بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>جوتكەمەلەر

مەملەكەتتىك حالىق قۇرىلتايىنىڭ شينجياڭداعى ۋاكىلدەرى ماجىلىسكە قاتىناسۋ ءۇشىن بەيجيڭگە اتتاندى

2018.03.04 13:32   كەلۋ قاينارى : شينجياڭ گازەتى



  مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناساتىن شينجياڭ ۋاكىلدەر ۇيىرمەسى 3 - ايدىڭ 2 - كۇنى بەيجىڭگە جەتتى. سۋرەتتە: ۋاكىلدەر وتىرعان اۆتوكولىك تيان - انمىن الاڭىنان ءوتىپ بارادى. سۋرەتتى سۇي جىجيان تۇسىرگەن


  لي ياڭ 3 - ايدىڭ 2 - كۇنى بەيجيڭنەن حابارلايدى. ءۇمىت پەن ماڭىزدى تاپسىرمانى تاسقىنداعان ىنتامەن جانە جاۋاپكەرلىكپەن ارقالاعان مەملەكەتتىك حالىق قۇرىلتايىنىڭ رايونىمىزداعى ۋاكىلدەرى مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسۋ ءۇشىن 3 - ايدىڭ 2 - كۇنى تۇستەن بۇرىن ۇشاقپەن بەيجيڭگە جەتتى.


  ۇعىسۋعا قاراعاندا، وسى رەتكى ءماجىلىستى ويداعىداي اشۋ، مىندەتتەرىن ويداعىداي ورىنداۋ ءۇشىن، مەملەكەتتىك حالىق قۇرىلتايىنىڭ رايونىمىزداعى ۋاكىلدەرى بەيجيڭگە اتتاناردان بۇرىن نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، شوعىرلى تەكسەرۋ سياقتى كوپ ءتۇرلى فورمادان پايدالانىپ، نەگىزگى ساتىنى ارالاپ، قوعامدىق جاعدايدى، ەل رايىن ۇعىسىپ، پىكىر - ۇسىنىستاردى كەڭ كولەمدى جيناعان، ورنىقتىلىقتى قورعاۋ، قامداۋ جاعىنداعى قۇرىلىمدىق رەفورما، اۋىل - قىستاقتاردى كوركەيتۋ، ەكولوگيالىق وركەنيەت قۇرىلىسى، سونداي - اق حالىق تۇرمىسىن قامتاماسىز ەتۋ جانە جاقسارتۋ سياقتى ەكونوميكالىق، قوعامدىق دامۋدىڭ بارلىق جاقتارىنا نازار سالعان.



  ۋاكىلدەر جاپا - تارماعاي بىلاي دەدى: مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى پارتيا 19 - قۇرىلتايىنان كەيىن اشىلعان مەملەكەتتىك حالىق قۇرىلتايىنىڭ 1 - رەتكى ءماجىلىسى، ول بۇكىل ەلىمىزدەگى ءار ۇلت حالقىن اتتانىسقا كەلتىرىپ جانە شابىتتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋدە كەلەلى ماڭىزعا يە. حالىقتىڭ ءۇمىتى مەن ماڭىزدى تاپسىرماسىن ارقالاعان مەملەكەتتىك حالىق قۇرىلتايى ۋاكىلدەرى داڭقتى بورىشتى، كەلەلى جاۋاپكەرلىكتى ۇستىنە الىپ وتىر. «4 تانىمدى» بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ءبىرىنشى، ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا 19 - قۇرىلتايىنىڭ شەشىمدەرى مەن ورنالاستىرۋلارىن تاباندىلىقپەن دايەكتىلەندىرىپ، تياناقتاندىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايمىز؛ مىندەت، جاۋاپكەرلىك ارقالاۋدى كۇشەيتىپ، پارتيا مەن حالىق الدىندا ايرىقشا جاۋاپتى بولۋ پوزيتسياسىمەن ءماجىلىستىڭ ءتۇرلى كۇن تارتىپتەرىن جوعارى ساپامەن ورىنداپ، حالىق قۇرىلتايى ۋاكىلدەرىنىڭ يقۋاتىن جوعارى ساپامەن اتقارىپ، حالىقتىڭ ارمان - تىلەگىن جوعارى ساپامەن اڭىس ەتىپ، زاڭدا بەلگىلەنگەن تارتىپتەر بويىنشا، پارتيانىڭ لۋشيان، باعىت - ساياساتتارىن جانە شەشىمدەرى مەن ورنالاستىرۋلارىن مەملەكەتتىڭ ەركىنە، بۇكىل ەلىمىزدەگى ءار ۇلت حالقىنىڭ يدەيالىق ورتاق تانىمىنا جانە سانالى ارەكەتىنە اينالدىرىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە جەتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇش قوسامىز.



  اۆتونوميالى رايوننىڭ قاتىستى باسشىلارى ۋاكىلدەردى اتتاندىردى.

جاۋاپتى رەداكتورى : نۇرعيسا قۇرمانجان ۇلى

 سۋرەت