بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ ۋاعدا بويىنشا ا ق ش - تىڭ زۇڭتۇڭى ترامپپەن تەلەفوندا سويلەستى

2018.03.12 15:52     كەلۋ قاينارى : شينجياڭ گازەتى

شينحۋا اگەنتتىگىنىڭ 3 - ايدىڭ 9 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ ۋاعدا بويىنشا 3 - ايدىڭ 99 - كۇنى ا ق ش - تىڭ زۇڭتۇڭى ترامپپەن تەلەفوندا سويلەسىپ، كەزەكتەگى چاۋشيان تۇبەگىنىڭ جاعدايى جانە ەكى ەلدىڭ قارىم - قاتىناسى جونىندە ىشكەرىلەي پىكىر اۋىستىردى.

  ترامپ بىلاي دەدى: چاۋشيان تۇبەگىنىڭ جاعدايىندا بەلسەندى وزگەرىستەر جارىققا شىقتى، چاۋشيان جاق بەلسەندى راي ءبىلدىردى، ا ق ش پەن چاۋشياننىڭ جوعارى جىكتەگىلەرىنىڭ كەزدەسۋىن وتكىزۋ ەكى جاق جونىنەن العاندا جاقسى ءىس، چاۋشياننىڭ يادرو ماسەلەسىنىڭ بەيبىت جولمەن شەشىلۋىن ءۇمىت ەتەمىن. اماليات ءتوراعا شي جينپيڭنىڭ ا ق ش - تىڭ چاۋشيانمەن كەلىسسوز وتكىزۋ ءتيىس دەگەن دارىپتەمەسىنىڭ دۇرىس ەكەندىگىن دالەلدەدى. ا ق ش ەرەكشە العىس ايتادى ءارى جۇڭگونىڭ چاۋشيان تۇبەگى ماسەلەسىندەگى ماڭىزدى رولىنا ءمان بەرەدى، جۇڭگومەن تىعىز بايلانىس جاساۋدى، سايكەسۋدى قالايدى.

  شي جينپيڭ بىلاي دەپ اتاپ كورسەتتى: جۇڭگو چاۋشيان تۇبەگىنىڭ يادروسىزدانۋىن ىسكە اسىرۋعا، تۇبەكتىڭ بەيبىتشىلىگى مەن ورنىقتىلىعىن قورعاۋعا، ماسەلەلەردى كەڭەسۋ جولىمەن شەشۋگە تاباندى بولادى. كەزەكتە، چاۋشيان تۇبەگىنىڭ جاعدايىندا جارىققا شىققان بەلسەندى وزگەرىستەر چاۋشيان تۇبەگىن يادروسىزداندىرۋدى كەلىسسوز ارقىلى شەشۋ سىندى دۇرىس ارناعا قايتادان تۇسىرۋگە پايدالى، سونداي - اق ب م ۇ حاۋىپسىزدىك القالار كەڭەسىنىڭ چاۋشيان تۇبەگىنە قاتىستى قارارىندا تۇراقتاندىرىلعان بەتالىسقا دا ۇيلەسەدى. مەن زۇڭتۇڭ مىرزانىڭ چاۋشيان تۇبەگى ماسەلەسىن ساياسي جولىمەن شەشۋدەگى بەلسەندى تىلەگىن القايمىن، ا ق ش پەن چاۋشياننىڭ ەرتەرەك كەڭەس وتكىزىپ، بەلسەندى جەتىستىكتەرگە قول جەتكىزۋىن ءۇمىت ەتەمىن. تاراپتاردىڭ ءوزارا ىزگى نيەت ءبىلدىرىپ، چاۋشيان تۇبەگى جاعدايىنىڭ ۇزبەي جاقسارۋىنا ىقپال جاسايتىن جانە كەدەرگى بولاتىن ىستەردىڭ الدىن الىپ، كەزەكتەگى بەلسەندى جاعدايدى قۇلشىنا جالعاستىرا ءتۇسۋىن دە ءۇمىت ەتەمىز. مەن تاراپتاردىڭ ساياسي ديپلوماتيالىق جولمەن شەشۋ بەتالىسىنان جازباسا بولعانى چاۋشيان تۇبەگى ماسەلەسىن حالىقارالىق قوعام كۇتكەن بەتالىسقا قاراي ۇزدىكسىز ىلگەرىلەتۋگە بولاتىندىعىنا كامىل سەنەمىن.

  ەكى ەل باسشىلارى جۇڭگو - ا ق ش قارىم - قاتىناسى جونىندەگى كوزقاراستارىن ايتتى. شي جينپيڭ بىلاي دەپ اتاپ كورسەتتى: بيىل جىل باسىنان بەرى، مەن زۇڭتۇڭ مىرزامەن قويۋ بايلانىستا بولىپ كەلەمىن، ءبىز ەكى جاق ۇجىمدارىنىڭ جالىنداعان رۋحپەن ەكى ەلدىڭ كەڭ سالالارداعى كەلىسسوز ىنتىماقتاستىعىن ىلگەرىلەتۋىنە، جۇڭگو - ا ق ش قاتىناسىنىڭ اقاۋسىز ورنىقتى دامۋ جاعدايىن ساقتاۋىنا قوسىلدىق. ەكى جاقتىڭ بىرگە قۇلشىنىپ، ءوزارا قۇرمەتتەۋ، ءوزارا تيىمدىلىك جاساۋ نەگىزىندە نازاردى ىنتىماقتاستىققا شوعىرلاندىرىپ، الاۋىزدىقتاردى تەجەپ، جۇڭگو مەن ا ق ش - تىڭ ەكونوميكالىق ىنتىماقتاستىق جاساپ، تەڭ يگىلىككە كەنەلۋىن، ەكى ەل قاتىناسىنىڭ جاڭا ءبىر جىلدا اناعۇرلىم كوپ جەتىستىكتەرگە قول جەتكىزۋىن ءۇمىت ەتەمىن.

  ترامپ جۇڭگونىڭ مەملەكەتتىك «ەكى ءماجىلىسىنىڭ» ءساتتى اشىلعاندىعىن قۇتتىقتادى، ەكى ەل باسشىلارىنىڭ قويۋ بايلانىستا بولۋى ا ق ش - جۇڭگو قاتىناسىنىڭ دامۋىندا توتەنشە ماڭىزدى ەكەنىن، ا ق ش - تىڭ ا ق ش - جۇڭگو قاتىناسىنا جانە ەكى جاقتىڭ ىنتىماقتاستىعىنا وسكەلەڭ ءمان بەرەتىندىگىن، جۇڭگومەن بىرگە قۇلشىنىپ، ا ق ش - جۇڭگو قاتىناسىن دامىتۋدى قالايتىندىعىن ايتتى.

شي جينپيڭ ترامپتىڭ ىزگى تىلەگىنە راقىمەت ايتتى، جۇڭگونىڭ مەملەكەتتىك «ەكى ءماجىلىسىنىڭ» ءساتتى اشىلۋى جۇڭگونىڭ دامۋىنا جانە جۇڭگونىڭ ا ق ش - تى قامتىعان ەلدەرمەن بولعان قارىم - قاتىناسىن دامىتۋىنا بەلسەندى قوزعاۋشى كۇش بەرەتىنىن اتاپ كورسەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

ماتەريالدىق سۋرەت