جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتى ءۇشىنشى جالپى ءماجىلىسىنىڭ مازمۇنداماسى
2018.02.06 10:37 كەلۋ قاينارى : شينجياڭ گازەتى
(ج ك پ شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە 2018 - جىلى 3 - اقپاندا ماقۇلداندى)
جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسى 2018 - جىلى 2 -، 3 - اقپان كۇندەرى ۇرىمجىدە وتكىزىلدى. بۇل رەتكى ماجىلىسكە اۆتونوميالى رايوندىق ءتارتىپ تەكسەرۋ كوميتەتىنىڭ 37 مۇشەسى قاتىناستى، 176 ادام سىرتتاي قاتىناستى.
شينجياڭ ۇيعۇر اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ماجىلىسكە قاتىناستى جانە ءسوز سويلەدى. اۆتونوميالى رايون باسشىلارىنان شوكىرات زاكىر، نۇرلان ءابىلماجىن ۇلى، سۇن جينلۇڭ، لي پىڭشين، شۇي حايرۇڭ، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، جاڭ چۇنلين قاتارلى جولداستار ماجىلىسكە قاتىناستى.
جالپى ءماجىلىستى اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ج ك پ 19 - كەزەكتى ورتالىق ءتارتىپ تەكسەرۋ كوميتەتى ەكىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنىپ، دايەكتىلەندىرىپ، 2017 - جىلعى ءتارتىپ تەكسەرۋ، باقىلاۋ - تەكسەرۋ قىزمەتىنە ايالداپ جانە ونى قورىتىندىلاپ، 2018 - جىلعى مىندەتتەردى اقىلداسىپ ورنالاستىردى، لو دۇڭچۋان جولداستىڭ اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتى اتىنان جاساعان «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن تاباندىلىقپەن، مىزعىماي ىلگەرىلەتەيىك» دەگەن تاقىرىپتاعى قىزمەت بايانداماسىن قارادى، ماقۇلدادى.
جالپى ءماجىلىس باس شۋجي شي جينپيڭنىڭ ج ك پ 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەندى، تەرەڭ ۇعىندى. ءبىر اۋىزدان بىلاي دەپ قارادى: باس شۋجي شي جينپيڭنىڭ ماڭىزدى ءسوزى بيىكتەن الىسقا كوز جىبەرىپ، امانشىلىقتا جامانشىلىقتى دا ويلادى، ماڭىزدى ءسوزدىڭ ءمان - مازمۇنى باي بولدى، تالماۋ تۇستاردى ءداپ باستى، بەرىك سەنىمدى، ايقىن حالىقتىق تۇرعىنى، قايىسپاس قايسارلىق قاسيەتتى، كۇشتى تاريحي جاۋاپكەرشىلىكتى تولىق ايگىلەپ، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى وزگەرتپەيتىن، مۇراتىنان تايمايتىن، وزىنە توڭكەرىس جاسايتىن، قايراتتانا العا ۇمتىلاتىن ساياسي قاسيەتى مەن توڭكەرىستىك رۋحىن تەرەڭدەي ءتۇسىندىرىپ بەردى، ماڭىزدى ءسوز جاڭا داۋىردە پارتيانى جاپپاي قاتاڭ جونگە سالۋدى ىلگەرىلەتۋدىڭ يدەيالىق قارۋى، ارەكەت باعدارناماسى، ءتۇبىرلى نەگىزى جانە باعدارنامالىق حۇجاتى. باس شۋجيدىڭ پارتيانى جاپپاي قاتاڭ جونگە سالۋ ستراتەگيالىق ورنالاستىرۋى جونىندەگى تەرەڭ بايىمداۋلارىن، پارتيانى جاپپاي قاتاڭ جونگە سالۋدىڭ ماڭىزدى تاجىريبەلەرى جونىندەگى عىلمي قورىتىندىسىن، پارتيانى جاپپاي قاتاڭ جونگە سالۋدا، ءسوز جوق، العان بەتتەن قايتپاۋ، ودان تيتتەي دە بۇلجىماۋ جونىندەگى ماڭىزدى نۇسقاۋىن، تاعى دا تىڭ ساپارعا اتتانىپ، ماڭگى جالعاستىرا بەرەتىن تاباندىلىقپەن پارتيانى جاپپاي قاتاڭ جونگە سالۋدى تەرەڭدەتە ءتۇسۋ جونىندەگى شەشىمدەرى مەن ورنالاستىرۋلارىن مىقتى يگەرىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل، پارمەندى تۇردە بىرلىككە كەلتىرىپ، ءسوزدى مۇقيات ۇيرەنىپ، ءتۇسىنىپ، ناقتى ءمانىن ءدال يگەرىپ، جاپپاي دايەكتىلەندىرىپ، تياناقتاندىرىپ، پارتيانى جاپپاي قاتاڭ جونگە سالۋدىڭ جاۋاپكەرشىلىك سەزىمى مەن كوكەي تەستىلىك سەزىمىن ونان ارى كۇشەيتۋ كەرەك.
