بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

مىعىم دايىندىقپەن تىڭ ساپارعا قادام تاستاپ، پارتيانى جاپپاي قاتاڭ جونگە سالۋدى تەرەڭدەتەيىك

− باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ  ەكىنشى جالپى ماجىلىسىندەگى ماڭىزدى ءسوزى رايونىمىزداعى كادرلار مەن بۇقارا اراسىندا قىزۋ اڭىس قوزعادى

2018.01.15 15:03     كەلۋ قاينارى : شينجياڭ گازەتى

  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - قاڭتار كۇنى ءتۇستىڭ الدىندا جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماڭىزدى ءسوز سويلەپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، مىعىم دايىندىقپەن تىڭ ساپارعا قادام تاستاپ، پارتيانى جاپپاي قاتاڭ جونگە سالۋدى تاباندىلىقپەن ماڭگى تەرەڭدەتىپ، پارتيانى جاپپاي قاتاڭ جونگە سالۋدا جاڭا جاعداي اشۋ كەرەكتىگىن باسا دارىپتەدى.

  باس شۋجي شي جينپيڭنىڭ ماڭىزدى ءسوزى بۇكىل رايونىمىزداعى كادرلار مەن بۇقارا اراسىندا قىزۋ اڭىس قوزعادى. كوپشىلىك مىنالاردى ءبىلدىرىستى: باس شۋجي شي جينپيڭ جاڭا داۋىردەگى پارتيا مەن مەملەكەت ىستەرىنىڭ دامۋى جالپى جاعدايى تۇرعىسىنان، پارتيا 18 - قۇرىلتايىنان بەرگى پارتيانى جاپپاي قاتاڭ جونگە سالۋدىڭ ماڭىزدى تاجىريبەلەرىن جۇيەلى تۇردە قورىتىندىلاپ، پارتيا 19 - قۇرىلتايىنداعى پارتيانى جاپپاي قاتاڭ جونگە سالۋ جونىندەگى ستراتەگيالىق ورنالاستىرۋدى تەرەڭ بايىمداپ، كەزەكتە جانە مۇنان بىلايعى ءبىر مەزگىلدەگى پارتيانى جاپپاي قاتاڭ جونگە سالۋدىڭ باس تالابى مەن نەگىزگى مىندەتىن ايقىن العا قويدى. ءسوز پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋداعى مىزعىماس بەكىمىن ايگىلەپ، بۇكىل پارتياعا پارتيانى باسقارۋدىڭ، پارتيانى جونگە سالۋدىڭ تىڭ ساپارىنا اتتانۋ بۇيرىعىن بەردى. ءبىز مۇقيات ۇيرەنىپ، ءتۇسىنىپ، رۋحىن ءداپ باسىپ يگەرىپ، جاپپاي دايەكتىلەندىرۋىمىز، تياناقتاندىرۋىمىز كەرەك.

  يدەيالىق تانىمدى بىرلىككە كەلتىرىپ، جاۋاپكەرشىلىكتى كۇشەيتەمىز

  باس شۋجي شي جينپيڭنىڭ ماڭىزدى ءسوزىن دەرەۋ ۇيرەنگەن شينجياڭ ءوندىرىس - قۇرىلىس بيڭتۋانى پارتكومى ءتارتىپ تەكسەرۋ كوميتەتىنىڭ ورىنباسار شۋجيى، باس حاتشىسى حى يىڭ تەبىرەنە بىلاي دەدى: «پارتيا 18 - قۇرىلتايىنان كەيىن، پارتيانى جاپپاي قاتاڭ جونگە سالۋدىڭ ءونىمى كورنەكتى بولدى. باس شۋجي ناتيجەلەرگە وڭاي - وسپاق قول جەتپەگەندىگىن، تاجىريبەلەردىڭ اسا باعالى ەكەندىگىن، ءبىزدىڭ ۇزاق ۋاقىت تاباندى بولىپ، ۇزدىكسىز تەرەڭدەتۋىمىزدى قاجەت ەتەتىندىگىن اتاپ كورسەتتى. ءبىز باس شۋجيدىڭ تالابىنا ساي، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، <ءتورت تانىمدى> كۇشەيتىپ، <ءتورت سەنىمدى> نىعايتىپ، بيڭتۋاننىڭ ساياسي ەكولوگياسىنىڭ قورعاۋشىسى بولۋىمىز كەرەك».

  اۆتونوميالى رايوندىق ءتارتىپ تەكسەرۋ كوميتەتىنىڭ اۆتونوميالى رايوندىق حالىق ۇكىمەتى كەڭسەسىندە تۇراتىن ءتارتىپ تەكسەرۋ گرۋپپاسىنىڭ باستىعى، ۇكىمەت كەڭسەسى پارتيا باسشىلىق گرۋپپاسىنىڭ مۇشەسى جاڭ يۋان بىلاي دەدى: ءتارتىپ تەكسەرۋ، باقىلاۋ - تەكسەرۋ كادرى رەتىندە، پارتيا ۋستاۆىندا جۇكتەلگەن قاسيەتتى جاۋاپكەرشىلىگىمدى ادالدىقپەن وتەپ، قاشاندا سەنىمدە بەرىك، ساياسيدا قاتاڭ، جاۋاپكەرشىلىكتە تاباندى، قابىلەتكە جەتىك، ستيلدە ناقتى بولۋعا قۇلشىنام. پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا ساي، باس نىسانانى مىقتاپ ارقاۋ ەتىپ، ۇنەمىلىك پەن باياندىلىق، قاتاڭدىق پەن شىنايىلىق، تەرەڭدىك پەن ىجداعاتتىلىق جاعىنا كۇش سالىپ، ساياسي ءتارتىپ پەن ساياسي قاعيدانى قاتايتۋعا كۇش سالىپ، «ءىرىپ - شىرۋگە باتىلدىق ەتكىزبەۋ، ءىرىپ - شىرۋگە جىبەرمەۋ، ءىرىپ - ءشىرۋدى ويعا الدىرماۋ» سىندى 3 مەحانيزمدى ورناتۋ، كەمەلدەندىرۋ جاعىنا كۇش سالىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋدى تەرەڭدەتىپ، ءىرىپ - شىرۋگە قارسى كۇرەستىڭ تۇبەگەيلى جەڭىسىنە قول جەتكىزۋىمىز كەرەك.

  «باس شۋجي شي جينپيڭنىڭ ماڭىزدى ءسوزى ءبىزدىڭ الداعى قىزمەتىمىزگە باعىت - باعدار كورسەتتى ءارى بىزگە ءتىپتى جوعارى تالاپتار قويدى. جاڭا جاعداي، مىندەتتەر الدىندا، ءبىز ءتارتىپ تەكسەرۋ، باقىلاۋ - تەكسەرۋ كادرلارى بورىشتى ەستە بەرىك ساقتاپ، بۇقارانىڭ جانىندا تۋىلعان ءىرىپ - ءشىرۋ ماسەلەلەرىن قاتاڭ جونگە سالىپ، پارتيانى جاپپاي قاتاڭ جونگە سالۋدىڭ نەگىزگى ساتىعا قاراي كەڭەيۋىن جەبەۋىمىز كەرەك»، - دەدى اقسۋ قالالىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى الىمجان يگەنبەردى.

  موري قازاق اۆتونوميالى اۋداندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى چىن لۇڭ بىلاي دەدى: وزىندىك قۇرىلىستى يگەرۋدە قابىلەت پەن ساپانى ۇزدىكسىز ءوسىرىپ، «شامنىڭ ءتۇبى قاراڭعى» بولۋ جايتىن باتىل جونگە سالىپ، جاۋاپكەرشىلىكتى باتىل ۇستىنە الاتىن، باتىل كىرىسە الاتىن، ءتارتىپتى ادىلدىكپەن اتقاراتىن، ادال، كىرشىكسىز ءتارتىپ تەكسەرۋ، باقىلاۋ - تەكسەرۋ كادرلارى قوسىنىن قۇرۋ كەرەك.

  بۇقارالىق قىزمەتتى شىن نيەتپەن ويداعىداي ىستەيىك

  « باس شۋجي شي جينپيڭ <باسشى كادرلار ەرەكشە بيلىك يدەياسىنا، ەرەكشە بيلىك قۇبىلىسىنا باتىل قارسى تۇرىپ، حالىققا شىن نيەتىمىزبەن مامىلە جاسايىق> دەپ كەسىپ ايتتى». باس شۋجي شي جينپيڭنىڭ ماڭىزدى ءسوزىن ۇيرەنگەننەن كەيىن، تۇرپان قالالىق ءتارتىپ تەكسەرۋ كوميتەتىنىڭ ورىنباسار شۋجيى لي يۇي بىلاي دەدى: تەك «بيلىكتى حالىق بەرگەن، بيلىكتى حالىق ءۇشىن ىستەتۋ كەرەك» دەگەن بيلىك كوزقاراسىن ورناتىپ، بارلىعىن حالىققا ارنايتىن ادال نيەتتى ساقتاعاندا عانا، باسشى كادرلار ساياسي جولدى جاقسى باسىپ، قولىنداعى بيلىگىن پارتيانىڭ قامىن ويلاۋ، مەملەكەت ءۇشىن ءىس ىستەۋ، حالىقتىڭ مۇددەسىن كوزدەۋ جاعىنا شىنايى پايدالانا الادى.

  اۆتونوميالى رايوندىق عىلىم - تەحنيكا مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرمە باستىعى جاۋ گۋاڭحۇي بىلاي دەدى: عىلىم - تەحنيكادا جاڭالىق اشۋ قىزمەتىن پارتيا 19 - قۇرىلتايىنىڭ رۋحىن جانە شينجياڭ قىزمەتىنىڭ باس نىساناسىن تىعىز توڭىرەكتەي وتىرىپ جوبالاپ، ىلگەرىلەتىپ، كۇشتى جاۋاپكەرلىكتى ارقالاۋ رۋحىن ساۋلەلەندىرىپ، «ءتورتتى جاپپاي ورىنداۋ» ستراتەگيالىق ورنالاستىرۋىن ارقاۋ ەتىپ، دامۋعا جاڭالىق اشۋ ارقىلى دەم بەرۋ ستراتەگياسىن تياناقتاندىرىپ، نازاردى عىلىم - تەحنيكا توڭكەرىسى مەن جاڭالىق اشا دامۋعا اۋدارىپ، پارتيانى جاپپاي قاتاڭ جونگە سالۋ ارقىلى عىلىم - تەحنيكادا جاڭالىق اشۋدىڭ قۇدىرەتتى قوزعاۋشى كۇشىن ۇيىستىرۋىمىز كەرەك.

  «ءبىز <جاۋاپكەرلىكتى> تىعىز ارقاۋ ەتىپ، جالپى ءماجىلىس رۋحىن تياناقتاندىرۋدى كۇندەلىكتى قىزمەتپەن، تۇرمىسپەن ۇشتاستىرىپ، ۇنەمى يگەرىپ، قاي - قاشان دا ادال، پاك بولىپ، جاۋاپكەرلىكتى ارقالاۋعا كەپىلدىك ەتىپ، باقىلاۋعا باتىلدىق ەتۋىمىز، سونىمەن بىرگە، ءوزىمىزدى شىڭداپ، پاك، تارتىپشەڭ بولىپ، پارتيا مەن حالىق بەرگەن بيلىكتەن الباتى پايدالانباۋعا، سۇرقيالىقتى جازالاپ، ىزگىلىكتى دارىپتەۋ سەمسەرىن ماڭگى تات باستىرماي، پارتيانىڭ ءتۇرلى شەشىمدەرىنىڭ، ورنالاستىرۋلارىنىڭ تولىق اتقارىلۋىنا كەپىلدىك ەتۋىمىز كەرەك»، - دەدى اقسۋ ايماقتىق ءتارتىپ تەكسەرۋ كوميتەتىنىڭ ورىنباسار شۋجيى سۇڭ حايشان.

  شاۋەشەك قالاسى اشىلى داعۇر ۇلتتىق اۋىلى پارتكومىنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى لي جىميڭ بىلاي دەدى: باس شۋجي شي جينپيڭ مىنالاردى باسا دارىپتەدى: قىزمەت ءتۇيىنىن تومەنگە بەيىمدەپ، بۇقارا اراسىنا بارىپ، بەتپە - بەت سىرلاسۋ، جۇرەكتەردى توعىستىرۋ، ناقتى ءىس تىندىرۋ ارقىلى بۇقارالىق قىزمەتتى ويداعىداي ىستەپ، بۇقارانىڭ اڭىسى كۇشتى ەلەۋلى ماسەلەلەردى شەشۋگە كۇش سالۋ كەرەك. باس شۋجي شي جينپيڭنىڭ تالابىنا ساي، وزىمىزگە اناعۇرلىم جوعارى ولشەم، اناعۇرلىم قاتاڭ ءتارتىپ تالابىن قويىپ، نەگىزگى ساتى كادرلارىنىڭ قىزمەت بارىسىندا ورىن تەپكەن فورماشىلدىعىن، تورەشىلدىگىن قاتاڭ تەكسەرىپ، بۇقارانىڭ مۇددەسىمەن تىعىز قاتىستى «شىبىن» ۇلگىسىندەگى ءىرىپ - ءشىرۋدى قاتاڭ تەكسەرىپ ءبىر جاقتى ەتىپ، پارتيانى جاپپاي قاتاڭ جونگە سالۋدىڭ نەگىزگى ساتىدا تياناقتانىپ، تەرەڭ تامىر تارتۋىنا كەپىلدىك ەتۋ كەرەك.

  ادالدىقپەن مىندەتتى اتقارىپ، جاۋاپكەرشىلىكتى وتەپ، باتىلدىقپەن ءىس تىندىرايىق

  قۇمىل قالاسى ەۋىرعول رايوندىق ءتارتىپ تەكسەرۋ كوميتەتىنىڭ ورىنباسار شۋجيى، باقىلاۋ كوميتەتىنىڭ ورىنباسار مەڭگەرۋشىسى تيان شياڭرۇي بىلاي دەدى: ءبىز باس شۋجيدىڭ ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، باقىلاۋ جاۋاپكەرشىلىگىن شىنايى وتەپ، كۇندەلىكتى باقىلاۋعا، شارلاپ باقىلاۋعا، گرۋپپا تۇرعىزىپ باقىلاۋ مەن حالىق بۇقاراسىنىڭ باقىلاۋىن ۇشتاستىرۋعا ءمان بەرىپ، «ءتورت ءتۇرلى بۇرىس ستيل» مەن «ءتورت تەرىس پيعىلدى» ۇزدىكسىز وڭاپ، بۇرىس ستيل مەن تەرىس پيعىلداردىڭ قايتادان باس كوتەرۋىنەن باتىل ساقتانۋىمىز كەرەك.

  قاراقاش اۋدانى ياۋا اۋىلدىق ءتارتىپ تەكسەرۋ كوميتەتىنىڭ شۋجيى ليۋ ۋي بىلاي دەدى: مەن ارقالاعان جاۋاپكەرلىگىمنىڭ قانشالىق اۋىر ەكەنىن تەرەڭ سەزىندىم، مەن قىزمەتتى، ءسوز جوق، بىلەك سىبانا كىرىسىپ ىستەپ، پارتيا ۋستاۆىن، پارتيا قاعيداسىن، پارتيا ءتارتىبىن جانە ءتارتىپ تەكسەرۋ، باقىلاۋ - تەكسەرۋگە قاتىستى كاسىپتىك بىلىمدەردى مۇقيات ۇيرەنىپ، ۇيرەنۋ بارىسىندا مىندەت اتقارۋ قابىلەتىمدى ۇشتاپ، جاۋاپكەرلىكتى ارقالاۋعا تاباندى بولىپ، جاڭا داۋىردەگى ادال، پاك، جاۋاپكەرلىكتى باتىلدىقپەن ارقالايتىن ءتارتىپ تەكسەرۋ، باقىلاۋ - تەكسەرۋ كادرى بولۋعا قۇلشىنامىن.

  «باس شۋجيدىڭ ءسوزى ءبىزدىڭ قىزمەتتى ويداعىداي ىستەۋىمىزگە ايقىن جول سىلتەدى، ءبىز، ءسوز جوق، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇدەرە العا تارتۋىمىز كەرەك»، - دەدى شايار اۋداندىق ءتارتىپ تەكسەرۋ كوميتەتىنىڭ ورىنباسار شۋجيى، باقىلاۋ - تەكسەرۋ مەكەمەسىنىڭ باستىعى قايسار گايت.

  تولى اۋداندىق ءتارتىپ تەكسەرۋ كوميتەتىنىڭ ورىنباسار شۋجيى شە چۇنيىڭ بىلاي دەدى: «ءبىز باس شۋجيدىڭ ماڭىزدى ءسوزىن جاپپاي دايەكتىلەندىرىپ، ادالدىقپەن مىندەت اتقارىپ، جاۋاپكەرشىلىك وتەپ، قالتقىسىز ۇلەس قوسىپ، ۇدەرە العا تارتىپ، جاۋاپكەرلىكتى باتىلدىقپەن ارقالاپ، پارتيا مەن حالىقتىڭ ءۇمىتىن اقتايمىز».

  ءۇرىمجى قالاسى تيانشان رايونى دوڭكوپىر اۋماعى پارتيا قىزمەت كوميتەتىنىڭ شۋجيى، حالىقتىق قارۋلى ءبولىمنىڭ باستىعى ۋاڭ جۇنحۋا بىلاي دەدى: پارتيا قىزمەتى كوميتەتىنىڭ كادرى تۇرعىسىنان، مەن ءتارتىپ پەن قاعيدانى ماڭداي الدى ورىنعا قويىپ، قىزىل سىزىقتان اتتاماۋ، تومەنگى شەكتە ويلاۋ تانىمىن ورناتىپ، پارتيانى جاپپاي قاتاڭ جونگە سالۋداعى جاۋاپكەرلىكتى اناعۇرلىم جوعارى ولشەم، اناعۇرلىم قاتاڭ تالاپ، اناعۇرلىم پارمەندى شارا ارقىلى نەگىزگى ساتىعا جەتكىزىپ، پارتيانى جاپپاي قاتاڭ جونگە سالۋدىڭ <ەڭ سوڭعى شاقىرىم جولىن> جالعايمىن».

  (تىلشىلەرىمىز يۋان لەي، جاۋ چۇنحۋا، جاۋ جىيۇن، ميھىرگۇل ناسىر، ۋاڭ يۇڭفي، جاڭ شياۋيان، شيە حۇيبيان، تارباعاتاي ايماعىنداعى تىلشىلەر پۋنكتىنەن فان چۇنحاي، تۇرپان قالاسىنداعى تىلشىلەر پۋنكتىنەن شياۋ جيانجىن، ەرىكتى تىلشىلەر شى تيڭتيڭ، ان يان، كوۋ جۇنفىڭ، سۇڭ چيڭتاۋ، جۋ جيە، جاۋ ياچين، مي يىڭ)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار