شي جينپيڭ سولتۇستىك ەۆروپا جانە بالتىق تەڭىزى ەلدەرىنىڭ پارلامەنت توراعالارىمەن توپتىق كەزدەستى
2018.01.12 14:15 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - قاڭتاردا بەيجيڭنەن بەرگەن حابارى (ءتىلشى حوۋ ليجۇن). مەملەكەت ءتوراعاسى شي جينپيڭ 10 - قاڭتار كۇنى حالىق سارايىندا سولتۇستىك ەۆروپا جانە بالتىق تەڭىزى ەلدەرىنىڭ پارلامەنت توراعالارىمەن توپتىق كەزدەستى. فينلانديا پارلامەنتىنىڭ ءتوراعاسى لوحەلا، نورۆەگيا پارلامەنتىنىڭ ءتوراعاسى توماسسون، يسلانديا پارلامەنتىنىڭ ءتوراعاسى سيگفۋسسون، ەستونيا پارلامەنتىنىڭ ءتوراعاسى نەستور، لاتۆيا پارلامەنتىنىڭ ءتوراعاسى مۋرنيسيە، ليتۆا پارلامەنتىنىڭ ءتوراعاسى پرانسكەتيس، شۆەتسيا پارلامەنتىنىڭ ءبىرىنشى ورىنباسار ءتوراعاسى فيننە قاتارلىلار كەزدەسۋگە قاتىناستى.
شي جينپيڭ بىلاي دەدى: بۇل رەت ءار ەلدىڭ پارلامەنت باسشىلارىنىڭ جۇڭگوعا بىرلەسىپ ساپارلاي كەلۋى سولتۇستىك ەۆروپا جانە بالتىق تەڭىزى ەلدەرىنىڭ جۇڭگومەن جوعارى ساتىداعى توپتىق بارىس - كەلىسىنىڭ جاڭا فورماسى، ول تاراپتاردىڭ ساياسي جاقتاعى ءوزارا سەنىمدىلىگىنىڭ جانە ءتۇرلى سالاداعى بارىس - كەلىسىنىڭ، ىنتىماقتاستىعىنىڭ قارقىندى دامىعان جاڭا داۋىرگە وتكەنىن كورسەتەدى، مەن مۇنى قارسى الامىن.
شي جينپيڭ مىنالاردى اتاپ كورسەتتى: كەزەكتە جۇڭگو سولتۇستىك ەۆروپا جانە بالتىق تەڭىزى ەلدەرىمەن دامۋدىڭ تاماشا ءۇردىسىن ساقتاپ كەلەدى، تاراپتاردىڭ ساياسي جاقتاعى سەنىمدىلىگى ورنىقتى جوعارىلاپ، ىسكەرلىك ىنتىماقتاستىعىندا مول ناتيجەلەرگە قول جەتكىزدى، گۋمانيتارلىق اۋىس - كۇيىس ىشكەرىلەي تەرەڭدەپ، جۇرت تىلەگىنىڭ نەگىزى اناعۇرلىم بەكەمدەلدى. جۇڭگونىڭ سولتۇستىك ەۆروپا جانە بالتىق تەڭىزى ەلدەرىمەن اقاۋسىز، ورنىقتى، باياندى ەكى جاقتى قاتىناسىن دامىتىپ، ءوزارا تيىمدىلىك جاساپ، تەڭ يگىلىككە كەنەلەتىن ەكى جاقتى جانە وڭىرلىك ىنتىماقتاستىقتى ىلگەرىلەتۋى ءوز ەلدەرىمىزدىڭ مۇددەسىنە ۇيلەسىپ قانا قالماستان، جۇڭگو - ەۆروپا جاپپاي ستراتەگيالىق سەرىكتەستىك قاتىناسىن دامىتۋعا پايدالى، بەيبىت، دامۋ، ىنتىماقتاستىق، تەڭ يگىلىككە كەنەلۋ سىندى ءداۋىر اعىمىنا دا ۇيلەسەدى. تاراپتار قاي - قاشان دا ءوزارا قۇرمەتتەۋ، تەڭ مامىلە جاساۋ، سيلاسىمدى بولۋ، ءوزارا ونەگە الۋدى پرينسيپ ەتىپ، ءبىر - ءبىرىنىڭ وزەكتى مۇددەلەرىن جانە باسا دەن قويىپ وتىرعان كەلەلى ىستەرىن قۇرمەتتەپ، ەكى جاق قاتىناسىنىڭ دۇرىس دامۋ باعىتىن ستراتەگيالىق بيىكتەن جانە ۇزاق بولاشاقتىق تۇرعىدان مىقتاپ يگەرۋ كەرەك. جوعارى جىكتەگىلەردىڭ بارىس - كەلىس جاعدايىن ۇزدىكسىز ساقتاپ، اۋىس - كۇيىستى، تۇسىنىستىكتى كۇشەيتىپ، ۇقساستىقتارعا تالپىنىپ، پارىقتاردى جويىپ، ورتاق تانىمدى كەڭەيتۋ كەرەك. ءوز - ءوزىنىڭ دامۋ ستراتەگياسىنا سايكەستىرىپ، ىسكەرلىك ىنتىماقتاستىق سالاسىن جانە ارناسىن كەڭەيتۋ، وتە - موتە، «ءبىر بەلدەۋ، ءبىر جول» دارىپتەمەسى جۇلگەسىندەگى ىنتىماقتاستىقتى كۇشەيتىپ، ازيا - ەۆروپا ۇلى قۇرلىعىنىڭ ءوزارا تۇتاستىرۋ ارقاسىندا قول جەتكەن دامۋ پايداسىنان بىرگە يگىلىكتەنۋ كەرەك.
شي جينپيڭ جۇڭگو ەكونوميكاسىنىڭ، قوعامىنىڭ دامۋ جاعدايىن جانە بەيبىت ديپلوماتيالىق ساياساتىن تانىستىردى. ول بىلاي دەدى: ج ك پ 19 - قۇرىلتايىندا جۇڭگو جاڭاشا حالىقارالىق قاتىناس ورناتۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەتىندىگىن ورتاعا قويدى. بۇل جۇڭگوشا سوتسياليزم ۇستانىمىنىڭ بولۋعا ءتيىستى ءمانى، جاڭا داۋىردەگى جۇڭگو ديپلوماتياسى تالپىنعان نىسانا ءارى دۇنيە جۇزىندەگى ەلدەر بىرگە قۇلشىناتىن باعىت. جۇڭگو جاۋاپكەرشىلىك ارقالايتىن ءىرى ەلدىك رولىن ۇزبەي ساۋلەلەندىرىپ، الەمدىك جونگە سالۋ جۇيەسى رەفورماسى مەن قۇرىلىسىنا بەلسەنە ات سالىسىپ، الەمدىك جونگە سالۋ جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتىپ، جۇڭگونىڭ اقىل - پاراساتى مەن كۇش - قۋاتىن ارنايدى.
ءار ەلدىڭ پارلامەنت ءتوراعالارى ج ك پ 19 - قۇرىلتايىنىڭ ءساتتى اشىلعانىن قۇتتىقتادى، ج ك پ 19 - قۇرىلتايى ورتاعا قويعان حالىقتى وزەك ەتۋ سىندى نىسانالارعا سۇيىنەتىندىكتەرىن ءبىلدىرىستى، وسى نىسانالاردىڭ ءساتتى ىسكە اسۋىنا تىلەكتەستىك ءبىلدىردى. ولار جۇڭگونىڭ ەكونوميكانىڭ دامۋى، حالىق تۇرمىسىن جاقسارتۋ، كەدەيلەردى ازايتۋ، كەدەيلىكتەن قۇتىلدىرۋ، قورشاعان ورتانى قورعاۋ سياقتى جاقتاردا قول جەتكىزگەن ناتيجەلەرىنىڭ تاريحي سيپاتتى ءىس ەكەندىگىن، سولتۇستىك ەۆروپا جانە بالتىق تەڭىزى ەلدەرىنىڭ جۇڭگومەن دوستىعىن قاستەرلەيتىندىگىن، جۇڭگومەن دوستىق، ىنتىماقتاستىق قاتىناستى ىشكەرىلەي دامىتۋدى قالايتىندىقتارىن ءبىلدىردى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، باس حاتشى ۋاڭ چىن كەزدەسۋدە بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
