رايونىمىز ءۇش ءتۇرلى باسقارۋ ءتۇزىمىن شىعارىپ، الىس ارالىقتى ەمدەۋدەن قىزمەت كورسەتۋدىڭ جۇيەلى دامۋىن ىلگەرىلەتتى
2018.01.10 15:28 كەلۋ قاينارى : شينجياڭ گازەتى
ءتىلشىمىز چاۋ جين، پراكتيكانت ديڭ جيڭ 7 - قاڭتاردا ۇرىمجىدەن حابارلايدى. رايونىمىز الىس ارالىقتى ەمدەۋدەن قىزمەت كورسەتۋدى اناعۇرلىم ارناعا ءتۇسىرۋدى كوزدەي وتىرىپ، تاياۋدا «اۆتونوميالى رايوننىڭ الىس ارالىقتى ەمدەۋدەن قىزمەت كورسەتۋ قۇرىلىمدارىن باسقارۋ ءادىسى (سىناق رەتىندە اتقارىلادى)»، «اۆتونوميالى رايوننىڭ الىس ارالىقتى ەمدەۋمەن شۇعىلداناتىن قىزمەتكەرلەردى باسقارۋ ءادىسى (سىناق رەتىندە اتقارىلادى)»، «اۆتونوميالى رايوننىڭ الىس ارالىقتان بىرىگىپ دياگنوز قوياتىن مامانداردى باسقارۋ ءادىسى (سىناق رەتىندە اتقارىلادى)» سىندى ءۇش ءتۇرلى باسقارۋ ءتۇزىمىن شىعارىپ، الىس ارالىقتى ەمدەۋدەن قىزمەت كورسەتۋ جۇيەسىنىڭ باياندى اقاۋسىز دامۋىن ىلگەرىلەتىپ، دارەجەگە ءبولىپ دياگنوز قويۋ جانە ەمدەۋدى جەبەپ، ەمدەۋدىڭ ساپاسى مەن حاۋىپسىزدىگىنە كەپىلدىك ەتتى.
وسى شىعارىلعان الىس ارالىقتى ەمدەۋدىڭ باسقارۋ تۇزىمدەرىنە ساي، الىس ارالىقتى ەمدەۋدەن قىزمەت كورسەتۋ قۇرىلىمدارى ءوزارا الىس ارالىقتان ەمدەۋ جۇرگىزگەندە، ءسوز جوق، الىس ارالىقتى ەمدەۋدىڭ ىنتىماقتاستىق شارتىنا قول قويۋى كەرەك، شارتتىڭ مازمۇنىندا ىنتىماقتاستىق ورناتۋدىڭ ماقساتى، شارتى، مازمۇنى، الىس ارالىقتى ەمدەۋدىڭ جۇمىس ءتارتىبى، ەكى جاقتىڭ ۇقىق - مۇددە بورىشى، ەمدەۋ بارىسىنداعى زيان، حاۋىپ - قاتەرلەر جانە ارقالايتىن جاۋاپكەرلىكتەرى سياقتىلار قامتىلادى. وسى تۇزىمدەردە الىس ارالىقتان بىرىگىپ دياگنوز قويۋدا شيپاگەر شاقىرۋشى جاقتاعى شيپاگەرلەردىڭ، سونداي - اق ۇسىنىسپەن قاتىناسۋشى جاقتاعى مامانداردىڭ تولىمدىلىعى، قىزمەت ولشەمى ايقىن كورسەتىلدى، مۇنىڭ ىشىندە بىرىگىپ دياگنوز قويۋعا ۇسىنىسپەن قاتىناسۋشى جاقتىڭ ماماندارى، ءسوز جوق، تەتە اعا شيپاگەر، سونداي - اق ودان جوعارى كاسىپتىك تەحنيكالىق اتاققا يە بولعان بولۋى سول كاسىپ جونىندە 5 جىل، سونداي - اق 5 جىلدان استام كلينيكالىق تاجىريبەسى بولۋ، 3 جىلعا تاياۋ ۋاقىت ىشىندە ەمدەۋدەن اعاتتىق جىبەرمەگەن بولۋ تالاپ ەتىلدى.
ۇعىسۋعا قاراعاندا، رايونىمىزدىڭ ءار جىلى الىس ارالىقتان بىرىگىپ دياگنوز قوياتىن ناۋقاستاردىڭ سانى 10 مىڭنان اسادى ەكەن. قازىر رايونىمىز اۆتونوميالى رايوننىڭ الىس ارالىقتى ەمدەۋدى باسقارۋ ورتالىعىنان پايدالانىپ، اۆتونوميالى رايوندىق حالىق شيپاحاناسى مەن شينجياڭ مەديتسينا ۋنيۆەرسيتەتىنە قاراستى 1 - شيپاحانادا 2 الىس ارالىقتى ەمدەۋ ورتالىعىن قۇردى، ءارقايسىسى وزدەرىنىڭ ارناۋلى تورى ارقىلى نەگىزگى ساتىداعى 130 ەمدەۋ قۇرىلىمىمەن بايلانىس ورناتىپ، الىس ارالىقتى ەمدەۋدەن قىزمەت كورسەتەدى. شينجياڭعا باعىتتامالى كومەكتەسەتىن 19 ولكە، قالا دا وزدەرى باعىتتامالى كومەكتەسەتىن اۋدان، قالالارداعى ەمدەۋ قۇرىلىمدارىندا الىس ارالىقتى ەمدەۋ تورىن قۇردى.
اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى ەمدەۋ ىستەرىن باسقارۋ باسقارماسىنىڭ قاتىستى جاۋاپتىسى بىلاي دەدى: باسقارۋ ادىستەرىندە بۇدان بىلايعى الىس ارالىقتى ەمدەۋ ارەكەتى ۇكىمەتتىڭ قۇرعان ينفورماتسيانى جوعارى جىلدامدىقپەن جەتكىزەتىن ارناۋلى جەلىسىندە جۇرىلەتىندىگىن، دەنساۋلىق ساقتاۋ جانە جوسپارلى تۋىت تاراۋى تەكسەرىپ بەكىتۋگە، سونداي - اق ماماندار قويماسىن قۇرۋعا، جوعارى دارەجەلى ەمدەۋ قۇرىلىمىنداعى شيپاگەرلەر دياگنوز قويىپ، ەمدەۋ جونىندە ۇسىنىس - پىكىرمەن قامداۋعا، تومەن دارەجەلى ەمدەۋ قۇرىلىمىنداعى شيپاگەرلەر ونى دايەكتىلەندىرىپ، اتقارۋعا جاۋاپتى بولاتىندىعى ايقىن بەلگىلەندى. وسىلاي ىستەگەندە ەمدەۋدىڭ ساپاسى مەن حاۋىپسىزدىگىنە كەپىلدىك ەتىپ قانا قالماي، ناۋقاستىڭ جەكە قۇپيالىعىن دا ويداعىداي قورعاۋعا بولادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
