شي جينپيڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماڭىزدى ءسوز سويلەپ پارتيا 19 - قۇرىلتايىنىڭ رۋحىن جاپپاي دايەكتىلەندىرىپ جانە تياناقتاندىرىپ، پارتيانى قاتاڭ جونگە سالۋدى ماڭگى تابان اۋدارماس قايسارلىقپەن تەرەڭدەتە ءتۇسۋدى باسا دارىپتەدى
2018.01.16 14:02 كەلۋ قاينارى : شينجياڭ گازەتى
ماجىلىسكە لي جانشۋ، ۋاڭ ياڭ، ۋاڭ حۋنيڭ، حان جىڭ قاتىناستى، ءماجىلىستى جاۋ لىجي باسقاردى
شينحۋا اگەنتتىگىنىڭ 11 - قاڭتاردا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 111 - قاڭتار تۇستەن بۇرىن جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماڭىزدى ءسوز سويلەدى. ول مىنالاردى باسا دارىپتەدى: جۇڭگوشا سوتسياليزمنىڭ جاڭا داۋىرىندە، ۇلى ىستەردى ورىنداۋ، ءسوز جوق، پارتيانىڭ باسشىلىعىنا سۇيەنەدى، پارتيادا، قالايدا، تىڭ تىنىس، جاڭا سەرپىلىس بولۋى كەرەك. پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، مىعىم دايىندىقپەن تىڭ ساپارعا قادام تاستاپ، پارتيانى قاتاڭ جونگە سالۋدى ماڭگى تابان اۋدارماس قايسارلىقپەن تەرەڭدەتە ءتۇسىپ، پارتيانى جاپپاي قاتاڭ جونگە سالۋدا جاڭا جاعداي اشۋ كەرەك.
شي جينپيڭ مىنالاردى باسا دارىپتەدى: پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋ ءۇشىن، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «ءتورت تانىمدى» نىعايتىپ، «ءتورت سەنىمدى» بەكەمدەپ، پارتيانىڭ جاپپاي باسشىلىعىنا تاباندى بولۋدى جانە ونى كۇشەيتۋدى تىعىز ارقاۋ ەتىپ، پارتيا ورتالىق كوميتەتىنىڭ مارتەبەسى مەن ورتالىقتانعان ءبىر تۇتاس باسشىلىعىن قورعاۋدى تىعىز ارقاۋ ەتىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، ءتۇزىم قۇرىلىسىن ونىڭ تۇتاس بارىسىمەن ساباقتاستىرىپ، ءىرىپ - شىرۋگە قارسى كۇرەستى ىشكەرىلەي ىلگەرىلەتىپ، تاباندى بولۋ بارىسىندا تەرەڭدەتىپ، تەرەڭدەتۋ بارىسىندا دامىتىپ، پارتيانىڭ ىشكى ساياسي ەكولوگياسىنىڭ تۇبەگەيلى جاقسارۋىن ىسكە اسىرىپ، پارتيانىڭ جاسامپازدىق، ۇيىمشىلدىق جانە جاۋىنگەرلىك قابىلەتتەرىن ۇزدىكسىز نىعايتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، سوتسياليستىك وسىزاماندانعان مەملەكەتتى جاپپاي قۇرۋعا بەرىك كەپىلدىك ازىرلەۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي ءماجىلىستى باسقاردى.
شي جينپيڭ مىنالاردى باسا دارىپتەدى: پارتيا قۇرىلىسىنىڭ جاڭا ۇلى ينجەنەرياسى − ۇلى كۇرەسكە، ۇلى ىستەرگە جەتەكشىلىك ەتىپ، ءتۇپتىڭ تۇبىندە ۇلى ارماندى ورىنداۋدىڭ ءتۇبىرلى كەپىلى. پارتيانى جاپپاي قاتاڭ جونگە سالۋ ءۇشىن، ءسوز جوق، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ كەرەك. پارتيانىڭ باسشىلىعىنا تاباندى بولۋ ءۇشىن، تۇپتەپ كەلگەندە، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋ قاجەت. ءبىز ءتيىمدى جاعدايدا ورگە ۇمتىلىپ، پارتيانىڭ ۇزاق مەرزىم بيلىك جۇرگىزۋ قابىلەتى قۇرىلىسى، العاباسارلىق پەن كىرشىكسىزدىك قۇرىلىسى سىندى نەگىزگى جەلىنى بەرىك يگەرىپ، ۇستىنەن وڭاۋ مەن تۇبىرىنەن وڭاۋدىڭ جان - جاقتى اسەرىن ساۋلەلەندىرىپ، پارتيانىڭ قاشاندا ءداۋىر لەگىنىڭ الدىندا جۇرەتىن، حالىق شىن جۇرەكتەن قولدايتىن، جۇرەكتىلىكپەن وزىندىك توڭكەرىس جۇرگىزەتىن، ءتۇرلى سىناق پەن قاتەردەن سۇرىنبەي وتەتىن، جىگەرى جالىنداعان ماركستىك بيلىكتى پارتيا بولا بەرۋىنە كەپىلدىك ەتۋ كەرەك.
