باس شۋجيدىڭ تاپسىرماسىن ەستە بەرىك ساقتاپ، ىنتىماقتاسا العا باسىپ، تىڭ داستان جازايىق
2018.01.12 14:14 كەلۋ قاينارى : شينجياڭ گازەتى
− باس شۋجي شي جينپيڭنىڭ قۇربان اتايدىڭ ۇرپاقتارىنا جاۋاپ حات جازعاندىعىنا ءبىر جىل تولۋى بايلانىسىمەن
ءتىلشىمىز يۋان لەي
بۇل − مەيىرگە تولى سالەم جانە ىقىلاستى قامقورلىق.
بۇل − ىقىلاستى تاپسىرما جانە تاماشا ءۇمىت.
2017 - جىلى 11 - قاڭتاردا، باس شۋجي شي جينپيڭ قۇربان اتايدىڭ قىزى توحتىحان قۇربانعا جاۋاپ حات جازىپ، وعان جانە وتباسىنداعىلارعا، سونداي - اق اۋىلداستارعا دەگەن ىزگى تىلەگىن جەتكىزىپ، ولاردان پارتيانى ءسۇيۋ، وتاندى ءسۇيۋ سۇيىسپەنشىلىگىنەن جازباي، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەپ، پارتيانىڭ باسشىلىعىندا شينجياڭنىڭ اناعۇرلىم كوركەم بولاشاعىن بىرگە جاراتۋىن ءۇمىت ەتتى.
تاپسىرمانى ەستە بەرىك ساقتادى، زور ءۇمىتتى اقتادى. ءبىر جىلدان بەرى، شينجياڭداعى ءار ۇلت كادرلارى مەن بۇقارا باس شۋجي شي جينپيڭنىڭ ىقىلاستى قامقورلىعىن قوزعاۋشى كۇش ەتىپ، باس شۋجي شي جينپيڭنىڭ شىنايى ءۇمىتىن كورىكتى شينجياڭ قۇرۋدىڭ جاندى امالياتىنا اينالدىرىپ، اۆتونوميالى رايوندىق پارتكومنىڭ باسشىلىعىندا، «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتتى، بارلىق ادام ۇلتتار ىنتىماعىنىڭ ۇلگىسى بولۋعا تالپىنىپ، ۇلتتار ىنتىماعى گۇلى تيانشان الابىندا قۇلپىرا اشىلدى.
ءبىر جىلدان بەرى، شينجياڭداعى ءار ۇلت حالقى باس شۋجيدىڭ ماڭىزدى جاۋاپ حاتىنىڭ كەلەلى ءمانىن اناعۇرلىم تەرەڭ تانىپ، ءبىر تىلەكتە بولىپ، كۇش بىرىكتىرىپ، باس شۋجيدىڭ شىنايى ءۇمىتىن ۇلتتار ىنتىماعىن جەبەيتىن جاندى امالياتقا اينالدىردى
2018 - جىلى 1 - قاڭتاردا، توحتىحان قۇربان تاعى ءبىر رەت وتباسى جيىنىن اشتى. وتباسىنداعىلار بۇرىنعىسىنشا ونى قورالاي وتىردى، وتباسى جيىنىندا باس شۋجيگە، پارتيا ورتالىق كوميتەتىنە دەگەن العىسىمىز بەن قىزۋ سۇيىسپەنشىلىگىمىزدى قايتكەندە ءىس جۇزىندىك ارەكەتىمىزبەن بەينەلەيمىز دەگەن ماسەلە تالقىلاندى.
باس شۋجيدىڭ جاۋاپ حاتى توحتىحان وتباسىنىڭ قوناق ۇيىنە ىلىنگەن. بۇگىنگى كۇندە قاريا وسى جاۋاپ حاتتى وقىسا بولدى، كوزىنە ىستىق جاس الىپ: ءبىز باس شۋجيدىڭ تاپسىرماسىن، ءسوز جوق، ەستە بەرىك ساقتاپ، پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولامىز، - دەيدى. قۇربان اۋلەتىنىڭ تاعى 2 مۇشەسى 2017 - جىلى پارتياعا كىرۋ ءوتىنىشىن جازدى.