جالپى ءماجىلىس وتكەن ءبىر جىلداعى قىزمەتتەر مەن اسەرلەردى قورىتىندىلاپ، مىنانى باسا دارىپتەدى: ءسوز جوق، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا ستيلى، پاكتىك قۇرىلىسى مەن ءىرىپ - شىرۋگە قارسى تۇرۋ كۇرەسىندە ءارقاشان دۇرىس باعىتپەن العا باسۋعا كەپىلدىك ەتۋ؛ ءسوز جوق، «4 تانىمدى» بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ؛ ءسوز جوق، نازاردى قاشاندا قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرا وتىرىپ، پارتيا ستيلى، پاكتىك قۇرىلىسى مەن ءىرىپ - شىرۋگە قارسى تۇرۋ كۇرەسىن جوسپارلاۋ جانە ىلگەرىلەتۋ؛ ءسوز جوق، حالىقتى وزەك ەتكەن دامۋ يدەياسىنا تاباندى بولىپ، بۇقارانىڭ اڭىسى ەڭ كۇشتى بولعان كورنەكتى ماسەلەلەردى جونگە سالۋدى قىزمەتتىڭ تۇراقتى كۇيى ەتۋ؛ ءسوز جوق، ماڭگى جالعاستىرا بەرەتىن شىدامدىلىقپەن جانە تاباندىلىقپەن پارتيانى جاپپاي قاتاڭ جونگە سالۋدىڭ ىشكەرىلەي دامۋىن ءبىر ءسات تە كىدىرمەي ىلگەرىلەتۋ كەرەك.
جالپى ءماجىلىس مىنالاردى باسا دارىپتەدى: 2018 - جىل − پارتيا 19 - قۇرىلتايىنىڭ رۋحىن دايەكتىلەندىرەتىن العاشقى جىل، رەفورما جاساپ، ەسىك اشۋدىڭ 40 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، «13 - بەسجىلدىق» جوسپاردىڭ اتقارىلۋىندا الدىڭعىنى كەيىنگىگە جالعاۋدىڭ شەشۋشى جىلى، سوندىقتان ءتارتىپ تەكسەرۋ، باقىلاۋ - تەكسەرۋ قىزمەتىن ويداعىداي ىستەۋدىڭ ماڭىزى زور. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ ستراتەگيالىق ورنالاستىرۋلارىن دايەكتىلەندىرۋ، تياناقتاندىرۋ، «4 تانىمدى» كۇشەيتىپ، «4 سەنىمدى» بەكەمدەۋ، پارتيا ۋستاۆى مەن نەگىزگى زاڭ جۇكتەگەن قىزمەت مىندەتتەرىن ادال اتقارۋ، ج ك پ 19 - كەزەكتى ورتالىق ءتارتىپ تەكسەرۋ كوميتەتى ەكىنشى جالپى ءماجىلىسىنىڭ رۋحىن مۇقيات ۇيرەنۋ، دايەكتىلەندىرۋ، پارتيانىڭ جان - جاقتى باسشىلىعىنا تاباندى بولۋدى جانە ونى كۇشەيتۋدى تىعىز ارقاۋ ەتىپ، باس شۋجي شي جينپيڭنىڭ پارتيا ورتالىق كوميتەتىندەگى جانە بۇكىل پارتياداعى ۇيتقىلىق ورنىن قورعاۋدى تىعىز ارقاۋ ەتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدى تىعىز ارقاۋ ەتىپ، قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋدى تىعىز ارقاۋ ەتىپ، پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، پارتيانىڭ ساياسي قۇرىلىسىن ءبىر تۇتاس جەتەكشى ەتىپ، «پارتيانىڭ ءتۇرلى قۇرىلىستارىن جاپپاي ىلگەرىلەتۋ، پارتيانى جاپپاي قاتاڭ جونگە سالۋ ماسەلەسىندە ەشقانداي ەرەكشەلەنۋگە بولمايدى» دەيتىن يدەيانى بەرىك ورناتىپ، ءبىر قولمەن بولشەكتەۋشىلىككە قارسى كۇرەستى مىقتى ۇستاپ، ءبىر قولمەن پارتيا ستيلى، پاكتىك قۇرىلىسى مەن ءىرىپ - شىرۋگە قارسى كۇرەستى مىقتى ۇستاپ، پارتيا ۋستاۆىنىڭ اتقارىلۋى مەن پارتيا 19 - قۇرىلتايى رۋحىنىڭ دايەكتىلەنۋ، تياناقتانۋ احۋالىن باقىلاپ، تەكسەرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ، اسىرەسە، باس نىسانانىڭ تياناقتانۋ احۋالىن باقىلاپ، تەكسەرىپ، مەملەكەتتىك باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، مىزعىماس تاباندىلىقپەن ستيلدى دۇرىستاپ، ءتارتىپتى قاتايتىپ، ءىرىپ - شىرۋگە قارسى تۇرىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتىپ، سالتى دۇرىس، ستيلى پاك ساياسي ەكولوگيا قالىپتاستىرىپ، ادال، كىرشىكسىز، جاۋاپكەرشىلىك ارقالايتىن ءتارتىپ تەكسەرۋ، باقىلاۋ - تەكسەرۋ قوسىنىن سومداپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ ءۇشىن پارمەندى كەپىل ازىرلەۋ كەرەك.
ءبىرىنشى، پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرۋدى، تياناقتاندىرۋدى ماڭداي الدى ساياسي مىندەت ەتىپ، پارتيا ۋستاۆى جۇكتەگەن ساياسي جاۋاپكەرشىلىكتى ادال اتقارۋ. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ رۋحىن جەتە ۇيرەنىپ، جەتە يگەرىپ، شىنايى تياناقتاندىرىپ، ساياسي سەنىمنىڭ وزگەرمەۋىنە، ساياسي تۇرعىنىڭ مىزعىماۋىنا، ساياسي باعداردىڭ قيىس كەتپەۋىنە كەپىلدىك ەتۋ كەرەك. پارتيا ۋستاۆىن قاستەرلەۋگە، بەلگىلەمە بويىنشا قىزمەت مىندەتىن اتقارۋعا تاباندى بولىپ، پارتيا ۋستاۆىنىڭ بەلگىلەمەلەرىن ءتارتىپ تەكسەرۋ، باقىلاۋ - تەكسەرۋ قىزمەتىندە ناقتى، مول، جاندى تياناقتاندىرۋ كەرەك.
ەكىنشى، پارتيانىڭ ساياسي قۇرىلىسىن ماڭداي الدى ورىنعا قويىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ. باس شۋجي شي جينپيڭنىڭ ۇيتقىلىق ورنىن باستاماشىلدىقپەن قورعاپ، «ج ك پ ورتالىق كوميتەتى ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ جانە قورعاۋ جونىندەگى بەلگىلەمەلەرىنىڭ» رۋحىن باستاماشىلدىقپەن دايەكتىلەندىرىپ، ساياسي ءتارتىپ پەن ساياسي قاعيدانى باستاماشىلدىقپەن قورعاپ، پارتيانىڭ ىشكى ساياسي تۇرمىسىن قاتايتىپ، پارتيانىڭ ىشكى ساياسي ەكولوگيالىق قۇرىلىسىن كۇشەيتۋ كەرەك.
ءۇشىنشى، پارتيانىڭ ءتارتىپ قۇرىلىسىن جاپپاي كۇشەيتىپ، ساياسي ءتارتىپتى، اسىرەسە، بولشەكتەۋشىلىككە قارسى كۇرەس ءتارتىبىن قاتايتۋ. ساياسي ءتارتىپ، اسىرەسە، بولشەكتەۋشىلىككە قارسى كۇرەس ءتارتىبى تاربيەسىن كۇشەيتىپ، پارتيالى كادرلاردىڭ ماڭىزدى پرينسيپتىك ماسەلەلەردە تۋى ايقىن، تۇرعىسى بەرىك، تانىمى بىرلىككە كەلگەن، ءىشى - سىرتى بىردەي، پوزيتسياسى باتىل، اياق الىسى بىركەلكى بولۋىنا مۇمكىندىك جاساپ، ساياسي تارتىپكە قايشىلىق جاساۋدى، اسىرەسە، لاڭكەستىككە قارسى تۇرىپ، ورنىقتىلىقتى قورعاۋدا، بولشەكتەۋشىلىككە قارسى تۇرۋ كۇرەسىندە «ەكىبەتكەي» بولۋ ماسەلەسىن ءتارتىپ اتقارۋدىڭ، باقىلاۋدىڭ، قاراۋ - تەكسەرۋدىڭ ماڭىزدى ءتۇيىنى ەتۋ كەرەك.
ءتورتىنشى، مەملەكەتتىك باقىلاۋ - تەكسەرۋ ءتۇزىلىسى رەفورماسىن تۇيىندە سىناق ەتۋ قىزمەتىن تىڭعىلىقتى، ءتارتىپتى ىلگەرىلەتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ ناقتى تياناقتانۋىنا كەپىلدىك ەتۋ. ءار دارەجەلى پارتكومدار سۋبيەكتيۆ جاۋاپكەرشىلىكتى سانالى تۇردە ارقالاۋ، پارتكوم شۋجيى «قۇرىلىس جۇرگىزۋ اترەتىنىڭ باستىعىندىق» مىندەتىن ويداعىداي اتقارۋ؛ ءتارتىپ تەكسەرۋ كوميتەتى ارناۋلى جاۋاپكەرشىلىك ارقالاپ، مىندەتتەردىڭ تياناقتانۋىن ىلگەرىلەتۋ كەرەك. ءار دارەجەلى باقىلاۋ - تەكسەرۋ كوميتەتتەرى دەرەۋ زاڭ بويىنشا قىزمەت ورىستەتىپ، جۇيەلى، جوعارى ءونىمدى جۇمىس مەحانيزمىن ورناتۋ كەرەك. پارتيا ءىرىپ - شىرۋگە قارسى تۇرۋعا باسشىلىق ەتەتىن قىزمەت ءتۇزىلىسىن، شەشىم قابىلداۋ مەحانيزمىن جانە اتقارۋ شارالارىن كەمەلدەندىرىپ، اقاۋسىزداندىرىپ، پارتيا ىشىندەگى باقىلاۋدى مەملەكەت ورگاندارىنىڭ باقىلاۋىمەن، دەموكراتيالىق باقىلاۋمەن، ءادىليالىق باقىلاۋمەن، بۇقارالىق باقىلاۋمەن، قوعامدىق پىكىردىڭ باقىلاۋىمەن ساباقتاستىرىپ، باقىلاۋدىڭ بىرىككەن كۇشىن نىعايتۋ كەرەك.
بەسىنشى، ماسەلەلەردى بايقاۋعا، سەس قالىپتاستىرۋعا تاباندى بولىپ، شارلاۋ سىندى الماس قىلىشتىڭ رولىن ونان ارى كورنەكتىلەندىرۋ. ساياسي شارلاۋدىڭ، شارلاپ تەكسەرۋدىڭ ورنىن مىقتى يگەرىپ، ءادىس - تاسىلگە جاڭالىق ەنگىزىپ، شارلاۋ، شارلاپ تەكسەرۋ ساپاسىن جوعارىلاتىپ، دەر كەزىندە «قايىرىلا قاراۋ»، «قايتا تەكسەرۋ» ورىستەتىپ، سەس كورسەتۋدى ۇزدىكسىز كۇشەيتۋ كەرەك. شارلاۋ، شارلاۋ - تەكسەرۋ ناتيجەسىنەن ويداعىداي پايدالانىپ، رەتتەۋ - تۇزەتۋدى، قۋزاۋ - تەكسەرۋدى كۇشەيتىپ، شارلاۋدان، شارلاپ تەكسەرۋدەن بايقالعان ماسەلەلەردى ءبىر - بىردەن رەتتەۋ، تۇزەتۋ، ءبىر - بىردەن تياناقتاندىرۋ كەرەك.
التىنشى، ستيل قۇرىلىسىن تىنباي كۇشەيتىپ، كادرلار ستيلىندە تۇبەگەيلى بۇرىلىس جاساۋدى ىلگەرىلەتۋ. ورتالىقتىڭ «8 ءتۇرلى بەلگىلەمەسىنىڭ» جانە «8 ءتۇرلى بەلگىلەمەنى» اتقارۋدى دايەكتىلەندىرۋ، تياناقتاندىرۋ ناقتى ەرەجەسىنىڭ رۋحىنىڭ، اۆتونوميالى رايوندىق پارتكومنىڭ اتقارۋ ءادىسىنىڭ تياناقتانۋ احۋالىنا باقىلاۋ - تەكسەرۋ جۇرگىزۋدى كۇشەيتىپ، راقاتقۇمارلىق، ىسىراپشىلدىق ستيلىنىڭ قايتا باس كوتەرۋىنەن قاتاڭ ساقتانىپ، فورماشىلدىقتىڭ، تورەشىلدىكتىڭ «10 ءتۇرلى بەينەسىن» تۇزەتۋ، جونگە سالۋ كەرەك. نازاردى باس نىساناعا شوعىرلاندىرىپ، بۇقارالىق قىزمەتكە قۋزاۋ - جەتەكشىلىك ەتۋدى ۇزدىكسىز تەرەڭدەتىپ، «4 بۇرىس ستيل»، «4 تەرىس پيعىلدى»، سونداي - اق بۇقارانىڭ جانىندا تۋىلعان ءىرىپ - ءشىرۋ جانە ستيل ماسەلەلەرىن، اسىرەسە، پارتيالى كادرلار مەن مەملەكەت قىزمەتكەرلەرىنىڭ سۇرقيا كۇشتەردى قورعاشتاۋى، ولاردى ىرقىنا جىبەرۋى، ءتىپتى، ولاردىڭ «قورعاۋشى قالقانى» بولۋى ماسەلەلەرىن قۋزاۋ - جەتەكشىلىك ەتۋدىڭ ماڭىزدى ءتۇيىنى ەتۋ؛ ءار دارەجەلى پارتكومداردى، ءتارتىپ تەكسەرۋ كوميتەتتەرىن قۋزاۋ - جەتەكشىلىك ەتۋدەگى سۋبيەكتيۆ جاۋاپكەرشىلىك پەن باقىلاۋ جاۋاپكەرشىلىگىن شىنايى ارقالاۋعا قۋزاۋ كەرەك.
