بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

رايونىمىز 2017 - جىلعى مەملەكەتتىك عىلىم - تەحنيكا سيلىعىنىڭ 5 تۇرىنە يە بولدى

ەرەكشە ترانسفورماتور ەلەكتر سەرىكتەستىگى مەملەكەتتىك عىلىم - تەحنيكا العاباسارلىعى سيلىعىنىڭ ەرەكشە سيلىعىن الدى

2018.01.11 14:36     كەلۋ قاينارى : شينجياڭ گازەتى

  تىلشىلەرىمىز يۋە يانيۇن، يۋان لەي، شيە حۇيبيان 9 - قاڭتاردا ۇرىمجىدەن حابارلايدى. 8 - قاڭتاردا اشىلعان 2017 - جىلعى مەملەكەتتىك عىلىم - تەحنيكا سيلىعى جينالىسىندا، رايونىمىز مەملەكەتتىك عىلىم - تەحنيكا العاباسارلىعى سيلىعىنىڭ ەرەكشە سيلىعىنان بىرەۋىن، مەملەكەتتىك عىلىم - تەحنيكا العاباسارلىعى سيلىعىنىڭ 2 - دارەجەلى سيلىعىنان بىرەۋىن، مەملەكەتتىك تەحنيكالىق تاپقىرلىق سيلىعىنىڭ 2 - دارەجەلى سيلىعىنان ەكەۋىن جانە حالىقارالىق عىلىم - تەحنيكا ىنتىماقتاستىعى سيلىعىنان بىرەۋىن قامتىعان جيىنى 5 سيلىققا يە بولدى. بۇل سيلىقتار − رايونىمىزدىڭ عىلىم - تەحنيكادا جاڭالىق اشۋ قابىلەتىنىڭ ۇزدىكسىز وسكەندىگىنىڭ پارمەندى ايعاعى.

  جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش. باس شۋجي شي جينپيڭ پارتيا 19 - قۇرىلتايىنىڭ بايانداماسىندا بىلاي دەپ اتاپ كورسەتتى: «الەمدىك عىلىم - تەحنيكانىڭ الدىڭعى لەگىن نازارعا الىپ، نەگىزدىك زەرتتەۋدى كۇشەيتىپ، الدىڭعى لەكتىك نەگىزدىك زەرتتەۋدى ورىنداپ، جەتەكشىلىك سيپاتتى العاشقى جاڭالىق اشۋدا كەلەلى تابىسقا جەتۋ كەرەك. قولدانىلمالى نەگىزدىك زەرتتەۋدى كۇشەيتىپ، مەملەكەتتىڭ كەلەلى عىلىم - تەحنيكا نىساندارىن كەڭەيتىپ جانە اتقارىپ، شەشۋشى، جالپىلىق تەحنيكالاردا، وزىق، جەتەكشى تەحنيكالاردا، وسى زامانعى ينجەنەريالىق تەحنيكالاردا، توڭكەرۋ سيپاتتى تەحنيكالاردا جاڭالىق اشۋدى كورنەكتىلەندىرىپ، عىلىم - تەحنيكادا قۇدىرەتتى ەل، ساپادا قۇدىرەتتى ەل، عارىشكەرلىكتە قۇدىرەتتى ەل، ينتەرنەتتە قۇدىرەتتى ەل، قاتىناستا قۇدىرەتتى ەل بولۋعا، سيفرلى جۇڭگو، پاراساتتى قوعام قۇرۋعا مىعىم تىرەك بولۋ كەرەك».

  سوڭعى جىلدارى، رايونىمىز جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، شەشۋشى، جالپىلىق تەحنيكالاردى، وزىق، جەتەكشى تەحنيكالاردى، وسى زامانعى ينجەنەريالىق تەحنيكالاردى، توڭكەرۋ سيپاتتى تەحنيكالاردى ارقاۋ ەتە جاڭالىق اشىپ، نەگىز قالاپ، ولقىلىقتاردى تولىقتاپ، قابىلەتتى كۇشەيتىپ، ورايدى يگەرىپ، عىلىم - تەحنيكادا جاڭالىق اشۋ قابىلەتىن ۇزدىكسىز كۇشەيتتى.

  ۇعىسۋعا قاراعاندا، 5 مەملەكەتتىك عىلىم - تەحنيكا سيلىعى مىنالار: ەرەكشە ترانسفورماتور ەلەكتر سەرىكتەستىگى شىنياڭ ترانسفورماتور توبى شەكتى سەرىكتەستىگى نەگىزگى سەلبەسۋ ورنى رەتىندە ات سالىسقان «ەرەكشە جوعارى كەرنەۋلى 800± كيلوۆولتتىق تۇراقتى توك جەتكىزۋ ەلەكتر ينجەنەرياسى» مەملەكەتتىك عىلىم - تەحنيكا العاباسارلىعى سيلىعىنىڭ ەرەكشە سيلىعىنا يە بولدى؛ شينجياڭ اۋىل شارۋاشىلىق عىلىم اكادەمياسى ءبىرىنشى ورىن رەتىندە ورىنداعان «پاميدور وڭدەۋدى كاسىپ سالالاندىرۋدىڭ شەشۋشى تەحنيكاسىندا جاڭالىق اشۋ جانە قولدانۋ» مەملەكەتتىك عىلىم - تەحنيكا العاباسارلىعى سيلىعىنىڭ 2 - دارەجەلى سيلىعىنا يە بولدى؛ جۇڭگو مۇناي توبى تارىم بولىمشە سەرىكتەستىگى مەن جۇڭگو مۇناي حيميا توبى باتىس سولتۇستىك مۇناي الابى بولىمشە سەرىكتەستىگى قاتىناسقان «تەرەڭ قاباتتاعى مۇناي، گازدى ۋاقىتشا توسىپ، ساڭلاۋلارعا قاراي اعىزىپ، ءونىمدى ارتتىرۋ تەحنيكاسى جانە ونى قولدانۋ» جانە «تەڭىز فازالى كومىر قىشقىل تۇزى جىنىستارىنىڭ اراسىنداعى مۇنايدى تاپتىشتەپ بايانداۋ، ساندى ءمان مودەلى، سونداي - اق سۋ جىبەرىپ اشۋدىڭ جوعارى ءونىمدى تەحنيكاسى» جەكە - جەكە مەملەكەتتىك تەحنيكالىق تاپقىرلىقتىڭ 2 - دارەجەلى سيلىقتارىنا يە بولعان؛ جۇڭگو عىلىمدار اكادەمياسى شينجياڭ فيزيكا - حيميا تەحنيكا ينستيتۋتىمەن ۇزاق ۋاقىت ىنتىماقتاستىق جاساسقان وزبەكستاندىق مامان شاۋكەت ساليحوۆ حالىقارالىق عىلىم - تەحنيكا ىنتىماقتاستىعى سيلىعىنا يە بولدى.

  ەرەكشە ترانسفورماتور ەلەكتر سەرىكتەستىگى قاتىناسقان «ەرەكشە جوعارى كەرنەۋلى 800± كيلوۆولتتىق تۇراقتى توك جەتكىزۋ ەلەكتر ينجەنەرياسىنا» 2017 - جىلعى مەملەكەتتىك عىلىم - تەحنيكا العاباسارلىعى سيلىعىنىڭ ەرەكشە سيلىعى بەرىلدى. بۇل ەرەكشە ترانسفورماتور ەلەكتر سەرىكتەستىگىنىڭ 2012 - جىلدان كەيىن تاعى دا قول جەتكىزگەن مەملەكەتتىڭ عىلىم - تەحنيكا سالاسىنداعى ەڭ ۇلكەن سيلىعى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار