بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسى

(مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە 2018 - جىلى 3 - ايدىڭ 11 - كۇنى ماقۇلداندى)

2018.03.13 14:57     كەلۋ قاينارى : شينجياڭ گازەتى

  جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ حابارلاندىرۋى

  1 - ءنومىرلى

  جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسى جۇڭحۋا حالىق رەسپۋبليكاسى مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە 2018 - جىلى 3 - ايدىڭ 11 - كۇنى ماقۇلداندى، قازىر اتقارۋعا جاريالاپ وتىرمىز.

  جۇڭحۋا حالىق رەسپۋبليكاسى مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى

  2018 - جىلى 3 - ايدىڭ 11 - كۇنى، بەيجيڭ

  32 - تارماق نەگىزگى زاڭنىڭ العى ءسوزىنىڭ 7 - ابزاتسىنداعى «ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، <ۇشكە ۋاكىلدىك ەتۋ> ماڭىزدى يدەياسىن جەتەكشى ەتىپ» دەگەن مازمۇن «ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، <ۇشكە ۋاكىلدىك ەتۋ> ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ» دەپ؛ «سوتسياليستىك زاڭ - تۇزىمدەردى اقاۋسىزداندىرىپ» دەگەن مازمۇن «سوتسياليستىك زاڭمەن باسقارۋدى اقاۋسىزداندىرىپ» دەپ وزگەرتىلدى؛ «ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ» دەگەن مازمۇننىڭ الدىنا «جاڭا دامۋ كوزقاراسىن دايەكتىلەندىرىپ» دەگەن مازمۇن قوسىلدى؛ «ماتەريالدىق وركەنيەتتىڭ، ساياسي وركەنيەتتىڭ جانە رۋحاني وركەنيەتتىڭ سايكەستى دامۋىن ىلگەرىلەتىپ، ەلىمىزدى باي، قۇدىرەتتى، دەموكراتيالى، وركەنيەتتى سوتسياليستىك ەل ەتىپ قۇرادى» دەگەن مازمۇن «ماتەريالدىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەستى دامۋىن ىلگەرىلەتىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرادى» دەپ وزگەرتىلدى. بۇل ابزاتس سايكەستى تۇردە بىلاي وزگەرتىلدى: «جۇڭگونىڭ جاڭا دەموكراتيالىق توڭكەرىسىنىڭ جەڭىسى مەن سوتسياليستىك ىستەرىنىڭ تابىسىنا جۇڭگو كوممۋنيستىك پارتياسىنىڭ جۇڭگونىڭ ءار ۇلت حالقىن باستاپ، ماركسيزم - لەنينيزمدى، ماۋ زىدۇڭ يدەياسىن جەتەكشى ەتىپ، اقيقاتقا بەرىك تۇرۋى، قاتەلىكتەردى تۇزەتۋى، تولىپ جاتقان حاۋىپ - قاتەرلەردى جەڭۋى ارقىلى قول جەتتى. ەلىمىز ۇزاق ۋاقىت بويىنا سوتسياليزمنىڭ العاشقى كەزەڭىندە تۇرادى. مەملەكەتتىڭ ءتۇبىرلى مىندەتى جۇڭگوشا سوتسياليزم جولىن بويلاپ، سوتسياليستىك وسىزامانداندىرۋ قۇرىلىسىن كۇشتى شوعىرلاندىرا وتىرىپ جۇرگىزۋ بولادى. جۇڭگوداعى ءار ۇلت حالقى جۇڭگو كوممۋنيستىك پارتياسىنىڭ باسشىلىعىندا، ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ، <ۇشكە ۋاكىلدىك ەتۋ> ماڭىزدى يدەياسىنىڭ، عىلمي دامۋ كوزقاراسىنىڭ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، حالىق دەموكراتياسى ديكتاتۋراسىنا، سوتسياليزم جولىنا، رەفورما مەن سىرتقا ەسىك اشۋعا تاباندى بولا بەرەدى، سوتسياليستىك تۇزىمدەردى ۇزدىكسىز كەمەلدەندىرىپ، سوتسياليستىك بازار شارۋاشىلىعىن، سوتسياليستىك دەموكراتيانى دامىتىپ، سوتسياليستىك زاڭمەن باسقارۋدى اقاۋسىزداندىرىپ، جاڭا دامۋ كوزقاراسىن دايەكتىلەندىرىپ، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، ونەركاسىپتى، اۋىل شارۋاشىلىعىن، قورعانىستى جانە عىلىم - تەحنيكانى بىرتىندەپ وسىزامانداندىرىپ، ماتەريالدىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەستى دامۋىن ىلگەرىلەتىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرادى».

  33 - تارماق نەگىزگى زاڭنىڭ العى ءسوزىنىڭ 10 - ابزاتسىنداعى «ۇزاق ۋاقىتتىق توڭكەرىس جانە قۇرىلىس بارىسىندا» دەگەن مازمۇن «ۇزاق ۋاقىتتىق توڭكەرىس، قۇرىلىس، رەفورما بارىسىندا» دەپ؛ «بارلىق سوتسياليستىك ەڭبەكشىلەردى، سوتسياليزم ىستەرىنىڭ قۇرۋشىلارىن، سوتسياليزمدى جاقتايتىن وتانشىلداردى جانە وتاننىڭ تۇتاستىعىن قورعايتىن وتانشىلداردى قامتىعان كەڭ كولەمدى وتانشىلدىق بىرلىكساپ قالىپتاستى» دەگەن مازمۇن «بارلىق سوتسياليستىك ەڭبەكشىلەردى، سوتسياليزم ىستەرىنىڭ قۇرۋشىلارىن، سوتسياليزمدى جاقتايتىن وتانشىلداردى، وتاننىڭ تۇتاستىعىن قورعايتىن جانە جۇڭحۋا ۇلتىنىڭ ۇلى گۇلدەنۋىنە كۇش سالاتىن وتانشىلداردى قامتىعان كەڭ كولەمدى وتانشىلدىق بىرلىكساپ قالىپتاستى» دەپ وزگەرتىلدى. بۇل ابزاتس سايكەستى تۇردە بىلاي وزگەرتىلدى: «سوتسياليستىك قۇرىلىس ىستەرىندە جۇمىسشىلارعا، ديقاندارعا جانە زيالىلارعا سۇيەنۋ، ىنتىماقتاسۋعا بولاتىن بارلىق كۇشتەرمەن ىنتىماقتاسۋ كەرەك. ۇزاق ۋاقىتتىق توڭكەرىس، قۇرىلىس، رەفورما بارىسىندا جۇڭگو كوممۋنيستىك پارتياسى باسشىلىق ەتكەن، دەموكراتيالىق پارتيا - توپتار مەن حالىقتىق ۇيىمدار قاتىناسقان، بارلىق سوتسياليستىك ەڭبەكشىلەردى، سوتسياليزم ىستەرىنىڭ قۇرۋشىلارىن، سوتسياليزمدى جاقتايتىن وتانشىلداردى، وتاننىڭ تۇتاستىعىن قورعايتىن جانە جۇڭحۋا ۇلتىنىڭ ۇلى گۇلدەنۋىنە كۇش سالاتىن وتانشىلداردى قامتىعان كەڭ كولەمدى وتانشىلدىق بىرلىكساپ قالىپتاستى، بۇل بىرلىكساپ ۇزدىكسىز نىعايا بەرەدى، دامي بەرەدى. جۇڭگو حالىق ساياسي ءماسىليحات كەڭەسى كەڭ كولەمدى ۋاكىلدىك سيپاتى بار بىرلىكساپ ۇيىمى، ول بۇدان بۇرىن ماڭىزدى تاريحي رول اتقاردى، مەملەكەتتىڭ ساياسي ءومىرى مەن قوعامدىق ومىرىندە جانە سىرتقى دوستىق قيمىلدارىندا، سوتسياليستىك وسىزامانداندىرۋ قۇرىلىسىن جۇرگىزۋ، مەملەكەتتىڭ تۇتاستىعى مەن ىنتىماعىن قورعاۋ كۇرەسىندە بۇدان بىلاي ءتىپتى دە ماڭىزدى رول اتقارادى. جۇڭگو كوممۋنيستىك پارتياسىنىڭ باسشىلىعىنداعى كوپ پارتيالىلىق سەلبەستىك جانە ساياسي كەڭەس ءتۇزىمى ۇزاق ۋاقىت ءومىر سۇرەدى جانە دامىتىلادى».

  34 - تارماق نەگىزگى زاڭنىڭ العى ءسوزىنىڭ 11 - ابزاتسىنداعى «تەڭ ۇقىقتى، ىنتىماقتى، ءبىر - بىرىنە قايىرىمدى سوتسياليستىك ۇلتتىق قارىم - قاتىناس ورنادى، بۇل قارىم - قاتىناس كۇشەيە بەرەدى» دەگەن مازمۇن «تەڭ ۇقىقتى، ىنتىماقتى، ءبىر - بىرىنە قايىرىمدى، جاراسىمدى سوتسياليستىك ۇلتتىق قارىم - قاتىناس ورنادى، بۇل قارىم - قاتىناس كۇشەيە بەرەدى» دەپ وزگەرتىلدى.

