لي پىڭشين اۆتونوميالى رايوننىڭ كاسىپتىك وقۋ - اعارتۋ قىزمەتى ماجىلىسىندە مىنانى باسا دارىپتەدى
2018.02.06 10:36 كەلۋ قاينارى : شينجياڭ گازەتى
تۇتاس رايونداعى كاسىپتىك وقۋ - اعارتۋدى تىڭ ساتىعا كوتەرۋدى تىڭعىلىقتى ىلگەرىلەتۋ كەرەك
اۆتونوميالى رايونىمىز 2 - اقپاندا كاسىپتىك وقۋ - اعارتۋ قىزمەتى ءماجىلىسىن اشتى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ كاسىپتىك وقۋ - اعارتۋ جونىندەگى ماڭىزدى بايىمداۋلارى مەن نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ءمورال ورناتىپ، ادام تاربيەلەۋدى ءتۇبىر ەتىپ، ماسەلەنى جەتەكشى ەتۋدەن جازباي، نازاردى ءالسىز بۋىندارعا شوعىرلاندىرىپ، تۇتاس رايونداعى كاسىپتىك وقۋ - اعارتۋدى تىڭ ساتىعا كوتەرۋدى اناعۇرلىم بەرىك بەكىممەن، اناعۇرلىم ناقتى شارالارمەن تىڭعىلىقتى ىلگەرىلەتۋ كەرەك.
اۆتونوميالى رايوندىق پارتكوم، ۇكىمەت كاسىپتىك وقۋ - اعارتۋدى دامىتۋدى باستان - اياق ورنىقتىلىقتى قورعاۋدىڭ، دامۋدى ىلگەرىلەتۋدىڭ، جۇمىستاندىرۋدى جەبەۋدىڭ، حالىق تۇرمىسىن جاقسارتۋدىڭ ماڭىزدى شاراسى، قىزمەتتەردى كۇشەيتۋ شاراسى ەتىپ، كاسىپتىك وقۋ - اعارتۋدىڭ قارىشتاپ دامۋىن ىلگەرىلەتتى. 2017 - جىلدىڭ اياعىنا دەيىن، تۇتاس رايونداعى ءار دارەجەلى، ءار ءتۇرلى كاسىپتىك مەكتەپتەر 185كە، مەكتەپتەردەگى وقۋشىلار 240 مىڭنان استام ادامعا جەتىپ، قوعامنان ءار جىلى 300 مىڭ ادام تەحنيكالىق شەبەرلىككە تاربيەلەنىپ، كەدەيلىكتەن قۇتىلدىرۋدان قامال الۋعا دەم بەرۋدە، قوعام ورنىقتىلىعىن قورعاۋدا بەلسەندى رول اتقاردى.
لي پىڭشين مىنالاردى اتاپ كورسەتتى: پارتيانىڭ باسشىلىعىنا تاباندى بولۋ − جۇڭگوشا سوتسياليستىك كاسىپتىك وقۋ - اعارتۋدى جاقسى جۇرگىزۋدىڭ ءتۇبىرلى كەپىلى. پارتيانىڭ تۇتاس رايونداعى كاسىپتىك وقۋ - اعارتۋعا بولعان باسشىلىعىنا تاباندى بولىپ جانە ونى كۇشەيتىپ، ساياسي قۇرىلىستى ماڭداي الدى ورىنعا قويىپ، پارتكومنىڭ باسشىلىعىنداعى مەكتەپ باستىعى جاۋاپكەرلىك ءتۇزىمىن جان - جاقتى تياناقتاندىرىپ، كاسىپتىك مەكتەپتەردىڭ باسشىلىق القاسى قۇرىلىسىن شىن مانىندە جاقسارتىپ، كاسىپتىك مەكتەپتەردەگى پارتيا ۇيىمى قۇرىلىسىن جان - جاقتى ىلگەرىلەتىپ، پارتيا تۋىن كاسىپتىك مەكتەپتەر شەبىندە بيىك جەلبىرەتۋ كەرەك.
