شينجياڭ ۇيعۇر اۆتونوميالى رايونىنىڭ بوران، نوسەر، قالىڭ قار اۋا رايى اپاتىنان ساقتانۋ ءادىسى
2018.03.12 14:30 كەلۋ قاينارى : شينجياڭ گازەتى
شينجياڭ ۇيعۇر اۆتونوميالى رايوندىق حالىق ۇكىمەتىنىڭ بۇيرىعى
208 - ءنومىرلى
«شينجياڭ ۇيعۇر اۆتونوميالى رايونىنىڭ بوران، نوسەر، قالىڭ قار اۋا رايى اپاتىنان ساقتانۋ ءادىسى» اۆتونوميالى رايوندىق 13 - كەزەكتى حالىق ۇكىمەتىنىڭ 1 - رەتكى ۇنەمىلىك ىستەر ماجىلىسىندە 2018 - جىلى 2 - ايدىڭ 1 - كۇنى تالقىلانىپ ماقۇلداندى، قازىر جاريالاپ وتىرمىز، 2018 - جىلى 4 - ايدىڭ 1 - كۇنىنەن باستاپ اتقارىلادى.
اۆتونوميالى رايوننىڭ ءتوراعاسى شوكىرات زاكىر
2018 - جىلى 2 - ايدىڭ 24 - كۇنى
ءبىرىنشى تاراۋ جالپى ەرەجە
1 - تارماق بوران، نوسەر، قالىڭ قار اۋا رايى اپاتىنان ساقتانۋدى كۇشەيتىپ، اۋا رايى اپاتى تۋدىراتىن زياندى بولدىرماۋ، ازايتۋ، حالىقتىڭ باس اماندىعى مەن مال - مۇلىك حاۋىپسىزدىگىنە كەپىلدىك ەتۋ ءۇشىن مەملەكەتتىك كەڭەستىڭ «اۋا رايى اپاتىنان ساقتانۋ ەرەجەسىنە» جانە قاتىستى زاڭدارعا، زاڭدىق ەرەجەلەرگە ساي، اۆتونوميالى رايوننىڭ ءىس جۇزىندىگىنە ۇشتاستىرىلىپ، وسى ءادىس جاسالدى.
2 - تارماق اۆتونوميالى رايوننىڭ اكىمشىلىك وڭىرلەرىندە بوران، نوسەر، قالىڭ قار اۋا رايى اپاتىنان ساقتانۋ قىزمەتىن ورىستەتۋدە وسى ءادىس قولدانىلادى.
3 - تارماق بۇل ادىستە اۋىزعا الىنعان بوران، نوسەر، قالىڭ قار اۋا رايى اپاتى بوران، نوسەر، قالىڭ قار سەبەبىنەن ادامداردىڭ جارالانۋ - ءولۋ، مال - مۇلىك شىعىنى جايتى تۋىلعان نەمەسە تۋىلۋ مۇمكىندىگى بولعان، ياعني الەۋمەتتىك حاۋىپسىزدىككە، الەۋمەتتىك تارتىپكە ىقپال كورسەتەتىن ەلەۋلى اۋا رايىندىق، كليماتتىق ۋاقيعالاردى مەڭزەيدى.
4 - تارماق بوران، نوسەر، قالىڭ قار اۋا رايى (تومەندە ءبىر تۇتاس ناشار اۋا رايى دەلىنەدى) اپاتىنان ساقتانۋدا ادامدى وزەك، ساقتانۋدى نەگىز ەتۋ، ساقتانۋ مەن جونگە سالۋدى ۇشتاستىرۋ باعىتىنان جازباي، ۇكىمەت جەتەكشىلىك ەتۋ، تاراۋلار بىرگە ارەكەتتەنۋ، قوعام ات سالىسۋ، عىلمي ساقتانۋ پرينسيبى اتقارىلادى.
5 - تارماق اۋدان دارەجەلىدەن جوعارى حالىق ۇكىمەتتەرى ناشار اۋا رايى اپاتىنان ساقتانۋ بويىنشا ۇيىمداستىرۋ، باسشىلىق ەتۋ جانە سايكەستىرۋ قىزمەتىنە جاۋاپتى بولىپ، اپاتتان ساقتانۋ مەحانيزمىن ورناتىپ، اقاۋسىزداندىرىپ، اپاتتان ساقتانۋ نەگىزدىك قۇرىلعى قۇرىلىسىن كۇشەيتىپ، ناشار اۋا رايى اپاتىنان ساقتانۋ، ينفورماتسيادان ورتاق يگىلىكتەنۋ مەحانيزمىن جانە شۇعىل جاعدايعا توتەپ بەرۋ، ءبىر جاقتى ەتۋ جۇيەسىن كەمەلدەندىرىپ، ساقتانۋ قابىلەتىن جوعارىلاتادى.
