بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسىنىڭ مازمۇنداماسى

2018.01.16 14:00     كەلۋ قاينارى : شينجياڭ گازەتى

 (جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە 2018 - جىلى 13 - قاڭتاردا ماقۇلداندى)

  جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسى 2018 - جىلى 11 - قاڭتاردان 13 - قاڭتارعا دەيىن بەيجيڭدە وتكىزىلدى. بۇل جولعى جالپى ماجىلىسكە ورتالىق ءتارتىپ تەكسەرۋ كوميتەتىنىڭ 133 مۇشەسى قاتىناستى، 177 ادام سىرتتاي قاتىناستى.

  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. پارتيا مەن مەملەكەت باسشىلارىنان لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى.

  جالپى ءماجىلىستى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، 2018 - جىلعى ءتارتىپ تەكسەرۋ، باقىلاۋ - تەكسەرۋ قىزمەتىن اقىلداسىپ ورنالاستىردى، جاۋ لىجي جولداستىڭ ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان جاساعان «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ پارتيانى جاپپاي قاتاڭ جونگە سالۋ جونىندەگى ستراتەگيالىق ورنالاستىرۋىن مىزعىماي تياناقتاندىرايىق» دەگەن تاقىرىپتاعى قىزمەت بايانداماسىن قاراپ ماقۇلدادى.

  جالپى ءماجىلىس باس شۋجي شي جينپيڭنىڭ ماڭىزدى ءسوزىن مۇقيات ۇيرەندى، تەرەڭ ۇعىندى. جالپى ءماجىلىس بىلاي دەپ ەسەپتەدى: سوزدە جاڭا داۋىردەگى پارتيا مەن مەملەكەت ىستەرىنىڭ دامۋىنىڭ جالپى جاعدايى تۇرعىسىنان، پارتيا 19 - قۇرىلتايىنىڭ پارتيانى جاپپاي قاتاڭ جونگە سالۋ جونىندەگى ستراتەگيالىق ورنالاستىرۋى تەرەڭ بايىمدالىپ، 5 جىلدان بەرگى پارتيانى جاپپاي قاتاڭ جونگە سالۋدىڭ ماڭىزدى تاجىريبەلەرى جاپپاي قورىتىندىلانىپ، پارتيا ءدوپ كەلگەن حاۋىپ - قاتەر مەن سىن - سايىستارعا عىلمي تالداۋ جاسالىپ، جۇڭگوشا سوتسياليزمنىڭ جاڭا داۋىرىندە ۇلى ءىستى ورىنداۋ ءۇشىن، ءسوز جوق، پارتيانىڭ باسشىلىعىنا سۇيەنۋ كەرەكتىگى، پارتيانىڭ، ءسوز جوق، جاڭا بەينە، جاڭا ىسكەرلىك تانىتىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، پارتيانى قاتاڭ جونگە سالۋدى تاباندىلىقپەن ماڭگى تەرەڭدەتە ءتۇسۋ كەرەكتىگى باسا دارىپتەلدى. سوزدە بيىكتەن الىسقا كوز جىبەرىلىپ، امانشىلىقتا قاتەردىڭ دە بولاتىندىعى العا قويىلدى، ءسوزدىڭ مازمۇنى باي، تالماۋ تۇستاردى ءدوپ باستى، ءسوز بەرىك سەنىمدى، ايقىن حالىقتىق تۇرعىنى، قايىسپاس قايسارلىق قاسيەتتى، كۇشتى تاريحي جاۋاپكەرشىلىكتى ايگىلەپ، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى وزگەرتپەيتىن، مۇراتىنان تايمايتىن، وزىندىك توڭكەرىس جاسايتىن، قايراتتانا العا ۇمتىلاتىن ساياسي قاسيەتى مەن توڭكەرىستىك رۋحىن ءتۇسىندىرىپ بەردى. باس شۋجي شي جينپيڭ ءتارتىپ تەكسەرۋ، باقىلاۋ - تەكسەرۋ ورگاندارى مەن ءتارتىپ تەكسەرۋ، باقىلاۋ - تەكسەرۋ كادرلارىنا شىنايى ءۇمىت ارتتى. باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ − بۇكىل پارتيانىڭ ماڭىزدى ساياسي مىندەتى، پارتيا 19 - قۇرىلتايىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، جەتە ۇيرەنىپ، جەتە يگەرىپ، شىنايى تياناقتاندىرىپ، رۋحاني ءمانىن يگەرىپ، يدەيالىق تانىمدى بىرلىككە كەلتىرىپ، جاۋاپكەرشىلىكتى كۇشەيتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ءبىر - بىردەن ناقتاپ ويداعىداي يگەرۋ كەرەك.`

  جالپى ءماجىلىس بىلاي دەپ اتاپ كورسەتتى: پارتيا 19 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ تەتىگى باس شۋجي شي جينپيڭنىڭ پارتيا ورتالىق كوميتەتىندەگى جانە بۇكىل پارتياداعى ۇيتقىلىق ورنىن باتىل قورعاۋدا، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدا؛ تەتىگى سانالى تۇردە باس شۋجي شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى سانالى تۇردە قارۋلاندىرۋدا، امالياتقا جەتەكشىلىك ەتۋدە، قىزمەتتى ىلگەرىلەتۋدە؛ تەتىگى پارتيانى جاپپاي قاتاڭ جونگە سالۋدىڭ تەرەڭگە بويلاي دامۋىن تاباندىلىقپەن ىلگەرىلەتۋدە. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى قازىرگى تاڭداعى ءىرىپ - شىرۋگە قارسى كۇرەس جاعدايىنىڭ ءالى اۋىر، كۇردەلى ەكەنىن، پارتيانى جاپپاي قاتاڭ جونگە سالۋدى استە اياقسىز قالدىرۋعا بولمايتىندىعىن جەتە تانىپ، ءسوز جوق، تاباندىلىقپەن ماڭگى جالعاستىراتىن جىگەر - قايرات ارقىلى «قاتاڭدىقتان» ۇزاق ۋاقىت دايەكتى تۇردە جازباۋ كەرەكتىگىن ايقىن تانىپ جەتۋى كەرەك. ماسەلەنى نىشان ەتۋدەن جازباي، ستراتەگيالىق تاباندىلىقتى ساقتاپ، قاتە يدەيالاردىڭ كەدەرگىسىن الاستاپ، بوساڭسىماي، توقىراپ قالماي، تاعى دا تىڭ ساپارعا اتتانىپ، تاباندى بولۋ بارىسىندا تەرەڭدەتىپ، تەرەڭدەتۋ بارىسىندا دامىتىپ، پارتيانى جاپپاي قاتاڭ جونگە سالۋدىڭ اناعۇرلىم زور ستراتەگيالىق جەتىستىكتەرىنە قول جەتكىزۋگە قۇلشىنۋ كەرەك.

  جالپى ءماجىلىس مىنانى باسا دارىپتەدى: 2018 - جىل − پارتيا 19 - قۇرىلتايىنىڭ رۋحىن دايەكتىلەندىرۋدىڭ باستاما جىلى، رەفورما جاساۋدىڭ، ەسىك اشۋدىڭ 40 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، «13 - بەسجىلدىق» جوبانى اتقارۋدا الدىڭعىعا مۇراگەر، كەيىنگىگە بۇيداگەر بولۋدىڭ شەشۋشى جىلى. سوندىقتان، ءتارتىپ تەكسەرۋ، باقىلاۋ - تەكسەرۋ قىزمەتىن جاقسى ىستەۋدىڭ جاۋاپكەرشىلىگى اۋىر. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ ستراتەگيالىق ورنالاستىرۋلارىن دايەكتىلەندىرىپ، تياناقتاندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، «ءتورت تانىمدى» كۇشەيتىپ، «ءتورت سەنىمدى» نىعايتىپ، پارتيا ۋستاۆى مەن نەگىزگى زاڭدا جۇكتەلگەن قىزمەت جاۋاپكەرشىلىگىن ادالدىقپەن وتەپ، پارتيانىڭ جالپى بەتتىك باسشىلىعىنا تاباندى بولۋ مەن ونى كۇشەيتۋدى، باس شۋجي شي جينپيڭنىڭ پارتيا ورتالىق كوميتەتىندەگى جانە بۇكىل پارتياداعى ۇيتقىلىق ورنىن قورعاۋدى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدى مىقتاپ ارقاۋ ەتىپ، پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، قىزمەتتىڭ ورنىقتىلىق بارىسىندا ىلگەرىلەۋ سىندى جالپى جۇلگەسىنە تاباندى بولىپ، پارتيا ۋستاۆىنىڭ اتقارىلۋ جانە پارتيا 19 - قۇرىلتايى رۋحىنىڭ دايەكتىلەندىرىلۋ، تياناقتاندىرىلۋ جاعدايىن باقىلاپ، تەكسەرىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ءتۇرلى قۇرىلىسىن جاپپاي ىلگەرىلەتىپ، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، ستيلدى تاباندىلىقپەن تۇزەتىپ، ءتارتىپتى قاتايتىپ، ءىرىپ - شىرۋگە قارسى كۇرەستى ىشكەرىلەي ىلگەرىلەتىپ، سالتى كىرشىكسىز، ستيلى دۇرىس تاماشا ساياسي ەكولوگيا قالىپتاستىرىپ، وزىندىك باقىلاۋدى كۇشەيتىپ، باقىلاۋدى سانالى تۇردە قابىلداپ، ادال، كىرشىكسىز، جاۋاپكەرلىكتى باتىل ارقالايتىن ءتارتىپ تەكسەرۋ، باقىلاۋ - تەكسەرۋ كادرلارى قوسىنىن قۇرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە پارمەندى كەپىلدىك ازىرلەۋ كەرەك.

  ءبىرىنشى، پارتيانىڭ ساياسي قۇرىلىسىن ماڭداي الدى ورىنعا قويۋ. ساياسي ءتارتىپ پەن ساياسي قاعيدانى قاتايتىپ، پارتيانىڭ ساياسي تۇرمىس جاعدايىن، پارتيانىڭ لۋشيان، باعىت - ساياساتتارىنىڭ جانە دەموكراتيالىق ورتالىقتاندىرۋ ءتۇزىمى سياقتى تۇزىمدەرىنىڭ اتقارىلۋ جاعدايىن باقىلاۋ - تەكسەرۋدى كۇشەيتىپ، «7 ماسەلە» بارلاردان بارىنشا قىراعى بولىپ، پارتياعا ادال ەمەس، شىنايى ەمەس، كورىنىستە بويسۇنعانسىپ، كومەسكىدە قايشىلىق جاسايتىن ەكىبەتكەيلەردى، ەكىبەتكەيلىكتى باتىل الاستاۋ كەرەك. نازاردى ساياسي تۇرعىعا، ساياسي پرينسيپكە، ساياسي جاۋاپكەرشىلىككە جانە ساياسي تارتىپكە شوعىرلاندىرىپ، باقىلاۋدى، ءتارتىپ اتقارۋدى، جاۋاپقا تارتۋدى كۇشەيتىپ، ادام تاڭداۋدىڭ، ادام ىستەتۋدىڭ ساياسي وتكەلىن، پاكتىك وتكەلىن، وبراز وتكەلىن قاتاڭ يگەرىپ، پارتيا ىشىندەگى ساياسي ەكولوگيانى جاپپاي تازارتۋ كەرەك.

  ەكىنشى، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن جاپپاي ىلگەرىلەتۋ. پارتيانىڭ ءىرىپ - شىرۋگە قارسى تۇرۋ قىزمەتىنە ءبىر تۇتاس باسشىلىعىن كۇشەيتىپ، پارتيا ءبىر تۇتاس جەتەكشىلىك ەتەتىن، جاپپاي قامتىعان، قۇزىرلى، جوعارى ءونىمدى باقىلاۋ جۇيەسىن ورناتىپ، الەۋمەتتىك بيلىك جۇرگىزەتىن بارلىق ۇكىمەت قىزمەتكەرلەرىن تۇگەلدەي باقىلاۋدى جۇزەگە اسىرۋ. باقىلاۋ، تەكسەرۋ، ءبىر جاقتى ەتۋ مىندەتى مەن جاۋاپكەرلىگىن مۇقيات اتقارىپ، جوعارى ءونىمدى، ىركىلىسسىز باقىلاۋ - تەكسەرۋ قىزمەتى اينالىمى مەحانيزمىن قالىپتاستىرۋ جونىندە ىزدەنىس جاساپ، ءتارتىپتىڭ اتقارىلۋىن تەكسەرۋ مەن زاڭ بويىنشا تەكسەرۋدىڭ ۇتىمدى بىرلىگىن جۇزەگە اسىرىپ، باقىلاۋ - تەكسەرۋ ورگانى مەن سوت ورگانىنىڭ، پروكۋراتۋرا ورگانىنىڭ، زاڭ اتقارۋ تاراۋىنىڭ قىزمەتتەرىنىڭ ۇشتاسۋىن كۇشەيتىپ، ءتۇزىم باسىمدىعىن جونگە سالۋ ونىمدىلىگىنە اينالدىرۋ.

