شي جينپيڭ ج ك پ ورتالىق كوميتەتى ساياسي بيۋروسىنىڭ 3 - رەتكى توپتىق ۇيرەنۋىندە
وسىزاماندانعان ەكونوميكالىق جۇيە ورناتۋدىڭ ماڭىزدىلىعىن ىشكەرىلەي تانىپ، ەلىمىز ەكونوميكالىق دامۋىنىڭ تىڭ ومىرشەڭدىك كۇش تۋىنداتىپ، جاڭا بەلەسكە كوتەرىلۋىن ىلگەرىلەتۋدى باسا دارىپتەدى
2018.02.02 15:28 كەلۋ قاينارى : شينجياڭ گازەتى
شينحۋا اگەنتتىگىنىڭ 31 - قاڭتاردا بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 30 - قاڭتار تۇستەن كەيىن وسىزاماندانعان ەكونوميكالىق جۇيە ورناتۋ جونىندە 3 - رەتكى توپتىق ۇيرەنۋ وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعان كەزدە مىنالاردى باسا دارىپتەدى: وسىزاماندانعان ەكونوميكالىق جۇيە ورناتۋ − اۋقىمدى ءىس ءارى ماڭىزدى نازاريالىق تاقىرىپ، ونان دا ماڭىزدىسى، ول كەلەلى امالياتتىق تاقىرىپ، ول نازاريا مەن امالياتتى ۇشتاستىرۋ جاعىندا ىشكەرىلەي زەردەلەۋدى قاجەت ەتەدى. وسىزاماندانعان ەكونوميكالىق جۇيە ورناتۋ − ەلىمىز دامۋىنىڭ ستراتەگيالىق نىساناسى، سونداي - اق ەكونوميكانىڭ دامۋ تاسىلىنە بۇرىلىس جاساۋدىڭ، ەكونوميكالىق قۇرىلىمدى ساپالىلاندىرۋدىڭ، ەكونوميكالىق ءوسۋدىڭ قوزعاۋشى كۇشىن اۋىستىرۋدىڭ كوكەي تەستى تالابى. بۇكىل پارتيا، ءسوز جوق، وسىزاماندانعان ەكونوميكالىق جۇيە ورناتۋدىڭ ماڭىزدىلىعى مەن ماشاقاتتىلىعىن ىشكەرىلەي تانىپ، وسىزاماندانعان ەكونوميكالىق جۇيە ورناتۋدىڭ نىسانالارى مەن ماڭىزدى تۇيىندەرىن عىلمي يگەرىپ، ەلىمىز ەكونوميكالىق دامۋىنىڭ تىڭ ومىرشەڭدىك كۇش تۋىنداتىپ، جاڭا بەلەسكە كوتەرىلۋىن ىلگەرىلەتۋ كەرەك.
ورتالىق كوميتەت ساياسي بيۋروسىنىڭ وسى رەتكى توپتىق ۇيرەنۋىندە پارتيا ورتالىق كوميتەتى ساياسي بيۋروسىنداعى جولداستار وزدىگىنەن ۇيرەندى جانە اسەرلەرىن ءبولىستى، ليۋ حى، سۇن چۇنلان، لي شي، لي چياڭ، لي حۇڭجۇڭ، چىن چۋانگو، چىن مين - ىر، حۋ چۇنحۋا، ساي چي وسى ماسەلە جونىندە ءتۇيىندى تۇردە لەبىز ءبىلدىردى، ورتالىق كوميتەت ساياسي بيۋروسىنداعى جولداستار ولاردىڭ لەبىزىن تىڭدادى، سونداي - اق قاتىستى ماسەلەلەر جونىندە تالقى جۇرگىزدى.
شي جينپيڭ ۇيرەنۋدى باسقارعان كەزدە ءسوز سويلەدى. ول مىنالاردى اتاپ كورسەتتى: وسىزاماندانعان ەكونوميكالىق جۇيە ورناتۋ − پارتيا ورتالىق كوميتەتىنىڭ پارتيا مەن مەملەكەت ىستەرىنىڭ جالپى جاعدايىن شىعار ءتۇيىن ەتىپ، «قوس 100 جىلدىق» كۇرەس نىساناسىن جۇزەگە اسىرۋدى كوزدەپ، جۇڭگوشا سوتسياليزم جاڭا داۋىرگە وتكەن جاڭا تالاپقا سايكەسە وتىرىپ جاساعان ماڭىزدى شەشىم - ورنالاستىرۋى. مەملەكەت قۇدىرەتتى بولۋ ءۇشىن، ەكونوميكالىق جۇيە، ءسوز جوق، كۇشتى بولۋ كەرەك. وسىزاماندانعان ەكونوميكالىق جۇيە قالىپتاستىرعاندا عانا، وسىزاماندانعان دامۋ اعىمىنا ءتىپتى دە جاقسى ۇيلەسۋگە جانە حالىقارالىق باسەكەدە ىرىقتىلىقتى قولعا كەلتىرۋگە، سوندا عانا باسقا سالالارداعى وسىزامانداندىرۋ ىستەرىنە پارمەندى كەپىل ازىرلەۋگە بولادى. ءبىز سوتسياليستىك وسىزاماندانعان قۇدىرەتتى ەل قۇرۋ تالابى بويىنشا، وسىزاماندانعان ەكونوميكالىق جۇيە ورناتۋدى جەدەلدەتىپ، سوتسياليستىك وسىزاماندانعان قۇدىرەتتى مەملەكەت قۇرۋ نىساناسىنىڭ ۋاعىندا ورىندالۋىنا كەپىلدىك ەتۋىمىز كەرەك.
شي جينپيڭ مىنالاردى باسا دارىپتەدى: وسىزاماندانعان ەكونوميكالىق جۇيە قوعامدىق ەكونوميكالىق قيمىلدىڭ ءار بۋىنىنىڭ، ءار دەڭگەيىنىڭ، ءار سالاسىنىڭ ءوزارا قارىم - قاتىناسى مەن ىشكى بايلانىسىنان قۇرالعان ورگانيكالىق تۇتاس تۇلعا. جاڭالىق اشۋدى جەتەكشى ەتكەن، سايكەسە داميتىن كاسىپ سالاسى جۇيەسىن قۇرىپ، ناقتى ەكونوميكانىڭ، عىلىم - تەحنيكادا جاڭالىق اشۋدىڭ، وسى زامانعى فينانستىڭ، ادام كۇشى بايلىعىنىڭ سايكەسە دامۋىن جۇزەگە اسىرىپ، عىلىم - تەحنيكادا جاڭالىق اشۋدىڭ ناقتى ەكونوميكانىڭ دامۋىنداعى ۇلەسىن ۇزدىكسىز جوعارىلاتىپ، وسى زامانعى فينانستىڭ ناقتى ەكونوميكاعا قىزمەت كورسەتۋ قابىلەتىن ۇزدىكسىز كۇشەيتىپ، ادام كۇشى بايلىعىنىڭ ناقتى ەكونوميكاعا تىرەكتىك رولىن ۇزدىكسىز جاقسارتۋ كەرەك. ءبىر تۇتاس، اشىق، باسەكەلىك، ءتارتىپتى بازار جۇيەسىن ورناتىپ، بازارعا كىرۋگە رۇقسات بەرۋدىڭ ىركىلىسسىزدىگىن، بازاردىڭ اشىقتىعىن، جۇيەلىلىگىن، بازار باسەكەسىنىڭ جەتكىلىكتى بولۋىن، بازار ءتارتىبىنىڭ ارناعا ءتۇسۋىن جۇزەگە اسىرىپ، كاسىپورىندار دەربەس شارۋاشىلىق جۇرگىزىپ، ءادىل باسەكەلەسەتىن، تۇتىنۋشىلار ەركىن تاڭداپ، ەركىن تۇتىناتىن، تاۋارلار مەن فاكتورلار ەركىن اۋىساتىن، تەڭدىك جولىمەن ايىرباستالاتىن وسى زامانعى بازار جۇيەسىن جەدەل قالىپتاستىرۋ كەرەك. ونىمدىلىك ايگىلەنەتىن، ادىلدىك جەبەلەتىن كىرىس ءبولىسى جۇيەسىن ورناتىپ، كىرىس ءبولىسىنىڭ ۇيلەسىمدىلىگىن، قوعامدىق ادىلدىك پەن ادىلەتتىلىكتى، جالپى حالىقتىڭ بىرگە بايۋىن جۇزەگە اسىرىپ، نەگىزگى الەۋمەتتىك قىزمەت كورسەتۋدىڭ بىركەلكىلەنۋىن ىلگەرىلەتىپ، كىرىس ءبولىسى ايىرماشىلىعىن بىرتىندەپ ازايتۋ كەرەك. باسىمدىق ايگىلەنەتىن، سايكەسىپ، بىرلەسىپ قيمىلدايتىن قالا، اۋىل وڭىرلىك دامۋ جۇيەسىن ورناتىپ، وڭىرلەر ارا ۇتىمدى ىقپالداستىقتى، قالا، اۋىلدىڭ توعىسپالى دامۋىن، قۇرلىق پەن تەڭىزدىڭ ءبىر تۇتاس جوسپارلانىپ، جالپىلىق ساپالىلانۋىن جۇزەگە اسىرىپ، وڭىرلەردىڭ سالىستىرمالى ارتىقشىلىعىن جەتىلدىرىپ جانە ساۋلەلەندىرىپ، وڭىرلىك باسىمدىقتاردىڭ ءبىرىن - ءبىرى تولىقتاۋىن كۇشەيتىپ، وڭىرلەر سايكەسە داميتىن جاڭا اۋقىم قالىپتاستىرۋ كەرەك. ەنەرگيا ۇنەمدەلەتىن، قورشاعان ورتاعا زالالسىز جاسىل دامۋ جۇيەسىن ورناتىپ، جاسىل، اينالمالى، تومەن كومىرتەكتى دامۋدى، ادام مەن تابيعاتتىڭ جاراسىمدى قاتار ءومىر ءسۇرۋىن جۇزەگە اسىرىپ، تۇنىق سۋ، جاسىل تاۋ − بايلىق دەيتىن ۇستانىمدى بەرىك ورناتىپ جانە جۇزەگە اسىرىپ، ادام مەن تابيعات جاراسىمدى داميتىن وسىزاماندانۋ قۇرىلىسىنىڭ جاڭا جۇلگەسىن قالىپتاستىرۋ كەرەك. كوپ نەگىزدى ءارى تەڭگەرىمدى، حاۋىپسىز ءارى جوعارى ءونىمدى جاپپاي اشىق جۇيە ورناتىپ، اناعۇرلىم جوعارى دەڭگەيلى اشىق ەكونوميكانى دامىتىپ، ەسىك اشۋدىڭ قۇرىلىمنىڭ جاقسارۋىنا، كەڭەيتۋىنە جانە تەرەڭدەتۋىنە، ونىمدىلىكتىڭ جوعارىلاۋىنا قاراي بۇرىلىس جاساۋىن ىلگەرىلەتۋ كەرەك. بازاردىڭ رولى تولىق ىسكە قوسىلاتىن، ۇكىمەتتىڭ رولى اناعۇرلىم ساۋلەلەنەتىن ەكونوميكالىق ءتۇزىلىس ورناتىپ، بازار مەحانيزمىنىڭ ءونىمدى بولۋىن، ميكرو سۋبيەكتىلەردىڭ ومىرشەڭ بولۋىن، ماكرولىق رەتتەۋ - مەڭگەرۋدىڭ پارمەندى بولۋىن جۇزەگە اسىرۋ كەرەك. وسى اتالعان بىرنەشە جۇيە − ءبىر تۇتاس تۇلعا، ونى ءبىر تۇتاس ورناتۋ، ءبىر تۇتاس ىلگەرىلەتۋ كەرەك. ءبىز ورناتاتىن وسىزاماندانعان ەكونوميكالىق جۇيە دامىعان ەلدەردىڭ پايدالى ادىستەرىنەن ۇلگى الۋى، ونان دا ماڭىزدىسى، جۇڭگونىڭ مەملەكەت جاعدايىنا ۇيلەسۋى، جۇڭگولىق ەرەكشەلىككە يە بولۋى كەرەك.
شي جينپيڭ مىنالاردى اتاپ كورسەتتى: وسىزاماندانعان ەكونوميكالىق جۇيە ورناتۋ تىڭعىلىقتى، ءونىمدى ساياسات - شارالار مەن ارەكەتتى قاجەت ەتەدى. بۇل ءۇشىن مىنا بىرنەشە جاقتاعى قىزمەتتەردى مىقتى ۇستاۋ كەرەك: ءبىرىنشى، ناقتى ەكونوميكانى بار كۇشپەن دامىتىپ، وسىزاماندانعان ەكونوميكالىق جۇيەنىڭ بەرىك نەگىزىن بەكەمدەۋ كەرەك. ناقتى ەكونوميكا − ءبىر مەملەكەت ەكونوميكاسىنىڭ نەگىزى، بايلىقتىڭ جاراتىلۋىنىڭ تۇپكى قاينارى، مەملەكەتتىڭ قۇدىرەتتەنۋىنىڭ ماڭىزدى تىرەگى. قامداۋ جاعىنداعى قۇرىلىمدىق رەفورمانى تەرەڭدەتىپ، وزىق جاساۋ كاسىبىن جەدەل دامىتىپ، ينتەرنەتتىڭ، ءىرى ساندى مالىمەتتىڭ، جاساندى زەردەنىڭ ناقتى ەكونوميكامەن تەرەڭدەي توعىسۋىن جەبەپ، بايلىق فاكتورلارىنىڭ ناقتى ەكونوميكاعا شوعىرلانۋىن، ساياسات - شارالاردىڭ ناقتى ەكونوميكاعا بەيىمدەلۋىن، قىزمەت كۇشتەرىنىڭ ناقتى ەكونوميكاعا قاراي كۇشەيتىلۋىن ىلگەرىلەتىپ، بايىپتى، ەڭبەكشىل، شارۋاشىلىق قۇراتىن، ناقتى كاسىپپەن باييتىن دامۋ ورتاسىن جانە قوعامدىق اۋقىم قالىپتاستىرۋ كەرەك. ەكىنشى، جاڭالىق اشۋدى جەتەكشى ەتكەن دامۋ ستراتەگياسىن جەدەل اتقارىپ، وسىزاماندانعان ەكونوميكالىق جۇيەنىڭ ستراتەگيالىق تىرەگىن نىعايتىپ، مەملەكەتتىڭ جاڭالىق اشۋ جۇيەسى قۇرىلىسىن كۇشەيتىپ، ستراتەگيالىق عىلىم - تەحنيكا كۇشتەرىن الەۋەتتەندىرىپ، عىلىم - تەحنيكادا جاڭالىق اشۋ مەن ەكونوميكالىق، قوعامدىق دامۋدىڭ تەرەڭدەي توعىسۋىن ىلگەرىلەتىپ، جاڭالىق اشۋ قوزعاۋشى كۇشىنە كوبىرەك سۇيەنەتىن، الدىمەن ىسكە كىرىسۋ باسىمدىعىن كوبىرەك ساۋلەلەندىرەتىن جەتەكشى ۇلگىدەگى دامۋدى قالىپتاستىرۋ كەرەك. ءۇشىنشى، قالا، اۋىل وڭىرلەرىنىڭ سايكەسە دامۋىن بەلسەنە ىلگەرىلەتىپ، وسىزاماندانعان ەكونوميكالىق جۇيەنىڭ كەڭىستىك ورنالاسۋىن ساپالىلاندىرىپ، وڭىرلەردى سايكەستى دامىتۋ ستراتەگياسىن ويداعىداي اتقارىپ، بەيجيڭنىڭ، تيانجيننىڭ، حىبەيدىڭ سايكەسە دامۋى مەن چاڭجياڭ ەكونوميكالىق بەلدەۋىنىڭ دامۋىن جەبەۋ، سونىمەن بىرگە، گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ دامۋىن سايكەستى ىلگەرىلەتۋ كەرەك. اۋىل - قىستاقتاردى كوركەيتۋ − ۇلكەن جۇيە، بۇل جۇيەنىڭ ءار بۋىنىن جاقسى ىسكە قوسۋ كەرەك. ءتورتىنشى، اشىق ەكونوميكانى كۇش سالا دامىتىپ، وسىزاماندانعان ەكونوميكالىق جۇيەنىڭ حالىقارالىق باسەكەلىك قۋاتىن جوعارىلاتىپ، دۇنيە جۇزىلىك بايلىقتار مەن بازاردان ءتىپتى دە ويداعىداي پايدالانىپ، «ءبىر بەلدەۋ، ءبىر جول» اياسىنداعى حالىقارالىق اۋىس - كۇيىستەر مەن ىنتىماقتاستىقتى ۇزدىكسىز بەلسەنە ىلگەرىلەتۋ كەرەك. بەسىنشى، ەكونوميكالىق ءتۇزىلىس رەفورماسىن تەرەڭدەتىپ، وسىزاماندانعان ەكونوميكالىق جۇيەنىڭ تۇزىمدىك كەپىلىن كەمەلدەندىرىپ، سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرىپ، ءار جاقتاعى ءتۇزىلىس - مەحانيزم كەمشىلىكتەرىن باتىل جويىپ، بۇكىل قوعامنىڭ جاڭالىق اشۋ، شارۋاشىلىق قۇرۋ ومىرشەڭدىگىن ىسكە قوسۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
