لي پىڭشين «ۇشكە كىرۋ، ەكىمەن بايلانىس جاساۋ، بىرمەن دوستاسۋ» قيمىلىن ىلگەرىلەتۋ جيىنىندا
جوعارى مەكتەپتەردىڭ يدەيالىق، ساياسي جانە ۇلتتار ىنتىماعى قىزمەتىندە ۇزدىكسىز جاڭا جاعداي جاراتۋدى باسا دارىپتەدى
2018.01.11 14:35 كەلۋ قاينارى : شينجياڭ گازەتى
ءتىلشىمىز لي ياڭ 9 - قاڭتاردا ۇرىمجىدەن حابارلايدى. 8 - قاڭتار تۇستەن كەيىن، اۆتونوميالى رايون بويىنشا جوعارى مەكتەپتەردىڭ «ۇشكە كىرۋ، ەكىمەن بايلانىس جاساۋ، بىرمەن دوستاسۋ» قيمىلىن (كلاسقا كىرۋ، جاتاققا كىرۋ، اسحاناعا كىرۋ، وقۋشىلارمەن بايلانىس جاساۋ، اتا - انالارمەن بايلانىس جاساۋ، وقۋشىلارمەن دوستاسۋ) ىشكەرىلەي ىلگەرىلەتۋ جيىنى شينجياڭ ۋنيۆەرسيتەتىندە اشىلدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين: «ۇشكە كىرۋ، ەكىمەن بايلانىس جاساۋ، بىرمەن دوستاسۋ» قيمىلىن ماڭىزدى ساياسي مىندەت، بولاشاققا يگىلىك جاراتاتىن ينجەنەريا رەتىندە تىڭعىلىقتى ىلگەرىلەتىپ، جوعارى مەكتەپتەردىڭ يدەيالىق، ساياسي جانە ۇلتتار ىنتىماعى قىزمەتىندە ۇزدىكسىز جاڭا جاعداي جاراتۋدى باسا دارىپتەدى.
لي پىڭشين ءبىر جىلدان بەرى اۆتونوميالى رايونىمىزداعى جوعارى مەكتەپتەردىڭ «ۇشكە كىرۋ، ەكىمەن بايلانىس جاساۋ، بىرمەن دوستاسۋ» قيمىلىن ورىستەتۋدە قول جەتكىزگەن كەزەڭدىك تابىستارىن تولىق تۇراقتاندىردى. ول بىلاي دەپ اتاپ كورسەتتى: اۆتونوميالى رايون وقۋ - اعارتۋ جۇيەسىندە «ۇشكە كىرۋ، ەكىمەن بايلانىس جاساۋ، بىرمەن دوستاسۋ» قيمىلىن ورىستەتىپ، جوعارى مەكتەپتەردىڭ يدەيالىق، ساياسي قىزمەتىن كۇشەيتۋدىڭ جانە جاقسارتۋدىڭ، ۇلتتار ىنتىماعىن نىعايتۋدىڭ تۇعىرى مەن تۇتقاسىن جاسامپازدىقپەن ورناتتى، ول − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدىڭ، تياناقتاندىرۋدىڭ جاندى امالياتى. بۇكىل رايونىمىزدىڭ وقۋ - اعارتۋ جۇيەسى، وتە - موتە، جوعارى مەكتەپتەر وسى قيمىلدىڭ كەلەلى ءمانىن جىعا تانىپ، باس نىسانانى مىقتاپ ارقاۋ ەتىپ، قيمىلدى تاباندىلىقپەن بۇلجىتپاي ىشكەرىلەي ورىستەتۋى كەرەك.
لي پىڭشين بىلاي دەپ باسا دارىپتەدى: ساياسي دەڭگەيدى، ءسوز جوق، جوعارىلاتىپ، يدەيالىق، ساياسي قىزمەت، يدەولوگيا سالاسىنداعى بولشەكتەۋشىلىككە قارسى تۇرۋ كۇرەسى، ۇلتتار ىنتىماعى تاربيەسى جانە مەكتەپ اۋلاسىنىڭ جاراسىمدىلىعى مەن ورنىقتىلىعىن قورعاۋ سياقتى ماڭىزدى قىزمەتتەردى قيمىلدىڭ تۇتاس بارىسىنا توعىستىرىپ، باعىتتىڭ دۇرىس بولۋىنا شىنايى كەپىلدىك ەتۋ كەرەك. قىزمەت ءادىسىن، ءسوز جوق، ايقىنداپ، ناقتى ىستەردى يگەرۋ، ناقتاپ يگەرۋ، قىزمەتتەگى جالعاندىقتان ساقتانۋ كەرەك. ءسوز جوق، باسشىلار باستاماشى بولۋعا تاباندى بولىپ، جوعارى ارقىلى تومەنگە جەتەكشىلىك ەتىپ، بىرىككەن كۇش قالىپتاستىرۋ كەرەك.
لي پىڭشين بىلاي دەپ باسا دارىپتەدى: «كىرۋ»، «بايلانىس جاساۋ»، «دوستاسۋ» سىندى ءۇش بۋىندى مىقتاپ ارقاۋ ەتىپ، جان - جاقتى شارالار اتقارىپ، قيمىلدى تۇرلىشە جولدارمەن ىشكەرىلەي ورىستەتىپ، ناقتى ونىمدىلىككە قول جەتكىزۋ كەرەك. جۇپتى ويداعىداي قۇراپ، «كىممەن بايلانىس جاساۋدىڭ» قامتىم كولەمىن كەڭەيتىپ، «كىممەن بايلانىس جاساۋدا» دالمە - دالدىكتى ايگىلەۋ؛ ۇگىت جۇرگىزۋگە ءمان بەرىپ، پارتيا 19 - قۇرىلتايىنىڭ رۋحىن ابدەن جەتكىزۋ، پارتيانىڭ ساياساتىن انىق ءتۇسىندىرۋ، ارقالايتىن جاۋاپكەرلىگىن ايقىن ايتۋ؛ ىشكەرىلەي سىرلاسۋ، تەڭ بولىسۋگە پەيىل بولۋ، كوڭىل قويىپ تىڭداۋ، شەبەرلىكپەن جەتەكتەۋ؛ ۇنەمى وقۋشىلاردىڭ ۇيىنە بارىپ جاعداي ۇعىسىپ، اقتارىلا اڭگىمەلەسىپ، تابىستاردان ويداعىداي پايدالانۋ؛ كوبىرەك قيمىل وتكىزىپ، قيمىلدىڭ ىقپالداستىعىنا، باعىتتامالىلىعىنا جانە ۇدايىلىعىنا باسا ءمان بەرۋ؛ كومەكتەسىپ ناقتى ىستەر ىستەسىپ، ۇيرەنۋىنە، كاسىپتەنۋىنە، تۇرمىسىنا كومەكتەسۋ، يدەيالىق جاقتان جەتەكتەۋ كەرەك.
لي پىڭشين بىلاي دەپ اتاپ كورسەتتى: قيمىلدىڭ ۇدايى، ۇزاق ۋاقىت ءونىمدى ورىستەتىلۋىن تىڭعىلىقتى ىلگەرىلەتۋ كەرەك. جاۋاپكەرلىكتى تياناقتاندىرۋدى كۇشەيتىپ، قاداعالاۋ - تەكسەرۋ ءتۇزىمىن قاتايتىپ، دابىرالى جاعداي قالىپتاستىرىپ، قيمىلدىڭ ءارقايسى جوعارى مەكتەپتەردە تامىر تارتىپ، وركەن جايۋىن ىلگەرىلەتىپ، ۇلتتار ىنتىماعىنىڭ ءار ۇلت وقىتۋشى - وقۋشىلاردىڭ جۇرەگىندە ماڭگى سولماي قۇلپىرا گۇل اشۋىنا مۇمكىندىك جاساۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن جيىندى باسقاردى. اۆتونوميالى رايوننىڭ باسشىلارىنان مانەن زەينەل ۇلى، ماعاۋ سەيىتقامزا ۇلى، چىڭ جىنشان جيىنعا قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
