شي جينپيڭ پارتيا سىرتىنداعى قايراتكەرلەرمەن اڭگىمەلەسكەندە جانە ولارمەن بىرگە كوكتەم مەرەكەسىن قارسى العاندا كوپ پارتيا سەلبەستىگىندە جاڭا بەينە بولۋى، يدەيالىق ورتاق تانىمدا جاڭا ءوسۋ بولۋى، جاۋاپكەرشىلىكتى ادا ەتۋدە جاڭا ىسكەرلىك بولۋى، ۇكىمەت ىسىنە قاتىسۋشى پارتيادا جاڭا كەلبەت بولۋى كەرەكتىگىن باسا دارىپتەدى
2018.02.08 14:28 كەلۋ قاينارى : شينجياڭ گازەتى
يۇي جىڭشىڭ، ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسكە قاتىناستى
شينحۋا اگەنتتىگىنىڭ 6 - اقپاندا بەيجيڭنەن بەرگەن حابارى. كوكتەم مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - اقپان كۇنى تۇستەن كەيىن حالىق سارايىندا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن اڭگىمە وتكىزدى ءارى ولارمەن بىرگە كوكتەم مەرەكەسىن قارسى الدى. شي جينپيڭ پارتيا ورتالىق كوميتەتى اتىنان، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاڭادان سايلانعان باسشىلىق القالارىنىڭ قۇرامىنداعىلاردى قىزۋ قۇتتىقتادى، دەموكراتيالىق پارتيا - توپتاردان، ساۋدا - ونەركاسىپشىلەر بىرلەستىگىنەن جانە پارتيادا، توپتا جوق قايراتكەرلەردەن، بىرلىكساپتىڭ قالىڭ مۇشەلەرىنەن شىنايى حال سۇرادى جانە كوكتەم مەرەكەسى بايلانىسىمەن ولارعا ىزگى تىلەك ءبىلدىردى. ول بىلاي دەپ باسا دارىپتەدى: جۇڭگوشا سوتسياليزم جاڭا داۋىرگە وتكەندە، كوپ پارتيا سەلبەستىگىندە جاڭا بەينە بولۋى، يدەيالىق ورتاق تانىمدا جاڭا ءوسۋ بولۋى، جاۋاپكەرشىلىكتى ادا ەتۋدە جاڭا ىسكەرلىك بولۋى، ۇكىمەت ىسىنە قاتىسۋشى پارتيادا جاڭا كەلبەت بولۋى كەرەك، قالىڭ مۇشەلەردى جۇڭگو كوممۋنيستىك پارتياسى مەن جۇڭگوشا سوتسياليزم جونىندەگى ساياسي ورتاق تانىمدى ارتتىرۋعا جەتەكتەپ، جاڭا داۋىردەگى كوپ پارتيا سەلبەستىگىندە جالىندى لەپتىڭ جارىققا شىعۋىنا مۇمكىندىك جاساۋ كەرەك.
مەملەكەتتىك ساياسي كەڭەستىڭ ءتوراعاسى يۇي جىڭشىڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسكە قاتىناستى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ى - شياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، «3 - قىركۇيەك» ءىلىمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ ىركەس - تىركەس لەبىز ءبىلدىرىپ، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ ج ك پ ورتالىق كوميتەتىنىڭ شىنايى قامقورلىعى مەن كۇش سالا قولداۋىندا مەملەكەتتىك قۇرىلتايدى ءساتتى اشىپ، كەزەك اۋىستىرۋ قىزمەتىن تابىسپەن ورىنداۋ جاعدايىن، سونداي - اق كەلەسى قادامداعى قىزمەت جوسپارلارىن تانىستىردى. پارتيادا، توپتا جوق قايراتكەرلەردىڭ ۋاكىلى گو لەي دە لەبىز ءبىلدىردى. ولار مىنالاردى ءبىلدىردى: ج ك پ 19 - قۇرىلتايىنىڭ رۋحىن ىشكەرىلەي ۇيرەنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ساياسي توعىسۋدى تەرەڭدەتىپ، وزىندىك قۇرىلىستى كۇشەيتىپ، ج ك پ 19 - قۇرىلتايىندا بەلگىلەنگەن نىسانا - مىندەتتەردى ارقاۋ ەتىپ، ەرەكشەلىكتى، باسىمدىقتى ساۋلەلەندىرىپ، جاۋاپكەرشىلىكتى بەلسەندى تۇردە وتەپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋگە جاڭا، ءتىپتى زور ۇلەستەر قوسامىز.