  ءۇشىنشى، ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋ تابىستارىن بەكەمدەۋ، كەڭەيتۋ. باسشى كادرلار ستيلگە باستاماشىلدىقپەن بۇرىلىس جاساپ، ۇنەمى بەينەسىن ساراپقا سالىپ، ولقىلىقتارىن تاۋىپ، ءوزى باس بولىپ اتقارىپ، جوعارى تومەنگە ۇلگى كورسەتىپ، باستاماشىلدىق رول اتقارۋ كەرەك. شەگە قاعۋ رۋحىن ساۋلەلەندىرىپ، تۇيىندەر بويىنشا تابانداپ تۇرىپ، «ءتورت ءتۇرلى بۇرىس ستيل» ماسەلەسىنىڭ جاڭا اۋقىمىنا، جاڭا بەتالىسىنا نازار اۋدارىپ، فورماشىلدىققا، تورەشىلدىككە قارسى تۇرۋ جاعىنا اناعۇرلىم كۇش سالىپ، ەمەۋرىنى كوپ، ايعايى زور، ارەكەتى از، تياناقتاندىرۋى ءناشار بولعانداردى قاتاڭ جاۋاپقا تارتۋ. ەرەكشە بيلىك يدەياسى مەن ەرەكشە بيلىك قۇبىلىسىنا باتىل قارسى تۇرىپ، پارتيالى باسشى كادرلاردى بۇقاراعا سۇيىسپەنشىلىكتەرىن كۇشەيتۋگە، ءوزىن قاتاڭ تەجەۋگە، وتباسى تاربيەسىن، وتباسى ستيلىن قاتايتۋعا تاربيەلەۋ، جەتەكتەۋ كەرەك.

  ءتورتىنشى، شارلاۋدىڭ وتكىر سەمسەرلىك رولىن اناعۇرلىم ايگىلەۋ. ورتالىقتىڭ شارلاۋ قىزمەتى جوباسىن جاساپ، شارلاۋ قىزمەتى باعىتىن دايەكتىلەندىرىپ، ساياسي شارلاۋدى تەرەڭدەتۋگە ساياسي قۇرىلىس ارقىلى ءبىر تۇتاس جەتەكشىلىك ەتىپ، قالىپتى شارلاۋدى ءبىر تۇتاس جوسپارلاپ، ورنالاستىرىپ، ارناۋلى شارلاۋدى تەرەڭدەتىپ، يكەمدى شارلاۋدى كۇشەيتىپ، شارلاۋ تابىستارىن جالپىلىق قولدانىپ، رەتتەۋ - تۇزەتۋدى، تياناقتاندىرۋدى مىقتى يگەرىپ، جاپپاي قامتۋ ساپاسىن جوعارىلاتۋ كەرەك. شارلاپ تەكسەرۋ قىزمەتىن ىشكەرىلەي ورىستەتىپ، شارلاۋ، تەكسەرۋدە جوعارىدان تومەنگە دەيىن بىرگە ارەكەتتەنەتىن باقىلاۋ جەلىسىن ورناتۋ ءتيىس.

  بەسىنشى، پارتيانىڭ ءتارتىپ قۇرىلىسىن جاپپاي كۇشەيتۋ. ۇنەمىلىك ءتارتىپ تاربيەسىن ورىستەتىپ، وزات تيپتەردىڭ جەتەكتەۋ، ۇلگى كورسەتۋ رولىن جانە ۇنامسىز تيپتەردىڭ ساقتاندىرۋ تاربيەلىك رولىن ساۋلەلەندىرۋ. وتكەندەگىدەن ساباق الىپ، كەيىنگىگە عيبىرات ەتۋ، اۋرۋدى ەمدەپ، ادامدى قۇتقارۋ باعىتىنان جازباي، باقىلاۋدىڭ، ءتارتىپ اتقارۋدىڭ «4 ءتۇرلى فورماتسياسىن» قولدانۋدى تەرەڭدەتىپ، كۇندەلىكتى باقىلاۋدى، ءتارتىپ اتقارۋدى كۇشەيتىپ، ەرەجە - تۇزىمدەردى باعىتتامالى تۇردە جاساپ، ءتۇزىم شارباعىن مىقتاپ توقۋ كەرەك.

  التىنشى، ءىرىپ - شىرۋگە قارسى تۇرۋ كۇرەسىنىڭ تەگەۋرىندى جاعدايىن بەكەمدەۋ، دامىتۋ. شەكتەلگەن رايون بولماۋعا، تۇگەل قامتۋعا، استە راقىم ەتپەۋگە تاباندى بولىپ، ءىرىپ - شىرىگەندەردى قاتاڭ تيۋعا، ولارعا قاتتى قىسىم تۇسىرۋگە، توقتاۋسىز ۇرەي تۋدىرۋعا تاباندى بولىپ، پارا الۋ − بەرۋدى بىرگە تەكسەرۋگە تاباندى بولىپ، نازاردى بۇلجىماي، دالمە - ءدال، ءتارتىپتى تۇردە پارتيا 18 - قۇرىلتايىنان بەرگى تيىلماعان، قولىن تارتپاعان باسشى كادرلارعا شوعىرلاندىرىپ، ساياسي ماسەلەسى مەن ەكونوميكالىق ماسەلەسى قوسارلانىپ، مۇددەلىك توپ قالىپتاستىرعان ءىرىپ - ءشىرۋ دەلولارىن ءتۇيىندى تەكسەرىپ ءبىر جاقتى ەتىپ، ادام تاڭداۋ، ادام ىستەتۋ، تەكسەرىپ بەكىتۋ، باقىلاۋ - باسقارۋ، بايلىقتى اشۋ، فينانس، امانات - قارىز سياقتى سالالارداعى جانە شەشۋشى بۋىندارداعى ءىرىپ - ءشىرۋ ماسەلەلەرىن شەشۋگە كۇش سالىپ، ءىرىپ - شىرۋگە قارسى تۇرۋدىڭ حالىقارالىق ىنتماقتاستىعىن كۇشەيتىپ، ۇستىنەن وڭاۋ مەن تۇبىرىنەن وڭاۋدى تەرەڭدەتىپ، ءىرىپ - شىرۋگە باتىلدىق ەتكىزبەيتىن، ءىرىپ - شىرۋگە جىبەرمەيتىن، ءىرىپ - ءشىرۋدى ويعا الدىرمايتىن ءتۇزىلىس، مەحانيزم ورناتۋ كەرەك.

  جەتىنشى، بۇقارانىڭ توڭىرەگىندەگى ءىرىپ - ءشىرۋ ماسەلەسىن باتىل رەتتەۋ - تۇزەتۋ. كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋدى ارقاۋ ەتىپ، كەدەيلەردى سۇيەمەلدەۋ سالاسىنداعى ءىرىپ - ءشىرۋ مەن ستيل ماسەلەسىن ارناۋلى جونگە سالۋ قىزمەتىن ورىستەتۋ كەرەك. نەگىزگى ساتىداعى ءىرىپ - ءشىرۋدى جازالاۋدى سۇرقيا كۇشتەردى الاستاۋمەن ۇشتاستىرىپ، قارا كۇشتەردىڭ «باسالقالارىن» باتىل تەكسەرىپ ءبىر جاقتى ەتۋ ءتيىس. بۇقارا اڭىس ەتكەن كورنەكتى ماسەلەلەردى قاداعالاپ، شوعىرلى رەتتەۋ - وڭاۋ جانە تەكسەرۋ - باقىلاۋ تەبىنىن ارتتىرىپ، پارتيانى جاپپاي قاتاڭ جونگە سالۋدىڭ «سوڭعى ءبىر شاقىرىمدى» جاپپاي قامتۋىن جۇزەگە اسىرۋ كەرەك.

  سەگىزىنشى، پارتيانى جاپپاي قاتاڭ جونگە سالۋ جاۋاپكەرشىلىگىنىڭ ناقتى تياناقتانۋىن ىلگەرىلەتۋ. ءوز قاراستىلىعىنداعى وڭىرلەر مەن تاراۋلارداعى پارتيا ۇيىمدارىنىڭ پارتيانى جاپپاي قاتاڭ جونگە سالۋ جاۋاپكەرلىگىن اتقارۋ جاعدايىن باقىلاۋدى، تەكسەرۋدى كۇشەيتىپ، جاۋاپقا تارتۋ قارۋىنان ويداعىداي پايدالانىپ، مىندەتىن وتەمەگەندەردى، ءسوزسىز، جاۋاپقا تارتۋعا، جاۋاپقا تارتۋدى، ءسوزسىز، قاتايتۋعا كەپىلدىك ەتۋ كەرەك. جوعارى دارەجەلى ءتارتىپ تەكسەرۋ كوميتەتىنىڭ تومەن دارەجەلى ءتارتىپ تەكسەرۋ كوميتەتىنە باسشىلىعىن كۇشەيتىپ، جەرگىلىكتى ءتارتىپ تەكسەرۋ كوميتەتتەرىن تاعايىنداۋ ءتۇزىلىسىن، مەحانيزمىن كەمەلدەندىرىپ، باقىلاۋ مىندەتى مەن جاۋاپكەرلىگىن كۇشەيتىپ، پارتيانى باسقارۋ، پارتيانى جونگە سالۋ جاۋاپكەرلىگىنىڭ جاپپاي قامتۋىن، ساتىلار بويىنشا تياناقتانۋىن ىلگەرىلەتۋ.

  جالپى ءماجىلىس مىنالاردى تالاپ ەتتى: تەمىر سوعۋ ءۇشىن قۇرىش بولۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى جانە قالىڭ ءتارتىپ تەكسەرۋ، باقىلاۋ - تەكسەرۋ كادرلارى ادال، تاباندى بولۋعا، جاۋاپكەرلىكتى ارقالاپ، مىندەتتى ادا ەتۋگە، تارتىپكە، زاڭعا بويسۇنۋعا، پاك، تارتىپشەڭ بولۋعا كەپىلدىك ەتىپ، باستان - اياق حالىقتىق تۇرعىدان جازباي، وسكەلەڭ سۇيىسپەنشىلىكتى ساقتاۋعا، شىندىقتى ءىس جۇزىنەن ىزدەۋگە، شىندىققا جۇگىنىپ، ناقتى ءىس ىستەۋگە، قىزمەتىنە ادال بولۋعا، مىندەتىن مۇقيات اتقارۋعا باستان - اياق تاباندى بولۋ كەرەك. امانشىلىقتا جامانشىلىقتا بولادى دەيتىن تاۋقىمەت تانىمىن، پارتيا، مەملەكەت ءۇشىن باسىن ءباي تىگەتىن جاۋاپكەرلىك ارقالاۋ رۋحىن كۇشەيتىپ، مىندەتتى اتقارۋ قابىلەتىن جوعارىلاتىپ، وزىندىك باقىلاۋ مەن ءوزىن تەجەۋدى كۇشەيتىپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىن جاقسى ىستەۋدىڭ تاباندى كۇشىن، ءتوزىمدى كۇشىن، ومىرشەڭ كۇشىن ساقتاپ، قىزمەتتىڭ، ساياساتتىڭ، شارالاردىڭ ۇلاسپالىلىق، ورنىقتىلىق، كورەگەندىك سيپاتىن ساقتاپ، پارتيا مەن حالىق جۇكتەگەن داڭقتى بورىشتى مۇقيات ويداعىداي اتقارىپ، پارتيا مەن حالىق بەرگەن بيلىكتى الباتى پايدالانۋعا جول بەرمەيتىن، سۇرقيالىقتى جازالاپ، ىزگىلىكتى دارىپتەيتىن سەمسەردىڭ ماڭگى تات باسپاۋىنا كەپىلدىك ەتۋ كەرەك.

 جالپى ءماجىلىس بىلاي دەپ ۇندەۋ تاستادى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ەشنارسەدەن تايسالماي، قايراتتانا ءىس تىندىرىپ، پارتيانى جاپپاي قاتاڭ جونگە سالۋدا، پارتيا ستيلى، پاكتىك قۇرىلىسىندا جانە ءىرىپ - شىرۋگە قارسى تۇرۋ كۇرەسىندە ۇزدىكسىز جاڭا ناتيجەگە قول جەتكىزىپ، پارتيا 19 - قۇرىلتايىنىڭ ستراتەگيالىق ورنالاستىرۋلارىن تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋگە تىڭ دا زور ۇلەس قوسۋ كەرەك!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار