىنىڭ رۋحىن ساناعا ۇيالاتتى.

  «پارتيا مۇشەسى سومكەسى» رولىن بارىنشا ساۋلەلەندىردى

  كامەنعازى ءار كۇنى سىرتقا شىققاندا جانىنان تاستاماي الىپ جۇرەتىن «پارتيا مۇشەسى سومكەسىن» تولى اۋداندىق پارتكومنىڭ ۇيىمداستىرۋ ءبولىمى ءبىر تۇتاس جاساتقان.

  كامەنعازى بىلاي دەدى: «پارتيا مۇشەسى سومكەسى» پارتيا 19 - قۇرىلتايى رۋحىن جۇيەلى ۇيرەنۋىمە، حالىققا ءتيىمدى ساياساتتاردى جان - جاقتى يگەرۋىمە پايدالى بولۋمەن بىرگە، سىرتقا شىعىپ ۇگىت - لەكسيا جاساۋىما دا قولايلى بولدى. بۇل كۇندەرى «پارتيا مۇشەسى سومكەسىن» اسىنىپ، الەۋمەتتىك اۋماقتا پارتيا 19 - قۇرىلتايىنىڭ رۋحى جونىندە تالاي رەت شاعىن ۇگىت - لەكسيا جاسادىم. سومكەدەگى «اقىل - پاراسات» وسى ءتاسىل ارقىلى الەۋمەتتىك اۋماقتاعى وتباسىلارىنا جەتكىزىلدى ءارى كورىكتى مەكەن قۇرۋعا جۇرت جۇرەگىن توعىستىردى.

  ۇعىسۋعا قاراعاندا، تۇتاس اۋدانداعى پارتيا مۇشەلەرىنىڭ پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرۋىنە قولايلىلىق جاساۋ ءۇشىن، تولى اۋداندىق پارتكومنىڭ ۇيىمداستىرۋ ءبولىمى «پارتيا مۇشەسى سومكەسىن» ارناۋلى جاساتىپ، تۇتاس اۋدانداعى 66 قىستاقتاعى جانە 10 الەۋمەتتىك اۋماقتاعى 2400دەن استام پارتيا مۇشەسىنە تاراتقان ەكەن. «پارتيا مۇشەسى سومكەسى» پارتيا 19 - قۇرىلتايىنىڭ رۋحىن نەگىزگى ساتىداعى كادرلار مەن بۇقارانىڭ جۇرەگىنە جەتكىزۋ رولىن شىن مانىندە ساۋلەلەندىردى.

  كۇپ اۋىلى دولاتى قىستاعىندا پارتيا مۇشەسى ادىلەت «پارتيا مۇشەسى سومكەسىن» تاپسىرىپ العاننان كەيىن، الدىمەن ىشىندەگى ماتەريالداردى دەن قويا ۇيرەندى ءارى ۇگىت - لەكسيا جاسايتىن ءتۇيىندى مازمۇنداردى ەستەلىك داپتەرىنە جازدى. قازىر كورشى - قولاڭدارىنا بارىپ ۇگىت - لەكسيا جاساۋدا ونىڭ نەگىزى كۇشتى.

  ادىلەت «پارتيا مۇشەسى سومكەسىندە» پارتيا ۋستاۆى، پارتيا 19 - قۇرىلتايى بايانداماسى، بايانداما پىسىقتاۋ وقۋلىعى سياقتى 6 ۇيرەنۋ ماتەريالى جانە ەستەلىك داپتەر سالىنعانىن ايتتى. 2 ايدان بەرى، ول قاي جەرگە بارسا دا «پارتيا مۇشەسى سومكەسىن» جانىنان تاستاماي الىپ ءجۇرىپ، ۇيرەندى، ۇگىت - لەكسيا جاسادى.

  ورازقان ادىلەتتىڭ كورشىسى. ەكى ءۇي پارتيا 19 - قۇرىلتايىنىڭ رۋحىن ۇنەمى بىرگە ۇيرەنىپ، قايتكەندە قىستاق تۇرعىندارىن ءتۇرلى جولدارمەن كىرىسىن ارتتىرۋعا، اۋقاتتانۋعا باستاۋعا بولاتىنىن بىرگە اقىلداساتىن. ورازقان: بىرگە ۇيرەنۋ ارقىلى يدەيام، سانام ءوستى. قىستاق پارتيا ياچەيكاسىنا پارتياعا كىرۋ ءوتىنىشىن تاپسىردىم. الدا كىرىستى ارتتىرۋ جاعىنا كوبىرەك وي جۇگىرتىپ، اسىل تۇقىمدى مالداردى كوبىرەك ءوسىرىپ، باعىمشىلىق ونىمدىلىگىن جوعارىلاتىپ، اۋىلداستاردى بىرگە اۋقاتتانۋعا باستايمىن، - دەدى.

  سومكەنى اسىنىپ، ماڭىزدى جاۋاپكەرلىك ارقالادى

  تولى اۋدانى ۇتى قالاشىعى سارقامىس قىستاعىنداعى ساقا پارتيا مۇشەسى زارقىم: مال شارۋاشىلىق وڭىرىندە تىرشىلىك ەتىپ كەلەمىز. بۇل ارانىڭ حابار - بايلانىسى، قاتىناسى قولايسىز. اۋداننىڭ «اتتىلى ۇگىت اترەتى» كەلگەننەن كەيىن، جۇرتقا كىسىنى جەلپىندىرەتىن شات حابار جەتكىزدى. وسى قۋانىشتى حابارلار تۇگەلدەي ولاردىڭ «پارتيا مۇشەسى سومكەسىندە»، - دەدى.

  قازىر پارتيا مۇشەلەرىنىڭ «پارتيا مۇشەسى سومكەسىن» اسىنىپ، قىستاقتاردى، وتباسىلارىن ارالاپ ۇگىت - لەكسيا جاساۋى تولى اۋدانىنىڭ جەر - جەرىندە دابىرالى ورىستەتىلۋدە. نەگىزگى ساتى پارتيا مۇشەلەرىنىڭ قىزمەت، ۇيرەنۋ جانە ۇگىت قاجەتىمەن ۇشتاستىرىپ، تولى اۋداندىق پارتكومنىڭ ۇيىمداستىرۋ ءبولىمى پارتيا ورتالىق كوميتەتىنىڭ ماڭىزدى ماجىلىستەرىنىڭ رۋحى جانە اۆتونوميالى رايوننىڭ قاتىستى ماجىلىستەرىنىڭ رۋحى جونىندەگى قاتىستى ماتەريالداردى دەر كەزىندە تولىقتاپ، كەمەلدەندىرىپ، «پارتيا مۇشەسى سومكەسىن» پارتيالى كادرلاردىڭ ۇيرەنۋدى كۇشەيتۋىندەگى «باتەرياسىنا» اينالدىردى.

  «سوڭعى جىلدارى قىستاققا اسفالت جول جەتكىزىلدى، جاڭا ۇيلەر سالىندى، بالالار بالاباقشاعا تەگىن كىردى... وسى ابزال ساياساتتاردىڭ ارقاسىندا ءار ۇلت بۇقاراسى باقىتتى تۇرمىس كەشىردى. جۇرت ۇلى پارتياعا شىن جۇرەكتەن العىس ايتادى، پارتياعا ماڭگى العىس ايتادى، پارتيانىڭ سوزىنە قۇلاق اسادى، پارتياعا ىلەسەدى». دولاتى قىستاعىنىڭ تۇرعىنى نۇرجان: ادىلەت ءار جولى سومكەسىنەن ءبىرسىپىرا ماتەريالداردى الىپ شىعىپ، جۇرتقا ۇگىت - لەكسيا جاسايتىن. جۇرت قۋانا تىڭداپ، مول تابىسقا يە بولاتىن، - دەيدى.

  وشەتى اۋىلدىق پارتكومنىڭ شۋجيى جياڭ حۋ بىلاي دەدى: «پارتيا مۇشەسى سومكەلەرىنە» تۇگەلدەي «اۋەلگى ماقساتتى ۇمىتپاي، تىنباي العا ىلگەرىلەپ، ناقتى ىستەر ىستەپ، الدا جۇرەيىك» دەگەن جازۋدىڭ باسىلۋى سومكە اسىنعان پارتيا مۇشەلەرىنە ءوزىنىڭ مىندەتى مەن بورىشىن ەسىنە بەرىك ساقتاتۋ، پارتيا 19 - قۇرىلتايىنىڭ رۋحىن ۇيرەنۋدى ۇدايىلاندىرۋ ءۇشىن. ءتۇپ نۇسقاسىن وقىپ ۇيرەنۋ، زاڭدىلىعىن ءبىلۋ، پارتيالى كادرلاردىڭ ءار ۇلت بۇقاراسىنا قاز - قالپىندا ىشكەرىلەي ۇگىت - لەكسيا جاساۋى ارقىلى پارتيا 19 - قۇرىلتايىن وتباسىلارىنا جەتكىزۋگە، جۇرتتىڭ تەگىس بىلۋىنە، ءار ۇلت كادرلارى مەن بۇقاراسىنىڭ پارتيا 19 - قۇرىلتايىنىڭ رۋحىن سانالى تۇردە دايەكتىلەندىرۋىن، تياناقتاندىرۋىن ناقتى ارەكەتكە اينالدىرۋىنا مۇمكىندىك جاسالدى.

  قاراعايباستاۋ الەۋمەتتىك اۋماعىنىڭ كادرى ليۋ ياڭ: «پارتيا مۇشەسى سومكەسىن» اسىنعاندا قاراستى وڭىردەگى ءار ۇلت بۇقاراسىنا پارتيا 19 - قۇرىلتايىنىڭ رۋحىن ويداعىداي ۇگىتتەۋ سىندى اۋىر مىندەت ارقالاعانداي سەزىنەمىن. «پارتيا مۇشەسى سومكەسىندەگى» ۇيرەنۋ ماتەريالدارىنان ويداعىداي پايدالانىپ، تالىقپاي ۇيرەنىپ، بۇقاراعا قىزمەت ەتۋ قابىلەتىمدى وسىرۋمەن بىرگە، ۇگىت - لەكسيا قىزمەتىن جاقسى ىستەپ، پارتيا مۇشەلەرىنىڭ ۇزدىك، ونەگەلىك رولىن ويداعىداي ساۋلەلەندىرەمىن، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار