التاي ايماعى
قىستاقتا تۇراتىن 400دەن استام قىزمەت اترەتى قىستاقتا ۇزدىكسىز تۇرۋدى ءوتىنىش ەتتى
2018.01.15 14:56 كەلۋ قاينارى : شينجياڭ گازەتى
ءتىلشىمىز جاڭ تيڭ، ەرىكتى ءتىلشى ليۋ شىحى 13 - قاڭتاردا التايدان حابارلايدى. 10 - قاڭتاردا التاي ايماقتىق «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنە باسشىلىق ەتۋ گرۋپپاسى كەڭسەسى التاي ايماقتىق ساپانى تەحنيكالىق باقىلاۋ مەكەمەسىنىڭ التاي قالاسى قاندىعاتى اۋىلى جوساتى قىستاعىندا تۇراتىن قىزمەت اترەتىندەگى بارلىق مۇشەلەردىڭ 2018 - جىلى قىستاقتا ۇزدىكسىز تۇرۋ جونىندەگى ءوتىنىشىن بەكىتتى. بۇل حاباردى ەستىگەن قىزمەت اترەتىنىڭ مۇشەلەرى، قىستاق كادرلارى، قىستاق تۇرعىندارى ءوزارا قۇشاقتاسىپ قۇتتىقتاستى.
«2017 - جىلى قىستاق تۇرعىندارىمەن تەرەڭ دوستىق ورناتتىم، ناقتى ىستەردى دە تىندىردىق، دەسەدە، ويعا العان كوپتەگەن ىستەرىمىزدى بىتىرە المادىق. سوندىقتان، قىزمەت اترەتىندەگى بەسەۋىمىز دە قىستاقتا ۇزدىكسىز تۇرۋدى ءوتىنىش ەتتىك»، - دەدى التاي ايماقتىق ساپانى تەحنيكالىق باقىلاۋ مەكەمەسى پارتيا باسشىلىق گرۋپپاسىنىڭ شۋجيى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا جوساتى قىستاعىندا تۇراتىن قىزمەت اترەتىنىڭ باستىعى ۋاڭ شياۋجين.
ءبىر جىلدان بەرى بۇل قىزمەت اترەتى قىستاق تۇرعىندارىنىڭ ءوندىرىس - تۇرمىسىمەن تىعىز قاتىستى سۋ، توك، جول سياقتى نىسان قۇرىلىستارىن بەلسەنە ىلگەرىلەتىپ، كەدەي وتباسىلارعا استىق، ماي جەتكىزىپ، اۋرۋلارىن كورسەتىپ، تالاي ناقتى ىستەر تىندىرىپ، ءبىرسىپىرا قيىنشىلىقتاردى شەشتى. قىزمەت اترەتىنىڭ قايتاتىنىن ەستىگەن قىستاق تۇرعىندارى وزدىكتەرىنەن ۇيىمداسىپ، 100 ادامنىڭ قولى قويىلعان العىس جالاۋ ۇسىنادى. قىستاق تۇرعىندارىنىڭ قىزمەتىن تۇراقتاندىرعاندىقتارىن جانە كۇتكەن ءۇمىتىن كورگەن قىزمەت اترەتىنىڭ 5 مۇشەسى سول جەردىڭ وزىندە - اق قىستاقتا ۇزدىكسىز تۇرۋدى ۇيعاردى.
بىلتىر جەلتوقساننان بەرى التاي ايماعىندا «ۇعىسۋ، تيىمدىلىك جاساۋ، توعىستىرۋ» قيمىلى بويىنشا 445 قىزمەت اترەتى، 2218 اترەت مۇشەسى قىستاقتا تۇردى، بۇنىڭ ىشىندە 400دەن استام قىزمەت اترەتىنىڭ 2000 مۇشەسى پارتيا ۇيىمىنا قىستاقتا ۇزدىكسىز تۇرۋ جونىندە ءوتىنىش تاپسىردى، بۇنىڭ ىشىندە 1340 ادامنىڭ قىستاقتا ۇزدىكسىز تۇرۋى بەكىتىلدى.
اۆتونوميالى رايوندىق پارتكومنىڭ 2018 - جىلعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن ويداعىداي ىستەۋ جونىندەگى ورنالاستىرۋى مەن تالابى بويىنشا، التاي ايماعى قالىڭ پارتيالى كادرلاردى نەگىزگى ساتىعا بارىپ ەڭبەك سىڭىرۋگە، بۇقاراعا قىزمەت كورسەتۋگە اتتانىسقا كەلتىرىپ، تاڭداۋلى پارتيالى كادرلاردى قىستاقتا تۇراتىن قىزمەت اترەتىنە سەپتەدى. قىستاقتا ۇزدىكسىز تۇراتىن قىزمەت اترەتىنىڭ مۇشەلەرى جابال: اۋەلگى ماقساتتى ۇمىتپاي، بورىشتى ەستە بەرىك ساقتايمىز. پارتيا 19 - قۇرىلتايىنىڭ رۋحىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جوباسىن جاڭا جىلداعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىندە شىنايى تياناقتاندىرامىز، - دەستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