شي جينپيڭ مىنالاردى اتاپ كورسەتتى: پارتيا 18 - قۇرىلتايىنان كەيىن، ءبىز پارتيانى جاپپاي قاتاڭ جونگە سالۋدىڭ پارمەندى بولماۋى سىندى كىلتيپاندى ءجىتى قاداعالاپ، پارتيامىزدىڭ تاريحىنداعى يكەمدى دە ءونىمدى جاقسى تاجىريبە، جاقسى ادىستەردى ساۋلەلەندىرۋگە تاباندى بولىپ، پارتيانى باسقارۋ، پارتيانى جونگە سالۋ زاڭدىلىقتارى جونىندەگى تانىمدى تەرەڭدەتىپ، جاڭا تاجىريبەلەر جيناقتاپ، پارتيانى قاتاڭ جونگە سالۋدا كورنەكتى تابىستارعا قول جەتكىزدىك. ناتيجەگە وڭاي قول جەتكەن جوق، تاجىريبەلەر وتە قۇندى، ۇزاق مەرزىم تاباندى بولىپ، ۇزدىكسىز تەرەڭدەتۋىمىزدى قاجەت ەتەدى. بىرىنشىدەن، پارتيانىڭ يدەيالىق قۇرىلىسىن كۇشەيتۋ مەن ءتۇزىم قۇرىلىسىن كۇشەيتۋدىڭ بىرلىگىنە تاباندى بولۋ، يدەيالىق ماسەلەنى شەشۋمەن قاتار، ءتۇزىم ماسەلەسىن دە شەشۋ، مۇرات - سەنىمدى بەكەمدەۋدى ءتۇبىرلى مىندەت ەتىپ، ءتۇزىم قۇرىلىسىن پارتيانىڭ ءتۇرلى قۇرىلىستارىمەن ساباقتاستىرۋ كەرەك. ەكىنشىدەن، مىندەتتى جەتەكشى ەتۋ مەن ماسەلەنى نىشان ەتۋدىڭ بىرلىگىنە تاباندى بولۋ، كوز الداعى جاعدايدى تياناق ەتىپ، ماسەلەنىڭ جۇزىنە تۋرا قاراپ، حالىق جۇرتشىلىعى ەڭ رازى بولماعان ماسەلەلەردى شەشۋگە كۇش سالۋمەن قاتار، بولاشاققا نازار تاستاپ، بيىكتەن الىستى بولجاپ، ءبىر تۇتاس جوسپارلاۋعا، جوعارى دەڭگەيلى جوبانى كۇشەيتۋگە كۇش سالۋ قاجەت. ۇشىنشىدەن، «شەشۋشى ازشىلىقتى» يگەرۋ مەن «باسىم كوپشىلىكتى» باسقارۋدىڭ بىرلىگىنە تاباندى بولۋ، قالىڭ پارتيا مۇشەلەرىنە ارنالعان جالپىلىق تالاپتاردى ورتاعا قويۋمەن قاتار، «شەشۋشى ازشىلىققا»، اسىرەسە، جوعارى دارەجەلى كادرلارعا ءتىپتى جوعارى، ءتىپتى قاتاڭ ولشەم قويىپ، ءتىپتى دە قاتاڭ باسقارۋ مەن باقىلاۋ جۇرگىزۋ كەرەك. تورتىنشىدەن، بيلىك جۇرگىزۋ مەن جاۋاپكەرشىلىك ارقالاۋدىڭ بىرلىگىنە تاباندى بولۋ، پارتيانى باسقارۋ، پارتيانى جونگە سالۋ جاۋاپكەرشىلىگىن تياناقتاندىرۋدى شىن مانىندە ەڭ ءتۇبىرلى ساياسي جاۋاپكەرشىلىك ەتىپ، «جاۋاپكەرشىلىك» دەگەن ءبىر اۋىز ءسوزدى ءجىتى قاداعالاپ، «جاۋاپقا تارتۋ» دەگەن ۇرىمتال تۇستى قاتاڭ يگەرۋ كەرەك. بەسىنشىدەن، قاتاڭ باسقارۋ مەن كوڭىل ءبولۋ، سەنىم ارتۋدىڭ بىرلىگىنە تاباندى بولۋ، شىن باسقارىپ، شىنايى قاتايتۋعا، جۇرەكتىلىكپەن باسقارىپ، باتىل قاتايتۋعا، باياندى باسقارىپ، ۇزاعىنان قاتايتۋعا تاباندى بولىپ، الدىڭعىلاردى جازالاپ، سوڭعىلاردى ساقتاندىرۋ، اۋرۋدى ەمدەپ، ادامدى قۇتقارۋ دەيتىن دايەكتى باعىتتان جازباي، ەرتە باستان، ۇساق ىستەن باستاپ يگەرىپ، تۇيمەدەي ءىستىڭ تۇيەدەي پالەگە اينالۋىنان ساقتانىپ، كادرلاردان ماسەلە شىعۋىنان مۇمكىندىكتىڭ بارىنشا ساقتانىپ، كادرلاردىڭ بەلسەندىلىگىن مەيلىنشە ىنتالاندىرۋ كەرەك. التىنشىدان، پارتيا ىشىندە باقىلاۋ مەن بۇقارالىق باقىلاۋدىڭ بىرلىگىنە تاباندى بولۋ، پارتيا ىشىندەگى باقىلاۋ ارقىلى باسقا باقىلاۋ تۇرلەرىنە قوزعاۋ سالىپ، حالىق جۇرتشىلىعىنىڭ پىكىر بەرىپ، اقىل ايتۋ جانە سىن ايتىپ، باقىلاۋ جۇرگىزۋ ارناسىن بەلسەندى تۇردە ىركىلىسسىزدەندىرىپ، بۇقارالىق باقىلاۋ مەن قوعامدىق پىكىر باقىلاۋىنىڭ رولىن تولىق ساۋلەلەندىرۋ كەرەك.
شي جينپيڭ مىنالاردى باسا دارىپتەدى: پارتيانى جاپپاي قاتاڭ جونگە سالۋدى، ءسوز جوق، بۇلجىماستان جالعاستىرۋ، استە سولقىلداقتىق ىستەمەۋ كەرەك. حالىقارالىق جانە ىشكى ورتاداعى ءتۇرلى فاكتوردىڭ ىقپالىنا بايلانىستى، پارتيامىز ءدوپ كەلگەن بيلىك جۇرگىزۋ جاعدايى ءالى دە كۇردەلى، پارتيانىڭ العاباسارلىعى مەن كىرشىكسىزدىگىنە اسەر ەتەتىن فاكتورلار دا كۇردەلى بولىپ وتىر. پارتيانىڭ قوسىنى مەن وزىندىك احۋالىندا كەلەلى دە تەرەڭ وزگەرىستەر جارىققا شىقتى، بۇل پارتيا قۇرىلىسىنىڭ ساپاسىن كوتەرىپ، پارتيا ۇيىمدارىنىڭ ساياسي فۋنكتسياسى مەن ۇيىمدىق فۋنكتسياسىن نىعايتۋدى شۇعىل تالاپ ەتىپ وتىر. ءبىز ماسەلەنى نىشان ەتۋدەن جازباي، ستراتەگيالىق تاباندىلىقتى ساقتاپ، «قانشالىق قاتەرلى بولسا، سونشالىق العا تارتامىز» دەگەن ەرلىك جىگەرمەن جانە «تار جولدا تەك باتىر جەڭەدى» دەگەن كۇرەسكەرلىك رۋحپەن تاباندىلىقپەن يگەرە بەرۋىمىز كەرەك.
شي جينپيڭ مىنالاردى اتاپ كورسەتتى: پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ كەرەك. پارتيا ورتالىق كوميتەتى قابىلداعان شەشىم مەن جاساعان ورنالاستىرۋدى بارلىق پارتيا ۇيىمى بۇلجىتپاي دايەكتىلەندىرۋى جانە تياناقتاندىرۋى، ساياسي تۇرعى، ساياسي باعدار، ساياسي پرينسيپ، ساياسي جولدا قاشاندا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋى كەرەك. ءارقانداي كەزدە، ءارقانداي جاعدايدا، پارتيانىڭ باسشى كادرلارى ساياسيدا تاباندى دا سەنىمدى بولۋى، پارتياعا ادال، قالتقىسىز بولۋى، پارتيا ورتالىق كوميتەتىمەن نيەتتەس بولۋى، پارتيانىڭ قولباسشىلىعىنا بويسۇنىپ، پارتيا الدىنداعى جاۋاپكەرشىلىگىن تولىق وتەۋى كەرەك. كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنىڭ ديالەكتيكالىق بايلانىسىن جىعا تانۋ قاجەت، جۇڭگوشا سوتسياليزم ىستەرىن دامىتۋ مەن ۇلتتىڭ گۇلدەنۋىن ىسكە اسىرۋدىڭ ناقتى قىزمەتتەرىنەن قول ۇزە وتىرىپ، ۇلى مۇراتتى قۇر سوزگە مۇرىندىق ەتۋگە دە، كوممۋنيزمدى ىسكە اسىرۋدىڭ ۇزاققا جالعاسار تاريحي ۇدەرىس ەكەندىگىنە بولا ونى اۋىزعا الماۋعا، ءتىپتى، ۇلى مۇراتتان كوز جازىپ قالۋعا دا بولمايدى.
شي جينپيڭ مىنالاردى باسا دارىپتەدى: ورتالىقتىڭ 8 ءتۇرلى بەلگىلەمەسىنىڭ رۋحىن قاجىماي - تالماي تياناقتاندىرىپ، پارتيانىڭ حالىق جۇرتشىلىعىمەن ەتەنە بايلانىسىن ساقتاۋ كەرەك. ۇدايىلىق پەن ۇنەمىلىككە، قاتاڭدىق پەن ناقتىلىققا، تەرەڭدىك پەن قۇنتتىلىققا ۇزدىكسىز كۇش سالىپ، راحاتقۇمارلىقتىڭ، استا - توك ىسىراپشىلدىقتىڭ جاڭا بەتالىسى مەن جاڭا بەينەلەرىن قالت جىبەرمەي قاداعالاپ، قايتا ورالۋى مەن قايتالاي تۇتانۋىنان باتىل ساقتانۋ كەرەك. فورماشىلدىق پەن تورەشىلدىكتى تەزگە سالۋعا ءبىرىنشى باسشى جالپى جاۋاپتى بولۋ كەرەك. ىشكەرىلەي تەكسەرۋ - زەرتتەۋ جۇرگىزىپ، تۇيتكىلدەردى شەشۋگە كۇش سالىپ، شىندىققا جاناسىمدى، بۇقاراعا جاقىن ىسكەرلىك شارالارى ارقىلى تياناقتاندىرىپ، پارتيا ورتالىق كوميتەتىنىڭ شەشىم - ورنالاستىرۋلارىنىڭ تامىر تارتىپ، جەمىس بەرۋىنە كەپىلدىك ەتۋ كەرەك. ستيل قۇرىلىسىن كۇشەيتۋ، ءسوز جوق، پارتيا مەن حالىق جۇرتشىلىعىنىڭ ەتەنە بايلانىسىن ساقتاۋ دەگەن تەتىكپەن تىعىز قابىسۋى كەرەك. باسشى كادرلار ەرەكشە ۇقىق يدەياسى مەن ەرەكشە ۇقىق جايتتەرىنە باتىل قارسى تۇرىپ، حالىققا دەگەن قالتقىسىز نيەتتەن جازباي، قىزمەتتىڭ ءتۇيىنىن تومەنگە جىلجىتۋعا تاباندى بولىپ، بۇقارامەن قويان - قولتىق ارالاسىپ، بۇقارالىق قىزمەتتى بەتپە - بەت، شىن جۇرەكپەن، ناقتىلى تۇردە ويداعىداي جۇرگىزىپ، بۇقارانىڭ پىكىرى كۇشتى كورنەكتى ماسەلەلەردى دەن قويا شەشۋ كەرەك.
