بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

اۋىل - قىستاقتارداعى بۇقاراعا باقىت جولىن اشتى

2018.02.09 10:36     كەلۋ قاينارى : شينجياڭ گازەتى

 − توعىزتاراۋ اۋدانىنىڭ «تورتتە جاقسى اۋىل - قىستاق جولى» قۇرىلىسىن كۇش سالا ىلگەرىلەتكەندىگى جونىندە

  ءتىلشىمىز ليۋ ي

   پارتيا 18 - قۇرىلتايىنان بەرى، باس شۋجي شي جينپيڭ اۋىل - قىستاق تاس جولدارىن دامىتۋ جونىندە تالاي رەت ماڭىزدى نۇسقاۋ بەرىپ، اۋىل - قىستاق تاس جولدارىن ويداعىداي سالۋدى، ويداعىداي باسقارۋدى، ويداعىداي قورعاۋدى، ويداعىداي ىسكە قوسۋدى تالاپ ەتىپ، اۋىل - قىستاق تاس جولدارىنىڭ قالىڭ شارۋالاردىڭ كەدەيلىكتەن قۇتىلىپ، اۋقاتتانىپ، دوڭگەلەك داۋلەتتىلىككە جەتۋىنە دەم بەرۋ جونىندە شىنايى ءۇمىت ارتتى. اۆتونوميالى رايوندىق پارتكوم، ۇكىمەت باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، «تورتتە جاقسى اۋىل - قىستاق تاس جولى» قۇرىلىسىن تىڭعىلىقتى ىلگەرىلەتىپ ءارى كورنەكتى ونىمدىلىككە قول جەتكىزىپ، تيانشاننىڭ تۇستىگى مەن تەرىستىگىندەگى قالىڭ ەگىنشى - مالشىلاردىڭ كەدەيلىكتەن قۇتىلىپ، اۋقاتتانىپ، دوڭگەلەك داۋلەتتىلىككە جەتۋ جولىنىڭ بارعان سايىن كەڭەيە تۇسۋىنە مۇمكىندىك جاسادى. تاياۋدا ءتىلشىمىز كەريا اۋدانى، توقسۋ اۋدانى، توعىزتاراۋ اۋدانى، سانجى قالاسى سياقتى جەرلەردە «تورتتە جاقسى اۋىل - قىستاق جولى» قۇرىلىسىنىڭ جاعدايى جونىندە جۇمىس باسىندا تىلشىلىك جاساپ، نازاردى اۆتونوميالى رايوننىڭ «تورتتە جاقسى اۋىل - قىستاق جولى» قۇرىلىسىنىڭ «ىرىس اكەلگەن»، «نەگىزگى ساتىداعى حالىق تىلەگىن توعىستىرعان»، «اۋىل شارۋاشىلىعىنىڭ، اۋىل - قىستاقتاردىڭ وسىزاماندانۋىن ىلگەرىلەتكەن» تيپتىك مىسالدارىنا شوعىرلاندىردى. بۇگىننەن باستاپ، گازەتىمىزدە وسىعان سايكەستى حابارلار جاريالانادى، نازار اۋدارۋلارىڭىزدى سۇرايمىز.

  توعىزتاراۋدىڭ قاتىناس جوباسى چەرتوجىن اشقانىڭىزدا، توعىزتاراۋدىڭ وزىندىك ەرەكشە ەكولوگيالىق ورتاسىمەن بىرگە، شار تاراپقا تۇتاسقان قاتىناس جول تورابىن كورەسىز. G578، S242 سياقتى كوپ ءتۇرلى ماڭىزدى مەملەكەت، ولكە تاس جولىنىڭ نەگىزگى جەلىسى توعىزتاراۋدى باسىپ ءوتىپ جاتادى.

  2017 - جىلى توعىزتاراۋ اۋدانى مەملەكەتتىڭ تۇڭعىش توپتاعى «تورتتە جاقسى اۋىل - قىستاق جولىنان» ۇلگى كورسەتۋ اۋدانى اتاعىن الدى. وسى داڭقتىڭ استارىندا توعىزتاراۋ اۋدانىنىڭ تاياۋ جىلداردان بەرى نەگىزدىك قۇرىلعى قۇرىلىسىن تەزدەتىپ، اۋىل - قىستاق تاس جولىن سالۋ، كۇتىمدەۋ، باسقارۋ قىزمەتىن، جول تاسىمالىن ءتۇيىن ەتىپ، تاس جول تاسىمالىنا قىزمەت كورسەتۋ قابىلەتىن جوعارىلاتۋداعى ءتۇرلى قۇلشىنىستارى، اسىرەسە، اۋداننىڭ قاتىناس قۇرىلىسىن كۇشەيتىپ، دامۋداعى كەدەرگىلەردى الاستاپ، دامۋ تاسىلىنە جاڭالىق اشۋداعى باتىل ىزدەنىستەرى مەن مۇندالايدى.

  كوپ جىلدىق قۇلشىنىس ارقىلى اۋدان مەملەكەت، ولكە تاس جولى نەگىزگى جەلىسىن وزەك، ماڭىزدى اۋىل - قىستاق تاس جولىن نەگىزگى جۇلگە، ادەتتەگى اۋىل - قىستاق تاس جولدارىن قوسىمشا ەتكەن تاس جول قاتىناس تورابىن العاشقى ادىمدا قالىپتاستىرىپ، قاتىناس قۇرىلىسىمەن ەكونوميكانىڭ، قوعامنىڭ باياندى دامۋىنا جەتەكشىلىك ەتەتىن باقىت جولىن اشتى.

«ورتالىق رولىن» ساۋلەلەندىردى

  توعىزتاراۋ اۋدانىنىڭ شىعىسى كۇنەس اۋدانىمەن، سولتۇستىگى مەن وڭتۇستىگى نىلقى جانە تەكەس اۋداندارىمەن، باتىسى شاپشال اۋدانىمەن شەكارالاسادى، جاعراپيالىق ورنى جونىنەن العاندا، ىلە وزەنى اڭعارىنىڭ ورتالىعى دەۋگە بولادى، ايتسەدە، وڭىرلىك باسىمدىعى كورنەكتىلەنبەي كەلگەن - دى.

  «بۇرىنعى ورتالىق قۇرساۋدا قالدى»، - دەدى توعىزتاراۋ اۋداندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار اۋدان باستىعى چياۋ شۋەگاڭ. توعىزتاراۋ اۋدانىنىڭ ەكونوميكا نەگىزى ءالسىز، تاس جول قۇرىلىسى نەداۋىر ارتتا قالعاندىقتان، دامۋ فاكتورلارىنىڭ توعىزتاراۋعا شوعىرلانۋىنا توسالعى بولعان، جاعراپيالىق ورتالىق دامۋعا كەلگەندە، ەسكەرۋسىز قالعان شالعاي وڭىرگە اينالدى.

  توعىزتاراۋ اۋدانى ماسەلەنى شەشۋ ءۇشىن، الدىمەن قاتىناس قۇرىلىسىن تۇتقا ەتىپ، وسى كوركەم مەكەندى بۇعاۋدان ارىلتىپ، گۇلدەندىرىپ - كوركەيتۋگە كۇش سالدى. اۋدان جۇمىلا كۇش شىعارىپ، تاس جول نەگىزدىك قۇرىلعى قۇرىلىسىن كۇشەيتتى. 2015 - جىلدان 2017 - جىلعا دەيىن، تۇتاس اۋدان بويىنشا جاڭادان جۇمىس باستاعان تاس جول نىسانى 113كە جەتىپ، جالپى 953 ميلليون يۋان قارجى قوسىلىپ، قۇرىلىستىڭ جالپى ۇزىندىعى 765.6 كيلومەترگە جەتتى. سونىمەن بىرگە، اۋىل - قىستاق تاس جولىنىڭ «ەڭ سوڭعى ءبىر شاقىرىم جولىن» جالعادى، اۋدان «قۇرىلىس جۇرگىزۋ مەن كۇتىمدەۋگە تەڭ ءمان بەرۋ، سايكەستى دامىتۋ، ىركىلىسسىز بولۋىنا كەپىلدىك ەتۋ» پرينسيبى بويىنشا، تاس جول كۇتىمدەۋ قوسىنىن بەكەمدەپ، تاس جول كۇتىمدەۋگە پايدالاناتىن ماشينا كۇشتەرىن مولايتتى، قازىر اۋدانداعى اۋىل - قالاشىقتاردىڭ بارىنە 3 - دارەجەلى تاس جول سالىندى، %98.76 اكىمشىلىك قىستاققا اسفالت جول سالىندى، اۋىل - قىستاق تاس جولدارىنىڭ اسفالتتانۋ مولشەرى 2010 - جىلداعى %42تەن %95كە جەتىپ، اۋىل - قىستاق تاس جولدارىنىڭ نەگىزدىك قۇرىلعى شارت - جاعدايى تۇبىرىنەن جاقساردى.

