ەلىمىزدە مۇگەدەكتەرگە قولدانىلاتىن 2 ءتۇرلى قوسىمشا كومەك ساياساتى اۋدان - رايونداردى نەگىزىنەن تولىق قامتىدى
2018.02.23 15:54 كەلۋ قاينارى : شينجياڭ گازەتى
شينحۋا اگەنتتىگىنىڭ 21 - اقپاندا بەيجيڭنەن بەرگەن حابارى (ءتىلشى لو جىڭگۋاڭ). 21 - اقپان كۇنى حالىق ىستەرى مينيسترلىگىنەن ۇعىسۋىمىزشا، 2016 - جىلى 1 - قاڭتاردا جاپپاي جولعا قويىلعاننان بەرى، ەلىمىزدىڭ قيىنشىلىعى بار مۇگەدەك جاندارعا تۇرمىستىق قوسىمشا كومەك بەرۋ جانە اۋىر مۇگەدەك جانداردىڭ كۇتىمىنە قوسىمشا كومەك بەرۋ ساياساتى اۋدان - رايونداردى نەگىزىنەن تولىق قامتىعان، 2 ساياسات جەكە - جەكە 10 ميلليوننان اسا مۇگەدەك جاندى يگىلىككە بولەپ، جالپى 30 ميلليارد يۋانعا جۋىق قاراجات تاراتىلعان.
مۇگەدەك جانداردىڭ وزگەشە تۇرمىستىق قيىنشىلىعىن جانە ۇزاق مەرزىمدىك كۇتىمدەۋ قيىنشىلىعىن شەشۋ ءۇشىن، مەملەكەتتىك كەڭەستىڭ «قيىنشىلىعى بار مۇگەدەك جاندارعا تۇرمىستىق قوسىمشا كومەك بەرۋ جانە اۋىر مۇگەدەك جانداردىڭ كۇتىمىنە قوسىمشا كومەك بەرۋ ءتۇزىمىن جاپپاي ورناتۋ جونىندەگى پىكىرى» 2015 - جىلى قىركۇيەكتە باسىپ تاراتىلىپ، مۇگەدەك جانداردىڭ يگىلىگى مەن قوسىمشا كومەگى جونىندەگى مەملەكەتتىك دەڭگەيدەگى ءتۇزىمنىڭ العاش رەت ورناتىلۋىنا مۇرىندىق بولعان ەدى.
پىكىر باسىپ تاراتىلعاننان كەيىن، ولكە، اۆتونوميالى رايون، توتە قاراستى قالالار مەن شينجياڭ ءوندىرىس - قۇرىلىس بيڭتۋانى وسى پىكىردى دايەكتىلەندىرۋ، تياناقتاندىرۋ پىكىرىن شىعاردى، بۇنىڭ ىشىندە 24 ولكە مەن شينجياڭ ءوندىرىس - قۇرىلىس بيڭتۋانى ولكە دارەجەلى حالىق ۇكىمەتىنىڭ اتىنان، 3 ولكە ولكەلىك ۇكىمەتتىڭ كەڭسەسى اتىنان، 4 ولكە تاراۋلاردىڭ بىرلەسكەن حۇجاتى تۇرىندە تياناقتاندىرۋ پىكىرىن شىعاردى، بۇل مۇگەدەك جاندارعا 2 ءتۇرلى قوسىمشا كومەك بەرۋ ءتۇزىمىنىڭ مەملەكەت بويىنشا جاپپاي ورناتىلعانىن بىلدىرەدى.
2016 - ، 2017 - جىلدارى ىلگەرىندى - كەيىن 16 ولكە وسى 2 قوسىمشا كومەكتى ولكە دارەجەلى ۇكىمەتتەردىڭ حالىق تۇرمىسى ينجەنەرياسىنا، حالىققا ءتيىمدى ينجەنەريالارىنا نەمەسە حالىق ءۇشىن ناقتى ىستەر ىستەۋ نىساندارىنا ەنگىزدى؛ 23 ولكە ولكەلىك ۇكىمەتتىڭ دايەكتىلەندىرۋ، تياناقتاندىرۋ پىكىرى نەگىزىندە، ناقتى اتقارۋ ءادىسىن شىعارىپ، قوسىمشا كومەك بەرىلەتىن وبيەكتىلەر، قوسىمشا كومەكتىڭ ولشەمى، ءوتىنىشتى قاراۋ - بەكىتۋ، قاراجاتتى تابىستاۋ، ساياساتتاردى ۇلاستىرۋ، ت.ب مازمۇنداردى اشالادى.
ناقتى اتقارۋ بارىسىندا، جەر - جەر ەكونوميكالىق، قوعامدىق دامۋ احۋالدارىنا ۇشتاستىرا وتىرىپ، دايەكتىلەندىرۋ، تياناقتاندىرۋ پىكىرىندە مۇگەدەك جاندارعا بەرىلەتىن 2 قوسىمشا كومەكتىڭ ولشەمىن جاپپاي ايقىندادى، كەيبىر ولكەلەر ديناميكالىق ارتۋ مەحانيزمىن ورناتتى. تۇرمىستىق قوسىمشا كومەكتىڭ ولشەمىنە كوز جىبەرەر بولساق، 22 ولكەنىڭ ولشەمى ايىنا 50 يۋاننان 80 يۋانعا دەيىن، 10 ولكەنىڭ ولشەمى ايىنا 100 يۋانعا جەتتى نەمەسە ونان استى. كۇتىمگە بەرىلەتىن قوسىمشا كومەككە كوز جىبەرەر بولساق، 18 ولكەنىڭ ولشەمى ايىنا 50 يۋاننان 80 يۋانعا دەيىن، 14 ولكەنىڭ ولشەمى ايىنا 100 يۋانعا جەتتى نەمەسە ونان استى. بۇدان سىرت، 11 ولكە تۇرمىستىق قوسىمشا كومەك وبيەكتىلەرىنىڭ قاتارىن تۇراقتى تابىسى جوق، تۇرمىس جاعدايى تومەنگى كۇن كورىس دەڭگەيىنە جاقىن ادامدار، تومەن كىرىستى وتباسىلارى، ءبىر شاڭىراق استىندا بىرنەشە مۇگەدەك جان بار وتباسىلارى، جاسى ۇلعايعان مۇگەدەكتەر، قارتتاردان باسقا سۇيەنىشى جوق مۇگەدەكتەر سياقتى مۇقتاج جاندارعا كەڭەيتتى؛ 5 ولكە اۋىر ەمەس اقىل - ەس كەمىستىگى مەن پسيحيكالىق جارىمجاندىلىقتى دا كۇتىم قوسىمشا كومەگى كولەمىنە ەنگىزدى.
2017 - جىلدىڭ اياعىنا دەيىن شينجياڭ ءوندىرىس - قۇرىلىس بيڭتۋانىنان باسقا، قوسىمشا كومەك بەرۋ جۇمىسى بارلىق اۋدان - رايوندى تەگىس قامتىدى.
حالىق ىستەر مينيسترلىگى مەن مەملەكەتتىك مۇگەدەكتەر بىرلەستىگىنىڭ قاتىستى تاراۋلارىنىڭ جاۋاپتىلارى مىنالاردى ءبىلدىردى: الداعى جەردە ءار دارەجەلى حالىق ىستەرى تاراۋلارى مەن مۇگەدەكتەر بىرلەستىكتەرى مۇگەدەك جاندارعا بەرىلەتىن 2 قوسىمشا كومەك ءتۇزىمىن دايەكتىلەندىرۋ، تياناقتاندىرۋ جۇمىسىن ونان سايىن جاقسى ىستەپ، 2 قوسىمشا كومەك ءتۇزىمىن مۇگەدەك جانداردىڭ دوڭگەلەك داۋلەتتىلىككە جەتۋى، كەدەيلەردى دالمە - ءدال سۇيەمەلدەۋ سياقتى قىزمەتتەردى جەدەلدەتۋمەن ۇشتاستىرىپ، ساياساتتىڭ بىرىككەن كۇشىن ساۋلەلەندىرەدى؛ ەكونوميكالىق، قوعامدىق دامۋ دەڭگەيىمەن ورايلاس 2 قوسىمشا كومەك ءتۇزىمىن بىرتىندەپ ورناتادى ءارى ديناميكالىق رەتتەۋ جانە باياندى دامىتۋ ءتۇزىلىسىن ورناتۋدىڭ مۇمكىندىكتەرىن قاراستىرىپ، مۇگەدەك جاندارعا قولدانىلاتىن 2 قوسىمشا كومەك ساياساتىنىڭ ءبىر ىزبەن، ۇزاق مەرزىم ءتيىمدى جانە ءتۇزىم بويىنشا اينالىم جاساۋىنا كەپىلدىك ەتەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