ناشار اۋا رايى اپاتى وڭاي تۋىلاتىن وڭىرلەردەگى حالىق ۇكىمەتتەرى قاتىستى تاراۋلاردى ۇيىمداستىرىپ، اپاتتان ساقتانۋ بىرىككەن ءماجىلىسى ءتۇزىمىن ورناتىپ، اپاتقا شۇعىل توتەپ بەرۋ جوباسىن جاساپ جانە كەمەلدەندىرىپ، ءتۇرلى اپاتتارعا توتەپ بەرۋ شاراسىن جانە ءبىر جاقتى ەتۋ ءتارتىبىن ايقىندايدى ءارى قاتىستى ورىنداردى ساقتانۋ جاۋاپكەرلىگىن تياناقتاندىرۋعا قۋزايدى.
6 - تارماق اۋداننان (قالا) جوعارى اۋا رايى نەگىزگى باسقارۋ قۇرىلىمدارى ءوز اكىمشىلىك وڭىرىندەگى ناشار اۋا رايى اپاتىن باقىلاۋ - ولشەۋ، مالىمدەۋ، ساقتىق دابىلىن قاعۋ، حاۋىپ - قاتەردى باعالاۋ سياقتى ساقتانۋ قىزمەتىنە جاۋاپتى بولادى.
قاتىناس - تاسىمال (تاس جول، تەمىر جول، حالىقتىق اۆياتسيا)، مەملەكەت جەر بايلىعى، تۇرعىن ءۇي جانە قالا، اۋىل قۇرىلىسى، ەگىن شارۋاشىلىعى، ورمان شارۋاشىلىعى، مال شارۋاشىلىعى، قوعام حاۋىپسىزدىگى (ورتتەن ساقتانۋ)، ءوندىرىس حاۋىپسىزدىگىن باقىلاۋ، حالىق ىستەرى، حابارلاسۋ، راديو - تەلەۆيزيا، ساياحات، وقۋ - اعارتۋ، ەكونوميكا جانە ينفورماتسيالاندىرۋ، سۋ يگىلىگى، ەلەكتر، كومىر سياقتى قاتىستى تاراۋلار مىندەت جۇمىسى بولىسىنە ساي ناشار اۋا رايى اپاتىنان ساقتانۋ شارالارىن تياناقتاندىرىپ، اۋا رايى باسقارۋ قۇرىلىمدارىمەن ءوزارا بايلانىس جاساۋ، حابارلاسۋ سىندى اپات ينفورماتسياسىنان ورتاق يگىلىكتەنۋ مەحانيزمىن ورناتىپ، اپاتقا توتەپ بەرۋ قىزمەتىنىڭ سايكەستى بىرلەسپە ارەكەتىن كۇشەيتىپ، ناشار اۋا رايى اپاتىنان ساقتانۋ قىزمەتىن بىرگە جاقسى ىستەۋى كەرەك.
7 - تارماق اۋدان دارەجەلىدەن جوعارى حالىق ۇكىمەتتەرى قاتىستى تاراۋلاردى ۇيىمداستىرىپ، ءوز اكىمشىلىك وڭىرلەرىندە تۋىلعان ناشار اۋا رايى اپاتىنىڭ سانى، كۇشەمەلىلىگى، تۋدىرعان زيانى جانە اپات سەبەبى، سيپاتى، ىقپالى سياقتىلار جونىندە تەكسەرۋ جۇرگىزىپ، تالداۋ جاساپ جانە باعالاۋ جۇرگىزىپ، اپات دەرەگى قويماسىن ورناتۋ ءارى اپاتتىڭ تارالۋ جاعدايىنا جانە باعالاۋ ناتيجەسىنە نەگىزدەلىپ، ناشار اۋا رايى اپاتىنىڭ قاتەرلى وڭىرلەرىن تۇراقتاندىرىپ، قاتىستى ساقتانۋ شارالارىن بەلگىلەيدى.
8 - تارماق اۋدان دارەجەلىدەن جوعارى حالىق ۇكىمەتتەرى جانە ونىڭ قاتىستى تاراۋلارى ناشار اۋا رايى اپاتىنىڭ حاۋىپتى وڭىرلەرىندە كليمات شارت - جاعدايىمەن تىعىز قاتىستى بولعان قالا، اۋىلداردىڭ دامۋ جوباسىن، ءتۇيىندى وڭىرلەردىڭ نەمەسە وڭىرلەردىڭ دامۋ قۇرىلىسى جوباسىن، ەگىنشىلىك قۇرىلىمىن رەتتەۋ جانە قۇرىلعى اۋىل شارۋاشىلىعىن دامىتۋ جوباسىن اتقارىپ، كەلەلى نەگىزدىك قۇرىلعى قۇرىلىستارىن ىسكە قوسىپ، وڭىرلىك ەكونوميكانى اشۋ، سونداي - اق كۇن ەنەرگياسى، جەل ەنەرگياسى سياقتى كليماتتىق بايلىقتاردى اشۋ، پايدالانۋ نىساندارىنىڭ العاشقى مەرزىمدىك قىزمەتىندە كليمات ۇيلەسىمدىلىگى جونىندە دالەلدەۋ جۇرگىزىپ، ناشار اۋا رايى ىقپالىن ازايتادى.
9 - تارماق ءار دارەجەلى حالىق ۇكىمەتتەرى، قاتىستى تاراۋلار جانە اقپارات مەديالارى ءتۇرلى تاسىلدەردى قولدانىپ، قوعامعا ناشار اۋا رايى اپاتىنان ساقتانۋ بىلىمدەرىن ۇگىتتەپ، جالپىلاستىرىپ، بۇقارانىڭ اپاتتان ساقتانۋ، اپات شىعىنىن ازايتۋ تانىمى مەن قابىلەتىن جوعارىلاتادى.
ەكىنشى تاراۋ الدىن الۋ جانە ساقتىق ينفورماتسيالارىن جاريالاۋ، تاراتۋ
10 - تارماق ناشار اۋا رايى اپاتىندا بوران كۇشىنىڭ دارەجەسىنە، نوسەردىڭ، قالىڭ قاردىڭ كۇشتىلىگى مەن جالعاسقان ۋاقىتىنا، سونداي - اق تۋىلۋى مۇمكىن حاۋىپ - قاتەر مولشەرىنە قاراي، كوك، سارى، قىزعىلت، قىزىل ءتۇستى 4 دارەجە بويىنشا الدىن الا ساقتىق دابىلىن قاعۋ اتقارىلادى، اپاتتان الدىن الا ساقتىق دابىلىن قاعۋ دارەجەسى مەن قورعانۋ شارالارى دارەجە بويىنشا جوعارىلاتىلادى.
11 - تارماق ناشار اۋا رايى اپاتى وڭاي تۋىلاتىن جەرلەردەگى كاسىپورىندار، ءىسورىندارى اپاتتان قورعانۋ بويىنشا باسقارۋ ءتۇزىمىن ورناتىپ، اپاتتان قورعانۋ شارالارىن قولدانىپ، اپات حاۋىپ - قاتەرىنەن ءونىمدى تۇردە ساقتانۋى كەرەك.
12 - تارماق اۋدان دارەجەلىدەن جوعارى حالىق ۇكىمەتتەرىنىڭ مەملەكەت جەر بايلىعى تاراۋلارى اۋا رايى باسقارۋشى قۇرىلىمدارمەن بىرلەسىپ اپات حاۋىپ - قاتەرى جونىندە الدىن الا ساقتىق دابىلىن قاعىپ، قاتىستى ورىنداردى گەولوگيالىق اپاتتاردىڭ جاسىرىن قاتەرلەرىن تەكسەرۋگە ۇيىمداستىرىپ، ارالاپ تەكسەرۋدى جانە باقىلاۋدى كۇشەيتىپ، گەولوگيالىق اپاتتاردىڭ الدىن الۋ جانە ونى تىزگىندەۋ قىزمەتىن جاقسى ىستەۋى كەرەك.
13 - تارماق اۋداننان (قالا) جوعارى اۋا رايى باسقارۋشى قۇرىلىمدارىنا قاراستى اۋا رايىن بولجاۋ ستانسيالارى قىزمەت مىندەتى بويىنشا، قوعامعا ناشار اۋا رايىنان الدىن الا ساقتىق دابىلىن قاعۋ جانە اپاتتان الدىن الا ساقتىق دابىلىن قاعۋ سيگنالىن جانە قاتىستى قورعانۋ نۇسقاۋىن ءبىر تۇتاس جاريالاپ، جەرگىلىكتى اۋداندىق (قالا) حالىق ۇكىمەتىنە جانە ءبىر دارەجە جوعارى اۋا رايى باسقارۋشى قۇرىلىمدارىنا مالىمدەيدى.
14 - تارماق راديو، تەلەۆيزيا، گازەت، ينتەرنەت سياقتى مەديالار ناشار اۋا رايىنان الدىن الا ساقتىق دابىلىن قاعۋ جانە اپاتتان الدىن الا ساقتىق دابىلىن قاعۋ سيگنالىن دەر كەزىندە، دۇرىس تاراتۋ كەرەك.
ناشار اۋا رايى اپاتى بويىنشا قىزعىلت ءتۇستى جانە قىزىل ءتۇستى ساقتىق سيگنالى بەرىلگەن كەزدە، راديو، تەلەۆيزيا، ينتەرنەت سياقتى مەديالار مەن نەگىزگى تەلەحابارلاسۋ وپەراتورلىق كاسىپورىندارى تىكە تاراتۋ، قايتالاپ قويۋ، ۋيچات، ميكروبلوگ، ينتەرنەتتە ۇسىنۋ جانە قول تەلەفون قىسقا حابارلاماسى سياقتى تاسىلدەرمەن ناشار اۋا رايىنىڭ ناقتى جاعدايىن جانە قورعانۋ شارالارىن جاريالاپ، الەۋمەتتى قورعانۋ دايىندىقتارىن جاقسى ىستەۋگە ەسكەرتۋى كەرەك.
15 - تارماق مەكتەپ، شيپاحانا، ساۋدا بازارى، اۋىل شارۋاشىلىعى ونىمدەرى بازارى، سپورت الاڭ - ستاديونى، اۋەجاي، اۆتوۆوگزال، ساياحات كورىنىستىك اۋماقتارى (ءتۇيىنى) سياقتى ادام شوعىرلانعان ورىندار مەن ناشار اۋا رايىنىڭ ىقپالىنا وڭاي ۇشىرايتىن ورىندار اۋا رايى اپاتتارىنان الدىن الا ساقتىق دابىلىن قاعۋ اقپاراتتارىن قابىلداۋ جانە تاراتۋ قىزمەتىن جاقسى ىستەۋى كەرەك.
اۋىل - قالاشىق حالىق ۇكىمەتتەرى، قىستاق (تۇرعىندار) كوميتەتى اپاتتان الدىن الا ساقتىق ينفورماتسيالارىن دەر كەزىندە جەتكىزۋى، بۇقارانىڭ اپاتتان ساقتانۋ، اپاتتان تاسالانۋ قىزمەتىن جاقسى ىستەۋىنە كومەكتەسۋى كەرەك.
ءۇشىنشى تاراۋ شۇعىل جاعداي شارالارى
16 - تارماق ناشار اۋا رايىنان الدىن الا ساقتىق دابىلىن قاعۋ جانە اپاتتان الدىن الا ساقتىق سيگنالى جاريالانعان سوڭ، اۋدان دارەجەلىدەن جوعارى حالىق ۇكىمەتتەرى مەن ونىڭ قاتىستى تاراۋلارى ناقتى جاعدايعا قاراي سايكەستى شۇعىل جاعداي جوبالارىن ىسكە قوسۋدى ۇيعارىپ، شۇعىل جاعدايعا توتەپ بەرۋ كۇيىنە ءوتۋى كەرەك. اۋىل - قالاشىق حالىق ۇكىمەتتەرى، ءمالى باسقارمالارى، قىستاق (تۇرعىندار) كوميتەتى قاتىستى حالىق ۇكىمەتىنىڭ ۇيعارىمى، بۇيرىعى بويىنشا، شۇعىل جاعداي بويىنشا ءبىر جاقتى ەتۋ تۋرالى ۇگىت، جۇمىلدىرۋ جۇمىستارىن جۇرگىزىپ، العاشقى ساقتانۋ جانە اپاتقا توتەپ بەرۋ جۇمىستارىن جاقسى ىستەۋى كەرەك.
17 - تارماق ءارقانداي ورىن نەمەسە جەكە تۇگەلدەي جەرگىلىكتى حالىق ۇكىمەتى جانە ونىڭ قاتىستى تاراۋى جاريالاعان ۇيعارىمعا، بۇيرىققا بويسۇنۋى كەرەك، وسەك قۇراستىرۋىنا، تاراتۋىنا بولمايدى.
18 - تارماق كەن، قۇرىلىس جۇرگىزەتىن ورىندار جانە قاتەرلى بۇيىمداردى وندىرەتىن، تيجارات ەتەتىن، ساقتايتىن - جەتكىزەتىن، پايدالاناتىن ورىندار، مادەنيەت مۇرالارى ءتۇيىندى قورعالاتىن ورىندار، ت.ب ءوندىرىس - تيجارات ورىندارىنا، قاتەرلى بۇيىمدار قويىلعان قۇرىلىستارعا، ءتۇيىندى مادەنيەت مۇرالارىنا، سونداي - اق توڭىرەگىندەگى ورتاعا كومەسكى قاتەر جونىنەن ءبىر - بىرلەي تەكسەرۋ جۇرگىزىپ، دەر كەزىندە شارالار قولدانىلىپ، كومەسكى قاتەرلەردى الاستاپ، ناشار اۋا رايىنان اپات تۋىلۋدان ساقتانۋى كەرەك.
19 - تارماق راديو - تەلەۆيزور، حابارلاسۋ، ەلەكتر، سۋ ىستەرى، سۋمەن قامداۋ - سۋ ىعىستىرۋ، تابيعي گازبەن قامداۋ، سونداي - اق تاس جول، تەمىر جول، اۋەجاي سياقتى الەۋمەتتىك نەگىزدىك قۇرىلعىلاردى جۇرگىزەتىن، كۇتىمدەيتىن ورىندار اۋا رايى ستانسياسىنىڭ ناشار اۋا رايى جونىندەگى ساقتىق دابىلى مەن اپات جونىندەگى ساقتىق سيگنالىنا نەگىزدەلىپ، جابدىقتاردى، قۇرىلعىلاردى كۇتىمدەۋ، قاتەرلەردى تۇگەل تەكسەرۋ، قاتەردەن اراشالاۋعا دايىندىق جاساۋ قىزمەتىن ويداعىداي ىستەۋى كەرەك.
تاس جول، تەمىر جول، اۆياتسيا حاۋىپسىزدىكتىڭ تەحنيكالىق ولشەمىنە جانە تەحنيكانى ارناعا ءتۇسىرۋ تالابىنا ساي، جۇمىس جوسپارى مەن جولاۋشى تاسىمال كەزەگىن دەر كەزىندە رەتتەپ، جولدان قالعان جولاۋشىلارعا جول كورسەتىپ، قاتىناۋ حاۋىپسىزدىگىنە كەپىلدىك ەتۋى كەرەك.
20 - تارماق ادام شوعىرلى ورىندار ءوز ورنىنىڭ شۇعىل جاعدايلاردا كومەك بەرۋ اترەتى مەن قىزمەتكەرلەردى شۇعىل جاعدايلاردى ءبىر جاقتى ەتۋگە دايىندىق جاساۋعا ويداعىداي ۇيىمداستىرىپ، اپاتقا ۇشىراعانداردى دەر كەزىندە قۇتقارۋى ءارى قاتەردە قالعانداردى باسقا جەرگە جەتكىزۋى، ورنالاستىرۋى كەرەك.
جۇرت ناشار اۋا رايى جاعدايىنا نازار سالىپ، باس اماندىعىن قورعاۋى، ناشار اۋا رايى تۋىلعان وڭىرلەرگە بارىپ قيمىل جۇرگىزۋدەن ساقتانۋى كەرەك.
21 - تارماق بوران اپاتى وڭاي تۋىلاتىن وڭىرلەردىڭ حالىق ۇكىمەتتەرى (اكىمشىلىك مەكەمە)، قاتىستى تاراۋلارى ىقتاسىن ورمان، شۇعىل پانالاۋ ورنى، ت. ب قۇرىلىسىن كۇشەيتىپ، قۇرىلىستاردىڭ بوراننان ساقتانىپ، قاتەردەن تاسالانۋى جونىنەن باقىلاۋ - تەكسەرۋ جۇرگىزۋگە ۇيىمداستىرۋى كەرەك.
22 - تارماق بوران اپاتى جونىندەگى ساقتىق دابىلى قاعىلعاننان كەيىن مىناداي شۇعىل جاعدايلاردى ءبىر جاقتى ەتۋ شارالارىن قولدانۋ كەرەك؛ قاجەتتى جاعدايدا اپات تۋىلعان جەردىڭ حالىق ۇكىمەتى (اكىمشىلىك مەكەمەسى) قوعامعا وت جاقپاۋ بۇيرىعىن تۇسىرۋىنە بولادى:
(1) كوك ءتۇستى، سارى ءتۇستى سيگنال بەرىلگەن مەزگىلدە: تۇرعىن ءۇي جانە قالا - اۋىل قۇرىلىسى تاراۋى قاتىستى ورىنداردى ءۇي قۇرىلىسى جانە قالا قۇرىلىسى جۇرىلگەن قۇرىلىس ورىندارىندا ۋاقىتشا سالىنعان قۇرىلىستارعا، دالاداعى ۇگىت تاقتالارعا، تۇعىرلارعا، قۇرىلىس سىرتقى قورشاۋىنا، ت. ب حاۋىپسىزدىك كومەسكى قاتەرى بويىنشا ءبىر - بىرلەي تەكسەرۋ جۇرگىزۋ قىزمەتىن ويداعىداي ىستەۋگە، بوراندا وڭاي قۇلايتىن قۇرىلعىلاردى بەكەمدەۋگە نەمەسە شاعۋعا، قاتەرلى ۇيلەردە تۇراتىن تۇرعىنداردى باسقا جەرگە كوشىرۋگە قۋزاۋى؛ قوعام حاۋىپسىزدىگى ءورت ءسوندىرۋ - ورتتەن ساقتانۋ تاراۋى ورتتەن ساقتانۋ - ءورت ءسوندىرۋ جونىنەن حاۋىپسىزدىك ەسكەرتۋ بەرۋى؛ قاتىستى ورىندار دالاداعى كولەمدى بۇقارالىق قيمىلداردى توقتاتۋى؛ ساياحات كورىنىستىك اۋماقتارى (تۇيىندەرى) كەڭىستىكتەگى كوڭىل اشۋ ويىندارىن ۋاقىتشا توقتاتۋى كەرەك؛
(2) قىزعىلت ءتۇستى سيگنال بەرىلگەن مەزگىلدە: قۇرىلىس جۇرگىزۋشى ورىندار كەڭىستىكتە جانە دالادا جۇمىس جۇرگىزۋدى توقتاتۋى؛ قوعام حاۋىپسىزدىگى تاراۋى جوعارى جىلدامدىقتى تاس جولداعى اۆتوكولىكتەردىڭ قارقىنىن شەكتەۋ شاراسىن قولدانۋى؛ ساياحات كورىنىستىك اۋماقتارى (تۇيىندەرى) ساياحاتشىلاردى قابىلداۋدى توقتاتۋى ءارى ساياحاتشىلاردى باسقا جەرگە جەتكىزۋى؛ اۋىل شارۋاشىلىق تاراۋى شارۋالاردىڭ ساقتانۋ شاراسىن ويداعىداي ىستەۋىنە، سۋلياۋ جارعاقتىڭ ەكى شەتىن بەكەمدەۋىنە، قۇرىلعىلى جىلىجايدى بويرامەن قىمتاۋىنا جەتەكشىلىك ەتۋى؛ ورمان شارۋاشىلىعى تاراۋى جەمىس باقتارىنداعى سورەلەردى بەكەمدەۋگە جەتەكشىلىك ەتۋى كەرەك؛
(3) قىزىل ءتۇستى سيگنال بەرىلگەن مەزگىلدە: قوعام حاۋىپسىزدىگى تاراۋى بوراننىڭ اسەرىنە ۇشىراعان وڭىردەگى جوعارى جىلدامدىقتى تاس جولداردى جابۋ؛ ءوندىرىس حاۋىپسىزدىگىن باقىلاۋ، ەكونوميكا جانە ينفورماتسيالاندىرۋ، كومىر كاسىبى تاراۋلارى قاتەرلى بۇيىمداردى وندىرەتىن كاسىپورىنداردى جاعدايعا قاراي ءوندىرىستى ازايتۋعا نەمەسە ءوندىرىستى توقتاتۋعا قۋزاۋى كەرەك.
23 - تارماق نوسەر اپاتى وڭاي تۋىلاتىن وڭىردەگى حالىق ۇكىمەتى (اكىمشىلىك مەكەمە)، قاتىستى تاراۋلار ءوز جەرىنىڭ جاۋىن - شاشىن جاعدايىنا قاراي ءتۇرلى سۋ ىعىستىراتىن قۇرىلعىلارىن تەكسەرۋگە ۇيىمداستىرىپ، وزەن ارنالارى مەن سۋ ىعىستىراتىن قۇبىرلاردى دەر كەزىندە اشىپ، تازالاپ، قاتەرلى سۋ قويمالارىن بەكەمدەپ، گەولوگيالىق اپات وڭاي تۋىلاتىن وڭىرلەردى جانە توسپا سياقتى ماڭىزدى حاۋىپتى جەرلەردى شارلاۋدى كۇشەيتۋى كەرەك.
24 - تارماق نوسەر اپاتى تۋرالى ساقتىق دابىلى قاعىلعاننان كەيىن، شۇعىل جاعدايعا بايلانىستى مىناداي شارالار قولدانىلۋعا ءتيىس:
(1) كوك، سارى سيگنال بەرىلگەن مەزگىلدە: سۋ يگىلىگى تاراۋلارى قاتىستى تاراۋلاردى سۋ قويماسىنا، وزەن ۇيمە جالدارىنا جانە ۇرىمتال بولىكتەرگە شارلاۋ - تەكسەرۋ جۇرگىزۋگە قۋزايدى؛ نوسەر اپاتىنىڭ قاتەرى ءبىرشاما اۋىر ساياحات ورىندارى (تۇيىندەر) جابىلادى ءارى ساياحاتشىلار تاراتىلادى؛ تۇرعىن ءۇي جانە قالا، اۋىل قۇرىلىسى تاراۋلارى ويپاڭداعى تۇرعىندار اۋماعىنا، ەسكى، قاتەرلى تۇرعىن ۇيلەرگە، زاۆود ۇيلەرىنە، ۋاقىتشا جاتاقحانالارعا جانە ۋاقىتشا سالىنعان (ورناتىلعان) قۇرىلىستارعا تەكسەرۋ جۇرگىزۋگە ۇيىمداستىرىپ، جاڭبىر سۋى اعۋ، سۋ ءوتۋ، ت.ب سالدارىنان قۇرىلىس نىسانىنىڭ قۇلاۋىنان ساقتانادى، نوسەردىڭ قۋاتىنا نەگىزدەلىپ قۇرىلىس جۇرگىزۋشى ورىندى دالا جۇمىستارىن ۋاقىتشا توقتاتۋعا نەمەسە جۇمىستى توقتاتۋعا قۋزايدى؛ ورمان شارۋاشىلىعى تاراۋلارى جەمىس باقتارىن درەناجداۋ، جاڭبىردان قورعاۋ، ت.ب جۇمىستارىن جاقسى ىستەۋگە قۋزايدى؛
(2) قىزعىلت ءتۇستى سيگنال بەرىلگەن مەزگىلدە: سۋ يگىلىگى تاراۋلارى دەر كەزىندە قاتەرگە تەكسەرۋ جۇرگىزىپ، سۋ قويماسىنىڭ دەڭگەيىن ءتۇسىرۋ، وزەن ارنالارىندا تاسقىن سۋدى بۇرۋ جانە سەل اپاتىنان ساقتانۋ جۇمىستارىن ويداعىداي ىستەيدى؛ قۇرىلىس جۇرگىزۋشى ورىندار داۋال - قابىرعالاردىڭ قۇلاۋىنان ساقتانۋ جانە ىرگەتاس شۇڭقىرلارىن قۇرعاتۋ جۇمىستارىنا ويداعىداي دايىندالىپ، دالا جۇمىستارىن ۋاقىتشا توقتاتادى؛ ساياحات كورىنىستىك اۋماقتارى (ءتۇيىن) جابىلادى ءارى ساياحاتشىلار تاراتىلادى؛ قوعام حاۋىپسىزدىگى تاراۋلارى سۋ ورعان جانە مول سۋ جينالعان جوعارى جىلدامدىقتى تاس جولداردى بەكىتەدى؛ ورمان الاڭدارىنىڭ قىزمەتكەرلەرى دالا جۇمىستارىن توقتاتادى؛
(3) قىزىل ءتۇستى سيگنال بەرىلگەن مەزگىلدە: سۋ يگىلىگى تاراۋلارى شارلاۋ، تەكسەرۋدى كۇشەيتىپ، تاسقىننان ساقتانۋ، قاتەردەن قۇتقارۋدىڭ جانە اپاتتىق جاردەم كورسەتۋدىڭ دايىندىق جۇمىستارىن جاقسى ىستەۋى كەرەك؛ قوعام حاۋىپسىزدىگى تاراۋلارى حاۋىپتى جول بولىكتەرىن بەكىتىپ، كولىك پەن ادامنىڭ جۇرۋىنە تيىم سالادى؛ تاۋ - كەن، قاتەرلى حيميالىق بۇيىمدار، وتجۇلدىز - تورسىلداق، ت. ب كاسىپورىندار ءوندىرىستى توقتاتادى.
25 - تارماق قار اپاتىنا وڭاي ۇشىرايتىن وڭىرلەردەگى حالىق ۇكىمەتتەرى (اكىمشىلىك مەكەمە)، قاتىستى تاراۋلار جەرگىلىكتى ورىننىڭ قار جاۋۋ، ۇسىك شالۋ جاعدايىنا نەگىزدەلىپ، ەلەكتر قۋاتى مەن بايلانىس جەلىلەرىنە شارلاۋدى كۇشەيتىپ، كولىك قاتىناسىنا نۇسقاۋ كورسەتۋ، جيىلعان قار، قاتقان مۇزدى تازالاۋ، كابەلدىك جەلىلەردى قورعاۋ سياقتى دايىندىق قىزمەتتەردى جاقسى ىستەۋى ءارى قاتىستى ورىندار مەن جەكە تۇلعالارعا حاۋىپتى، كونە ۇيلەر مەن قۇرىلعىلى جىلىجايلاردى بەكەمدەۋ، جەم - ءشوپ ازىرلەۋ، ءورىس جاڭالاۋ سياقتى جۇمىستاردى ورىنداۋ جونىندە حابار بەرۋى كەرەك.
26 - تارماق قار اپاتى تۋرالى ساقتىق دابىلى قاعىلعاننان كەيىن، شۇعىل جاعدايعا بايلانىستى مىناداي شارالار قولدانىلۋعا ءتيىس:
(1) كوك، سارى ءتۇستى سيگنال بەرىلگەن مەزگىلدە: ەگىن شارۋاشىلىعى، ورمان شارۋاشىلىعى، مال شارۋاشىلىعى تاراۋلارى ەگىن، ورمان، مال شارۋاشىلىقتارىمەن جانە سۋ ونىمدەرىن وسىرۋمەن اينالىساتىن وتباسىلارىنىڭ ۇسىكتەن قورعانۋدىڭ قاجەتتى شارالارىن قولدانۋىنا جەتەكشىلىك ەتەدى؛ قوعام حاۋىپسىزدىگى تاراۋلارى قالا جولدارىنا ناقتى مەرزىمدى باقىلاۋدى كۇشەيتىپ، قايقاڭ جول بولىكتەرىندە كولىك قاتىناسىنا نۇسقاۋشىلىق جاسايدى؛
(2) قىزعىلت ءتۇستى سيگنال بەرىلگەن مەزگىلدە: قوعام حاۋىپسىزدىگى تاراۋلارى قار باسقان جول بولىكتەرىندە جۇرۋگە شەكتەۋ قويۋ، جىلدامدىققا شەكتەۋ قويۋ سياقتى كولىك قوزعالىسىن رەتتەۋ شارالارىن قولدانىپ، جوعارى جىلدامدىقتى تاس جولداردى بەكىتەدى؛ ساياحات كورىنىستىك اۋماقتارى (ءتۇيىن) سەيىل - سەرۋەن جەلىلەرىن جابادى ءارى ساياحاتشىلاردى تاراتادى؛
(3) قىزىل ءتۇستى سيگنال بەرىلگەن مەزگىلدە: قۇرىلىس جۇرگىزۋشى ورىندار دالا جۇمىستارىن توقتاتادى؛ ءوندىرىس حاۋىپسىزدىگىن باقىلاۋ تاراۋلارى اشىق كەن، مۇناي - گاز قۇدىقتارى سياقتى كاسىپورىنداردى جاعدايعا قاراي ءوندىرىستى ازايتۋعا نەمەسە ءوندىرىستى توقتاتۋعا قۋزايدى؛ ساياحات كورىنىستىك اۋماقتارى (ءتۇيىن) جابىلادى ءارى ساياحاتشىلار تاراتىلادى.
27 - تارماق ناشار اۋا رايى تۋدىرعان اپات تۋرالى ساقتىق سيگنالى جاريالانعاننان كەيىن، وقۋ - اعارتۋ تاراۋلارى ساقتىق دابىلىنىڭ دارەجەسىنە قاراي، شۇعىل جاعدايعا بايلانىستى مىناداي ساقتىق شارالارىن قولدانۋعا ءتيىس:
(1) بوران نەمەسە نوسەر تۋرالى كوك، سارى ءتۇستى سيگنال بەرىلگەن مەزگىلدە، بالاباقشالار مەن ورتا، باستاۋىش مەكتەپتەر ساباقحانادان تىس وقىتۋ قيمىلدارىن توقتاتادى؛ قىزعىلت ءتۇستى سيگنال بەرىلگەن مەزگىلدە، بالاباقشالار مەن ورتا، باستاۋىش مەكتەپتەر مەكتەپكە كەلۋ، مەكتەپتەن قايتۋ ۋاقىتتارىن رەتتەيدى نەمەسە وقۋ توقتاتادى؛
(2) قالىڭ قار تۋرالى قىزعىلت ءتۇستى سيگنال بەرىلگەن مەزگىلدە، بالاباقشالار مەن ورتا، باستاۋىش مەكتەپتەر وقۋ توقتاتۋعا دايىندالادى؛ قىزىل ءتۇستى سيگنال بەرىلگەن مەزگىلدە، بالاباقشالار مەن ورتا، باستاۋىش مەكتەپتەر وقۋ توقتاتادى.
ءتورتىنشى تاراۋ زاڭدىق جاۋاپكەرشىلىك
28 - تارماق وسى ادىستەگى بەلگىلەمەلەرگە قايشى كەلىپ، اۋا رايى باسقارۋشى قۇرىلىمدارى مەن باسقا قاتىستى تاراۋلار، ءىسورىندار جانە ولاردىڭ قىزمەتكەرلەرى مىناداي ارەكەتتەردىڭ ءبىرىن جاساسا، ولاردىڭ جوعارى دارەجەلى باسقارۋشى تاراۋلارى نەمەسە باقىلاۋ - تەكسەرۋ ورگانى تۇزەتۋگە بۇيىرادى؛ زاردابى اۋىر بولسا، تىكە جاۋاپتى باسقارۋشى قىزمەتكەر مەن باسقا دا تىكە جاۋاپتى ادامعا زاڭ بويىنشا جازا قولدانىلادى؛ قىلمىس جاساعاندار زاڭ بويىنشا قىلمىستىق جاۋاپقا تارتىلادى:
(1) ناشار اۋا رايى تۋدىرعان اپاتتان ساقتانۋدى باقىلاۋ جاۋاپكەرشىلىگىن بەلگىلەمە بويىنشا وتەمەسە، اپاتقا قارسى قولدانعان شاراسى نەمەسە ءبىر جاقتى ەتۋى ۇيلەسىمسىز بولسا؛
(2) جاعدايدى جاسىرسا، وتىرىك حابارلاسا نەمەسە جۇمىسقا سالعىرت قاراۋ سالدارىنان ناشار اۋا رايى تۋدىراتىن اپات تۋرالى بولجال مەن اپات تۋرالى ساقتىق سيگنالىنىڭ بەرىلمەي قالۋىنا، اعات بەرىلۋىنە سەبەپشى بولسا؛
(3) ناشار اۋا رايى تۋدىراتىن اپات تۋرالى بولجال مەن ساقتىق سيگنالىن تاپسىرىپ العاننان كەيىن دەر كەزىندە الەۋمەتكە حابار بەرمەسە؛
(4) ناشار اۋا رايى تۋدىراتىن اپاتتان ساقتانۋ شارالارىن بەلگىلەمە بويىنشا اتقارماسا؛
(5) قىزمەت جاۋاپكەرشىلىگىن زاڭ بويىنشا اتقارماعان باسقا دا ارەكەتتەر بولسا.
29 - تارماق وسى ادىستەگى بەلگىلەمەگە قايشىلىق جاساپ، قاراستى جەردەگى حالىق ۇكىمەتى جانە قاتىستى تاراۋلار شىعارعان ۇيعارىم، بۇيرىققا بويسۇنباي نەمەسە وسەك - اياڭ تاراتىپ، اماندىق باسقارۋعا قايشى ارەكەتتەر جاساعاندارعا زاڭ بويىنشا اماندىق باسقارۋ جازاسى قولدانىلادى؛ باسقالاردىڭ باس اماندىعى مەن مال - مۇلكىنە زالال كەلتىرگەندەر زاڭ بويىنشا ازاماتتىق ىستەر جاۋاپكەرشىلىگىن ارقالايدى.
30 - تارماق وسى ادىستەگى بەلگىلەمەلەرگە قايشى كەلىپ، زاڭ بويىنشا زاڭدىق جاۋاپكەرشىلىك ارقالاۋعا ءتيىستى باسقا ارەكەتتەر، قاتىستى زاڭ، زاڭدىق - ەرەجەلەردەگى بەلگىلەمەلەر بويىنشا باسقارىلادى.
بەسىنشى تاراۋ قوسىمشا ەرەجە
31 - تارماق وسى ءادىس 2018 - جىلى 4 - ايدىڭ 1 - كۇنىنەن باستاپ اتقارىلادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
