بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

جاڭا داۋىردە ەكونوميكالىق، قوعامدىق دامۋدىڭ تىڭ بەلەسكە كوتەرىلۋىن ىلگەرىلەتۋگە زەيىن - زەردە مەن كۇش - قۋاتتى شوعىرلاندىرايىق

2018.03.12 15:57     كەلۋ قاينارى : شينجياڭ گازەتى

− باس شۋجي شي جينپيڭنىڭ گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزى اۆتونوميالى رايونىمىزدا كۇشتى اڭىس قوزعادى

  باس شۋجي شي جينپيڭنىڭ 3 - ايدىڭ 7 - كۇنى مەملەكەتتىك 13 - كەزەكتى حالىق قۇرىلتايى 1 - ماجىلىسىنە قاتىناسقان گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزى مەملەكەتتىك حالىق قۇرىلتايىنىڭ اۆتونوميالى رايونىمىزداعى ۋاكىلدەرىنىڭ، مەملەكەتتىك ساياسي كەڭەستىڭ شينجياڭدا تۇراتىن مۇشەلەرىنىڭ جانە ءار ۇلت كادر - جۇرتشىلىعىنىڭ اراسىندا كۇشتى اڭىس قوزعادى. ولار باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جوعارى ساپالى دامۋدى ىلگەرىلەتەتىن ءتۇزىلىس پەن مەحانيزم ورناتىپ، حالىق تۇرمىسىن جاقسارتۋدىڭ تەبىنىن ارتتىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ جاعدايىن قالىپتاستىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا، جاڭا داۋىردە ەكونوميكالىق، قوعامدىق دامۋدىڭ تىڭ بەلەسكە كوتەرىلۋىن ىلگەرىلەتۋگە زەيىن - زەردەلەرى مەن كۇش - قۋاتتارىن شوعىرلاندىراتىندىقتارىن ءبىلدىردى.

جاڭالىق اشۋعا تاباندى بولۋ − ءبىرىنشى قوزعاۋشى كۇش

  مەملەكەتتىك حالىق قۇرىلتايىنىڭ ۋاكىلى، تۇرپان قالالىق جەمىس ورمان شارۋاشىلىعى تەحنيكالارىن جالپىلاستىرۋ، قىزمەت كورسەتۋ ورتالىعىنىڭ ورىنباسار مەڭگەرۋشىسى ءورنيسا قادىر بىلاي دەدى: باس شۋجي شي جينپيڭ عىلىم - تەحنيكادا جاڭالىق اشۋ وسىزاماندانعان شارۋاشىلىق جۇيەسىن ورناتۋدىڭ ستراتەگيالىق تىرەگى ەكەندىگىن باسا دارىپتەدى، بۇل ءبىزدىڭ عىلىم - تەحنيكا قىزمەتكەرلەرىمىز ءۇشىن ۇلكەن ماداق. عىلىم - تەحنيكا − وسى زامانعى اۋىل شارۋاشىلىعىن دامىتۋدىڭ شەشۋشى فاكتورى. الدا، ءبىز باس شۋجيدىڭ تالابى بويىنشا اۋىل شارۋاشىلىق عىلىم - تەحنيكالارىن جالپىلاستىرۋ تەبىنىن ارتتىرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن عىلىم - تەحنيكادا جاڭالىق اشۋ ارقىلى جەبەپ، اۋىل شارۋاشىلىعىنىڭ وسىزاماندانۋىن جەدەل ىلگەرىلەتەمىز.

  «جۇڭگو جاڭالىق اشۋ ارقىلى دامۋعا دەم بەرۋ جولىمەن جۇرمەسە، جاڭا، كونە قوزعاۋشى قۋاتتاردىڭ ءساتتى اۋىسۋى جۇزەگە اسپايدى، شىن مانىندە قۇدىرەتتەنە المايدى». باس شۋجيدىڭ وسى ءسوزى شينجياڭ شاپۋ بيوينجەنەريا شەكتى سەرىكتەستىگىنىڭ باسالقاسى حان ۋيدۇڭدى توتەنشە تەبىرەندىردى. ول بىلاي دەدى: بيوتەحنولوگيالاردى زەرتتەۋ، قولدانىسقا ەنگىزۋمەن اينالىساتىن كاسىپورىن رەتىندە، ءبىز جاڭالىق اشۋدىڭ كاسىپورىننىڭ دامۋىنداعى ماڭىزدىلىعىن اناعۇرلىم سەزىنە الامىز. 2017 - جىلدىڭ باسىنان بەرى، سەرىكتەستىگىمىز جاڭالىق اشۋعا، زەرتتەۋگە مول قارجى ءبولىپ، بيولوگيالىق عىلمي زەرتتەۋ سالاسىنداعى دارىندىلاردى جوعارى ەڭبەكاقىمەن جۇمىسقا شاقىرىپ، اناعۇرلىم كوپ جاڭالىق اشۋ نىساندارىن اتقاردىق. ءبىز باس شۋجيدىڭ تاپسىرماسىن ەستە بەرىك ساقتاپ، عىلىم - تەحنيكادا جاڭالىق اشۋ قۋاتىن شىن مانىندە وندىرگىش كۇشكە اينالدىرىپ، كاسىپورىننىڭ ونان ارى جاقسى دامۋىن جەبەيمىز.

  كورلا قالاسى ەكونوميكالىق - تەحنيكالىق اشۋ رايونى باسقارۋ كوميتەتىنىڭ مەڭگەرۋشىسى جي حۇڭحۇي بىلاي دەدى: باس شۋجي جاڭالىق اشۋ جوعارى ساپالى دامۋدىڭ پارمەندى قوزعاۋشى كۇشى ەكەندىگىن ايتىپ كاسىپورىنداردىڭ دامۋىنا ايقىن بەتالىس كورسەتتى. 2018 - جىل − پارتيا 19 - قۇرىلتايىنىڭ رۋحى جاپپاي دايەكتىلەندىرىلەتىن، تياناقتاندىرىلاتىن العاشقى جىل، سونداي - اق جاڭا يدەيانى دايەكتىلەندىرىپ، جاڭا تەبىن بايقاتىپ، جاڭالىق اشا دامىپ، ۇدەرە العا تارتاتىن ءبىر جىل، اشۋ رايونى جىبەك جولى ەكونوميكالىق بەلدەۋى وزەكتى رايونىنىڭ قۇرىلىسىنا بەلسەنە ات سالىسىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، اناعۇرلىم كوپ جاڭاشىل كاسىپورىنداردى جەتىلدىرەدى.

 بارلىق ادامنىڭ ءوز دارىنىن ايگىلەۋىنە مۇمكىندىك تۋدىرۋ

  شينجياڭ قاتىناس كاسىپتىك - تەحنيكالىق ينستيتۋتى ەلەكترومەحانيكا ينستيتۋتى پارتيا باس ياچەيكاسىنىڭ ورىنباسار شۋجيى، ينستيتۋتتىڭ ورىنباسار باستىعى يە جيانفىڭ مىنالاردى ءبىلدىردى: قۇدىرەتتەنۋ ءۇشىن جاڭالىق اشۋعا، جاڭالىق اشۋ ءۇشىن دارىندىلارعا سۇيەنۋ كەرەك. باس شۋجي شي جينپيڭنىڭ جاڭالىق اشۋعا، دارىندىلارعا وسكەلەڭ ءمان بەرۋى كاسىپتىك وقۋ - اعارتۋدىڭ دامۋىنا دەگەن سەنىمىمىزدى نىعايتا ءتۇستى. جوعارى دارەجەلى كاسىپتىك وقۋ - اعارتۋ جونىنەن ايتقاندا، باس شۋجيدىڭ تالاپتارىن بەلسەنە تياناقتاندىرۋ ءۇشىن، دارىندىلار دايىنداۋدىڭ ۇلگىسىنە رەفورما جاساپ، دارىندىلاردى تاربيەلەۋدىڭ ساپاسىن جوعارىلاتىپ، جاڭالىق اشۋ رايىن قالىپتاستىرۋ قاجەت. ءبىز باس شۋجي ورتاعا قويعان دامۋ ۇستانىمىن، دارىندىلار ۇستانىمىن جانە جاڭالىق اشۋ ۇستانىمىن بەرىك ارقاۋ ەتىپ، تاربيەلەۋ ۇلگىسىن ۇزدىكسىز رەفورمالاپ، دارالانعان وقىتۋ ۇلگىسىن قولدانىپ، جاڭالىق اشا دامۋىمىز كەرەك.

  «باس شۋجيدىڭ تالابى ءبىزدىڭ قىزمەتتەرىمىزگە ناقتى جەتەكشىلىك ەتەدى». باس شۋجي شي جينپيڭنىڭ «دارىندى − ءبىرىنشى بايلىق» دەپ باسا دارىپتەۋى مەملەكەتتىك حالىق قۇرىلتايىنىڭ ۋاكىلى، ىلە قازاق اۆتونوميالى وبلىسى شاپشال سىبە اۆتونوميالى اۋداندىق حالىق شيپاحاناسى سەسترالار ءبولىمىنىڭ ورىنباسار مەڭگەرۋشىسى گو شياۋحۇڭعا تەرەڭ شابىت بەرىپتى. ول بىلاي دەدى: ەمدەۋ - دەنساۋلىق ساقتاۋ ىستەرىنىڭ دامۋى قىرۋار ارناۋلى تەحنيكالىق دارىندىلاردى سۇيەنىش ەتەدى، شينجياڭنىڭ ەمدەۋ - دەنساۋلىق ساقتاۋ دارىندىلارىن تاربيەلەۋ تەبىنىن ۇزدىكسىز ارتتىرۋدى ءۇمىت ەتەمىن.
 جاڭا داۋىردە حالىق تۇرمىسىن جاقسارتۋدا تىڭ ناتيجەگە جەتۋ

  مەملەكەتتىك ساياسي كەڭەستىڭ شينجياڭدا تۇراتىن مۇشەسى ابدىكەرىم ازەز بىلاي دەدى: جاڭا داۋىردە حالىق تۇرمىسىن جاقسارتۋدا تىڭ ناتيجە جاراتىپ، بۇقارانىڭ حاۋىپسىزدىك سەزىمىن، باقىت سەزىمىن، تابىس سەزىمىن نىعايتا ءتۇسۋ − باس شۋجيدىڭ تاپسىرماسى، حالىقتىڭ تىلەگى، ءبىزدىڭ بورىشىمىز. باس شۋجيدىڭ سوزىنەن تەرەڭ جىلىلىق سەزىندىم. شينجياڭدا حالىققا ءتيىمدى ينجەنەريالار اتقارىلىپ، وقۋ - اعارتۋدىڭ ادىلدىگى كۇشەيدى، ءار ۇلت بۇقاراسىنىڭ اۋرۋ كورسەتۋى قولايلى بولا ءتۇستى... بۇقارانىڭ كەنەلگەن ناقتى يگىلىگى بارعان سايىن كوبەيدى، ءبىز باس شۋجيگە شىن جۇرەكتەن العىس ايتامىز، پارتيا ورتالىق كوميتەتىنە شىن جۇرەكتەن العىس ايتامىز!

  «كوممۋنيستىك پارتيا حالىقتىڭ باقىتىن كوزدەيدى، حالىق جۇرتشىلىعى قاي جاقتاردا وزدەرىن باقىتتى، كوڭىلدى سەزىنبەسە، رازى بولماسا، ءبىز سول جاقتارعا كۇش سالىپ، ءتۇرلى ءادىس - امالدارمەن حالىقتى ۋايىمنان ارىلتىپ، قيىنشىلىعىن شەشۋىمىز كەرەك». باس شۋجيدىڭ ءسوزى تۇرپان قالاسى گاۋچاڭ رايونى شاتقال اۋىلى قارعوجا كارىز قىستاعى پارتيا ياچەيكاسىنىڭ ورىنباسار شۋجيى روزىنياز قۇرباننىڭ سەنىمىن ەسەلەپ، قايراتىن جاني ءتۇستى.

  باس شۋجي شي جينپيڭنىڭ گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقاندىعى جونىندەگى حاباردى كورگەننەن كەيىن، ءۇرىمجى قالاسى تيانشان رايونى حالىق ىستەرى مەكەمەسىنىڭ باستىعى ما لي تەبىرەنىسپەن بىلاي دەدى: باس شۋجي بۇقارانىڭ تۇرمىسىنا ەرەكشە كوڭىل بولەدى، بۇل ماعان كوممۋنيستەردىڭ قاشاندا بۇقارانى كوڭىل تورىنە قوياتىن بورىشى مەن جاۋاپكەرلىگىن تەرەڭ سەزىندىردى. قازىر حالىقتىڭ تاماشا تۇرمىسقا دەگەن تىلەگى ارتا ءتۇستى، ءبىز باس شۋجيدىڭ تاپسىرماسىن ەستە بەرىك ساقتاپ، ءار ۇلت بۇقاراسىنىڭ حال - جايىمەن ساناسىپ، قيىنشىلىعى بار بۇقاراعا كوڭىل ءبولۋ، قامقورلىق جاساۋ تەبىنىن ارتتىرىپ، حالىق ىستەرىن حالىق ءۇشىن قىزمەت ەتتىرۋدە تىڭ ناتيجەلەر جاراتۋىمىز كەرەك.

 قوعامدى ۇتىمدى جونگە سالۋدىڭ جاڭا جاعدايىن اشۋ

  باس شۋجي شي جينپيڭ قوعامدى ۇتىمدى جونگە سالىپ، تاماشا قوعامدىق ءتارتىپ قالىپتاستىرىپ، قوعامدىق ادىلدىك پەن تۋراشىلدىقتى جەبەپ، حالىق بۇقاراسىنىڭ الاڭسىز تىرشىلىك ەتۋىنە، تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ ونان ارى كۇشەيىپ، ونان ارى قامتاماسىز ەتىلۋىنە، ونان ارى باياندى بولۋىنا مۇمكىندىك جاساۋدى باسا دارىپتەدى. بۇل مەملەكەتتىك ساياسي كەڭەستىڭ شينجياڭدا تۇراتىن مۇشەسى فان شياۋياندى دا تەرەڭ تولعاندىردى. ول مىنالاردى ءبىلدىردى: باس شۋجيدىڭ ءسوزى قوعامدى جونگە سالۋدىڭ بولاشاقتاعى دامۋى مەن جاڭالانۋىنا جاڭا نىسانالار كورسەتىپ، جاڭا تالاپتار قويدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، بۇكىل شينجياڭدا نازاردى باس نىساناعا جابال شوعىرلاندىرىپ، باس نىسانانى دايەكتىلەندىرسەك، ءسوز جوق، قوعامدى ۇتىمدى باسقارۋدىڭ جاڭا جاعدايىنىڭ ۇزدىكسىز قالىپتاساتىنىنا كامىل سەنەمىن.

  مەملەكەتتىك حالىق قۇرىلتايىنىڭ ۋاكىلى، بۇراتالا موڭعۇل اۆتونوميالى وبلىسى جىڭ اۋدانى ماندانبۇلاق اۋىلى بەيديجۇڭ قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى نۇر مامەت بىلاي دەدى: سوڭعى جىلدارى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىمەن، اۆتونوميالى رايون «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن ورىستەتىپ، كادرلاردىڭ بۇقارالىق قىزمەت دەڭگەيىن جانە نەگىزگى ساتى بيلىكتەرىنىڭ جونگە سالۋ قابىلەتىن ايتارلىقتاي جوعارىلاتتى. الدا، ءبىز نەگىزگى ساتىنى جونگە سالۋدى نەگىزگى ساتى پارتيا قۇرىلىسىمەن، بۇقاراعا قىزمەت كورسەتۋمەن ۇشتاستىرىپ، بۇقارانىڭ تالاپ - تىلەگىن ەگجەي - تەگجەيلى ۇعىسىپ جانە ويداعىداي شەشىپ، پارتيا مەن ۇكىمەتتىڭ بۇقارامەن بايلانىس جاساۋىنداعى كوپىرى بولامىز.

  باس شۋجي شي جينپيڭنىڭ گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقاندا «جۇرەكتە پارتيا بولسا، حالىق باسقارۋىنداعى كاسىپورىنداردىڭ پارتيا قۇرىلىسى قىزمەتىنەن دە زور ناتيجە شىعارۋعا بولادى» دەگەنى شينجياڭ فاڭيۋان كاسىپورىن توبى پارتيا باس ياچەيكاسىنىڭ ورىنباسار شۋجيى، باسالقاسى جىڭ شياۋفىڭنىڭ كوكەيىنە مىقتاپ ورناپتى. حالىق باسقارۋىنداعى كاسىپورىندار نەعۇرلىم دامىعان سايىن، پارتيا قۇرىلىسىن سولعۇرلىم بەكەمدەۋ قاجەت. «ءبىز قاشاندا پارتيانى كوكەيىمىزدە ساقتاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتى العا قويعان جاڭا دامۋ ۇستانىمىن دايەكتىلەندىرىپ جانە اتقارىپ، كاسىپورىننىڭ ونان ارى جاقسى دامۋىن جەبەيمىز»، - دەدى جىڭ شياۋفىڭ.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

ماتەريالدىق سۋرەت