شي جينپيڭ مىنالاردى اتاپ كورسەتتى: ءتارتىپ قۇرىلىسىن جاپپاي كۇشەيتىپ، بۇكىل پارتيانى قاتاڭ تارتىپپەن باسقارۋ، جونگە سالۋ كەرەك. ءتارتىپ تاربيەسىن كۇشەيتىپ، تەمىردەي قاتاڭ ءتارتىپتى پارتيا مۇشەلەرىنىڭ، كادرلاردىڭ كۇندەلىكتى ادەتى مەن سانالى داعدىسىنا اينالدىرۋ كەرەك. ءتارتىپ - ەرەجەنى كەمەلدەندىرىپ، ءتۇزىمنىڭ داۋىرمەن تەڭ العا باسۋىن ىسكە اسىرۋ كەرەك. ءار دارەجەلى پارتكومدار (پارتيا باسشىلىق گرۋپپالارى) جۇرەكتىلىكپەن يگەرىپ، باتىلدىقپەن باسقارىپ، ءتارتىپتى قاتاڭ اتقارىپ، پارتيانى جاپپاي قاتاڭ جونگە سالۋدىڭ ساياسي جاۋاپكەرشىلىگىن ارقالاي ءبىلۋى كەرەك.
شي جينپيڭ مىنالاردى باسا دارىپتەدى: ۇستىنەن وڭاۋ مەن تۇبىرىنەن وڭاۋدى تەرەڭ ۇشتاستىرىپ، ءىرىپ - شىرۋگە قارسى كۇرەستە تۇبەگەيلى جەڭىسكە جەتۋ كەرەك. ۇستىنەن وڭاۋ مەن تۇبىرىنەن وڭاۋدى ۇشتاستىرۋدا، تۇبىرىنەن وڭاۋدىڭ نەگىزىن بەكەمدەۋ، سونىمەن بىرگە، ۇستىنەن وڭاۋدىڭ وتكىر قارۋىن جۇرەكتىلىكپەن قولدانۋ كەرەك. جابىق ءوڭىر بولماۋعا، تولىق قامتۋعا، نولدىك توزىمدىلىك تانىتۋعا تاباندى بولىپ، اۋىزدىقتاۋعا ءمان بەرۋگە، تەگەۋرىندى كۇيدى كۇشەيتۋگە، ۇدايى سەس كورسەتۋگە تاباندى بولىپ، پارا الۋ مەن پارا بەرۋدى قاتار تەكسەرۋگە تاباندى بولىپ، قوردى باتىل ازايتىپ، ءوسىمدى ءتۇيىندى تۇردە شاۋجايلاۋ كەرەك. «جولبارىستى» بوي كورسەتكەن زاماتتا سوعۋ، «شىبىنداردى» قاعىنعان ساتتە قاعىپ تاستاۋ كەرەك. پارتيانى جاپپاي قاتاڭ جونگە سالۋدىڭ نەگىزگى ساتىعا قانات جازۋىن ىلگەرىلەتىپ، بۇقارانىڭ قاسىندا ورىن العان ءىرىپ - ءشىرۋ ماسەلەلەرىن قاتاڭ جازاعا تارتۋ كەرەك. قارا كۇشتەردى الاستاۋدى ءىرىپ - شىرۋگە قارسى تۇرۋمەن ۇشتاستىرىپ، قارا قوعام تۇرىندەگى ۇيىمداردى تالقانداۋ، سونىمەن بىرگە، ولاردىڭ «قورعانىشتارىن» دا ۇستاۋ كەرەك. ءىرىپ - شىرۋگە قارسى جان - جاقتى زاڭ اتقارۋ بويىنشا حالىقارالىق ىنتىماقتاستىقتى كۇشەيتىپ، ءىرىپ - شىرىگەن قىلمىستىلارعا كورسەتىلەتىن سەستى قاتايتۋ كەرەك. ءىرىپ - شىرۋگە باتىلى بارماۋ بويىنشا قاتاڭ سەس كورسەتىپ، ءىرىپ - شىرۋگە مۇمكىندىگى بولماۋ بويىنشا ءتۇزىم قاپاسىن نىعىزداپ، ءىرىپ - ءشىرۋدى ويىنا الماۋ جونىندەگى سانالىلىقتى نىعايتۋ كەرەك. رەفورما جاساۋ جانە ءتۇزىمدى جاڭارتۋ ارقىلى پايدا جەتكىزەر جولدى ءۇزىپ، بيلىك اينالىمىنا تەجەۋ مەن باقىلاۋدى كۇشەيتىپ، ءتيىمدى دە ءونىمدى ءتۇزىلىس پەن مەحانيزم ورناتۋ كەرەك.