بايۋ جولىن جاقسى سالدى

  اقپاننىڭ باس شەنى، توعىزتاراۋ اۋدانىندا كۇن ءالى سۋىق. اۋدانعا اۆتوكولىكپەن 10 مينۋتتا جەتەتىن جەردەگى توعىزتاراۋ قالاشىعى تاشكەنبايسازى قىستاعىنىڭ كوشەلەرى تاپ - تازا، اۋدان قالاشىعى مەن قىستاقتىڭ اراسىنداعى اسفالت جولدا اۆتوكولىكتەر ارلى - بەرلى جۇيتكىپ جاتىر.

  «بۇرىن بۇل تۇگەلدەي اتىز جولى بولاتىن، قالانىڭ اۆتوكولىكتەرى مۇلدە كىرە المايتىن»، - دەدى توعىزتاراۋ قالاشىعى تاشكەنبايسازى قىستاعى پارتيا ياچەيكاسىنىڭ ءبىرىنشى شۋجيى جاۋ شۋەرۇڭ. ول تاعى: بۇرىن بۇل كەدەي قىستاق بولاتىن، ادام كوپ، جەر از ەدى، جولدىڭ جوندەلمەۋى بۇعان ەڭ ۇلكەن كەدەرگى بولاتىن، - دەدى.

  «2017 - جىلى قىستاقتاعى اۋىلداستاردىڭ ورتاشا جان باسىندىق تازا كىرىسى 13 مىڭ يۋاننان استى، قازىر اۋىلداستاردىڭ كەدەيلىكتەن قۇتىلىپ، اۋقاتتانۋعا سەنىمدەرى بۇرىنعى ءارقانداي كەزدەگىدەن دە كۇشەيدى»، - دەدى جاۋ شۋەرۇڭ. ونىڭ ايتۋىنا قاراعاندا، جول سالىنعاننان كەيىن، قىستاقتاعى ديقانداردىڭ كوپ ساندىسى قالاعا بارىپ جۇمىس ىستەيتىن بولعان، كەيبىرەۋلەرى كىشى - گىرىم ساۋدامەن شۇعىلدانعان، سونىمەن جان سانى كوپ، جەر از بولۋ قايشىلىعى ءونىمدى شەشىلگەن، قازىر تاشكەنبايسازى قىستاعى شىت جاڭا بەينەگە ەنىپ، بۇرىنعى ەشكىم كەلۋدى قالامايتىن شالعايداعى كەدەي قىستاق قالپاعىن الىپ تاستاعان.

  جولدىڭ قاتىناۋى جەرگىلىكتى ورىنداعى جۇرتتىڭ سىرتقا شىعۋىنا قولايلى بولىپ قانا قالماستان، سىرت ورىنداعى ادامداردى دا وسىندا كەلۋگە باۋرادى. تاستوبە اۋىلى باقىباي قىستاعى بۇرىن كەدەي قىستاق بولاتىن، اۋىل - قىستاق جولدارىنىڭ جاپپاي جاقسارۋىنا بايلانىستى بۇل قىستاقتا دا ادامدى قۋانتارلىقتاي وزگەرىستەر تۋىلدى. قىستاق پارتيا ياچەيكاسىنىڭ ءبىرىنشى شۋجيى شيا حۋا بىلاي دەدى: بىلتىر قىستاعىمىزدا ەگىمشىلىك قۇرىلىمىنا رەتتەۋ جاسالدى، جەرگىلىكتىڭ كليمات ەرەكشەلىگىنە نەگىزدەلىپ مايلى شۇعىنىق ەكتىك ءارى جاڭجياگاڭ قالاسىنان مايلى شۇعىنىقتى وڭدەۋ كاسىپورنىن باۋراپ، مايلى شۇعىنىقتى جەرگىلىكتى شارۋا وتباسىلارىمەن بىرلەسىپ ەكتىك، سونىمەن قىستاقتىڭ اۋىل شارۋاشىلىق ءوندىرىس ورەسى ايتارلىقتاي جوعارىلادى.

  شيا حۋا: بۇل كۇندەرى جول تۇتاستى، قىستاق تۇرعىندارى مايلى شۇعىنىق ەرەكشە كاسىپ سالاسىمەن - اق اۋقاتتانا باستادى، - دەدى.

باقىت جولىن ۇتىمدى پايدالاندى

  توعىزتاراۋدىڭ اۋىل - قىستاقتارىنىڭ جولى داڭعىراپ جاتىر، اۋىل - قىستاق تاس جولدارىنىڭ قۇرىلىسى، كۇتىمدەۋ دەڭگەيى قالاداعىدان قالىسپايدى.

  اۋداندىق قاتىناس - تاسىمال مەكەمەسىنىڭ باستىعى ميناۋار راشيدەن بىلاي دەپ تانىستىردى: اۋداننىڭ اۋىل - قىستاق تاس جولدارىن كۇتىمدەۋ قىزمەتىندە ءبىز بۇقارانى ءوز ەسىگىنىڭ الدىنداعى تاس جولدىڭ قوقسىعىن تازالاۋ، ارىقتاردى ارشۋ سياقتى كۇندەلىكتى كۇتىمدەۋ قىزمەتىنە اتتانىسقا كەلتىرۋمەن بىرگە، قىزمەتكە ىسىلعان كاسىپتىك تاس جول قورعاۋ اترەتىن قۇرىپ، تۇتاس اۋداننىڭ اۋىل - قىستاق تاس جولىن قورعاۋعا جاۋاپتاندىردىق.

  «بىلتىر ءبىز جەرگىلىكتى ورىننان 100دەن استام بۇقارانى كوكتەمدە جول كۇتىمدەۋگە ۋاقىتشا قابىلدادىق، ولاردىڭ ورتاشا ايلىق كىرىسى 5000 يۋاننان اينالدى»، - دەدى توعىزتاراۋ اۋدانى اۋىل - قىستاق تاس جولىن كۇتىمدەۋ اترەتىنىڭ ورىنباسار باستىعى لۋ شان. 1975 - جىلى قۇرىلعان توعىزتاراۋ اۋداندىق اۋىل - قىستاق تاس جولىن كۇتىمدەۋ اترەتى العاشقى 30 كيلومەتر عانا جولدى كۇتىمدەۋدەن قازىر 881 كيلومەتر جولدى كۇتىمدەۋ مىندەتىن ۇستىنە العان، بۇرىنعى ات ارباعا سۇيەنىپ قۇرىلىس جۇرگىزەتىن ولار بۇگىنگى تاڭدا 55 ءار ءتۇرلى جول كۇتىمدەۋ ماشينا جابدىعىن ىسكە قوسقان، ولاردىڭ تۇراقتى قارجىسى دا بۇرىنعى 170 مىڭ يۋاننان 4 ميلليون 800 مىڭ يۋانعا جەتكەن.

 تاس جول قۇرىلىسى مەن باسقارۋ، كۇتىمدەۋ ورەسىنىڭ جوعارىلاۋى توعىزتاراۋ اۋدانىنىڭ اۋىل - قىستاق تاس جولىنىڭ قاتىناۋىنا بەرىك نەگىز قالادى. ميناۋار بىلاي دەپ تانىستىردى: سوڭعى جىلداردان بەرى، اۋدان اۋىل - قالاشىق (ورتالىق) جولاۋشى تاسىمال بەكەتى قۇرىلىسىن جەدەلدەتىپ، اۋىل - قىستاق جولاۋشى تاسىمالى بازارىن باسقارۋدى ارناعا ءتۇسىرىپ، «الەۋمەتتىك كولىكتەردى الەۋمەت ىسىنە پايدالانۋ» سياقتى شارالاردى جالپىلاستىرىپ، اۋىل - قىستاق جولاۋشى تاسىمالىن توركوزدەندىرىپ باسقارۋ، الەۋمەتتىك قاتىناسقا قاراي بەيىمدەۋ قۇرىلىسىن پارمەندى ىلگەرىلەتىپ، 5 اۋىل - قىستاق جولاۋشى تاسىمال بەكەتىن، 50 قىستاق دارەجەلى ايالدامانى جاڭادان سالدى، 51 جولاۋشى تاسىمال لەنياسىن اشىپ، 302 اۆتوبۋزدى ىسكە قوسىپ، اۆتوكولىك قاتىناۋ ارالىعىن 1798 كيلومەترگە جەتكىزدى، اۋىل - قىستاق جولاۋشى تاسىمالى 13 اۋىلدى، قالاشىقتى، فەرمانى جانە 53 اكىمشىلىك قىستاقتى قامتىپ، اۋىل - قىستاق جولاۋشى تاسىمال كولىگىنىڭ قاتىناۋ سالىستىرماسى %100كە جەتتى. بۇگىنگى كۇندە، توعىزتاراۋ اۋدانىنىڭ اۋىل - قالاشىقتارىندا تۇگەلدەي ساۋلەتتى قاتىناس - تاسىمال بەكەتى، قىستاقتارىندا شاعىن ايالداما قۇرىلدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار