اۆتونوميالى رايونىمىز كەدەيلەردى سۇيەمەلدەۋ سالاسىنداعى ءىرىپ - شىرۋگە جانە ستيلگە ساياتىن 8 تيپتىك دەلونى اشىق جاريالادى
2018.01.12 15:32 كەلۋ قاينارى : شينجياڭ گازەتى
ءوز حابارىمىز. جۋىقتا اۆتونوميالى رايوندىق ءتارتىپ تەكسەرۋ كوميتەتى اۆتونوميالى رايونىمىزدىڭ كەدەيلەردى سۇيەمەلدەۋ سالاسىنداعى ءىرىپ - شىرۋگە جانە ستيلگە ساياتىن 8 تيپتىك دەلونى اشىق جاريالادى. بۇل 8 تيپتىك دەلو مىنالار:
1. ۇلۇقشات اۋدانى بايقۇرۇت اۋىلدىق ءتارتىپ تەكسەرۋ كوميتەتىنىڭ بۇرىنعى مۇشەسى، كەدەيلەردى سۇيەمەلدەۋ كادرى ءيۇسىپ يميتتىڭ كەدەيلەردى سۇيەمەلدەۋگە بوساتىلعان قارىز اقشانى يەمدەنىپ الۋ ماسەلەسى. 2016 - جىلى قىركۇيەك ايىندا، ءيۇسىپ يميت قىزمەت قولايلىلىعىنان پايدالانىپ، 4 كەدەي وتباسىنا بەرىلەتىن كەدەيلەردى سۇيەمەلدەۋ قارىز اقشاسىنان 115 مىڭ يۋاندى ءوز بىلگەنىنشە شىعارىپ الىپ، يگىلىك سيلىقتى بەلەتىن ساتىپ الۋعا جانە باسقا جەرلەرگە جۇمساعان. تەكسەرۋ كەزىندە، ءيۇسىپ يميت ءوزىنىڭ تارتىپكە قايشىلىق جاساعان ماسەلەسىن ىرىقتى تۇردە تاپسىرعان. 2017 - جىلى قاراشادا، ءيۇسىپ يميتكە پارتيادان شىعارۋ، اكىمشىلىك مىندەتىنەن قالدىرۋ جازاسى بەرىلدى.
2. جاڭاشار اۋدانى تازعۇن اۋىلدىق پارتكومنىڭ بۇرىنعى شۋجيى شيە گاۋشياڭنىڭ كەدەيلەردى سۇيەمەلدەۋ نىسانىنىڭ تاربيەلەۋ كومەك قاراجاتىن زاڭسىز ايىرباستاۋ ماسەلەسى. 2016 - جىلى تازعۇن اۋىلى كەدەيلەردى سۇيەمەلدەۋ بويىنشا باعىمشىلىقپەن شۇعىلدانۋعا تاربيەلەۋ نىسانىن اتقارعان كەزدە، شيە گاۋشياڭ كەڭسە بۇيىمدارىن ساتىپ الۋدى، وقىتۋشىلارعا تاربيەلەۋ اقىسىن بەرۋدى جەلەۋ ەتىپ، تاربيەلەۋ كومەك قاراجاتىنان 30 مىڭ يۋاندى زاڭسىز ايىرباستاپ الىپ ءوزى جۇمساعان. مۇنان سىرت، شيە گاۋشياڭنىڭ تارتىپكە قايشى باسقا دا ماسەلەلەرى بار. 2017 - جىلى قاراشادا شيە گاۋشياڭعا پارتيادا قالدىرىپ 2 جىل بايقاپ كورۋ، اكىمشىلىك مىندەتىنەن قالدىرۋ جازاسى بەرىلدى.
3. التاي قالاسى حاندىعاتى اۋىلىنىڭ بۇرىنعى ورىنباسار باستىعى ارشىن ءنابيوللا ۇلىنىڭ كەدەيلەردى سۇيەمەلدەۋ قاراجاتىن بەلگىلەمەگە قايشى پايدالانۋ ماسەلەسى. 2015 - جىلى قازان ايىندا ارشىن ءنابيوللا ۇلى كەدەيلەردى سۇيەمەلدەۋگە بەرىلەتىن قويدى ساتىپ الۋ قىزمەتىنە جاۋاپتى بولعان كەزدە، قوي ساتىپ الۋ قاراجاتىنان 14 مىڭ يۋان قىمقىرىپ قالعان، 90 مىڭ يۋان قاراجاتتى ءوز بىلگەنىنشە اعاسىنىڭ ساۋدا ىستەۋىنە قارىزعا بەرىپ، ورتادان پايدا تۇسىرگەن. 2017 - جىلى قازان ايىندا ارشىن ءنابيوللا ۇلىنا پارتيادا قالدىرىپ ءبىر جىل بايقاپ كورۋ، اكىمشىلىك مىندەتىن جاي قىزمەتكەر دارەجەسىنە تومەندەتۋ جازاسى بەرىلدى.
