بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

التاي ايماعى قىسقى وڭىرلىك ساياحاتتى دامىتتى

2018.02.09 10:37     كەلۋ قاينارى : شينجياڭ گازەتى

  اق قار، كوك مۇز دا قىمباتتى بايلىق

  ءتىلشىمىز جاڭ تيڭ

  پارتيا 19 - قۇرىلتايى بايانداماسىندا «تۇنىق سۋ، جاسىل تاۋدىڭ ءوزى قىمباتتى بايلىق» دەپ العا قويىلدى. «جۇڭگوداعى ەڭ كوركەم قارلى مەكەن»، «ادامزاتتىڭ بايىرعى قار شاڭعى مەكەنى» دەگەن اتقا يە التاي ايماعى بيىل قىستا وڭىرلىك ساياحاتتى دامىتۋدى نەگىز، قار، مۇز ساياحاتىن وراي ەتىپ، «قار، مۇز بايلىعىن» دامىتىپ، قىسقى ساياحاتتى وركەندەتىپ، ونى ەكونوميكانىڭ تيپىنە بۇرىلىس جاساپ، دارەجەسىن جوعارىلاتۋدىڭ ماڭىزدى تۇتقاسىنا اينالدىرىپ، «اق قاردى اقشاعا اينالدىرۋداي» حالىققا تيىمدىلىك جەتكىزۋدىڭ، حالىقتى اۋقاتتاندىرۋدىڭ كوركەم كارتيناسىن سالدى.

ەرەكشە قىسقى ساياحات قيمىلدارى قىزىقتى بولدى

  التايدىڭ قىسى ۇزاق كەلەدى، قىركۇيەك ايىنىڭ سوڭىنداعى العاشقى قاردان كەلەسى جىلى ءساۋىر ايىنىڭ ورتا شەنىندە قاردىڭ سوڭى كەتكەنگە دەيىن التاي تاۋىن اق قار قىمتاپ جاتادى. التايدىڭ شىعىسىنداعى ۇشكولدەن، كوكتوعايدان تارتىپ ورتا بولەگىندەگى ۇلىڭگىر كولىنەن قىستا بالىق اۋلاۋعا، ودان باتىس بولەگىندەگى قاناسقا، قابانىڭ اق قايىڭىنا دەيىن... التايدىڭ كەڭ - بايتاق القابىندا ەرتەگىلەردەگىدەي ادامدى وزىنە ءتانتى ەتەتىن لىقسىعان كوركەم قار، مۇز ساياحاتى بايلىعى بار.

  كوز الداعى وسى «قىسقى بايلىق» التايدىڭ قار، مۇز ساياحاتىن قىزدىرا ءتۇستى.

  16 - قاڭتاردا 7 - كەزەكتى جۇڭگو شينجياڭ التاي قار، مۇز فەستيۆالى جانە ادامزاتتىڭ 12 - كەزەكتى بايىرعى قار شاڭعى مەكەنىن اتاپ ءوتۋ كۇنىن قۇتتىقتاۋ قيمىلى التاي قالاسىنىڭ گەنەرال تاۋى قار شاڭعى الاڭىندا ءوتتى.

  ۇشى - قيىرسىز قارلى دالا شاتتىقتىڭ تەڭىزىنە شومدى، قويۋ ءتۇس العان ۇلتتىق سالت - سانا ءان - ءبي ويىنى، كولەمدى ەتنوگرافيالىق ويىن گەنەرال تاۋى قار شاڭعى الاڭىن ارتقى كورىنىس ەتىپ شىمىلدىعىن اشتى، ەل ءىشى - سىرتىنان كەلگەن 5000 ساياحاتشى التايدىڭ قار، مۇز كوركىن تاماشالادى.

  وسى ساتتە، التاي تاۋى دالالىق قار شاڭعى باقشاسىندا دالالىق قار شاڭعى تەبۋگە اۋەس شاڭعىشىلار ءتىپتى دە شاتتىققا شومدى.

