سانيام سىمايىلدىڭ جاڭا تۇرمىسى
2018.03.12 15:56 كەلۋ قاينارى : شينجياڭ گازەتى
ءتىلشىمىز شيا چيڭ
3 - ايدىڭ 5 - كۇنى كورلا توقىما كيىم - كەشەك ورتالىعى جينفۋ سورتتى ءجىپ ءيىرۋ كاسىبى شەكتى سەرىكتەستىگىنىڭ ءجىپ ءيىرۋ سەحىندا جۇمىسشىلار قاربالاس جۇمىس ىستەۋدە. ءجىپ ءيىرۋ ماشيناسىنىڭ قاسىندا فابريكا باستىعىنىڭ كومەكشىسى، 48 جاستاعى سانيام سىمايىل جاڭادان كەلگەن جۇمىسشىلارعا جىڭىشكە ءجىپ جالعاۋدى ۇيرەتۋدە.
سانيام تىلشىگە: مەن اۋىل - قىستاقتان شىعىپ ءجىپ ءيىرۋ كاسىبىمەن اينالىسقانىما 28 جىلدىڭ ءجۇزى بولدى، قازىر ايىنا 5000 يۋاننان ارتىق كىرىس كىرگىزەمىن. مەندە بۇرىننان بەرى قوس قولىما سۇيەنىپ باقىتتى تۇرمىسقا جەتسەم دەگەن ماقسات بولدى، - دەدى.
1990 - جىلى 7 - ايدا، تولىق ورتانى تامامداپ ۇيىندە جۇرگەن سانيام لوپنۇر اۋدانى ۇيىمداستىرعان ماقتا ءجىپ ءيىرۋ كۋرسىنا قاتىناسىپ، ۇيرەنۋىن اياقتاتقان سوڭ اۋداندىق ماقتا، كەندىر توقىما فابريكاسىنا توقىماشى بولىپ ىستەيدى. سول كەزدە بىرگە كەلگەن 100دەي ادامنىڭ ءبىرقانشاسى جاپاعا شىداماي نەمەسە تەحنيكانىڭ تەتىگىن مەڭگەرە الماي كەتىپ قالادى، ال سانيام بولسا فابريكاعا كىرىپ جۇمىس ىستەۋدى قىزمەت ورايى دەپ ءبىلىپ، تەحنيكانى قۇلشىنا ۇيرەنىپ، قانشا جاپا تارتسا دا ءۇن - ءتۇنسىز ىستەي بەرەدى.
سانيام بىلاي دەدى: فابريكاعا العاش كەلگەن كەزدە، تالەيىمە جاراي جاقسى ۇستازعا جولىقتىم. ول مەنىمەن قۇرداس ەكەن، ماعان سابىرلىلىقپەن تەحنيكا، ورتاق ءتىل ۇيرەتتى، كوپ وتپەي سىرلاس دوس بولىپ كەتتىك. فابريكا وتكىزگەن توقىما ماشيناسى جارىسىندا، ءبىز جەكە - جەكە ۇستازدار گرۋپپاسىنىڭ، شاكىرتتەر گرۋپپاسىنىڭ باس جۇلدەسىن جەڭىپ الدىق.
2006 - جىلعا دەيىن سانيام توقىما ماشيناسىنا باقىلاۋشى بولىپ تابانى كۇرەكتەي 16 جىل ىستەپ، فابريكانىڭ تاجىريبەلى ۇستازىنا اينالىپ، كوپتەگەن شاكىرت تاربيەلەپ شىعادى. ال بۇگىنگى كۇنى ول وزىنە تاعى ءبىر جاڭا ىزدەنىس نىساناسىن قويادى. كاسىپتىك جاقتاعى بىلىمدەرىن تولىقتاۋ ءۇشىن، سانيام اۋا الماستىرۋ تەحنيكاسىن ۇيرەنۋ ارقىلى سەحتىڭ ىلعالدىق جاعدايىن جاقسارتۋدى ويلايدى. توقىما سەحىنىڭ تەمپەراتۋراسى مەن ىلعالدىق ورتاسى وتە ماڭىزدى، ول يىرگەن ءجىپتىڭ ساپاسىنا تىكەلەي اسەر ەتەدى، وتە قۇرعاق بولسا ءجىپ وڭاي ءۇزىلىپ قالادى، وتە دىمقىل بولسا ساقتاۋ قيىنعا سوعادى. ىزدەنۋگە جانى قۇشتار سانيام كوپ وتپەي ءتۇرلى تەحنيكالاردى جەتىك مەڭگەرىپ، فابريكاداعى ساناۋلى ايەل تەحنيككە اينالادى.
2015 - جىلى سانيام لوپنۇر اۋدانى ماقتا، كەندىر توقىما فابريكاسىنان كورلا توقىما كيىم - كەشەك ورتالىعى سورتتى ءجىپ ءيىرۋ شەكتى سەرىكتەستىگىنە كەلىپ قىزمەت ىستەيدى. قازىر ول پايدالانىپ وتىرعان گاز اعىنى ارقىلى ءجىپ ءيىرۋ جابدىعى مەملەكەت بويىنشا ەڭ وزىق اسپاپ بولىپ، يىرگەن ارالاسپا ماقتا ءجىبى مەن تەريلەن ارالاسپا ءجىبى بايىنعولين موڭعۇل اۆتونوميالى وبلىسىنداعى سورتتى ءجىپ يىرۋدەگى بوستىقتى تولتىردى.
«وسى كەزدەردە، قاي جەرگە بارىپ قىزمەت ىستەسەم دە، فابريكا ورتاسىنىڭ ۇزدىكسىز جاقسارىپ كەلە جاتقانىن سەزىنەمىن. بۇرىن فابريكا ورتاسى ناشار، اسپاپ كەمشىل، نەگىزىنەن قوس قولىمىزعا سۇيەنىپ جۇمىس جۇرگىزەتىنبىز؛ ال قازىر فابريكا اۋلاسى جاسىلدانعان، ماشينانىڭ اۆتوماتتاسۋ ورەسى جوعارى، وزىق تا جوعارى ءونىمدى، تومەن شۋىلدى جابدىق جۇگىمىزدى كوپ جەڭىلدەتتى، ادام كۇشى بۇرىنعىمەن سالىستىرعاندا از جۇمسالاتىن بولدى»، - دەيدى سانيام.
28 جىلدان بەرى سانيام جالىقپاي ىزدەنۋدىڭ ارقاسىندا، قاراپايىم توقىماشى جۇمىسشىدان تەحنيكانى جەتىك مەڭگەرگەن باسقارۋشىعا اينالدى، ەڭبەكاقىسى دا العاشقى 1000 يۋان اينالاسىنان بىرتىندەپ مولايىپ 5000 يۋانعا جەتتى. «قازىر 80 شارشى مەترلىك جاڭا ۇيگە كوشىپ كىردىم، وتكەن جىلى جەڭىل اۆتوكولىك ساتىپ الدىم، قازىرگى تۇرمىسىما وتە رازىمىن»، - دەدى سانيام توق كوڭىلمەن.
مەملەكەتتىڭ ابزال ساياساتىنىڭ جەبەۋىندە، كورلا توقىما كيىم - كەشەك ورتالىعى ءجىپ ءيىرۋدى 10 ميلليون ۇرشىققا جەتكىزدى، سونىمەن قاتار كورلا توقىما كيىم - كەشەك ورتالىعىنان ىلگەرىندى - كەيىندى كيىم - كەشەك فابريكاسى، قويمالجىڭ جەلىم تالشىق زاۆودى، بوياۋ فابريكاسى سىندى فابريكا - زاۆودتار سالىنىپ، ساۋدا، ساياحات، زات تاسىمالى سىندى كاسىپتەر تەز قارقىنمەن دامىپ، وڭتۇستىك شينجياڭنىڭ كوپتەگەن جۇمىسشىلارى وسى اراعا كەلىپ جاڭا تۇرمىستارىن باستادى، ال سانيام بولسا كوپتەگەن ادامدارعا ءبىلىم بەرەتىن شەبەر ۇستازعا اينالدى.
باس شۋجي شي جينپيڭ «كۇرەس جۇرگىزگەن ءومىر عانا باقىتتى ءومىر» دەپ اتاپ كورسەتتى. سانيام جاڭادان كەلگەن جۇمىسشىلاردىڭ باس شۋجيدىڭ تاپسىرماسىن ەستە بەرىك ساقتاپ، جاڭا قىزمەت ورنىنا تەزىرەك ۇيلەسىپ، كۇرەس جۇرگىزۋ ارقىلى تۇرمىستارىن جاقسارتۋىن ءۇمىت ەتىپ وتىر.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