باس شۋجي شي جينپيڭ باستان - اياق شينجياڭعا سۇيىسپەنشىلىك باعىشتاپ، شينجياڭداعى ءار ۇلت حالقىن كوكەيىندە ساقتاپ، شينجياڭنىڭ ۇلتتار ىنتىماعىنا كوڭىل ءبولىپ كەلەدى. باس شۋجي شي جينپيڭ بىلاي دەپ اتاپ كورسەتتى: «ۇلتتار ىنتىماعى − ءار ۇلت حالقىنىڭ جان تامىرى»، «ءار ۇلت ءبىرىن - ءبىرى ءتۇسىنىپ، ءبىرىن - ءبىرى قۇرمەتتەپ، ءبىر - بىرىنە كەشىرىمشىل بولىپ، ءبىر - ءبىرىنىڭ ارتىقشىلىعىن قابىلداپ، ءبىر - بىرىنەن ۇيرەنىپ، ءبىر - بىرىنە كومەكتەسىپ، اناردىڭ دانىندەي تىعىز ۇيىسۋى كەرەك». باس شۋجي شي جينپيڭ توحتىحانعا جاۋاپ حات جازىپ 3 كۇن وتكەننەن كەيىن، اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، ماڭىزدى جاۋاپ حاتتىڭ رۋحىن جەتكىزدى، ۇيرەندى. ءماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى جاۋاپ حاتى باس شۋجيدىڭ قۇربان اتايدىڭ پارتيانى ءسۇيۋى، وتاندى ءسۇيۋى، ۇلتتار ىنتىماعىن قاستەرلەۋ ىزگى ىستەرى جونىندەگى وسكەلەڭ تۇراقتاندىرۋىن تولىق ايگىلەدى، باس شۋجيدىڭ شينجياڭ قىزمەتىنە وسكەلەڭ ءمان بەرۋىن، شينجياڭداعى ءار ۇلت حالقىنا دەگەن شىنايى قامقورلىعىن تولىق ايگىلەدى، باس شۋجيدىڭ شينجياڭنىڭ قوعام ورنىقتىلىعى مەن باياندى تىنىشتىقتى جۇزەگە اسىرۋداعى شىنايى ءۇمىتىن تولىق ايگىلەدى، باس شۋجيدىڭ شينجياڭداعى ءار ۇلت حالقىنىڭ جارقىن، باقىتتى تۇرمىسقا كەنەلۋدەگى تاماشا تىلەگىن تولىق ايگىلەدى.
باس شۋجيدىڭ جاۋاپ حاتى تۇتاس رايونىمىزداعى ءار ۇلت كادرلارى مەن بۇقاراسى جونىنەن زور شابىتتاندىرۋ، ونان دا ماڭىزدىسى، شينجياڭ قىزمەتىن جاقسى ىستەۋ جونىنەن ىنتالاندىرۋ، دەم بەرۋ. وسى ءبىر جىلدا، تۇتاس رايونىمىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىردى، تياناقتاندىردى، جەر - جەر، تاراۋلار، ورىندار تىعىز سايكەسىپ، تۋىستاسۋدى دانەكەر ەتىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعىنىڭ بىرلەسكەن دوستىق قيمىلىن، سونداي - اق «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ىشكەرىلەي ىلگەرىلەتىپ، ۇلتتار ىنتىماعى، العاباسارلىعى ىستەرىن ۇزدىكسىز ىلگەرىلەتىپ، ۇلتتاردىڭ ۇلى ىنتىماعى نەگىزىن ۇزدىكسىز بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىنا ءتۇبىرلى كەپىلدىك ازىرلەدى.
وسى ءبىر جىلدا، تۇتاس شينجياڭداعى ءار ۇلت بۇقاراسى ۇلتتار ىنتىماعىن كوزىنىڭ قاراشىعىنداي قورعاپ، ۇلتتار ىنتىماعىن ءوز ءومىرىن قاستەرلەگەندەي قاستەرلەپ، ۇلتتار ىنتىماعىن ورتاق قۇن تالپىنىسى ەتىپ، ۇلتتار ىنتىماعىنىڭ تىڭ داستانىن جازدى.
ءبىر جىلدان بەرى، «ۇلتتار ىنتىماعىنىڭ بەرەكەلى شاڭىراعى» قيمىلى جاپپاي ورىستەتىلىپ، ءتۇرى ۇزبەي جاڭالاندى، ءار ۇلت كادر - جۇرتشىلىعىنىڭ دوستىق سەزىمى ارالاسۋ، ىشتەسۋ بارىسىندا كۇن ساناپ نىعايدى
ەسكى جىلدىڭ سوڭى، جاڭا جىلدىڭ باسى. قاشقاردىڭ تەمپەراتۋراسى نولدەن تومەن ون نەشە سەلتسي گرادۋسقا تۇسكەن. 2017 - جىلى 30 - قاڭتار كۇنى قاشقار جاڭاشار اۋدانى ارال اۋىلى مامۇق قىستاعى تۇرعىندار كوميتەتىنىڭ اۋلاسىندا ەلەڭدەي كۇتىسكەن قىستاق تۇرعىندارى كۇننىڭ سۋىعىن سەزەر ەمەس. تۋىستارىمەن تاعى جۇزدەسۋگە مۇمكىندىك تۋعانىن ويلاعاندا، قىستاق تۇرعىندارىنىڭ كوڭىلى قىسقى كۇننىڭ شۋاعىنا مالىنعانداي جادىراپ سالا بەردى.