  35 - تارماق نەگىزگى زاڭنىڭ العى ءسوزىنىڭ 12 - ابزاتسىنداعى «جۇڭگو توڭكەرىسى مەن قۇرىلىسىنىڭ تابىستارىن دۇنيە ءجۇزى حالقىنىڭ قولداۋىنان بولە قاراۋعا بولمايدى» دەگەن مازمۇن «جۇڭگو توڭكەرىسىنىڭ، قۇرىلىسىنىڭ، رەفورماسىنىڭ تابىستارىن دۇنيە ءجۇزى حالقىنىڭ قولداۋىنان بولە قاراۋعا بولمايدى» دەپ وزگەرتىلدى؛ «جۇڭگو تاۋەلسىز، دەربەس سىرتقى ساياساتقا، ءبىر - بىرىنىڭ يەلىك ۇقىعى مەن تەرريتوريا تۇتاستىعىن قۇرمەتتەۋ، ءبىر - بىرىنە سۇعاناقتىق جاساماۋ، ءبىر - ءبىرىنىڭ ىشكى ىسىنە ارالاسپاۋ، تەڭدىك، ءوزارا تيىمدىلىك، بەيبىت قاتار تۇرۋ بەس پرينسيبىنە تاباندى بولىپ» دەگەن مازمۇننىڭ سوڭىنا «بەيبىت دامۋ جولىنا، ءوزارا تيىمدىلىك جاساۋ، تەڭ يگىلىكتەنۋ سىندى ەسىك اشۋ ستراتەگياسىنا تاباندى بولىپ» دەگەن مازمۇن قوسىلدى؛ «بارلىق ەلمەن ديپلوماتيالىق قارىم - قاتىناستى جانە ەكونوميكالىق الىم - بەرىمدى، مادەنيەتتىك اۋىس - كۇيىستى دامىتادى» دەگەن مازمۇن «بارلىق ەلمەن ديپلوماتيالىق قارىم - قاتىناستى جانە ەكونوميكالىق الىم - بەرىمدى، مادەنيەتتىك اۋىس - كۇيىستى دامىتىپ، ادامزاتتىڭ تاعدىرلاس ورتاق تۇلعاسىنىڭ قالىپتاسۋىن جەبەيدى» دەپ وزگەرتىلدى. بۇل ابزاتس سايكەستى تۇردە بىلاي وزگەرتىلدى: «جۇڭگو توڭكەرىسىنىڭ، قۇرىلىسىنىڭ، رەفورماسىنىڭ تابىستارىن دۇنيە ءجۇزى حالقىنىڭ قولداۋىنان بولە قاراۋعا بولمايدى. جۇڭگونىڭ بولاشاعى دۇنيە ءجۇزىنىڭ بولاشاعىمەن تىعىز بايلانىستى. جۇڭگو تاۋەلسىز، دەربەس سىرتقى ساياساتقا، ءبىر - ءبىرىنىڭ يەلىك ۇقىعى مەن تەرريتوريا تۇتاستىعىن قۇرمەتتەۋ، ءبىر - بىرىنە سۇعاناقتىق جاساماۋ، ءبىر - ءبىرىنىڭ ىشكى ىسىنە ارالاسپاۋ، تەڭدىك، ءوزارا تيىمدىلىك، بەيبىت قاتار تۇرۋ بەس پرينسيبىنە تاباندى بولىپ، بەيبىت دامۋ جولىنا، ءوزارا تيىمدىلىك جاساۋ، تەڭ يگىلىكتەنۋ سىندى ەسىك اشۋ ستراتەگياسىنا تاباندى بولىپ، بارلىق ەلمەن ديپلوماتيالىق قارىم - قاتىناستى جانە ەكونوميكالىق الىم - بەرىمدى، مادەنيەتتىك اۋىس - كۇيىستى دامىتىپ، ادامزاتتىڭ تاعدىرلاس ورتاق تۇلعاسىنىڭ قالىپتاسۋىن جەبەيدى؛ يمپەرياليزمگە، زورەكەرلىككە، وتارشىلدىققا قارسى تۇرۋعا تاباندى بولىپ، دۇنيە جۇزىندەگى ەلدەر حالقىمەن بولعان ىنتىماقتى كۇشەيتىپ، ەزىلگەن ۇلتتار مەن دامۋ جولىنداعى ەلدەردىڭ ۇلت تاۋەلسىزدىگىنە قول جەتكىزۋ جانە ونى قورعاۋ، ۇلتتىق شارۋاشىلىعىن دامىتۋ جولىنداعى ادىلەتتى كۇرەسىن قولداپ، دۇنيە ءجۇزى بەيبىتشىلىگىن قورعاۋ جانە ادامزاتتىڭ العاباسارلىق ىستەرىن ىلگەرى باستىرۋ جولىندا كۇش سالادى».

  36 - تارماق نەگىزگى زاڭنىڭ 1 - تارماعىنىڭ 2 - تارماقشاسىنداعى «سوتسياليستىك ءتۇزىم − جۇڭحۋا حالىق رەسپۋبليكاسىنىڭ ءتۇبىرلى ءتۇزىمى» دەگەن مازمۇننىڭ سوڭىنا «جۇڭگو كوممۋنيستىك پارتياسى باسشىلىق ەتۋ − جۇڭگوشا سوتسياليزمنىڭ ەڭ ماندىك ەرەكشەلىگى» دەگەن مازمۇن قوسىلدى.

  37 - تارماق نەگىزگى زاڭنىڭ 3 - تارماعىنىڭ 3 - تارماقشاسىنداعى «مەملەكەتتىك اكىمشىلىك ورگاندارى، سوت ورگاندارى، پروكۋراتۋرا ورگاندارى حالىق قۇرىلتايى جاعىنان قۇرىلادى، حالىق قۇرىلتايى الدىندا جاۋاپتى بولادى جانە ونىڭ باقىلاۋىندا بولادى» دەگەن مازمۇن «مەملەكەتتىك اكىمشىلىك ورگاندارى، باقىلاۋ - تەكسەرۋ ورگاندارى، سوت ورگاندارى، پروكۋراتۋرا ورگاندارى حالىق قۇرىلتايى جاعىنان قۇرىلادى، حالىق قۇرىلتايى الدىندا جاۋاپتى بولادى جانە ونىڭ باقىلاۋىندا بولادى» دەپ وزگەرتىلدى.

  38 - تارماق نەگىزگى زاڭنىڭ 4 - تارماعىنىڭ 1 - تارماقشاسىنداعى «مەملەكەت از ۇلتتاردىڭ زاڭدى ۇقىعى مەن مۇددەسىن قامتاماسىزداندىرادى، ۇلتتاردىڭ تەڭ ۇقىقتى، ىنتىماقتى، ءبىر - بىرىنە قايىرىمدى قارىم - قاتىناسىن قورعايدى جانە دامىتادى» دەگەن مازمۇن «مەملەكەت از ۇلتتاردىڭ زاڭدى ۇقىعى مەن مۇددەسىن قامتاماسىزداندىرادى، ۇلتتاردىڭ تەڭ ۇقىقتى، ىنتىماقتى، ءبىر - بىرىنە قايىرىمدى، جاراسىمدى قارىم - قاتىناسىن قورعايدى جانە دامىتادى» دەپ وزگەرتىلدى.

  39 - تارماق نەگىزگى زاڭنىڭ 24 - تارماعىنىڭ 2 - تارماقشاسىنداعى «مەملەكەت وتاندى، حالىقتى، ەڭبەكتى، عىلىمدى، سوتسياليزمدى سۇيەتىن الەۋمەتتىك ءمورالدى دارىپتەيدى» دەگەن مازمۇن «مەملەكەت سوتسياليستىك وزەكتى قۇن كوزقاراسىن، وتاندى، حالىقتى، ەڭبەكتى، عىلىمدى، سوتسياليزمدى سۇيەتىن الەۋمەتتىك ءمورالدى دارىپتەيدى» دەپ وزگەرتىلدى. بۇل تارماق سايكەستى تۇردە بىلاي وزگەرتىلدى: «مەملەكەت سوتسياليستىك وزەكتى قۇن كوزقاراسىن، وتاندى، حالىقتى، ەڭبەكتى، عىلىمدى، سوتسياليزمدى سۇيەتىن الەۋمەتتىك ءمورالدى دارىپتەيدى، حالىق اراسىندا وتانشىلدىق، كوللەكتيۆيزم جانە ينتەرناتسيوناليزم، كوممۋنيزم تاربيەسىن، ديالەكتيكالىق ماتەرياليزم جانە تاريحي ماتەرياليزم تاربيەسىن جۇرگىزەدى، كاپيتاليستىك، فەودالدىق جانە باسقا شىرىك يدەيالارعا قارسى تۇرادى».

  40 - تارماق نەگىزگى زاڭنىڭ 27 - تارماعىنا 3 - تارماقشاسى رەتىندە مىناداي ءبىر تارماقشا قوسىلدى: «مەملەكەت قىزمەتكەرلەرى مىندەتكە وتىراردا زاڭداعى بەلگىلەمەلەر بويىنشا نەگىزگى زاڭنىڭ الدىندا اشىق سەرت بەرۋى ءتيىس».

  41 - تارماق نەگىزگى زاڭنىڭ 62 - تارماعىنداعى «مەملەكەتتىك حالىق قۇرىلتايى مىناداي قىزمەت ۇقىقتارىن جۇرگىزەدى» دەگەن مازمۇنعا 7 - مازمۇن رەتىندە مىناداي ءبىر مازمۇن قوسىلدى: «(7) مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن سايلايدى»، 7 - مازمۇننان 15 - مازمۇنعا دەيىنگى مازمۇندار سايكەستى تۇردە 8 - مازمۇننان 16 - مازمۇنعا دەيىنگى مازمۇندار بولىپ وزگەرتىلدى.

  42 - تارماق نەگىزگى زاڭنىڭ 63 - تارماعىنداعى «مەملەكەتتىك حالىق قۇرىلتايى مىنا ادامداردى مىندەتىنەن الىپ تاستاۋعا ۇقىقتى» دەگەن مازمۇنعا 4 - مازمۇن رەتىندە مىناداي ءبىر مازمۇن قوسىلدى: «(4) مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن»، 4 - مازمۇن، 5 - مازمۇن سايكەستى تۇردە 5 - مازمۇنعا، 6 - مازمۇنعا وزگەرتىلدى.

  43 - تارماق نەگىزگى زاڭنىڭ 65 - تارماعىنىڭ 4 - تارماقشاسىنداعى «مەملەكەتتىك حالىق قۇرىلتايى تۇراقتى كوميتەتىنىڭ قۇرامىنداعىلاردىڭ مەملەكەتتىڭ اكىمشىلىك ورگاندارىندا، سوت ورگاندارىندا جانە پروكۋراتۋرا ورگاندارىندا مىندەت وتەۋىنە بولمايدى» دەگەن مازمۇن «مەملەكەتتىك حالىق قۇرىلتايى تۇراقتى كوميتەتىنىڭ قۇرامىنداعىلاردىڭ مەملەكەتتىڭ اكىمشىلىك ورگاندارىندا، باقىلاۋ - تەكسەرۋ ورگاندارىندا، سوت ورگاندارىندا جانە پروكۋراتۋرا ورگاندارىندا مىندەت وتەۋىنە بولمايدى» دەپ وزگەرتىلدى.

  44 - تارماق نەگىزگى زاڭنىڭ 67 - تارماعىنداعى «مەملەكەتتىك حالىق قۇرىلتايىنىڭ تۇراقتى كوميتەتى مىناداي قىزمەت ۇقىقتارىن جۇرگىزەدى» دەگەن مازمۇننىڭ 6 - مازمۇنىنداعى «(6) مەملەكەتتىك كەڭەستىڭ، ورتالىق اسكەري ىستەر كوميتەتىنىڭ، ەڭ جوعارى حالىق سوتى مەكەمەسىنىڭ جانە ەڭ جوعارى حالىق پروكۋراتۋراسىنىڭ قىزمەتىن باقىلايدى» دەگەن مازمۇن «(6) مەملەكەتتىك كەڭەستىڭ، ورتالىق اسكەري ىستەر كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ، ەڭ جوعارى حالىق سوتى مەكەمەسىنىڭ جانە ەڭ جوعارى حالىق پروكۋراتۋراسىنىڭ قىزمەتىن باقىلايدى» دەپ وزگەرتىلدى؛ 11 - مازمۇن رەتىندە مىناداي ءبىر مازمۇن قوسىلدى: «(11) مەملەكەتتىك باقىلاۋ - تەكسەرۋ كوميتەتى مەڭگەرۋشىسىنىڭ ۇسىنىسى بويىنشا مەملەكەتتىك باقىلاۋ - تەكسەرۋ كوميتەتى مەڭگەرۋشىسىنىڭ ورىنباسارلارىن، مۇشەلەرىن تاعايىندايدى جانە مىندەتىنەن قالدىرادى»، 11 - مازمۇننان 21 - مازمۇنعا دەيىنگى مازمۇندار سايكەستى تۇردە 12 - مازمۇننان 22 - مازمۇنعا دەيىنگى مازمۇندار بولىپ وزگەرتىلدى.

  نەگىزگى زاڭنىڭ 70 - تارماعىنىڭ 1 - تارماقشاسىنداعى «مەملەكەتتىك حالىق قۇرىلتايى ۇلت ىستەرى كوميتەتىن، زاڭ كوميتەتىن، قازىنا - ەكونوميكا كوميتەتىن، وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ كوميتەتىن، سىرتقى ىستەر كوميتەتىن، مۇھاجىرلار كوميتەتىن جانە باسقا دا قاجەتتى ارناۋلى كوميتەتتەردى قۇرادى» دەگەن مازمۇن «مەملەكەتتىك حالىق قۇرىلتايى ۇلت ىستەرى كوميتەتىن، نەگىزگى زاڭ جانە زاڭ كوميتەتىن، قازىنا - ەكونوميكا كوميتەتىن، وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ كوميتەتىن، سىرتقى ىستەر كوميتەتىن، مۇھاجىرلار كوميتەتىن جانە باسقا دا قاجەتتى ارناۋلى كوميتەتتەردى قۇرادى» دەپ وزگەرتىلدى.

  45 - تارماق نەگىزگى زاڭنىڭ 79 - تارماعىنىڭ 3 - تارماقشاسىنداعى «جۇڭحۋا حالىق رەسپۋبليكاسى ءتوراعاسىنىڭ، ءتوراعا ورىنباسارىنىڭ ءار كەزەگىنىڭ مىندەت وتەۋ مەرزىمى مەملەكەتتىك حالىق قۇرىلتايىنىڭ ءار كەزەگىنىڭ مىندەت وتەۋ مەرزىمىمەن بىردەي بولادى، ولاردىڭ ءۇرتىس مىندەت وتەۋ مەرزىمى ەكى كەزەكتەن اسپايدى» دەگەن مازمۇن «جۇڭحۋا حالىق رەسپۋبليكاسى ءتوراعاسىنىڭ، ءتوراعا ورىنباسارىنىڭ ءار كەزەگىنىڭ مىندەت وتەۋ مەرزىمى مەملەكەتتىك حالىق قۇرىلتايىنىڭ ءار كەزەگىنىڭ مىندەت وتەۋ مەرزىمىمەن بىردەي بولادى» دەپ وزگەرتىلدى.

