ج ك پ شينجياڭ اسكەري رايوندىق 12 - كەزەكتى كوميتەتىنىڭ ءتورتىنشى جالپى (كەڭەيتىلگەن) ءماجىلىسى وتكىزىلدى
2018.01.16 14:02 كەلۋ قاينارى : شينجياڭ گازەتى
چىن چۋانگو ماجىلىسكە قاتىناستى ءارى ءسوز سويلەدى
9 - قاڭتاردان 10 - قاڭتارعا دەيىن، ج ك پ شينجياڭ اسكەري رايوندىق 12 - كەزەكتى كوميتەتىنىڭ ءتورتىنشى جالپى (كەڭەيتىلگەن) ءماجىلىسى ۇرىمجىدە وتكىزىلدى. اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى چىن چۋانگو ماجىلىسكە قاتىناستى ءارى ءسوز سويلەدى.
شينجياڭ اسكەري رايونى پارتكومىنىڭ شۋجيى، ساياسي كوميسسارى لي ۋي شينجياڭ اسكەري رايون پارتكومى تۇراقتى كوميتەتى اتىنان ماجىلىسكە بايانداما جاسادى، شينجياڭ اسكەري رايونىنىڭ سىليڭيۋانى ليۋ فاڭلۇڭ ءسوز سويلەدى.
چىن چۋانگو سوزىندە بىلاي دەپ اتاپ كورسەتتى: پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ پارمەندى باسشىلىعىندا، شينجياڭ اسكەري رايونى پارتيا 19 - قۇرىلتايىنىڭ رۋحىن جانە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن مىقتاپ ارقاۋ ەتىپ، ارميانى ساياسي جولمەن قۇرۋدى، رەفورما ارقىلى قۇدىرەتتەندىرۋدى، عىلىم - تەحنيكا ارقىلى گۇلدەندىرۋدى، زاڭمەن جونگە سالۋدى جاپپاي ىلگەرىلەتىپ، وتاننىڭ بىرلىگى مەن تەرريتوريا تۇتاستىعىن قورعاۋدا، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدە ماڭىزدى رولىن ساۋلەلەندىرىپ، ماڭىزدى ۇلەس قوستى. مەن اۆتونوميالى رايوندىق پارتكوم، ۇكىمەت جانە بۇكىل رايونىمىزداعى ءار ۇلت حالقى اتىنان ازاتتىق ارميانىڭ شينجياڭدا تۇراتىن بارلىق كوماندير - جاۋىنگەرلەرىنەن جانە قالىڭ وفيتسەر - جاۋىنگەرلەردەن شىنايى حال سۇرايمىن جانە ولارعا وسكەلەڭ قۇرمەت بىلدىرەمىن.
چىن چۋانگو شينجياڭ اسكەري رايونىنىڭ اسكەري بولىمدەرىندەگى وفيتسەر - جاۋىنگەرلەردىڭ شي جينپيڭنىڭ ارميانى قۇدىرەتتەندىرۋ يدەياسىنىڭ جەتەكشىلىگىندە، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن ارقاۋ ەتىپ، جاڭا داۋىردەگى بورىش - مىندەتتى وتەۋ قابىلەتىن ۇزدىكسىز ءوسىرىپ، ارميا قۇرىلىسىنىڭ جاڭا جاعدايىن اشۋدى جەبەۋىن ءۇمىت ەتتى. ءبىرىنشى، ارميا رۋحىن بەرىك سومداپ، ۇيتقىعا قاراپ باتىل ساپ تۇزەۋ، ۇيتقىعا ىلەسۋ، ۇيتقىنى قورعاۋ كەرەك. پارتيا 19 - قۇرىلتايىنىڭ رۋحىن جانە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، شي جينپيڭنىڭ ارميانى قۇدىرەتتەندىرۋ يدەياسىن كورنەكتىلەندىرە ۇيرەنىپ، يدەيا مەن ارەكەتتى شىن مانىندە پارتيا 19 - قۇرىلتايىنىڭ رۋحىمەن بىرلىككە كەلتىرىپ، كۇش - قۋات، زەيىن - زەردەنى ارميانى قۇدىرەتتەندىرۋدىڭ، ارميانى گۇلدەندىرۋدىڭ جاڭا جورىعىنا ۇيىستىرۋ كەرەك. «ءتورت تانىمدى» كۇشەيتىپ، اسكەري كوميتەت ءتوراعاسىنىڭ جاۋاپتى بولۋ ءتۇزىمىن باتىل دايەكتىلەندىرىپ، تياناقتاندىرىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا پارتيا ورتالىق كوميتەتىمەن، ءتوراعا شي جينپيڭمەن وسكەلەڭ ءبىر اۋىزدىلىقتى باتىل ساقتاپ، بارلىق ارەكەتتە پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ قولباسشىلىعى مەن بۇيرىعىنا قۇلاق اسۋ؛ ءتوراعا شي جينپيڭنىڭ جاريالاعان ۇندەۋىنە باتىل ءۇن قاتىپ، ءتوراعا شي جينپيڭنىڭ جاريالاعان بۇيرىعىن باتىل اتقارىپ، ءتوراعا شي جينپيڭنىڭ العا قويعان تالابىن باتىل تياناقتاندىرىپ، ءتوراعا شي جينپيڭنىڭ بەرگەن مىندەتىن باتىل ورىنداۋ؛ ابسوليۋتتى ادالدىقتى، ابسوليۋتتى كىرشىكسىزدىكتى، ابسوليۋتتى سەنىمدىلىكتى باتىل ىسكە اسىرىپ، قاشاندا ءتوراعا شي جينپيڭنىڭ قولباسشىلىعىنا قۇلاق اسىپ، ءتوراعا شي جينپيڭگە جاۋاپتى بولىپ، ءتوراعا شي جينپيڭدى الاڭسىز ەتىپ، ءتوراعا شي جينپيڭ جاساعان ارميانى قۇدىرەتتەندىرۋ ستراتەگياسىن، ارميانى قۇدىرەتتەندىرۋ ورنالاستىرۋىن، ارميانى قۇدىرەتتەندىرۋ شاراسىن اسكەري قوسىن قۇرىلىسىنىڭ ءار سالاسىنىڭ جالپى بارىسىنا ارقاۋ ەتۋ كەرەك. ارميانى زاڭمەن جونگە سالۋعا، ارميانى قاتاڭ جونگە سالۋعا قاشاندا تاباندى بولىپ، جان - جاقتى ىسىلعان «ءتورت قۇرىش» اسكەري ءبولىمدى قۇرىپ، سالتى كىرشىكسىز، ستيلى دۇرىس تاماشا ساياسي ەكولوگيانى قالىپتاستىرۋ كەرەك. ەكىنشى، ارميانى جاتتىقتىرىپ، سوعىسقا دايىندالۋدى كۇشەيتىپ، جاتتىعۋ ورەسىن، سوعىستا جەڭۋ قابىلەتىن ءوسىرۋ كەرەك. ءتوراعا شي جينپيڭنىڭ ورتالىق اسكەري ىستەر كوميتەتىنىڭ 2018 - جىلعى اسكەري جاتتىعۋعا جۇمىلدىرۋ جينالىسىنداعى جاتتىعۋ بۇيرىعىنىڭ تالاپتارىن باتىل تياناقتاندىرىپ، ناقتى شايقاستىق اسكەري جاتتىعۋدى جاپپاي كۇشەيتىپ، سوعىستا جەڭۋ قابىلەتىن ءوسىرىپ، شاقىرعان زاماتتا كەلەتىن، كەلە سالا سوعىسا الاتىن، سوعىستا، ءسوز جوق، جەڭىسكە جەتەتىن تاڭداۋلى قوسىندى قۇلشىنا شىنىقتىرىپ سومداۋ كەرەك. ءۇشىنشى، جاۋاپكەرشىلىكتى باتىل ارقالاپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىن قورعاۋ كەرەك. ءتوراعا شي جينپيڭنىڭ «سوعىس اترەتىندىك، قىزمەت اترەتىندىك، ءوندىرىس اترەتىندىك رولدى ساۋلەلەندىرۋ كەرەك» دەگەن ماڭىزدى نۇسقاۋىن مۇقيات دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا اۋدارىپ، «باللاستتىق»، «ورنىقتىرعىشتىق» رولىن شىن مانىندە ساۋلەلەندىرۋ كەرەك. ءتورتىنشى، ءوزارا جەبەۋ، بىرگە ىلگەرىلەۋدەن جازباي، ارميا مەن حالىقتىڭ توعىسپالى تەرەڭ دامۋ جاعدايىن قالىپتاستىرۋ كەرەك. ارميا مەن جەرگىلىكتى ورىن «ءبىر جۇيە» يدەياسىن مىقتاپ ورناتىپ، ارميا مەن حالىقتىڭ توعىسپالى دامۋى ۇستانىمىن ەكونوميكالىق قۇرىلىس پەن قورعانىس قۇرىلىسىنىڭ تۇتاس بارىسىندا دايەكتىلەندىرۋ، تياناقتاندىرۋ كەرەك. ارميا حالىقتى ءسۇيۋ، حالىق ارميانى قولداۋ، ارميا مەن حالىق ىنتىماقتاسىپ ءبىر ءۇيلى جانداي بولۋ سىندى داڭقتى ءداستۇردى كۇش سالا ساۋلەلەندىرۋ، ءار دارەجەلى پارتكوم، ۇكىمەت قورعانىس، ارميا قۇرىلىسىنا بارىنشا ءمان بەرىپ، ونى كۇش سالا قولداپ، بۇكىل قوعامدا مەملەكەت قورعانىسىنا كوڭىل بولەتىن، مەملەكەت قورعانىسىن قولدايتىن، مەملەكەت قورعانىسىنا ات سالىساتىن كۇشتى اۋقىمدى قالىپتاستىرىپ، ارميا مەن ۇكىمەتتىڭ، ارميا مەن حالىقتىڭ ەتەنە، مىزعىماس قاتىناسىن نىعايتۋ، دامىتۋ كەرەك.
شينجياڭ اسكەري رايونى پارتكومىنىڭ تۇراقتى مۇشەلەرى لي فا - ي، ۋاڭ گو - ي، حالمۇرات ابدىراحمان، دۋ يۇڭياۋ، حان بيڭچىڭ، عايرات ءومار، جاڭ چيان، جاۋ جىدان، ليۋ لينفۋ، ليۋ رۇڭجين ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
