«قورعاس ەكونوميكالىق اشۋ رايونى ەرەجەسى» اتقارىلدى
2018.01.10 15:30 كەلۋ قاينارى : شينجياڭ گازەتى
ءتىلشىمىز چىن چياڭۋي 7 - قاڭتاردا قورعاستان حابارلايدى. 7 - قاڭتاردا قورعاس ەكونوميكالىق اشۋ رايونىن باسقارۋ كوميتەتى قورعاس قالالىق حالىق ۇكىمەتىمەن بىرلەسىپ اقپار جاريالاۋ ءماجىلىسىن وتكىزىپ، قورعاستىڭ تۇڭعىش جەرگىلىكتى زاڭ - ەرەجەسى − « قورعاس ەكونوميكالىق اشۋ رايونى ەرەجەسىنىڭ» (تومەندە «قىسقارتىلىپ «ەرەجە» دەلىندى) 1 - قاڭتاردان باستاپ اتقارىلعانىن حابارلاندىردى ءارى قاتىستى ساياساتتار جونىندە تۇسىنىك جاسادى.
2017 - جىلى 29 - قاراشادا اۆتونوميالى رايوندىق 12 - كەزەكتى حالىق قۇرىلتايى تۇراقتى كوميتەتىنىڭ 33 - رەتكى ءماجىلىسى «قورعاس ەكونوميكالىق اشۋ رايونى ەرەجەسىن» ماقۇلدادى. 7 تاراۋدان، 48 تارماقتان قۇرالعان بۇل «ەرەجە» جالپى ەرەجە، قىزمەت كورسەتۋدى باسقارۋ، اشۋ - وركەندەتۋ، كاسىپ سالاسىن دامىتۋ، قارجى قوسۋدى جەبەۋ، جۇڭگو - قازاقستان قورعاس حالىقارالىق شەكارالىق سەلبەستىك ورتالىعى جانە قوسىمشا ەرەجە سىندى 7 جاقتاعى مازمۇندى قامتيدى. «ەرەجەدە» جەرگىلىكتى زاڭ - ەرەجە فورماسىمەن اشۋ رايونىنىڭ الدىمەن جۇرگىزۋ، الدىمەن سىناق ەتۋ ۇقىعىن، اۆتونوميالى رايون دارەجەلى ەكونوميكا باسقارۋ ۇقىعىن شىن مانىندە قامتاماسىز ەتۋ باسا دارىپتەلدى.
قورعاس جينحى بيو تەحنيكا شەكتى سەرىكتەستىگنىڭ باس مەڭگەرۋشىسى ليۋ شياڭدۇڭ تۇسىنىكتى تىڭداعاننان كەيىن، اسەرلەنە: اۆتونوميالى رايون «ەرەجەنى» ارناۋلى شىعارىپ، زاڭ - ەرەجە فورماسىمەن بازار ەكونوميكالىق ارەكەتىن جۇيەگە ءتۇسىرىپ، اشۋ رايونىنىڭ جاراسىمدى دامۋىن قامتاماسىز ەتتى. بۇل كوڭىلىمىزدى ورنىقتىرىپ، كاسىپورنىمىزدىڭ باياندى، اقاۋسىز، تارتىپپەن دامۋىن زاڭمەن قامتاماسىز ەتتى، - دەدى.
«<ەرەجەنىڭ> اتقارۋىلۋى قورعاس ەكونوميكالىق اشۋ رايونىنىڭ ءتۇرلى ىستەرىنىڭ دامۋىنا پارمەندى دەم بەرەدى. <ەرەجەنى> اتقارۋ ارقىلى اشۋ رايونىنىڭ اكىمشىلىك، ءىسورنى، كاسىپورىن سياقتى ءتۇرلى سۋبيەكتىلەردىڭ ارەكەتىن زاڭ بويىنشا رەتتەپ، ءتۇرلى ارەكەت سۋبيەكتىلەرىنىڭ زاڭدى ۇقىق - مۇددەسىن قورعاۋعا، تاماشا زاڭ - ءتۇزىم ورتاسىن قالىپتاستىرۋعا، اشۋ رايونىنىڭ جەدەل دامۋىن جەبەۋگە بولادى»، - دەيدى قورعاس ەكونوميكالىق اشۋ رايونىن باسقارۋ كوميتەتىنىڭ ورىنباسار مەڭگەرۋشىسى، قورعاس قالالىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار قالا باستىعى ياڭ شياۋميڭ.
كوپ جىلدان بەرى قورعاس ەكونوميكالىق اشۋ رايونى الدىمەن جۇرگىزىپ، الدىمەن سىناق ەتىپ، قارجى قوسۋ ورتاسىن ۇزبەي ساپالىلاندىرىپ، جاڭاشا باسقارۋ ءتۇزىلىسى مەن جۇمىس مەحانيزمىنە ىزدەنىس جاساپ، ەكونوميكالىق قۇرىلىس پەن قوعامدىق ىستەردى جەدەل دامىتىپ كەلدى. 2017 - جىلى قورعاس ەكونوميكالىق اشۋ رايونىنداعى «ءبىر رايون، 4 باقشانىڭ» تۇراقتى مال - مۇلكىنە 6 ميلليارد 646 ميلليون يۋان قارجى قوسىلىپ، بىلتىرعى سول تۇستاعىدان %52 ارتاتىنى، ساۋداگەر شاقىرىپ، قارجى ەنگىزۋ بويىنشا 12 ميلليارد 500 ميلليون يۋان قارجى تياناقتانىپ، بىلتىرعى سول تۇستاعىدان %6. 59 ارتاتىنى مەجەلەنۋدە.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