  46 - تارماق نەگىزگى زاڭنىڭ 89 - تارماعىنداعى «مەملەكەتتىك كەڭەس مىناداي قىزمەت ۇقىقتارىن جۇرگىزەدى» دەگەن مازمۇننىڭ 6 - مازمۇنىنداعى «(6) ەكونوميكالىق قىزمەتكە، قالا، اۋىل قۇرىلىسىنا باسشىلىق ەتەدى جانە ولاردى باسقارادى» دەگەن مازمۇن «(6) ەكونوميكالىق قىزمەتكە، قالا، اۋىل قۇرىلىسىنا، ەكولوگيالىق وركەنيەت قۇرىلىسىنا باسشىلىق ەتەدى جانە ولاردى باسقارادى» دەپ؛ 8 - مازمۇنىنداعى «(8) حالىق ىستەرى، قوعام حاۋىپسىزدىگى، ءادىليا اكىمشىلىگى جانە باقىلاۋ - تەكسەرۋ، ت. ب قىزمەتتەرىنە باسشىلىق ەتەدى جانە ولاردى باسقارادى» دەگەن مازمۇن «(8) حالىق ىستەرى، قوعام حاۋىپسىزدىگى، ءادىليا اكىمشىلىگى، ت. ب قىزمەتتەرىنە باسشىلىق ەتەدى جانە ولاردى باسقارادى» دەپ وزگەرتىلدى.

  47 - تارماق نەگىزگى زاڭنىڭ 100 - تارماعىنا 2 - تارماقشاسى رەتىندە مىناداي ءبىر تارماقشا قوسىلدى: «رايوندارعا بولىنگەن قالالىق حالىق قۇرىلتايلارىنىڭ جانە ولاردىڭ تۇراقتى كوميتەتتەرىنىڭ نەگىزگى زاڭمەن، زاڭدارمەن، اكىمشىلىك زاڭ - ەرەجەلەرمەن جانە ءوز ولكەلەرىنىڭ، اۆتونوميالى رايوندارىنىڭ جەرگىلىكتى زاڭ - ەرەجەلەرىنە قايشى كەلمەۋ العى شارتىندا زاڭداعى بەلگىلەمەلەر بويىنشا جەرگىلىكتى زاڭ - ەرەجەلەر جاساپ، ولكەلىك، اۆتونوميالى رايوندىق حالىق قۇرىلتايى تۇراقتى كوميتەتتەرىنىڭ بەكىتۋىنەن وتكىزگەننەن سوڭ اتقارۋىنا بولادى».

  48 - تارماق نەگىزگى زاڭنىڭ 101 - تارماعىنىڭ 2 - تارماقشاسىنداعى «اۋداننان جوعارى جەرگىلىكتى ءار دارەجەلى حالىق قۇرىلتايلارى سول دارەجەلى حالىق سوتى مەكەمەسىنىڭ باستىعىن جانە سول دارەجەلى حالىق پروكۋراتۋراسىنىڭ باس پروكۋرورىن سايلايدى، سونداي - اق ولاردى مىندەتىنەن الىپ تاستاۋعا ۇقىقتى بولادى» دەگەن مازمۇن «اۋداننان جوعارى جەرگىلىكتى ءار دارەجەلى حالىق قۇرىلتايلارى سول دارەجەلى باقىلاۋ - تەكسەرۋ كوميتەتىنىڭ مەڭگەرۋشىسىن، سول دارەجەلى حالىق سوتى مەكەمەسىنىڭ باستىعىن جانە سول دارەجەلى حالىق پروكۋراتۋراسىنىڭ باس پروكۋرورىن سايلايدى، سونداي - اق ولاردى مىندەتىنەن الىپ تاستاۋعا ۇقىقتى بولادى» دەپ وزگەرتىلدى.

  49 - تارماق نەگىزگى زاڭنىڭ 103 - تارماعىنىڭ 3 - تارماقشاسىنداعى «اۋداننان جوعارى جەرگىلىكتى ءار دارەجەلى حالىق قۇرىلتايلارى تۇراقتى كوميتەتتەرىنىڭ قۇرامىنداعىلاردىڭ مەملەكەتتىڭ اكىمشىلىك ورگاندارىندا، سوت ورگاندارىندا جانە پروكۋراتۋرا ورگاندارىندا مىندەت وتەۋىنە بولمايدى» دەگەن مازمۇن «اۋداننان جوعارى جەرگىلىكتى ءار دارەجەلى حالىق قۇرىلتايلارى تۇراقتى كوميتەتتەرىنىڭ قۇرامىنداعىلاردىڭ مەملەكەتتىڭ اكىمشىلىك ورگاندارىندا، باقىلاۋ - تەكسەرۋ ورگاندارىندا، سوت ورگاندارىندا جانە پروكۋراتۋرا ورگاندارىندا مىندەت وتەۋىنە بولمايدى» دەپ وزگەرتىلدى.

  50 - تارماق نەگىزگى زاڭنىڭ 104 - تارماعىنداعى «وزدەرىمەن دارەجەلەس حالىق ۇكىمەتتەرىنىڭ، حالىق سوتى مەكەمەلەرىنىڭ جانە حالىق پروكۋراتۋرالارىنىڭ قىزمەتىن باقىلايدى» دەگەن مازمۇن «وزدەرىمەن دارەجەلەس حالىق ۇكىمەتتەرىنىڭ، باقىلاۋ - تەكسەرۋ كوميتەتتەرىنىڭ، حالىق سوتى مەكەمەلەرىنىڭ جانە حالىق پروكۋراتۋرالارىنىڭ قىزمەتىن باقىلايدى» دەپ وزگەرتىلدى. بۇل تارماق سايكەستى تۇردە بىلاي وزگەرتىلدى: «اۋداننان جوعارى جەرگىلىكتى ءار دارەجەلى حالىق قۇرىلتايلارىنىڭ تۇراقتى كوميتەتتەرى ءوز اكىمشىلىك رايوندارىنداعى قىزمەتتەردەگى كەلەلى ىستەردى تالقىلايدى جانە ولار جونىندە شەشىم جاسايدى؛ وزدەرىمەن دارەجەلەس حالىق ۇكىمەتتەرىنىڭ، باقىلاۋ - تەكسەرۋ كوميتەتتەرىنىڭ، حالىق سوتى مەكەمەلەرىنىڭ جانە حالىق پروكۋراتۋرالارىنىڭ قىزمەتىن باقىلايدى؛ سول دارەجەلى حالىق ۇكىمەتتەرىنىڭ ورىنسىز قاۋلىلارى مەن بۇيرىقتارىن كۇشىنەن قالدىرادى؛ وزىنەن ءبىر دارەجە تومەن حالىق قۇرىلتايىنىڭ ورىنسىز قارارلارىن كۇشىنەن قالدىرادى؛ زاڭدا بەلگىلەنگەن ۇقىعى كولەمىندە مەملەكەت ورگاندارىنىڭ قىزمەتكەرلەرىن تاعايىنداۋ جانە قىزمەتىنەن بوساتۋ جونىندە شەشىم جاسايدى؛ سول دارەجەلى حالىق قۇرىلتايلارى جابىق كەزدە وزىنەن ءبىر دارەجە جوعارى حالىق قۇرىلتايىنىڭ ءىشىنارا ۋاكىلدەرىن ۋاكىلدىكتەن قالدىرادى جانە تولىقتاپ سايلايدى».

  51 - تارماق نەگىزگى زاڭنىڭ 107 - تارماعىنىڭ 1 - تارماقشاسىنداعى «اۋداننان جوعارى جەرگىلىكتى ءار دارەجەلى حالىق ۇكىمەتتەرى زاڭدا بەلگىلەنگەن ۇقىعى كولەمىندە ءوز اكىمشىلىك رايوندارىنداعى ەكونوميكا، وقۋ - اعارتۋ، عىلىم، مادەنيەت، دەنساۋلىق ساقتاۋ، دەنە تاربيە، قالا، اۋىل قۇرىلىسى جانە قازىنا، حالىق ىستەرى، قوعام حاۋىپسىزدىگى، ۇلت ىستەرى، ءادىليا اكىمشىلىگى، باقىلاۋ - تەكسەرۋ، جوسپارلى تۋىت، ت. ب اكىمشىلىك قىزمەتتەرىن باسقارادى، قاۋلىلار مەن بۇيرىقتار جاريالايدى، اكىمشىلىك قىزمەتكەرلەردى تاعايىندايدى، قىزمەتىنەن بوساتادى، تاربيەلەيدى، باعالايدى، سيلايدى، جازالايدى» دەگەن مازمۇن «اۋداننان جوعارى جەرگىلىكتى ءار دارەجەلى حالىق ۇكىمەتتەرى زاڭدا بەلگىلەنگەن ۇقىعى كولەمىندە ءوز اكىمشىلىك رايوندارىنداعى ەكونوميكا، وقۋ - اعارتۋ، عىلىم، مادەنيەت، دەنساۋلىق ساقتاۋ، دەنە تاربيە، قالا، اۋىل قۇرىلىسى جانە قازىنا، حالىق ىستەرى، قوعام حاۋىپسىزدىگى، ۇلت ىستەرى، ءادىليا اكىمشىلىگى، جوسپارلى تۋىت، ت. ب اكىمشىلىك قىزمەتتەرىن باسقارادى، قاۋلىلار مەن بۇيرىقتار جاريالايدى، اكىمشىلىك قىزمەتكەرلەردى تاعايىندايدى، قىزمەتىنەن بوساتادى، تاربيەلەيدى، باعالايدى، سيلايدى، جازالايدى» دەپ وزگەرتىلدى.

  52 - تارماق نەگىزگى زاڭنىڭ ءۇشىنشى تاراۋىنداعى «مەملەكەت قۇرىلىمى» دەگەن مازمۇنعا 7 - تاراۋشا رەتىندە «باقىلاۋ - تەكسەرۋ كوميتەتى» دەگەن مازمۇن؛ جەكە - جەكە 123 - تارماقتان 127 - تارماققا دەيىنگى مازمۇندار رەتىندە مىناداي 5 تارماق قوسىلدى:

  جەتىنشى تاراۋشا باقىلاۋ - تەكسەرۋ كوميتەتى

  123 - تارماق جۇڭحۋا حالىق رەسپۋبليكاسىنىڭ ءار دارەجەلى باقىلاۋ - تەكسەرۋ كوميتەتتەرى − مەملەكەتتىڭ باقىلاۋ - تەكسەرۋ ورگاندارى.

  124 - تارماق جۇڭحۋا حالىق رەسپۋبليكاسى مەملەكەتتىك باقىلاۋ - تەكسەرۋ كوميتەتىن جانە جەرگىلىكتى ءار دارەجەلى باقىلاۋ - تەكسەرۋ كوميتەتتەرىن قۇرادى.

  باقىلاۋ - تەكسەرۋ كوميتەتىنىڭ قۇرامىندا مىنا ادامدار بولادى:

  مەڭگەرۋشى،

  مەڭگەرۋشىنىڭ ورىنباسارلارى،

  مۇشەلەر.

  باقىلاۋ - تەكسەرۋ كوميتەتى مەڭگەرۋشىسىنىڭ ءار كەزەگىنىڭ مىندەت وتەۋ مەرزىمى مەملەكەتتىك حالىق قۇرىلتايىنىڭ ءار كەزەگىنىڭ مىندەت وتەۋ مەرزىمىمەن بىردەي بولادى. مەملەكەتتىك باقىلاۋ - تەكسەرۋ كوميتەتى مەڭگەرۋشىسىنىڭ ءۇرتىس مىندەت وتەۋ مەرزىمى ەكى كەزەكتەن اسپايدى.

  باقىلاۋ - تەكسەرۋ كوميتەتىنىڭ ۇيىمى مەن قىزمەت ۇقىعى زاڭدا بەلگىلەنەدى.

  125 - تارماق جۇڭحۋا حالىق رەسپۋبليكاسىنىڭ مەملەكەتتىك باقىلاۋ - تەكسەرۋ كوميتەتى − ەڭ جوعارى باقىلاۋ - تەكسەرۋ ورگانى.

  مەملەكەتتىك باقىلاۋ - تەكسەرۋ كوميتەتى جەرگىلىكتى ءار دارەجەلى باقىلاۋ - تەكسەرۋ كوميتەتتەرىنىڭ قىزمەتىنە باسشىلىق ەتەدى، جوعارى دارەجەلى باقىلاۋ - تەكسەرۋ كوميتەتى تومەن دارەجەلى باقىلاۋ - تەكسەرۋ كوميتەتتەرىنىڭ قىزمەتىنە باسشىلىق ەتەدى.

  126 - تارماق مەملەكەتتىك باقىلاۋ - تەكسەرۋ كوميتەتى مەملەكەتتىك حالىق قۇرىلتايى مەن مەملەكەتتىك حالىق قۇرىلتايىنىڭ تۇراقتى كوميتەتى الدىندا جاۋاپتى بولادى. جەرگىلىكتى ءار دارەجەلى باقىلاۋ - تەكسەرۋ كوميتەتتەرى وزدەرىن قۇرعان مەملەكەتتىك بيلىك ورگاندارى مەن وزىنەن ءبىر دارەجە جوعارى باقىلاۋ - تەكسەرۋ كوميتەتتەرى الدىندا جاۋاپتى بولادى.

  127 - تارماق باقىلاۋ - تەكسەرۋ كوميتەتى زاڭداعى بەلگىلەمەلەر بويىنشا باقىلاۋ - تەكسەرۋ ۇقىعىن دەربەس جۇرگىزەدى، اكىمشىلىك ورگانداردىڭ، قوعامدىق ۇيىمداردىڭ جانە جەكەلەردىڭ وعان كيلىگۋىنە بولمايدى.

  باقىلاۋ - تەكسەرۋ ورگاندارى زاڭعا قايشىلىق جاساۋ جانە مىندەتتىك قىلمىس دەلولارىن ءبىر جاقتى ەتكەندە، سوت ورگاندارىمەن، پروكۋراتۋرا ورگاندارىمەن، زاڭ اتقارۋشى تاراۋلارمەن ءوزارا سايكەسۋى، ءبىرىن - ءبىرى تەجەپ وتىرۋى كەرەك.

  7 - تاراۋشا سايكەستى تۇردە 8 - تاراۋشاعا وزگەرتىلدى، 123 - تارماقتان 138 - تارماققا دەيىنگى مازمۇندار سايكەستى تۇردە 128 - تارماقتان 143 - تارماققا دەيىنگى مازمۇندار بولىپ وزگەرتىلدى.

  (شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)

  (جۇڭگو ۇلتتار ءتىل - اۋدارما مەكەمەسى اۋدارعان)

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

ماتەريالدىق سۋرەت