لي پىڭشين مىنالاردى تالاپ ەتتى: جاڭا داۋىردەگى جاڭا تالاپتار الدىندا، پارتيا 19 - قۇرىلتايىنىڭ رۋحىن ىشكەرىلەي ۇيرەنۋدى، دايەكتىلەندىرۋدى ماڭداي الدى ساياسي مىندەت ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ وقۋ ماتەريالدارىنا، ساباقحانالارعا كىرۋىن، وقىتۋشى - وقۋشىلاردىڭ ساناسىنا ۇيالاۋىن تىڭعىلىقتى ىلگەرىلەتىپ، وقۋشىلاردىڭ ءمورال تاربيەسى قىزمەتىن مىقتى ۇستاپ، كاسىپتىك مەكتەپتەردىڭ يدەيالىق ساياسي قىزمەتىن ۇزدىكسىز كۇشەيتۋ جانە جاقسارتۋ كەرەك. تۇلعالىق جاۋاپكەرلىكتى كۇشەيتىپ، «باتىل ءۇن قاتىپ، ايقىن پوزيتسيا ءبىلدىرۋ»، «ۇشكە كىرۋ، ەكىمەن بايلانىس ورناتۋ، بىرمەن دوستاسۋ» سياقتى قيمىلداردى ىشكەرىلەي ىلگەرىلەتىپ، «بەستى جاقسى باسقارۋدى» جۇزەگە اسىرىپ، پارتيانىڭ كاسىپتىك وقۋ - اعارتۋدىڭ يدەولوگيا قىزمەتىنە بولعان باسشىلىق ۇقىعىن مىقتاپ يگەرۋ كەرەك. جۇمىستاندىرۋدى، شارۋاشىلىق قۇرۋدى جەتەكشى ەتۋدەن جازباي، وڭىرلىك ورنالاسۋ مەن ماماندىق سەپتەۋدى كۇش سالا جاقسارتىپ، كاسىپ پەن وقۋ - اعارتۋدىڭ توعىسۋىن تەرەڭدەتىپ، مەملەكەتتە ورتاق قولدانىلاتىن ءتىل - جازۋدان ساباق بەرۋدى جالپىلاستىرىپ، مەكتەپ باسقارۋدى كەمەلدەندىرىپ، دامۋ ارناسىن ىركىلىسسىزدەندىرىپ، تۇتاس رايونداعى كاسىپتىك وقۋ - اعارتۋدىڭ وقىتۋ ساپاسىن شىن مانىندە كۇشەيتۋ كەرەك. ساياسي ونەگەنى كورنەكتىلەندىرىپ، كاسىپتىك ورەنى جوعارىلاتىپ، وقىتۋشى بايلىعى قۇرىلىمىن ساپالىلاندىرىپ، ادال، سەنىمدى، ساپالى، ىسىلعان وقىتۋشى بايلىعى قوسىنىن تۇلعالاۋ كەرەك. تۇتاس رايونداعى كاسىپتىك وقۋ - اعارتۋدى ۇيىمداستىرۋدى جانە وعان باسشىلىق ەتۋدى شىن مانىندە كۇشەيتىپ، پارتيانىڭ وقۋ - اعارتۋ باعىت - ساياساتتارىنىڭ تياناقتانۋىن جان - جاقتى ىلگەرىلەتۋ كەرەك.
اۆتونوميالى رايوننىڭ باسشىلارىنان مانەن زەينەل ۇلى، رىن حۋا، يىلحام سابىر ماجىلىسكە قاتىناستى. ءماجىلىس بەينە - ەكران فورماسىندا اشىلىپ، اۆتونوميالى رايونداعى قاتىستى تاراۋلاردىڭ باسشىلارى، ايماق، وبلىس، قالالاردىڭ باسشىلارى، ءار دارەجەلى، ءار ءتۇرلى كاسىپتىك مەكتەپتەردىڭ باسشىلارى، كاسىپ سالاسىنىڭ، كاسىپورىنداردىڭ ۋاكىلدەرى قاتارلىلار ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