اۆتونوميالى رايوندىق حالىق ۇكىمەتى كەڭسەسىنىڭ كادرلارى وتىرعان جولاۋشى كولىگى قىستاق تۇرعىندار كوميتەتىنىڭ اۋلاسىنا كەلىپ توقتاعاندا، اينالا دۇرىلدەپ الا جونەلدى. ولار ءوز تۋىستارىن ىزدەپ ابىگەر، قارتتار كادرلاردىڭ قولىن الىپ، «بالام» دەپ ەلجىرەسە، كادرلار «اپاتاي» دەپ جان تارتا سويلەيدى... قالاداعى تۋىستار قانشاما رەت كەلىپ، تالاي بەت كورىسكەنمەن، بۇگىن قىستاق تۇرعىندار كوميتەتىنىڭ اۋلاسى تاعى دا مەرەكە بولعانداي دۋمانعا شومدى.
«ۇلتتار ىنتىماعىنىڭ بەرەكەلى شاڭىراعى» قيمىلىنىڭ ۇزدىكسىز تەرەڭدەۋىنە بايلانىستى، بۇنداي كورىنىس تيانشاننىڭ تۇستىگى مەن تەرىستىگىندەگى اۋىل - قىستاقتاردا ءار كۇنى دەرلىك قايتالاندى. بۇكىل شينجياڭداعى ءار دارەجەلى كادرلار مەن جۇمىسشى - قىزمەتكەرلەر شىنايى سۇيىسپەنشىلىكتەرىمەن اسەرلى سۋرەتتەر سالىپ، ناقتى ارەكەتتەرىمەن قاقاعان قىستا جان تەربەيتىن جىلىلىق تاراتىپ، ءار ۇلت كادرلارى مەن جۇرتشىلىعىنىڭ سۇيىسپەنشىلىگىن ونان سايىن تەرەڭدەتە ءتۇستى.
2017 - جىلى 28 - جەلتوقسانعا دەيىن، اۆتونوميالى رايون بويىنشا ءبىر ميلليون 120 مىڭ كادر - قىزمەتكەر نەگىزگى ساتىداعى ءبىر ميلليون 610 مىڭ ءار ۇلت جۇرتشىلىعىمەن جۇپ قۇراپ، تۋىس بولدى، ءار ۇلت كادر - قىزمەتكەرى بۇقارامەن جالپى 18 ميلليون 970 مىڭ ادام - رەت جۇزدەسىپ، 23 ميلليون 670 مىڭ وتباسى - رەت جاعداي ۇعىستى؛ 330 ميلليون يۋاننان اسا اقشالاي جىلۋ، 19 ميلليون 860 مىڭ دانادان اسا زاتتاي جىلۋ اتادى. ەمدەلۋ، وقۋ، جۇمىستانۋ، ءوندىرىستى دامىتۋ، ت.ب جاقتاردا 5 ميلليون 830 مىڭ رەتتەن اسا جاقسى، ناقتى ءىس تىندىرىپ، 12 ميلليون 220 مىڭ ءار ۇلت جۇرتشىلىعىنا پايدا جەتكىزدى؛ بۇكىل اۆتونوميالى رايونداعى ورگاندار، كاسىپورىندار مەن ءىسورىندار، مەكتەپتەر «ۇلتتار ىنتىماعىنىڭ بەرەكەلى شاڭىراعى» نەگىزگى تاقىرىبى بويىنشا 5 ميلليون 420 مىڭ رەتتەن استام قيمىل وتكىزدى.
2017 - جىلى جەلتوقساندا اۆتونوميالى رايوندىق پارتكومنىڭ ورنالاستىرۋى بويىنشا، بۇكىل شينجياڭداعى كادر - قىزمەتكەرلەر ۇلتتار ىنتىماعى «تۋىستاسۋ اپتالىعى» قيمىلىن وتكىزىپ، ءبىر اپتا ۋاقىت بويى بۇقارامەن بىرگە تاماقتانىپ، بىرگە تۇرىپ، بىرگە ەڭبەك ەتىپ، بىرگە ۇيرەندى. ولار كورپە - جاستىعىن كوتەرىپ تۋىستارىنىڭ ۇيىندە بولىپ، تۋىستارى نە جەسە، سونى جەدى. بيىلعى ىزعارلى قىستا تۋىستاردىڭ جولى تۇسۋىمەن، ءار ۇلت جۇرتشىلىعىنىڭ ءۇيى ايرىقشا جىلىلىققا شومدى.
بۇل جىلى ءاربىر ادام ءوز باسىنان ونەگە كورسەتىپ، ۇلتتار ىنتىماعىنىڭ ۇستانىمىن كۇندەلىكتى تۇرمىستاعى ءىس - ارەكەتكە اينالدىردى، «ۇساق ارەكەتتەر» اسا قۋاتتى وڭ ەنەرگيا توپتادى
«مىناۋ مەنىڭ تانىسقىم، قانداي ىسكە تاپ بولساڭدار، ماعا تەلەفون سوعىڭدار». 2017 - جىلى 9 - مامىردا «حوتان لەي فىڭ اۆتوموبيل اترەتىنىڭ» مۇشەسى حالمۇرات ابىلەز حوتان قالاسى گۇجانباق ءمالىسىنىڭ تامباق الەۋمەتتىك اۋماعىنداعى تۇرعىندار مەن قارتتارعا وسىنى ايتتى.
«حوتان لەي فىڭ اۆتوموبيل اترەتىنىڭ» ۇيىمداستىرۋشىسى ءانۋار ءمانسۇر تالاي جىلدان بەرى ءوزىنىڭ جەكە اۆتوموبيلىمەن قاجەتى تۇسكەن ادامداردى اقىسىز تاسىپ، «جەكە كولىكتى جالپىنىڭ ىسىنە پايدالانۋشى اعاي» دەپ اتالدى. مۇنداي القاۋ جونىندە ءانۋار: كىشكەنە كولىگىممەن ازىن - اۋلاق ءىس ىستەگەنىم عوي، - دەيدى جايبىراقات قانا.
ءانۋار سياقتى بۇگىندە ۇلتتار ىنتىماعىنىڭ گەنى شينجياڭداعى ءار ۇلت بۇقاراسىنىڭ جۇرەگىندە تەرەڭ تامىر تارتتى. ءاربىر ادام ءوز باسىنان، كىشكەنە ىستەردەن، جانىنداعى ۇساق ىستەردەن باستاپ كىرىسىپ، جىلى سوزدەر ايتىپ، جىلى قاباق تانىتىپ، شاعىن كومەكتەر بەردى... «ۇساق ارەكەتتەر» قۇدىرەتتى وڭ ەنەرگيا توپتادى.
ەندى ءبىر ايدان استام ۋاقىتتان كەيىن، 2018 - جىلعى كوكتەم مەرەكەسى كەلەدى. 2017 - جىلعى كوكتەم مەرەكەسىندە العاشقى مەرەكەلىك قۇتتىقتاۋ تەلەفونى ءوزىنىڭ اعاسى − حۇڭشىيۋە تۇرعىندار اۋماعىندا تۇراتىن مۇحتار مامەتتەن كەلگەنى ءۇرىمجى قالاسى سايباق رايونى حۇڭشىيۋە تۇرعىندار اۋماعى حالىققا قولايلى ساقشى ىستەرى پۋنكتىنىڭ ساقشىسى چىن ۋىنديدىڭ ءالى ەسىندە.
سول كۇنى سىرتتا جۇرگەن مۇحتار چىن ۋىنديگە جاڭا جىلىن قۇتتىقتاپ تەلەفون ۇرىپ قانا قويماي، ايەلىنە ۇيعۇر ۇلتىنىڭ ءدامدى تاعامدارىن جاساپ، چىن ۋىنديگە اپارىپ بەرۋدى تاپسىرادى. «ول مەن تاپسىرىپ العان تۇڭعىش جاڭا جىلدىق سيلىق بولدى. جەڭگەي مەن بالاسىن اتتاندىرىپ قوياردا كوزىمە جاس تىعىلدى، ولار مەنىڭ عۇمىرىمداعى تۋىستارىم، قاي جەردە جۇرسەك تە ءبىز ءبىر ءۇيدىڭ ادامدارىمىز»، - دەيدى چىن ۋىندي.
بۇگىندە شينجياڭ دالاسىندا ۇلتتار ىنتىماعىنىڭ ەڭ اسقاق ءۇنى جاڭعىرىپ تۇر. ۇزدىكسىز تەرەڭدەگەن ارالاسۋ، ىشتەسۋ، توعىسۋ قيمىلى ءار ۇلت بۇقاراسىنىڭ اراسىنداعى تۇسىنىكتى، سۇيىسپەنشىلىكتى ۇزدىكسىز ارتتىرىپ، ءار ۇلت بۇقاراسىنىڭ قول ۇستاسا ىلگەرىلەۋىنىڭ قۇدىرەتتى وڭ ەنەرگياسىن تاسقىنداتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بەرىك نەگىز قالادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
