ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى ەكىنشى جالپى جيىنىن وتكىزدى
ۋاڭ ياڭ جيىنعا قاتىناستى، ساياسي كەڭەس ۋستاۆىنا وزگەرىس ەنگىزۋ جوباسىنىڭ العاشقى نۇسقاسى جونىندەگى تۇسىنىكتى تىڭدادى، 13 مۇشە رەفورمانى جاپپاي تەرەڭدەتۋ، ەكونوميكانى ساپالى دامىتۋ سياقتىلاردى ارقاۋ ەتە وتىرىپ جارىس سوزگە شىقتى
2018.03.10 14:57 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 8 - كۇنى بەيجيڭنەن بەرگەن حابارى (تىلشىلەر جاڭ شۇيدۇڭ، شيۇڭ جىڭيان). ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى 3 - ايدىڭ 8 - كۇنى تۇستەن بۇرىن حالىق سارايىندا ەكىنشى جالپى جيىنىن وتكىزدى، جيىننىڭ باستى كەڭەستىك ءتارتىبى: جۇڭگو حالىق ساياسي كەڭەس ۋستاۆىنا وزگەرىس ەنگىزۋ جوباسى (العاشقى نۇسقا) جونىندەگى تۇسىنىكتى تىڭداۋ، جيىن جارىس ءسوزىن وتكىزۋ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ ءتوراعالار القاسى جيىنىن باسقارۋشى ۋاڭ ياڭ جيىنعا قاتىناستى.
ليۋ چيباۋ، پابالا گىلەلاڭجيە، ۋاڭ جىڭۋي جيىنعا اتقارۋشى ءتوراعا بولدى. جيىندى ليۋ چيباۋ باسقاردى، ول: بۇگىن حالىقارالىق ەڭبەكشى ايەلدەر مەرەكەسى، ءبىز جالپى ايەل مۇشەلەرگە، ايەل جولداستارعا مەرەكەلىك ىزگى تىلەك بىلدىرەمىز، - دەدى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، مەملەكەتتىك كەڭەستىڭ مۇشەسى گو شىڭكۇن، سونداي - اق ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار جيىنعا قاتىناستى.
جيىن الدىمەن ساياسى كەڭەس مەملەكەتتىك 12 - كەزەكتى كوميتەتىنىڭ ورىنباسار ءتوراعاسى، قوسىمشا باس حاتشىسى جاڭ چيڭليدىڭ جۇڭگو حالىق ساياسي كەڭەس ۋستاۆىنا وزگەرىس ەنگىزۋ جوباسى (العاشقى نۇسقا) جونىندە جاساعان تۇسىنىگىن تىڭدادى.
جاڭ چيڭلي ساياسي كەڭەس ۋستاۆىنا وزگەرىس ەنگىزۋ قىزمەتىنىڭ جاعدايى، وزگەرىس ەنگىزۋ پرينسيبى، وزگەرىس ەنگىزىلگەن باستى مازمۇندار جونىندە تۇسىنىك جاسادى.
ول بىلاي دەدى: ج ك پ ورتالىق كوميتەتى ساياسي كەڭەس ۋستاۆىنا ۇيلەسىمدى كەزدە وزگەرىس ەنگىزۋدى ۇيعاردى. بۇل ج ك پ ورتالىق كوميتەتىنىڭ پارتيا ۋستاۆىنا وزگەرىس ەنگىزۋ، نەگىزگى زاڭعا وزگەرىس ەنگىزۋ جانە ساياسي كەڭەس ۋستاۆىنا وزگەرىس ەنگىزۋ جونىندەگى جالپى ورنالاستىرۋىنىڭ ماڭىزدى قۇرامداس بولىگى، ەلىمىزدىڭ سوتسياليستىك دەموكراتيالىق ساياسي قۇرىلىسىن كۇشەيتۋدەگى ءىرى ءىس. ساياسي كەڭەس ۋستاۆى ۇزدىكسىز جاڭا جاعدايعا ۇيلەسكەندە، جاڭا تاجىريبەلەردى قابىلداعاندا، جاڭا تابىستاردى ايگىلەگەندە، جاڭا ولشەم شىعارعاندا عانا، ساياسي كەڭەس قىزمەتىن اناعۇرلىم جاقسى ىلگەرىلەتە الادى. وزگەرىس ەنگىزىلگەننەن كەيىن ساياسي كەڭەس ۋستاۆىنىڭ جالپىلىق تۇراقتىلىعى ساقتالدى، ءىشىنارا تاراۋ، تاراۋشا قوسىلدى نەمەسە ازايتىلدى، ماڭىزدى بايانداۋلار كەمەلدەندىرىلدى.
13 مۇشە جيىننىڭ سوڭىندا رەفورمانى جاپپاي تەرەڭدەتۋ، ەكونوميكانى ساپالى دامىتۋ سياقتىلاردى ارقاۋ ەتە وتىرىپ، جارىس سوزگە شىقتى.
ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى ءتوراعالار القاسىنىڭ تۇراقتى ءتوراعالارى دۇڭ جيانحۋا، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ جيىنعا قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