كوپشىلىكتىڭ لەبىزىن مۇقيات تىڭداعان سوڭ، شي جينپيڭ ماڭىزدى ءسوز سويلەدى. ول مىنانى ءبىلدىردى: از كۇننەن كەيىن، جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسى كەلەدى. وسى ارادا جاڭا، كونە دوستارمەن باس قوسىپ، دوستىقتى اڭگىمەگە تيەك ەتىپ، كوكتەم مەرەكەسىن قارسى الىپ وتىرعانىمىزعا ەرەكشە قۋانىشتىمىن.
شي جينپيڭ بىلاي دەپ باسا دارىپتەدى: 2017 - جىل پارتيا مەن مەملەكەتتىڭ دامۋ بارىسىنداعى بەلەستىك مانگە يە جىل ءارى كوپ پارتيا سەلبەستىگىندە ەلەۋلى جەتىستىككە قول جەتكەن جىل بولدى. دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ج ك پ ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن قورعاپ، زەيىن - زەردە، كۇش - قۋاتتى شوعىرلاندىرۋدا، جالپى جاعدايعا قىزمەت ەتۋدە ەلەۋلى جەتىستىكتەرگە قول جەتكىزدى. كوپشىلىك «<ءبىر بەلدەۋ، ءبىر جول> قۇرىلىسىن ىشكەرىلەي ىلگەرىلەتۋ» جانە «ناقتى ەكونوميكانى كۇش سالا گۇلدەندىرۋ جانە ءوسىرۋ» سياقتى مەملەكەت جوسپارىنا، حالىق تۇرمىسىنا ساياتىن كەلەلى ماسەلەلەر توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، اقىل - كەڭەستەر بەرىپ، 150دەن استام پىكىر جانە ۇسىنىس قويىپ، ج ك پ ورتالىق كوميتەتىنىڭ عىلمي شەشىم جاساۋىنا جانە ءونىمدى شارا اتقارۋىنا ماڭىزدى دايەك ازىرلەدى. جولداستار كەدەيلىكتەن قۇتىلدىرۋدان قامال الۋداعى دەموكراتيالىق باقىلاۋدى ىشكەرىلەي ورىستەتىپ، كەدەيلىكتەن قۇتىلدىرۋدان قامال الۋدىڭ جەڭىسىنە قول جەتكىزۋگە بەلسەندى ۇلەستەر قوستى. دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى مەملەكەتتىك قۇرىلتايلارىن ءساتتى اشىپ، جاڭا كەزەكتى باسشىلىق القالارى مەن باسشىلىق قۇرىلىمدارىن سايلاپ، كوپ پارتيا سەلبەستىگىنىڭ ۇزاق بولاشاقتىق دامۋىنا جاڭا ومىرشەڭدىك كۇش قوستى.
شي جينپيڭ بىلاي دەپ اتاپ كورسەتتى: 2018 - جىل − ج ك پ 19 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدەگى، «13 - بەسجىلدىق» جوباسىن اتقارۋداعى الدىڭعىعا مۇراگەر، كەيىنگىگە بۇيداگەر بولاتىن شەشۋشى جىل. ءبىز ورنىقتىلىق بارىسىندا ىلگەرىلەۋ سىندى قىزمەت جالپى اۋەنىنەن جازباي، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ءار قادامدى نىق باسىپ، قىزمەتتەردى تىڭعىلىقتى ىستەۋىمىز كەرەك. ءبىز رەفورمانى جاپپاي تەرەڭدەتۋدىڭ ناقتى ارەكەتى ارقىلى رەفورما جاساۋ، ەسىك اشۋدىڭ 40 جىلدىعىن تويلاپ، رەفورما جاساۋ، ەسىك اشۋدىڭ داڭعىل جولىمەن ۇزدىكسىز تۇردە ەرلىكپەن العا باسۋىمىز كەرەك.
شي جينپيڭ مىنالاردى باسا دارىپتەدى: ج ك پ 19 - قۇرىلتايىنىڭ رۋحىن ۇيرەنۋ، دايەكتىلەندىرۋ − بۇكىل پارتيانىڭ، بۇكىل ەلدەگى ءار ۇلت حالقىنىڭ باستى ساياسي مىندەتى، سونداي - اق دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ دە باستى ساياسي مىندەتى. سىزدەردىڭ ج ك پ 19 - قۇرىلتايىنىڭ رۋحىن مۇقيات ۇيرەنىپ، ءتۇسىنىپ، يگەرىپ، ناقتىلاندىرىپ، يدەيا مەن ارەكەتتى ج ك پ 19 - قۇرىلتايىنىڭ ماڭىزدى شەشىمدەرىمەن، ورنالاستىرۋىمەن بىرلىككە كەلتىرىپ، «4 تانىمدى» بەرىك ورناتىپ، «4 سەنىمدى» بەكەمدەۋلەرىڭىزدى ءۇمىت ەتەمىن. «سەلبەستىكتىڭ اۋەلگى ماقساتىن ۇمىتپاي، ۇزدىكسىز قول ۇستاسا العا باسايىق» تاقىرىبىنداعى تاربيە قيمىلىن مۇقيات ورىستەتىپ، ج ك پ ورتالىق كوميتەتىنىڭ «1 - مامىر ۇرانىن» جاريالاعانىنىڭ 70 جىلدىعىن ەسكە الۋ قيمىلدارىن ۇيىمداستىرىپ، كوپ پارتيا سەلبەستىگىنىڭ تاريحىن ەسكە ءتۇسىرىپ، تاڭداۋلى ءداستۇردى ساۋلەلەندىرۋ كەرەك.
شي جينپيڭ مىنالاردى اتاپ كورسەتتى: جاڭا ءداۋىر جۇڭگوشا سوتسياليزم كوپ پارتيا سەلبەستىگىن اناعۇرلىم ويداعىداي ساۋلەلەندىرۋگە كەڭ ءورىس ازىرلەدى. سىزدەردىڭ قىزمەت جۇرگىزۋدىڭ وي جۇلگەسى مەن ءتۇيىنىن جاڭا ءداۋىر جۇڭگوشا سوتسياليزمنىڭ ستراتەگيالىق ورنالاستىرۋىمەن بىرلىككە كەلتىرىپ، جالپى جاعدايعا قىزمەت ەتۋ بارىسىندا قىزمەت جاۋاپكەرشىلىگىن وتەۋدىڭ كىرىسۋ نۇكتەسىن ءدال تاۋىپ، ەلەۋلى حاۋىپ - قاتەردەن ساقتانۋدان، كەدەيلىكتەن دالمە - ءدال قۇتىلدىرۋدان، لاستانۋدان ساقتانۋ، ونى وڭاۋدان قامال الۋ شايقاسىن ويداعىداي جۇرگىزۋدى ارقاۋ ەتىپ، ءبىرىنشى شەپكە بويلاپ، تەكسەرۋ - زەرتتەۋ جۇرگىزىپ، ناقتى اقىل - كەڭەس بەرىپ، ج ك پ ورتالىق كوميتەتىنىڭ شەشىم قابىلداۋىنا پايدالى ماتەريال ۇسىنۋلارىڭىزدى ءۇمىت ەتەمىن. كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ تالابى بويىنشا، كەدەيلىكتەن قۇتىلدىرۋدان قامال الۋ جونىندەگى دەموكراتيالىق باقىلاۋدى تىڭعىلىقتى ىلگەرىلەتىپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋگە ۇلەس قوسۋ قاجەت. قالىڭ مۇشەلەردى رەفورما، دامۋ بارىسىندا تاپ بولعان ءتۇرلى قيىنشىلىق پەن ماسەلەگە تۋرا قاراۋعا جەتەكتەپ، قايشىلىقتاردى شەشۋ قىزمەتىن جاقسى ىستەۋگە كومەكتەسىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋگە تاماشا قوعامدىق ورتا ازىرلەۋ قاجەت.
شي جينپيڭ مىنالاردى باسا دارىپتەدى: ءبىر ميلليارد 300 ميلليوننان اسا حالقى بار سوتسياليستىك ءىرى ەلگە باسشىلىق ەتىپ وتىرعان جۇڭگو كوممۋنيستىك پارتياسى ساياسي جاقتا ىسىلۋى ءارى قابىلەتى ۇستەم بولۋى كەرەك. بيلىك جۇرگىزۋ قابىلەتى قۇرىلىسى − جۇڭگو كوممۋنيستىك پارتياسىنىڭ وزىندىك قۇرىلىسىنىڭ ماڭىزدى سالاسى. جولداستار ۇكىمەت ىسىنە قاتىسۋ قىزمەتىن جاقسى ىستەۋ ءۇشىن، قابىلەتتى ۇزدىكسىز كوتەرۋى قاجەت. دەموكراتيالىق پارتيا - توپتاردىڭ يدەيا، ۇيىم، ءتۇزىم، اسىرەسە، باسشىلىق القا قۇرىلىستارىن كۇشەيتىپ، دەموكراتيالىق ورتالىقتاندىرۋ ءتۇزىمىن، دەموكراتيالىق تۇرمىس جيىنى ءتۇزىمىن جانە ءتۇرلى كەڭەسۋ، شەشىم قابىلداۋ تۇزىمدەرىن ورناتىپ جانە جەتىلدىرىپ، القا مۇشەلەرىنىڭ بەرەكە - بىرلىگىن نىعايتىپ، ءار دارەجەلى باسشىلىق القا مۇشەلەرىنىڭ ساياسي مەڭگەرۋ قابىلەتىن، ۇكىمەت ىسىنە ارالاسۋ، ۇكىمەت ىسىنە كەڭەس بەرۋ قابىلەتىن، ۇيىمداستىرۋ، باسشىلىق ەتۋ قابىلەتىن، ىستەستىك جاساسۋ قابىلەتىن، وزىندىك ماسەلەلەردى شەشۋ قابىلەتىن جوعارىلاتىپ، جۇڭگوشا سوتسياليستىك ۇكىمەت ىسىنە ارالاسۋشى پارتيالار قۇرىلىسىن تىڭ دەڭگەيگە كوتەرۋ كەرەك. شي جينپيڭ ساۋدا - ونەركاسىپشىلەر بىرلەستىگىنىڭ وزىندىك قۇرىلىستى كۇشەيتىپ، وكىلدىك قايراتكەرلەردى ويداعىداي تاربيەلەپ، كوپىرلىك، دانەكەرلىك جانە قولعاناتتىق رولدارىن اناعۇرلىم جاقسى ساۋلەلەندىرۋىن ءۇمىت ەتتى.
اڭگىمە ماجىلىستەن كەيىن، شي جينپيڭ قاتارلى پارتيا مەن مەملەكەت باسشىلارى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاڭا - كونە جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن ەستەلىك سۋرەتكە ءتۇستى. اڭگىمە ماجىلىسكە مەملەكەتتىك ساياسي كەڭەستىڭ ورىنباسار ءتوراعالارى دۇڭ جيانحۋا، حى حوۋحۋا، لياڭ جىنيڭ شاقىرۋمەن قاتىناستى.
ديڭ شۋەشياڭ، ليۋ حى، ياڭ شياۋدۋ، چىن شي، گو شىڭكۇن، حۋاڭ كۇنميڭ، يوۋ چۋان، ورتالىق كوميتەتتىڭ قاتىستى تاراۋلارىنداعى جاۋاپتى جولداستار قيمىلعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