4. نىلقى اۋدانى قاراتوبە اۋىلى سايبويى قىستاعىنىڭ ەسەپشىسى، قوسىمشا كەدەيلەردى سۇيەمەلدەۋ قىزمەتىنىڭ كومەكشسى ەرتاي لاقباي ۇلىنىڭ كەدەيلەردى سۇيەمەلدەۋگە بەرىلەتىن سيىردى باسقالاردىڭ اتىن جامىلىپ، الۋ ماسەلەسى. 2014 - جىلى قاراتوبە اۋىلى سايبويى قىستاعى جان سانى از ۇلتتاردى دامىتۋ قارجى نىسانىن اتقارعان كەزدە، ەرتاي لاقباي ۇلى قىستاقتاعى كەدەي وتباسى يە xxتىڭ اتىن جامىلىپ، كەدەيلەردى سۇيەمەلدەۋ سيىرىنان ءبىر سيىر الىپ، وزگەلەرگە ساتقان. تەكسەرۋ كەزىندە جالعان مالىمەت بەرىپ، تارتىپكە قايشىلىق جاساعان فاكتىن جاسىرىپ، ۇيىمنىڭ تەكسەرۋىنە قارسى شىققان. 2017 - جىلى جەلتوقسان ايىندا، ەرتاي لاقباي ۇلىنا پارتيادا قالدىرىپ ءبىر جىل بايقاپ كورۋ جازاسى بەرىلدى.
5. اراتۇرىك اۋدانى تۋحۋلۋ اۋىلى ءباشىر قىستاعى قىستاق تۇرعىندار كوميتەتىنىڭ بۇرىنعى مەڭگەرۋشسى تۇرعىن تايىردىڭ جايلىم ەكولوگياسىن قورعاۋ جاردەماقىسىنان قايتالاي يگىلىكتەنۋ ماسەلەسى. 2011 - جىلى قىركۇيەك ايىندا، تۇرعىن تايىر قىزمەت قولايلىلىعىنان پايدالانىپ، تۇزكول قالاشىعى جايلىم ەكولوگياسىن قورعاۋ جاردەماقىسىنان يگىلىكتەنەتىن ايەلىن تارتىپكە قايشى تۇردە ءباشىر قىستاعىنان جاردەماقى الاتىنداردىڭ قاتارىنا ەنگىزىپ، ايەلىنىڭ قايتالاي 10 مىڭ يۋان ارناۋلى جاردەماقى الۋىنا مۇمكىندىك جاساعان. 2017 - جىلى جەلتوقسان ايىندا تۇرعىن تايىرعا پارتيا ىشىندە ەسكەرتۋ بەرۋ جازاسى بەرىلدى.
6. شەريا اۋداندىق ساياسي كەڭەس ارناۋلى كوميتەتىنىڭ بۇرىنعى مەڭگەرۋشسى مامەتايسا ءماتشىرىپتىڭ تارتىپكە قايشى تۇردە كەدەيلەردى سۇيەمەلدەۋ قويىنان يگىلىكتەنۋ ماسەلەسى. 2014 - جىلى قاراشا ايىندا، مامەتايسا ءماتشىرىپ قىزمەتىندەگى ىقپالىنان پايدالانىپ، باسقالارعا قۇلاققاعىس ەتىپ قويۋداي تاسىلدەر ارقىلى ايەلىن شارتقا تولماسا دا كەدەي وتباسىنىڭ قاتارىنا ەنگىزگەن ءارى 2015 - جىلى تامىز ايىندا تارتىپكە قايشى تۇردە كەدەيلەردى سۇيەمەلدەۋ قويىنان 5 قوي العان. 2017 - جىلى جەلتوقسان ايىندا مامەتايسا ماتشىرىپكە پارتيا ىشىندە قاتاڭ ەسكەرتۋ بەرۋ جازاسى بەرىلدى.
7. كەريا اۋدانى سيەك اۋىلى شارۋا قىستاعى پارتيا ياچەيكاسىنىڭ بۇرىنعى شۋجيى، قوسىمشا قىستاق تۇرعىندار كوميتەتىنىڭ مەڭگەرۋشسى قادىر ءسايديدىڭ تۋىستارى مەن دوستارىنا ايرىقشا مامىلە جاساۋ ماسەلەسى. 2014 - جىلدان 2017 - جىلعا دەيىن، قادىر ءسايدي قىزمەت قولايلىلىعىنان پايدالانىپ، تۋىستارىنان، دوستارىنان 11 وتباسىن ساياساتقا ۇيلەسپەسە دە ەڭ تومەنگى تۇرمىستى قامتاماسىزداندىرۋدىڭ كولەمىنە ەنگىزىپ، ولاردىڭ بەلگىلەمەگە قايشى تۇردە ەڭ تومەنگى تۇرمىستى قامتاماسىزداندىرۋ قاراجاتىنان 75 مىڭ 200 يۋاننان يگىلىكتەنۋىنە كومەكتەسكەن. مۇنان سىرت، قادر ءسايديدىڭ تارتىپكە قايشى باسقا دا ماسەلەلەرى بار. 2017 - جىلى جەلتوقسان ايىندا قادىر ءسايديعا پارتيادان شىعارۋ جازاسى بەرىلدى.
8. باي اۋدانى حەيىر اۋىلى قازانشى قىستاعى قىستاق تۇرعىندار كوميتەتىنىڭ بۇرىنعى مەڭگەرۋشىسى تۇرعىن قاسىمنىڭ تۋىستارى مەن دوستارىنا ايرىقشا مامىلە جاساۋ ماسەلەسى. 2013 - جىلى تۇرعىن قاسىم قىزمەت قولايلىلىعىنان پايدالانىپ، وزىمەن جاقىن وتەتىن مۋ xx جانە ۇلى ا xx، كەلىنى ر xxتىڭ 4 ءۇيىن بەيقۇت ءۇي رەتىندە جوعارىعا مالىمدەپ، ولاردىڭ بەيقۇت ءۇي كومەك قاراجاتىنان قايتالاي 58 مىڭ 100 يۋان الۋىنا كومەكتەسكەن. 2017 - جىلى قازان ايىندا، تۇرعىن قاسىمعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
اۆتونوميالى رايوندىق ءتارتىپ تەكسەرۋ كوميتەتى مىنالاردى تالاپ ەتتى: ءار دارەجەلى پارتيا ۇيىمدارى مەن قالىڭ پارتيالى كادرلار، اسىرەسە، باسشى كادرلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەدەيلىكتەن قۇتىلدىرۋدان قامال الۋداعى شەشىمدەرى مەن ورنالاستىرۋلارىن باتىل دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارىن مۇقيات تياناقتاندىرىپ، «4 تانىمدى» بەرىك ورناتىپ، ساياسي دەڭگەيىن كوتەرىپ، ساياسي جاۋاپكەرشىلىكتى كۇشەيتىپ، پارمەندى ساياسي جانە ستراتەگيالىق ۇستامدىلىق پەن قاتاڭ قىزمەت ستيلى ارقىلى كەدەيلىكتەن قۇتىلدىرۋدان قامال الۋ قىزمەتىنىڭ ءتارتىپتى ىشكەرىلەي ورىستەتىلۋىن ىلگەرىلەتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا 19 - قۇرىلتايىنداعى تىڭ ورنالاستىرۋلار مەن تىڭ تالاپتار بويىنشا، كەدەيلەردى سۇيەمەلدەۋ سالاسىنداعى باقىلاۋ، ءتارتىپتى اتقارۋ، جاۋاپقا تارتۋ قىزمەتىن ماڭىزدى ساياسي مىندەت ەتىپ، ونى اناعۇرلىم كورنەكتى ورىنعا قويىپ، كەدەيلەردى سۇيەمەلدەۋ سالاسىنداعى ءىرىپ - ءشىرۋ جانە ستيل ماسەلەسىن ارنايى جونگە سالۋ قىزمەتىن تىڭعىلىقتى، ويداعىداي يگەرىپ، مۇلدە جول بەرمەۋگە، قاعىس قالدىرماۋعا، جاپپاي قامتۋعا تاباندى بولىپ، كەدەيلەردى سۇيەمەلدەۋ قارجىسىن، دۇنيە - مۇلىكىن قىمقىرعانداردى قاتاڭ تەكسەرىپ، تەز ارادا ءبىر جاقتى ەتىپ، قاتاڭ جازالاۋ كەرەك؛ قىزمەتىن اتقارماي جاۋاپكەرسىزدىك ىستەگەندەردىڭ جاۋاپكەرشىلىگىن قاتاڭ قۋزاۋ ءارى «ءبىر دەلونى ەكى جاقتان تەكسەرۋدى» اتقارىپ، اۆتونوميالى رايوننىڭ كەدەيلىكتەن قۇتىلدىرۋدان قامال الۋ شايقاسىنىڭ جاپپاي جەڭىسىنە جەتۋىن ستيل جانە ءتارتىپ جاقتان پارمەندى قامتاماسىز ەتۋ كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