جەتىنشى، ماسەلەلەردىڭ ساقتالعان قورىن ازايتۋعا، ارتقان مولشەرىن تەجەۋگە تاباندى بولىپ، ءىرىپ - شىرۋگە قارسى تۇرۋ كۇرەسىنىڭ باسىم كۇيىن ونان ارى بەكەمدەۋ. ءىرىپ - ءشىرۋدى جازالاۋدىڭ تەگەۋرىندى كۇيىن ءارقاشان ساقتاپ، شەكتەلگەن رايون بولماۋعا، جاپپاي قامتۋعا، نولدىك توزىمدىلىككە تاباندى بولىپ، تەجەۋگە ءمان بەرۋگە، تەگەۋرىندى كۇشەيتۋگە، ۇزاق ۋاقىت سەس كورسەتۋگە تاباندى بولىپ، پارا العاندار مەن پارا بەرگەندەردى بىرگە تەكسەرۋگە تاباندى بولىپ، ساياسي، ۇيىمدىق، كىرشىكسىزدىك تارتىبىنە قاتىستى دەرەكتەردى، ءسوز جوق، اداقتاۋعا، ءسوز جوق، تەكسەرۋگە تاباندى بولىپ، «3 ءتۇرلى ادامدى» ءتۇيىندى تۇردە تەكسەرۋ، ءبىر جاقتى ەتۋ كەرەك. باقىلاۋدىڭ، ءتارتىپ اتقارۋدىڭ «4 ءتۇرلى فورماتسياسىن» ىشكەرىلەي قولدانۋدى، ەرتە بايقاۋ جاعىن تەرەڭدەتۋگە، تۇرگە ءبولىپ ءبىر جاقتى ەتۋدى تەرەڭدەتۋگە، 1 - ءتۇرلى فورماتسيادان ويداعىداي پايدالانۋدى تەرەڭدەتۋگە كۇش سالۋ كەرەك. ءىرىپ - شىرۋگە قارسى تۇرۋدى سايكەستىرۋ گرۋپپاسىنىڭ فۋنكتسيالىق رولىن ساۋلەلەندىرىپ، «اسپان تورى ارەكەتىن» ۇزدىكسىز ىلگەرىلەتۋ كەرەك. ۇستىنەن وڭاۋ مەن تۇبىرىنەن وڭاۋدى قاتار يگەرۋدى تەرەڭدەتىپ، ءىرىپ - شىرۋگە جىبەرمەيتىن ءتۇزىم تورىن ونان ارى مىقتاپ توقىپ، ءىرىپ - ءشىرۋدى ويعا الدىرمايتىن يدەيالىق سانالىلىقتى كۇشەيتۋ كەرەك.
سەگىزىنشى، كەدەيلەردى سۇيەمەلدەۋ سالاسىنداعى ءىرىپ - ءشىرۋ جانە ستيل ماسەلەسىن ارناۋلى جونگە سالۋدى تىڭعىلىقتى ورىستەتىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتۋگە ءتارتىپ جانە ستيل كەپىلىن ازىرلەۋ. كەدەي اۋدان، قالالاردىڭ، اسىرەسە، اۋىر كەدەي اۋدان، قالالاردىڭ ساياساتتاردى تياناقتاندىرۋ، نىسان ورنالاستىرۋ، قارجىلاردى پايدالانۋ سياقتى جاقتارداعى ماسەلەلەرىنە دالمە - ءدال باقىلاۋ جۇرگىزىپ، قىزمەت اتقارماۋ، قىزمەتتە جاۋاپكەرسىزدىك ىستەۋ جانە ءتارتىپ بۇزۋ، زاڭ بۇزۋ ارەكەتتەرىن قاتاڭ تەكسەرىپ، ءبىر جاقتى ەتۋ كەرەك. ءتۇزىلىس - مەحانيزمدەردى كەمەلدەندىرىپ، اقاۋسىزداندىرىپ، كەدەي اۋدانداردىڭ ءتارتىپ تەكسەرۋ كوميتەتى شۋجيلارىنىڭ كەزەكتى ماجىلىستەرىن اشىپ، كەدەي اۋدانداردىڭ ءتارتىپ تەكسەرۋ كوميتەتتەرىنىڭ كەدەيلەردى سۇيەمەلدەۋ سالاسىنداعى ماسەلەلەردى تەكسەرىپ ءبىر جاقتى ەتۋ احۋالىن ماۋسىم سايىن حابارلاندىرىپ، ماڭىزدى ماسەلە دەرەكتەرىن تىكەلەي تەكسەرىپ، ءبىر جاقتى ەتىپ، جاۋاپقا تارتۋ، جاۋاپكەرشىلىگىن قۋزاستىرۋ، حابارلاندىرۋ شىعارىپ، گازەتكە جاريالاۋ تۇزىمىنە تاباندى بولۋ كەرەك.