  «تىك ۇشاقپەن بارىپ قار شاڭعى تەبۋ ءتىپتى دە القاۋعا بولەندى». التاي تاۋى دالالىق قار شاڭعى باقشاسىنىڭ باس ديرەكتورى تاڭ جىگاڭ: بىلتىر باقشادا تىك ۇشاقپەن كەلىپ قار شاڭعى تەبۋ قيمىلى باستالعان، سولتۇستىك امەريكادا ەرەكشە ءورىس العان مۇنداي ويىن ءتۇرى كوپتەگەن ادامداردى مۇندا كەلۋگە باۋرادى، ءبىر رەتكى قاراجاتى 10 مىڭ يۋان بولسا دا، ءبىراق بىلتىردان بەرى تىك ۇشاقپەن قار شاڭعى تەبۋ قيمىلىنا 200 ادام - رەت قاتىناستى. وسى باقشانىڭ ساناعىنا قاراعاندا، 2017 - جىلدىڭ سوڭعى جارتىسىنداعى قارلى ماۋسىمنان قازىرگە دەيىن باقشا ەل ءىشى - سىرتىنان 4000نان استام ساياحاتشى قابىلداعان.

  وسى قىستا التايدىڭ كەڭ - بايتاق قارلى القابىندا ءتۇرلى ەرەكشە قىسقى ساياحات قيمىلدارى بارىنشا ورىستەتىلدى: ەرتەگىدەي قارلى قىستاقتا قار سۇڭگىنى تاماشالاۋ، ۇلىڭگىر كولىندە قىستا بالىق اۋلاۋ، قارلى مەكەن قومدا قار شاشۋ ويىنى... وزگەشە ەرەكشەلىگى بار، پارىقتارى ءبىرىن - ءبىرى تولىقتاعان قار، مۇز ساياحات قيمىلدارى «جاز بەن كۇزدە قىزاتىن» التاي ساياحاتىن «تۇتاس جىلدا ۇقساس بولاتىن» جاعدايعا قاراي بۇرىلىس جاساتىپ، قىسقى ساياحاتتى ساياحات شارۋاشىلىعىنىڭ جاڭا تۇتقاسى ەتىپ جەتىلدىرۋگە كۇش سالىپ، التاي ايماعىنىڭ ءىش پەن سىرتتاعى اتاعىن اسپانداتا ءتۇستى.

  «قار قالىڭ، ساپاسى جاقسى، قارلى ماۋسىمى ۇزاق» بولۋداي وزگەشە ەكولوگيالىق بايلىق باسىمدىعىنا سۇيەنگەن التاي ايماعى سوڭعى جىلدارى «قار، مۇز قالاسى التاي»، «ادامزاتتىڭ بايىرعى قار شاڭعى مەكەنى» سياقتى 2 ۇلكەن ماركانى كۇش سالا ايگىلەپ، قىسقى ساياحات ونىمدەرىن بىرىكتىرۋ ارقىلى گەنەرال تاۋى قار شاڭعى الاڭى، التاي تاۋى دالالىق قار شاڭعى باقشاسى، ۇلىڭگىردە قىستا بالىق اۋلاۋ، شۇڭقىردا قار سۇڭگىنى تاماشالاۋ، قوم ەڭ كوركەم قارلى مەكەن سياقتى قىسقى ساياحات ونىمدەرىن بىرلەستىرىپ، التاي قالاسىن وزەك ەتكەن كەڭ - بايتاق القاپتاعى سارا ساياحات جەلىلەرىن ۇلاستىردى. 2017 - جىلى التاي ايماعى 15 ميلليون 900 ادام - رەت ساياحاتشى قابىلدادى، مۇنىڭ ىشىندە قىسقى ساياحات مەزگىلىندە 3 ميلليون ادام - رەت ساياحاتشى قابىلدادى.

 «قار، مۇز+» ساياحات شارۋاشىلىعىنىڭ دامۋىنداعى جاڭا تۇتقاعا اينالدى 

  19 - قاڭتاردا بۋىرشىن اۋدانىنىڭ شۇڭقىر قالاشىعىندا قار سۇڭگى مەرەكەسى قيمىلىندا AC311A ءنومىرلى تىك ۇشاققا كوپتەگەن ساياحاتشىلار كەزەككە تۇرىپ وتىردى. بۇل رەتكى قيمىلدا بۋىرشىن اۋدانى AVIC امبەباپ اۆياتسيا سەرىكتەستىگىمەن سەلبەسىپ، تومەن كەڭىستىكتەن قار سۇڭگىنى تاماشالاۋ نىسانىن ورىستەتتى.

  شينجياڭ AVIC بازار ءبولىمىنىڭ ورىنباسار باس ديرەكتورى باي مەيليڭنىڭ تانىستىرۋىنشا، 2017 - جىلى جەلتوقساندا شينجياڭ AVIC تىك ۇشاعى رەسمي پايدالانۋعا بەرىلىپ، التاي كەڭىستىگىندە ارالاۋ، ۇشۋ، تىك ۇشاقپەن بارىپ قار شاڭعى تەبۋ سياقتى تومەن كەڭىستىكتە كوڭىل اشۋ نىسانىن ورىستەتتى.

  «قار، مۇز + اۆياتسيا سىناعىن جاساۋ» دا، «قار، مۇز+سپورت باسەكەسى» دە التايدىڭ قىس ماۋسىمىنداعى ساياحاتىنىڭ تاعى ءبىر جارقىن ءتۇيىنى. جەرگىلىكتى ورىن ءۇرتىس 7 كەزەك اسقار تاۋ قار شاڭعى جارىسىن، جاس وسپىرىمدەردىڭ قار شاڭعى جارىسىن جانە بايىرعى قار شاڭعى جارىسىن وتكىزدى.

  بەيجيڭ قىسقى وليمپياداسىنىڭ اسقار تاۋ قار شاڭعى نىسانىنا ويداعىداي دايىندىق كورۋ ءۇشىن 23 -قاڭتاردا مەملەكەتتىك اسقار تاۋ قار شاڭعى قۇراماسى شينجياڭ قۇراماسىنىڭ قۇرىلۋ سالتى التاي قالاسىنىڭ گەنەرال تاۋى قار شاڭعى الاڭىندا وتكىزىلىپ، مەملەكەتتىك دەنە تاربيە باس مەكەمەسىنىڭ التايدا مەملەكەتتىك اسقار تاۋ قار شاڭعى قۇراماسى شينجياڭ قۇراماسىنىڭ رەسمي قۇرىلعاندىعىن ايگىلەدى. گەنەرال تاۋى قار شاڭعى الاڭىنا دا «مەملەكەتتىك اسقار تاۋ قار شاڭعى قۇراماسىنىڭ جاتتىعۋ بازاسى» اتاعى بەرىلدى.

  التاي ايماعى اۆتونوميالى رايوننىڭ قىسقى قار، مۇز ساياحات شارۋاشىلىعىن دامىتۋداعى وزەكتى ورىن بولۋىن تۇراقتاندىرعانىن ارقاۋ ەتىپ قار، مۇز ساحاراسى، قار سۇڭگى، قالىڭ ورمان، قارلى دالا بايلىعىن ىشكەرىلەي كادەگە جاراتىپ، «قار، مۇز + ۇلتتىق سالت - سانا ويىنىن قويۋ» سياقتى ءبىر قىدىرۋ «قار، مۇز +» تۇرلەرىن توعىسپالى دامىتۋ ارقىلى التايدىڭ قىسقى ساياحات ماركاسىن بارعان سايىن ومىرشەڭدىك كۇشكە يە ەتتى. «13 - بەسجىلدىق» مەزگىلىندە التاي ساياحات شارۋاشىلىعىن 2 - كاسىپتى وركەندەتۋدىڭ ءتۇيىنى ەتىپ مىقتى يگەرىپ، تيپىن وزگەرتىپ، دارەجەسىن جوعارىلاتۋدى جەبەدى. ساياحات تۇتىنۋى قاجەتىن مىقتى يگەرىپ، ساياحات ونىمدەرىن زەرتتەپ اشىپ، اۋىل شارۋاشىلىق قوسىمشا ونىمدەرىن جىنتىكتەي مانەرلەۋدى دامىتىپ، قار، مۇز سپورتى اسپاپتارىن جاساۋ سالاسىندا تىڭ قامال الماق.

  قازىر التاي ايماعى «ساياحات شارۋاشىلىعىن نەگىزگى تۇلعا ەتىپ، 1 - كاسىپتى جەتەلەۋ، 2 - كاسىپتى وركەندەتۋ» دامۋ تالابى بويىنشا، «قانداي جولمەن ءجۇرۋ، كورىنىس وڭىرلەرىن قالاي وركەندەتۋ، ادامدار قالاي ساياحاتتاۋ، اقشانى قالاي جۇمساۋ، حالىقتى قالاي بايىتۋ كەرەك» دەگەن سياقتى ءتۇبىرلى ماسەلەلەردى كۇش سالا شەشىپ، كاسىپتەردىڭ ساياحات شارۋاشىلىعىن ارقاۋ ەتۋىن، ونىمدەردىڭ ساياحاتتى ارقاۋ ەتىپ جاسالۋىن، قۇرىلىمنىڭ ساياحاتتى ارقاۋ ەتىپ رەتتەلۋىن، فۋنكتسيانىڭ ساياحاتتى ارقاۋ ەتىپ ءبولىنۋىن، حالىق تۇرمىسىنىڭ ساياحاتتى ارقاۋ ەتىپ گۇلدەنۋىن ورىنداپ، ءبىر كاسىپتى وركەندەتىپ، بارلىق كاسىپتى جانداندىرىپ، التاي ەرەكشەلىگىندەگى وسى زامانعى ەكونوميكالىق جۇيەگە يە ەتىپ، التايدىڭ ساياحات بايلىعىندىق رايوننان ساياحات ەكونوميكاسىندىق قۋاتتى رايونعا ءوتۋىن جەدەلدەتتى.

 ەڭ كوركەم «قارلى قىستاقتى» قۇرىپ، اۋىل - قىستاقتىڭ وركەندەۋىنە تۇرتكى بولدى

  التاي دالالىق قار شاڭعى باقشاسىنا باراتىن جولدا لاستى اۋىلى قاراتەرەك قىستاعىنىڭ ءبىر شەتكەرى ءمۇيىسى سىدىق قىستاعى بار، وندا 12 وتباسى تۇرادى. سىدىقتىڭ سولتۇستىگى جىڭىشكە قىرانمەن، باتىسى قىران وزەنىمەن ىرگەلەس جاتادى، قولايلى جاعراپيالىق ورنى مەن تابيعي قار كورىنىسى وسى ارانى ەرەكشە قار، مۇز باسىمدىعىنا يە ەتكەن.

  سىدىققا بارا قالساڭىز، قىستاقتىڭ بار الابى اق كورپەمەن قىمتانعان، ۇيلەردىڭ الدىنا تۇگەلدەي اسپالى شام ىلىنگەن، مورجادان شۇباتىلا شىققان تۇتىنمەن بىرگە، تۇرعىندار ات شانالارىن ايداپ تاۋ اراسىنداعى جولعا باياۋ سۇڭگىپ بارا جاتادى...

  نارىنسەيىك وسى اراداعى «بەس ءتۇپ اعاش» مالشىلار ساياجايىنىڭ قوجايىنى، قىزىپ تۇرعان قىسقى ساياحاتتا ونىڭ مۇرنىنا سۋ جەتپەي زىر جۇگىرىپ ءجۇر، جۇزىنەن شاتتىق لەبى ەسەدى. 2017 - جىلى قاراشادا جەرگىلىكتى ۇكىمەت پەن جيلين ولكەسىنىڭ شينجياڭدى باعىتتامالى سۇيەمەلدەۋ قىزمەتىنىڭ الدىڭعى شەپ قولباسشىلىق شتابىنىڭ قولداۋىندا نارىنسەيىك مالشىلار شاتتىعى ساياجايىن اشتى.

  «سەلبەستىك كووپەراتيۆىنە كىرگەننەن كەيىن ءبىز 30 مىڭ يۋان جاردەماقىدان يگىلىكتەندىك، ونىڭ ۇستىنە سەلبەستىك كووپەراتيۆى ۇيىرمە قابىلداپ داميدى، كووپەراتيۆ مۇشەلەرى ءوز ەرەكشەلىگىن ساۋلەلەندىرىپ، بايلىقتى ءوزارا تولىقتاپ، پايدادان بىرگە يگىلىكتەنەمىز»، - دەدى ول.

  2017 - جىلدان بەرى جيلين ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى شينجياڭعا كومەكتەسۋ قارجىسىنان ەڭ كوركەم قارلى قىستاقتى قۇرۋعا ءبىر ميلليون يۋاننان استام قارجى ءبولىپ، سىدىقتاعى ەگىنشىلەردىڭ ۇيلەرىن جاڭالادى، قىستاقتىڭ اۋزىنا جانە ساياجايلاردىڭ سىرتىنا قاردان ساڭىراۋقۇلاق كورىنىسىن جاساپ، قازاق، موڭعۇل ۇلتتارىنىڭ ءداستۇرلى مادەنيەتىن كورنەكتىلەندىرىپ، ۇلتتىق سالت - سانا ويىندارىن، بايىرعى قار شاڭعى، ات شانا سياقتى كوڭىل اشۋ نىساندارىن ورىستەتتى.

  سىدىقتا «بەس ءتۇپ اعاش» سياقتى شارۋالار ساياجايىنان بەسەۋى بار.

 «كەلەسى قادامدا ءبىز اۋىل - قىستاقتاردى كوركەيتۋ ستراتەگياسىن اتقارۋمەن بىرلەستىرىپ، كەڭ - بايتاق القاپتىڭ بەكەتىنىڭ جۇيە قۇرىلىسىنا سۇيەنىپ، 10 قارلى قىستاقتى قۇرىپ شىعىپ، ماڭىنداعى قيىنشىلىعى بار بۇقارانى جاقىن ماڭدا، ءوز جەرىندە باسقا سالاعا ويىستىرىپ جۇمىسقا ورنالاسۋعا باستاپ، حالىققا ۇزدىكسىز تيىمدىلىك جەتكىزۋ، جالپىلىق يگىلىگىن كورۋ نىساناسىن شىن مانىندە ىسكە اسىرامىز»، - دەيدى جيلين ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ۋاقىتتىق پارتكومىنىڭ ورىنباسار شۋجيى، التاي ايماقتىق پارتكوم ۇيىمداستىرۋ ءبولىمىنىڭ ورىنباسار باستىعى جوۋ شياۋبيڭ.

  «قارلى قىستاقتىڭ» قۇرىلۋى التاي ايماعىنىڭ قار، مۇز بايلىعىن يكەمدى پايدالانۋىنىڭ ءبىر ىقشام كورىنىسى ءارى التاي ايماعىنىڭ «كەڭ - بايتاق القاپ، 100 قىستاقتىڭ كىرىسىن ارتتىرۋ، 10 مىڭ وتباسى مۇشەسىن جۇمىسقا ورنالاستىرۋ» نىساناسىن ورىنداۋعا تىڭ قوزعاۋشى كۇش قوستى. التاي ايماقتىق ساياحات مەكەمەسىنىڭ ساناعىندا كورسەتىلۋىنشە، 2017 - جىلى التاي ايماعىنىڭ ساياحات شارۋاشىلىعىنان تىكە 26 مىڭ ادام جۇمىسقا ورنالاسسا، 70 مىڭ ادام جانامالاي جۇمىسقا ورنالاسقان.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار