«شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ تۇتاس جەر شارىنداعى تارالىمى 13 ميلليون نۇسقادان استى
2018.02.05 15:24 كەلۋ قاينارى : شينجياڭ گازەتى
شينحۋا اگەنتتىگىنىڭ 2 - اقپاندا حاۆانادان بەرگەن حابارى. جۇڭگو شەتەل تىلدەرىندەگى كىتاپتاردى باسپادان شىعارۋ، تاراتۋ مەكەمەسىنىڭ ورىنباسار باستىعى لۋ سايرۇڭ 2 - اقپاندا كۋباداعى جۇڭگو كىتاپ ورتالىعىنىڭ قۇرىلۋ سالتىندا بىلاي دەدى: «2 - اقپانعا دەيىن ورتالىق كوميتەت ۇگىت ءبولىمىنىڭ (مەملەكەتتىك كەڭەس اقپارات كەڭسەسى) ورتالىق حۇجات زەرتتەۋ كەڭسەسىمەن، جۇڭگو شەتەل تىلدەرىندەگى كىتاپتاردى باسپادان شىعارۋ، تاراتۋ مەكەمەسىمەن بىرلەسىپ قۇراستىرعان، شەتەل ءتىلى باسپاسى اۋدارىپ، باسپادان شىعارعان <شي جينپيڭ ەل باسقارۋ جونىندە> اتتى كىتاپتىڭ 2 - تومىنىڭ حانزۋ جانە اعىلشىن تىلىندەگى نۇسقاسىنىڭ تۇتاس جەر شارىنداعى تارالىمى 13 ميلليوننان استى».
«شي جينپيڭ ەل باسقارۋ جونىندە» اتتى كىتاپتىڭ 2 - تومى 2017 - جىلى 7 - قاراشادان ب−استاپ تاراتىلعاننان بەرى، حالىقارالىق قوعامنىڭ جاپپاي نازارىن اۋدارىپ، تۇتاس جەر شارىندا كۇشتى اڭىس قوزعاپ، رەفورما جاساپ، ەسىك اشقاننان بەرى، جۇڭگونىڭ باسشىلارى شىعارمالارىنىڭ ەل ءىشى - سىرتىنداعى تارالىمىنداعى ەڭ جوعارى رەكوردىن ۇزدىكسىز جاڭالادى. اتاۋلى كىتاپتىڭ حانزۋ ءتىلى ءداستۇرلى جازۋى، فرانسۋز، يسپان، نەمىس، ورىس، جاپون، اراب، پورتۋگال تىلدەرىندەگى نۇسقالارى دا قاۋىرت اۋدارىلىپ، قۇراستىرىلۋدا. 2017 - جىلى 27 - قاراشادان باستاپ جۇڭگو شەتەل تىلدەرىندەگى كىتاپتاردى باسپادان شىعارۋ، تاراتۋ مەكەمەسى 16 مەملەكەتتىڭ عۇزىرلى باسپا ءسوز قۇرىلىمدارىمەن «شي جينپيڭ ەل باسقارۋ جونىندە» اتتى كىتاپتىڭ 2 - تومىن حالىقارالىق سەلبەسىپ اۋدارۋ، باسپادان شىعارۋ ەسكەرتپە حاتىنا قول قويىپ، «شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ حالىقارالىق سەلبەسىپ اۋدارۋ، باسپادان شىعارۋ قىزمەتىن رەسمي باستاعان بولاتىن.
وسى كىتاپقا باس شۋجي شي جينپيڭنىڭ 2014 - جىلى 18 - تامىزدان 2017 - جىلى 29 - قىركۇيەككە دەيىنگى ارالىقتا سويلەگەن سوزدەرى، سۇحباتتارى، لەكسيالارى، بەكىتپەلەرى، قۇتتىقتاۋ حاتتارى سياقتىلار بولىپ 99 ماقالا ەنگىزىلگەن، 17 ارناۋلى تاقىرىپقا بولىنگەن، وندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردە جۇڭگوشا سوتسياليزمگە تاباندى بولۋى مەن ونى دامىتۋىنىڭ ۇلى امالياتى جاندى تۇردە ەستەلىككە الىنعان، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ دامۋ جەلىسى مەن نەگىزگى مازمۇنى شوعىرلى بەينەلەنگەن، جۇڭگو كوممۋنيستىك پارتياسىنىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە، ادامزاتتىڭ بەيبىتشىلىگى مەن دامۋ ىستەرىن جەبەۋگە قوسقان جۇڭگو اقىل - پاراساتى مەن جۇڭگو جوباسى تولىق ايگىلەنگەن.
كۋبا جۇڭگو كىتاپ ورتالىعىن جۇڭگو شەتەل تىلدەرىندەگى كىتاپتاردى باسپادان شىعارۋ، تاراتۋ مەكەمەسى مەن كۋبا مەملەكەتتىك كىتاپحاناسى بىرگە قۇرعان، وندا جۇڭگو باستى تاقىرىبىنداعى كىتاپتار ارقىلى كۋبا وقىرماندارىنا جاندى، شىنايى، كەمەلدى جۇڭگونى ايگىلەۋ ماقسات ەتىلگەن. قۇرىلۋ سالتىندا جۇڭگو شەتەل تىلدەرىندەگى كىتاپتاردى باسپادان شىعارۋ، تاراتۋ مەكەمەسى كۋبا جۇڭگو كىتاپتارى ورتالىعىنا «شي جينپيڭ ەل باسقارۋ جونىندە» اتتى كىتاپتىڭ 1 -، 2 - تومىن، سونداي - اق «كەدەيلىكتەن قۇتىلدىرۋ» سىندى 300 تۇردەن استام، كوپ تىلدەگى كىتاپتاردى تارتۋ ەتتى. بۇل جۇڭگو شەتەل تىلدەرىندەگى كىتاپتاردى باسپادان شىعارۋ، تاراتۋ مەكەمەسىنىڭ لاتىن امەريكاسى وڭىرىندە قۇرعان 2 - جۇڭگو كىتاپ ورتالىعى بولىپ، پولشا، تايلاند، نەپال، شۆەتساريا، پەرۋدەن قالسا، تۇتاس جەر شارىندا قۇرعان 6 - جۇڭگو كىتاپ ورتالىعى سانالادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