شي جينپيڭ مىنالاردى اتاپ كورسەتتى: پارتيا 18 - قۇرىلتايىنان بەرى، ورتالىق ءتارتىپ تەكسەرۋ كوميتەتى مەن ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا ورتالىق كوميتەتىنىڭ شەشىم - ورنالاستىرۋلارىن باتىل دايەكتىلەندىرىپ، بورىش پەن جاۋاپكەرشىلىكتەرىن ادالدىقپەن اتقارىپ، قالتقىسىز دا جۇرەكتى بولىپ، جاۋاپكەرشىلىكتى باتىل ارقالاپ، پارتيا مەن حالىققا ۇزدىك جاۋاپ تاپسىردى. ءتارتىپ تەكسەرۋ ورگاندارى، ءسوز جوق، قىزمەت جاۋاپكەرشىلىگى جونىندەگى ايقىندامادان تابان اۋدارماي، باقىلاۋدى قاتايتىپ، ءتارتىپتى بۇلجىتپاي اتقارىپ، قاتاڭ جاۋاپقا تارتۋ كەرەك. ءتارتىپ اتقارۋشى، ءسوز جوق، الدىمەن تارتىپكە باعىنۋى، وزگەنى تارتىپكە شاقىرۋشى، ءسوز جوق، الدىمەن ءوزىن تارتىپكە شاقىرۋى كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى وزىنە ءتىپتى جوعارى ولشەم، ءتىپتى قاتاڭ تارتىپپەن تالاپ قويىپ، وزىندىك يممۋنيتەتتى جوعارىلاتۋى كەرەك. قالىڭ ءتارتىپ تەكسەرۋ، باقىلاۋ - تەكسەرۋ كادرلارى ادال، تاباندى بولۋى، جاۋاپكەرشىلىكتى ارقالاپ جانە تولىق وتەپ، تارتىپكە، زاڭعا بويسۇنۋى، پاك، كىرشىكسىز بولۋى، پارتيا مەن حالىق بەرگەن بيلىكتىڭ اسىرا پايدالانىلماۋىنا، ىزگىلىكتى دارىپتەپ، جاۋىزدىقتى جازالايتىن وتكىر قارۋدىڭ ماڭگى شاڭ باسپاۋىنا كەپىلدىك ەتۋى كەرەك.
جاۋ لىجي ءماجىلىستى باسقارعاندا مىنالاردى اتاپ كورسەتتى: باس شۋجي شي جينپيڭنىڭ ماڭىزدى سوزىندە پارتيامىز ءدوپ كەلگەن قاتەر مەن سايىسقا تەرەڭ تالداۋ جاسالىپ، پارتيانى جاپپاي قاتاڭ جونگە سالۋدىڭ قازىرگى جانە الداعى ءبىر مەزگىلدەگى جالپى تالابى مەن باستى مىندەتتەرى ايقىن العا قويىلىپ، بۇلجىماي دايەكتىلەندىرىپ، مىزعىماي تاباندى بولىپ، ماسەلەنى نىشان ەتۋدەن جازباي، ستراتەگيالىق تاباندىلىقتى ساقتاپ، اعات يدەيالاردىڭ كيلىگۋىنە جول بەرمەي، مىعىم دايىندىقپەن تىڭ ساپارعا اتتانىپ، پارتيانى جاپپاي قاتاڭ جونگە سالۋدى ۇزدىكسىز تەرەڭدەتە ءتۇسۋ باسا دارىپتەلدى. ءار دارەجەلى پارتيا ۇيىمدارى ىشكەرىلەي ۇيرەنىپ جانە ءتۇسىنىپ، رۋحاني ءمانىن يگەرىپ، يدەيالىق تانىمدى بىرلىككە كەلتىرىپ، جاۋاپكەرشىلىك پەن مىندەتكەرلىكتى قاتايتىپ، ناقتى قىزمەتپەن جانە فۋنكتسيالىق جاۋاپكەرشىلىكپەن ۇشتاستىرىپ، ساياسي دەڭگەي مەن ساياسي قابىلەتتى جوعارىلاتىپ، پارتيانى جاپپاي قاتاڭ جونگە سالۋدىڭ جۇيەلىلىگىن، جاسامپازدىعىن، تيىمدىلىگىن شىن مانىندە نىعايتۋ كەرەك.
جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسى 11 - قاڭتار كۇنى بەيجيڭدە اشىلدى. جالپى ءماجىلىستى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. 11 - قاڭتار تۇستەن كەيىن، جاۋ لىجي ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ پارتيانى جاپپاي قاتاڭ جونگە سالۋ جونىندەگى ستراتەگيالىق ورنالاستىرۋىن مىزعىماستان تياناقتاندىرايىق» دەگەن تاقىرىپپەن قىزمەت بايانداماسىن جاسادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
