شوكىرات زاكىر «ۇكىمەت قىزمەتىنەن بايانداماعا» پىكىر الۋ جونىندەگى اڭگىمە ءماجىلىستى باسقارىپ اشتى
زەيىن - زەردە مەن كۇش - قۋاتتى شوعىرلاندىرىپ، جاڭا دامۋدى عىلمي جوبالاپ، ۇكىمەت قىزمەتىن تاعى دا تىڭ ساتىعا كوتەرەيىك
2018.01.12 15:00 كەلۋ قاينارى : شينجياڭ گازەتى
ءتىلشىمىز دۇڭ شاۋحۋا 10 - قاڭتاردا ۇرىمجىدەن حابارلايدى. 10 - قاڭتاردا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اڭگىمە ءماجىلىستى باسقارىپ اشىپ، اۆتونوميالى رايوندىق 13 - كەزەكتى حالىق قۇرىلتايى 1 - ءماجىلىسىنىڭ قاراۋىنا ۇسىنىلاتىن «ۇكىمەت قىزمەتىنەن بايانداما» جونىندە مامان - اقىلشى، ۇكىمەت كەڭەسشىسى، ءارقايسى دەموكراتيالىق پارتيا - توپتارداعى قايراتكەرلەر جانە كاسىپورىنشى، وقىتۋشى، شارۋا سياقتى ءار جاق ۋاكىلدەرىنىڭ ۇسىنىس - پىكىرلەرىن تىڭدادى.
اڭگىمە ماجىلىستە كوپشىلىك اقتارىلا اڭگىمەلەسىپ، اۆتونوميالى رايوننىڭ ەكونوميكالىق، قوعامدىق دامۋدا قول جەتكىزگەن تابىستارىن تولىق تۇراقتاندىردى ءارى ءارقايسى سالالارمەن ۇشتاستىرا وتىرىپ حالىق تۇرمىسىن جاقسارتۋ، اۋىل - قىستاقتاردى كوركەيتۋ ستراتەگياسىن اتقارۋ، عىلىم - تەحنيكادا جاڭالىق اشۋ قابىلەتىن جوعارىلاتۋ، اۋىل شارۋاشىلىعىنىڭ كاسىپ سالالانۋىن دامىتۋ، ساياحات كاسىبىن دامىتۋ، كەدەيلىكتەن دالمە - ءدال قۇتىلدىرۋ سياقتى جاقتاردا ناقتى ۇسىنىستاردى العا قويدى.
ءار سالا ۋاكىلدەرىنىڭ ۇسىنىس - پىكىرلەرىن تىڭداعان سوڭ، شوكىرات زاكىر بىلاي دەدى: «ۇكىمەت قىزمەتىنەن باياندامانى» ورەلى، ساپالى جازۋ − حالىق جۇرتشىلىعىنىڭ كۇتكەن ۇمىتىنە قايتارعان جاۋاپ سانالادى، ول جاڭا جىلداعى ۇكىمەت قىزمەتىن ويداعىداي ىستەۋ جونىنەن ماڭىزدى ءمان الادى. قوعامداعى ءار سالادان، وتە - موتە، مامان - وقىمىستىلاردان، نەگىزگى ساتىداعى بۇقارا ۋاكىلدەرىنەن كەڭ كولەمدە ۇسىنىس - پىكىر الۋ − «ۇكىمەت قىزمەتىنەن باياندامانى» جازۋداعى ماڭىزدى بۋىن. ۇكىمەت كوپشىلىكتىڭ ۇسىنىس - پىكىرلەرىن مۇقيات رەتتەپ، زەرتتەپ، تولىق قابىلداپ، باياندامانى ءار ۇلت حالقى ريزا بولاتىنداي ەتىپ جازىپ شىعۋعا كۇش سالادى.
شوكىرات زاكىر مىنالاردى اتاپ كورسەتتى: وتكەن ءبىر جىلدا، تۇتاس رايونىمىزدىڭ بارلىق سالالارى پارتيا 19 - قۇرىلتايىنىڭ رۋحىن مۇقيات دايەكتىلەندىرىپ، پارتيا ورتالىق كوميتەتى تۇراقتاندىرعان «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋ مەن «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى مىقتاپ ارقاۋ ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جاڭا دامۋ ۇستانىمىنان جازباي، ورنىقتى ارتتىرۋعا، رەفورمانى جەبەۋگە، قۇرىلىمدى رەتتەۋگە، حالىق تۇرمىسىنا تيىمدىلىك جاساۋعا، حاۋىپ - قاتەردەن ساقتانۋعا قاتىستى قىزمەتتەردى بار كۇشپەن ويداعىداي ىستەۋىنىڭ ارقاسىندا، رايونىمىزدىڭ ەكونوميكاسى ورنىقتىلىق نەگىزىندە ءتىپتى جاقسى دامىپ، قوعامدىق ىستەرى ۇزدىكسىز ىلگەرىلەپ، حالىق تۇرمىسى ءۇرتىس جاقسارىپ، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى.
شوكىرات زاكىر بىلاي دەپ اتاپ كورسەتتى: جاڭا جىلدا اۆتونوميالى رايوننىڭ قىزمەت مىندەتى اۋىر، كوپشىلىكتىڭ ۇكىمەت قىزمەتىنە ۇزدىكسىز اقىل كورسەتىپ، ءجون سىلتەپ، ۇكىمەتتىڭ ءتۇرلى قىزمەتىنە بۇرىنعىداي قولداۋ كورسەتۋىن ءۇمىت ەتەمىن. اۆتونوميالى رايوندىق حالىق ۇكىمەتى پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، اۆتونوميالى رايوندىق پارتكومنىڭ ورنالاستىرۋىنا ساي، «ءۇش ۇلكەن قامال الۋ شايقاسىن» باتىل جۇرگىزىپ، حالىق تۇرمىسى قۇرىلىسىن پارمەندى كۇشەيتىپ، حالىقتىڭ تۇرمىس شارت - جاعدايىن بارىنشا جاقسارتىپ، ەكونوميكا مەن قوعامنىڭ باياندى اقاۋسىز دامۋىن جەبەپ، قوعامدىق جالپى جاعدايدىڭ باياندى جاراسىمدىلىعى مەن ورنىقتىلىعىن باتىل قورعاپ، بۇكىل شينجياڭداعى ءار ۇلت حالقىنا ايتارلىقتاي جاۋاپ قايتارۋعا قۇلشىنادى.
اۆتونوميالى رايوننىڭ باسشىلارىنان ەركىن تۇنياز، ءمۇتالىپ قاسىم، جاروللا يسامدين، ماعاۋ سەيىتقامزا ۇلى، جاڭ چۇنلين، جاۋ چيڭ، ليۋ جيانشين، ۋان حايچۋان قاتارلىلار اڭگىمە ماجىلىسكە قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
