جاڭا قونىستا جاڭا ارمانعا تالپىندى
2018.02.08 14:23 كەلۋ قاينارى : شينجياڭ گازەتى
− ۇلىقشات اۋدانىنىڭ مالشىسى ساداتتىڭ جاڭا تۇرمىسى
ءتىلشىمىز بارشا تەگىس قىزى
5 - اقپاندا ءۇرىمجى قالاسى تيانشان رايونى جەڭىس جولى اۋماعى باسقارۋ كوميتەتىنە قاراستى نانلياڭ، حۋيۋان باتىس، جەڭىس جولى الەۋمەتتىك اۋماقتارى مەن الەۋمەتتىك اۋماقتاردا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتتەرى «ايشياڭداۋ» تۇتىنۋ تۇعىرىمەن بىرلەسىپ، قاراستى اۋماقتاعى 50 تازالىق جۇمىسشىسىن رەستوراندا تاماقتانۋعا شاقىرىپ، ولاردى كوكتەم مەرەكەسى بايلانىسىمەن قۇتتىقتادى. سۋرەتتە: الەۋمەتتىك اۋماق قىزمەتكەرى تازالىق جۇمىسشىلارىنان حال سۇراۋدا. سۋرەتتى ءتىلشىمىز تاڭ يۇڭ تۇسىرگەن
1 - اقپاندا ۇلىقشات اۋدانىندا تاعى دا قار جاۋدى. قالىڭ قار، شاقىلداعان اياز ساداتتىڭ جۇڭگو - قىرعىزستان ساۋدا كوشەسىندەگى جۇمىسىنا بارۋىنا كەدەرگى كەلتىرە المادى. دۇكەندى ۋاعىندا اشىپ، قاردى سىپىرىپ، سورەدەگى زاتتاردى رەتتەپ، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنەدى، سادات ءار ىسكە وتە مۇقيات - اق.
كۇلگىن ءتۇستى مامىق شاپان تەرى توننىڭ، كوز تارتاتىن اسەم كەستەلى تاقيا تۇلكى تىماقتىڭ، سەنسورلى ەكرانى بار قول تەلەفون ەسكى ۇيالى تەلەفوننىڭ ورنىن باسقان، قول تەلەفونداعى ۋيچات، اليپاي ارقىلى الارماندار تولەگەن كەپىلاقى مەن اقشانى تاپسىرىپ الادى. بۇل وزگەرىستەرگە كەيدە ءتىپتى ساداتتىڭ ءوزى دە سەنىڭكىرەمەيدى.
ساداتتى جۇمىسقا العان دۇكەننىڭ قوجايىنى قىرعىزستاندىق، اتى - ءجونى نۇرميلا ارىستانبەك، 2016 - جىلى ساداتتىڭ كورشىسىنىڭ ءۇيىن جالعا الادى، بىرتە - بىرتە سادات ەكەۋى تەرەڭدەي تانىسادى. ساۋدانىڭ كۇسەت كەزدەرىندە سادات نۇرميلانىڭ بالاسىن قاراسىپ، دۇكەنگە تاماق جەتكىزىپ بەرىپ جۇرەدى. ساداتتىڭ تاۋدان كوشىپ، ەتەككە تۇسكەننەن بەرى جۇمىسقا تۇرا الماعانىن بىلگەن نۇرميلا، ونى دۇكەنشىلىككە قابىلدايدى.
«سادات وتە ەڭبەكقور، جۇمىس بابىمەن قىرعىزستانعا قايتسام نەمەسە زات اكەلۋگە كەتسەم، ەش الاڭدامايمىن»، - دەدى نۇرميلا.
«وسىندا ايىنا 2000 يۋان تابامىن، كۇيەۋىم جۇڭگو - قىرعىزستان ساۋدا كوشەسىندە كۇزەتشى، ايىنا 2000 يۋان تۇراقتى تابىسى بار»، - دەدى سادات رازىلىقپەن.
40 جاستاعى سادات بۇرىن ۇلىقشات اۋدانى ۇلىقشات اۋىلى جويىلعانسۋ قىستاعىندا مال باعاتىن. «ول كەزدە اعاش وتىن جاعاتىنبىز، مالدان تاپقان تابىس ءۇپى - ءتاپى كۇنەلتۋگە ازەر جەتەتىن»، - دەپ ەسكە الادى سادات. 2016 - جىلى مالشىلاردى وتىرىقتاندىرۋ ينجەنەرياسىنىڭ ارقاسىندا، سادات وتباسى اۋدان ورتالىعىنداعى 82 شارشى مەترلىك جاڭا ۇيگە كوشىپ كىرىپ، قالالىقتارشا ءومىر وتكىزە باستايدى. «جاڭا ۇيدە قىس كۇندەرى وتىن جاقپايمىز، جىلۋ، گاز، قۇبىر قۇرىلعىلارى تولىق»، - دەدى سادات ءماز بولىپ.
پامير ۇستىرتىندەگى ۇلىقشات اۋدانى مال شارۋاشىلىعىن نەگىز ەتكەن ۇستىرتتىك مال شارۋاشىلىق اۋدانى، مالشىلاردى وتىرىقتاندىرۋ ينجەنەرياسى اتقارىلعاننان بەرى، ءداستۇرلى كوشپەندىلىك ءتاسىل وسى زامانعى وتىرىقشىلىققا ويىسا باستادى، مالشىلاردىڭ ءوندىرىس تاسىلىندە وزگەرىس جارىققا شىعىپ، تۇرمىس دەڭگەيى ايتارلىقتاي كوتەرىلدى.
«بۇرىن جىلىنا 3 رەت كوشەتىنبىز، كوش جولىنىڭ قيىندىعىن ايتپا، جەركەپە مەن كيىز ۇيدە تۇرامىز، قىستا قاردىڭ سۋىن، جازدا وزەن سۋىن ىشەمىز. قىستاۋلىققا كوشكەندە، سۋدى 10 نەشە كيلومەتر شالعايدان تۇيەگە ارتىپ اكەلەتىنبىز، تۇرمىسىمىز وتە جاپالى بولاتىن. وقۋ، اۋرۋ كورسەتۋ دەگەن ويىمىزعا كىرمەيتىن. مەنىڭ تەگىم مالشى، قالاعا كوشىپ، عيماراتتا وتىراتىنىم ءۇش ۇيىقتاسام تۇسىمە كىرمەگەن، بالالارىم دا اۋدان ورتالىعىندا وقىپ جاتىر، وسىنىڭ ءبارى پارتيانىڭ جاقسى ساياساتىنىڭ ارقاسى»، - دەدى سادات اڭگىمە ورمەگىن تاراتىپ.
سادات وقۋداعى 2 بالاسىنىڭ ناتيجەسى جاقسى ەكەنىن ماقتانىش تۇتادى. «قارشادايىمىزدان مال سوڭىندا جۇردىك تە، وقي المادىق، ەندىگى جەردە قۇلشىنا اقشا تاۋىپ، بالامنىڭ تاماشا ءبىلىم الۋىنا جاعداي جاسايمىن». ورتالاۋدىڭ 1 - جىلدىعىندا وقيتىن ۇلىنىڭ ەڭ جاقسى ورتا مەكتەپكە ءوتۋى ءۇشىن، ول اي سايىنعى تابىسىنىڭ جارتىسىمەن پىسىقتاۋ كلاسىنىڭ اقىسىن تولەيدى ەكەن.
«ادامدا ارمان بولۋى كەرەك». ساداتتىڭ بيىلعى جوسپارى − كۇيەۋىنە كولىك جۇرگىزۋدى ۇيرەتىپ، جەڭىل كولىك ساتىپ الۋعا دايىندالۋ. «شاعىن دۇكەن اشىپ، ءوزىم قوجايىن بولسام دەيمىن». سادات بالاسى ورتا مەكتەپكە وتكەننەن كەيىن، ءوسىمسىز نەسيە الىپ، ءوز ارمانىن ىسكە اسىرماق ويىندا.
«پارتيانىڭ جاقسى ساياساتى بىزدەي مالشىلاردىڭ اۋدان ورتالىعىنان ويىپ ورىن الىپ، تۇراقتى باسپاناعا قولىمىز جەتىپ، كوز ايامىزدىڭ كەڭەيۋىنە مۇمكىندىك جاسادى. تەك پارتياعا ىلەسىپ، ەرىنبەي ەڭبەك ەتە بىلسەك بولعانى، تۇرمىسىمىز بارعان سايىن تۇزەلە بەرمەك». سادات بولاشاققا زور سەنىممەن قاراپ وتىر.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