توعىزىنشى، جاۋاپكەرشىلىك قىسىمىن جەتكىزۋدى كۇشەيتىپ، پارتيانى جاپپاي قاتاڭ جونگە سالۋدىڭ ساياسي جاۋاپكەرشىلىگىنىڭ ءونىمدى تياناقتانۋىن ىلگەرىلەتۋ. «جاۋاپكەرشىلىك» دەگەن ءسوزدى مىقتى يگەرىپ، «جاۋاپقا تارتۋ» سىندى تالماۋ تۇستى مىقتى ۇستاپ، «3 ءتۇرلى قيان - كەسكى شايقاستى» ويداعىداي جۇرگىزۋدى ءتۇيىندى تۇردە ارقاۋ ەتىپ، پارتيا ۇيىمدارىنىڭ پارتيانى جاپپاي قاتاڭ جونگە سالۋ جاۋاپكەرشىلىگىن اتقارۋ احۋالى جونىندەگى باقىلاۋ - تەكسەرۋدى كۇشەيتىپ، باتىلدىقپەن جاۋاپقا تارتۋ، حابارلاندىرۋ شىعارىپ، جاريا ەتۋ كەرەك. جوعارى دارەجەلى ءتارتىپ تەكسەرۋ كوميتەتىنىڭ تومەن دارەجەلى ءتارتىپ تەكسەرۋ كوميتتەرىنە باسشىلىعىن كەمەلدەندىرىپ جانە كۇشەيتىپ، نۇسقاۋ سۇراۋ، مالىمدەۋ ءتۇزىمىن قاتايتىپ، اياق الىستىڭ بىركەلكى بولۋىنا، بۇيرىق - تيىمداردىڭ ورىندالۋىنا كەپىلدىك ەتۋ كەرەك.
ونىنشى، ادال، كىرشىكسىز بولىپ، جاۋاپكەرشىلىك ارقالاپ، تەمىر سوعۋ ءۇشىن، ءسوز جوق، قۇرىش بولۋ. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەسىن مۇقيات ورىستەتىپ، قاشاندا ادال، تاباندى بولىپ، جاۋاپكەرشىلىك ارقالاپ، مىندەتتى ادا ەتىپ، تارتىپكە، زاڭعا بويسۇنىپ، پاك، كىرشىكسىز بولىپ، پارتيا مەن حالىق جۇكتەگەن بيلىكتى الباتى پايدالانباۋعا، سۇرقيالىقتى جازالاپ، ىزگىلىكتى اسقاقتاتۋدىڭ الماس قىلىشىن ماڭگى شاڭ باسپاۋعا كەپىلدىك ەتۋ كەرەك.
ءماجىلىس ج ك پ شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتىنىڭ ابىليميت ابىلەتتىڭ تارتىپكە اۋىر دارەجەدە قايشىلىق جاساۋ ماسەلەسى جونىندەگى تەكسەرۋ بايانداماسىن قارادى جانە ماقۇلدادى، ج ك پ شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتىنىڭ وسىنىڭ الدىندا شىعارعان ابىليميت ابىلەتكە پارتيادان شىعارۋ جازاسىن بەرۋ تۋرالى ۇيعارىمىن بەكىتتى.
جالپى ءماجىلىس مىنانى ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، ورتالىق ءتارتىپ تەكسەرۋ كوميتەتىنىڭ تىكەلەي باسشىلىعىندا، اۆتونوميالى رايوندىق پارتكومنىڭ باسشىلىعىندا، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرشىلىكتى باتىل ارقالاپ، قايراتتانا ءىس تىندىرىپ، پارتيانى جاپپاي قاتاڭ جونگە سالۋدى مىزعىماي ىلگەرىلەتىپ، ءىرىپ - شىرۋگە قارسى تۇرۋ كۇرەسىنىڭ باسىم كۇيىن بەكەمدەپ جانە دامىتىپ، سالتى دۇرىس، ستيلى پاك تاماشا ساياسي ەكولوگيا قالىپتاستىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋ ءۇشىن، جاڭا دا اناعۇرلىم زور ۇلەس قوسۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
