بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

حالىق تۇرمىسىن جاقسارتۋدىڭ جاڭا كارتيناسىن كەسكىندەيىك

2018.03.13 15:44     كەلۋ قاينارى : شينجياڭ گازەتى

«بۇقارا ەڭ كوڭىل ءبولىپ، ەڭ باسىن قاتىرىپ وتىرعان ىستەردى ءبىر - بىرلەپ ويداعىداي شەشىپ، قوعامدىق ادىلدىك پەن ادىلەتتىلىكتى جانە ادامنىڭ كەمەلدى دامۋىن جەبەپ، حالىق تۇرمىسىنىڭ مەملەكەتتىڭ دامۋىنا سايكەس جىلدان - جىلعا جاقسارا تۇسۋىنە مۇمكىندىك جاساۋ كەرەك»، «تۇرعىنداردىڭ نەگىزگى ەمدەلۋ قامسىزداندىرۋى بويىنشا جان باسىنا قازىنادان قوسىلاتىن قوسىمشا كومەك قاراجات ولشەمى تاعى دا 40 يۋان ارتتىرىلادى»... بيىلعى ۇكىمەت قىزمەتىنەن باياندامادا حالىق تۇرمىسىنداعى ىستىق نۇكتەلەرگە، قيىن تۇيىندەرگە توتە نازار تاستالدى ءارى دامۋ نەگىزىندە حالىققا ءتيىمدى ناقتى ىستەردى كوبىرەك ىستەپ، حالىق تۇرمىسىنداعى قيىن ىستەردى كوبىرەك شەشىپ، حالىق تۇرمىسىنىڭ تومەنگى شەگىن ساقتاپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەكتىگى العا قويىلدى.

  مەملەكەتتىك حالىق قۇرىلتايىنىڭ رايونىمىزداعى ۋاكىلدەرى جانە مەملەكەتتىك ساياسي كەڭەستىڭ شينجياڭدا تۇراتىن مۇشەلەرى حالىق تۇرمىسى تاقىرىبىن قىزۋ تالقىلاپ، وزدەرىنىڭ ءتول كەشىرمەلەرىمەن ۇشتاستىرا اسەرلەرىن اڭگىمەلەپ، العىس سەزىمىن ايتىپ، باس شۋجي شي جينپيڭگە، شي جينپيڭ جولداستى ۇيتقى ەتكەن پارتيا ورتالىق كوميتەتىنە شىن جۇرەكتەن العىس ايتتى. كوپشىلىك ءبىر اۋىزدان مىنانى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، حالىق بۇقاراسىنا حالىق تۇرمىسىنا قاتىستى ەسەپ - قيساپ داپتەرىنىڭ قالىڭدىعىن جانە جىلىلىعىن شىن مانىندە سەزىندىردى.
  حالىقتى قاشاندا جۇرەك تۇكپىرىندە ساقتادى


  گۇلپاري ابدوللا

  مەملەكەتتىك ساياسي كەڭەستىڭ شينجياڭدا تۇراتىن مۇشەسى، شينجياڭ پەداگوگيكا ۋنيۆەرسيتەتىنىڭ ورىنباسار باستىعى گۇلپاري ابدوللا بىلاي دەدى: «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن قولداۋىندا، بىلتىر رايونىمىزدا وقۋ - اعارتۋ جاعىندا ءار ۇلت بۇقاراسى كورىپ - سەزە الاتىن حالىققا ءتيىمدى ناقتى ىستەر تياناقتاندىرىلىپ، حالىق تۇرمىسىنا جىلۋ جەتكىزىلىپ، بۇكىل رايونىمىزدىڭ وقۋ - اعارتۋ ىستەرى رەفورماسى مەن دامۋىندا تىڭ ىلگەرىلەۋشىلىكتەرگە قول جەتتى، بۇل مەنى ەرەكشە شابىتتاندىردى».

  «نەگىزگى ساتىدان كەلگەن ۋاكىل رەتىندە، كۇندەلىكتى تۇرمىسپەن تىعىز قاتىستى حالىق تۇرمىسى ماسەلەلەرىنە ەرەكشە نازار اۋدارىپ وتىرمىن. 5 جىلدان بەرى، ەلىمىزدە تۇرعىنداردىڭ نەگىزگى ەمدەلۋ قامسىزداندىرۋى بويىنشا جان باسىنا ورتاشا بەرىلەتىن قازىنالىق كومەك قاراجات ولشەمى 240 يۋاننان 450 يۋانعا ءوسىرىلدى، 17 ميلليوننان استام ادام (رەت) سالماقتى ناۋقاس بويىنشا قامسىزداندىرۋ ءتۇزىمىنىڭ يگىلىگىن كوردى، ەڭ تومەنگى تۇرمىسى قامتاماسىز ەتىلەتىن 60 ميلليونعا تاياۋ ادام مەن ەرەكشە قيىنشىلىعى بار بۇقارانىڭ نەگىزگى تۇرمىسى قامتاماسىز ەتىلدى...». مەملەكەتتىك حالىق قۇرىلتايىنىڭ ۋاكىلى، ىلە قازاق اۆتونوميالى وبلىسى شاپشال سىبە اۆتونوميالى اۋداندىق حالىق شيپاحاناسى كۇتىمدەۋ ءبولىمىنىڭ ورىنباسار مەڭگەرۋشىسى گو شياۋحۇڭ وسى سيفرلاردىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىقتى قاشاندا جۇرەك تۇكپىرىندە ساقتاعاندىعىن تەرەڭ سەزىندىرگەندىگىن، جۇرەكتەرگە جىلۋ بەرگەندىگىن ايتتى.

  كوپتەگەن ۋاكىلدەر ماجىلىسكە باراردا اۋىلداستارىنىڭ جۇرەك سوزدەرىن بەيجيڭگە الا باردى. مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ ءپايزاۋات اۋدانى قىزىلسۋ اۋىلى باشلاڭگار قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجيى، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى كەڭسەسىنىڭ مەڭگەرۋشىسى چىن لياڭ وسىلاردىڭ ءبىرى.

  چىن لياڭ بىلاي دەدى: «مەنىڭ بەيجيڭگە بارىپ مەملەكەتتىك ەكى ماجىلىسكە قاتىناساتىندىعىمدى ەستىگەن اۋىلداستار ماعان باس شۋجي شي جينپيڭگە العىستارىن جەتكىزىپ قويۋىمدى تاپسىردى. ولار تۇرمىستارىنىڭ بارعان سايىن جاقسارا تۇسكەنىن، كىرىستەرىنىڭ ارتقانىن، ناۋقاس تەكسەرتكەندە جۇمساعان قاراجاتتارىنىڭ ۇكىمەت ەسەبىنەن كوتەرىلەتىن سالىستىرماسىنىڭ جوعارىلاعانىن، بالالاردىڭ بالاباقشادا تەگىن وقيتىندىعىن، قىستاق كەلبەتىندە دە زور وزگەرىستەر جارىققا شىققاندىعىن ايتىپ، باس شۋجيگە، پارتيا ورتالىق كوميتەتىنە العىستارىن جەتكىزۋدى تاپسىردى».

  بۇقارا نازار اۋدارعان ىستەردى ويداعىداي شەشتى


  گو شياۋحۇڭ

  باس شۋجي شي جينپيڭ گۋاڭدۇڭ ولكەسى ۋاكىلدەر ۇيىرمەسىنىڭ تالقىسىنا قاتىناسقاندا: كوممۋنيستىك پارتيا حالىقتىڭ باقىتىن كوزدەيدى، حالىق بۇقاراسى قاي جاقتاردا وزدەرىن باقىتتى، كوڭىلدى سەزىنبەسە، رازى بولماسا، ءبىز سول جاقتارعا كۇش سالىپ، ءتۇرلى ءادىس - امالدارمەن حالىقتى ۋايىمنان ارىلتىپ، قيىنشىلىعىن شەشۋىمىز كەرەك، - دەپ باسا دارىپتەدى.

  گو شياۋحۇڭ بىلاي دەدى: «قالا، اۋىل تۇرعىندارىنىڭ دەنساۋلىعىن تەگىن تەكسەرۋ پارتيانىڭ مەيىر - شاپاعاتىن ءار ۇلت بۇقاراسىنىڭ كوڭىلىنە ۇيالاتتى. قازىرگە دەيىن اۋدانىمىزدا 288 مىڭ ادامنىڭ (رەت) دەنساۋلىعى تەگىن تەكسەرىلىپ، قامتۋ سالىستىرماسى %97.4كە، ارحيۆ تۇرعىزىلۋ سالىستىرماسى %100كە جەتتى».

  كيەر كيىم، ىشەر اس، تۇرعىن ءۇي، ءجۇرىس - تۇرىس، وتىن، كۇرىش، ماي، تۇز، بۇرشاق سىرنەسى، سىركە سۋى سىندى قاراپايىم، كىشكەنە ىستەر ءار ۇلت بۇقاراسىنىڭ ءتول مۇددەسىنە قاتىستى.

  بىلتىر، رايونىمىز بويىنشا اۋىل - قىستاقتاردا 300 مىڭ وتباسىنا بەيقۇت ءۇي سالىندى، لاشىقتى اۋماقتاردى جاڭالاۋ بويىنشا 368 مىڭ ءۇي سالىندى، 28 مىڭ كيلومەتر اۋىل - قىستاق تاس جولى تىڭنان جاڭالاندى، سالىندى ...

  مەملەكەتتىك حالىق قۇرىلتايىنىڭ ۋاكىلى، قاشقار ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى پارحات روزى قاشقار ايماعىنىڭ حالىق تۇرمىسىنا قاتىستى ەسەپ - قيسابىنا بەس ساۋساعىنداي قانىق ەكەن: 2017 - جىلدان بەرى، قاشقار ايماعى 5934 ادامدى ۇيىمدى تۇردە شينجياڭعا باعىتتامالى كومەكتەسەتىن ولكە، قالالارعا ويىستىرىپ جۇمىستاندىردى، 20 مىڭ ادامدى سولتۇستىك شينجاڭعا، بيڭتۋانعا جانە مەملەكەت مەنشىگىندەگى كاسىپورىندارعا ويىستىرىپ جۇمىستاندىردى، 116 مىڭ ادامدى ءوز جەرىندە جۇمىستاندىردى؛ اۋىل - قىستاقتا 1152 بالاباقشانى جاڭادان سالىپ، 18 مىڭ وقىتۋشى قابىلداپ، مەكتەپكە دەيىنگى تاربيە جاسىنداعى 404 مىڭ بالانىڭ «باقشاعا كىرگىزۋگە تيىستىلەرىن تۇگەل باقشاعا كىرگىزدى»؛ تەگىن دەنساۋلىق تەكسەرتۋ، تۇرعىنداردى زەينەتكەرلىككە قاتىناستىرۋ، ەمدەۋ قامسىزداندىرۋى، سالماقتى ناۋقاس قامسىزداندىرۋى قالا، اۋىلداعى بۇقارانى تۇگەل قامتىدى.

  «ءبىز <حالىقتىڭ تاماشا تۇرمىسقا تالپىنىسى − كۇرەس جاساۋ نىسانامىز> دەيتىن تالاپتى باتىل اتقارۋىمىز ءارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حالىق تۇرمىسىن جاقسارتۋدى ۇزدىكسىز ىلگەرىلەتۋگە تاباندى بولىپ، ءار ۇلت بۇقاراسىنىڭ باقىت كورسەتكىشىن بارعان سايىن جوعارىلاتۋىمىز كەرەك»، - دەدى پارحات روزى.

  ءار وتباسىنىڭ جاعدايىنان تارتىپ مەملەكەتكە دەيىن ءبارى جاقسارادى


  چىن لياڭ

  حالىق تۇرمىسى حالىق تىلەگىمەن جالعاسادى، حالىق تىلەگى ەل تاعدىرىنا قاتىستى.

  ۇكىمەت قىزمەتىنەن باياندامادا ءسوز - سويلەمدەرگە دەيىن قامقورلىق قامتىلعان، حالىق تۇرمىسىنا قاتىستى ءاربىر شارالار بولاشاق تۇرمىستىڭ وزگەرىسىنە سايكەس كەلگەن، ال مۇنداي وزگەرىس حالىقتىڭ شىن جۇرەگىنەن شىققان تىلەگى بولىپ تابىلادى.

  بيىل شينجياڭ اۋىل - قىستاقتاردا 300 مىڭ وتباسىنا بەيقۇت ءۇي سالۋدى، اۋىل - قىستاقتارداعى حاۋىپتى، كونە ۇيلەردى جاپپاي تەكسەرۋدى، لاشىقتى اۋماقتاردى جاڭالاۋ بويىنشا 471 مىڭ ءۇي سالۋدى، الەۋمەتتىك مايعا بەرىلەتىن 30 مىڭ ءۇي سالۋ جۇمىسىن باستاۋدى جوسپارلاپ وتىر.

  «اۆتونوميالى رايونىمىز الەۋمەتتىك مايعا بەرىلەتىن ۇيلەردى بولىسكە سالۋ ءتاسىلىن اناعۇرلىم كەمەلدەندىرىپ، ورتا تازالىعى، قاتىناس سياقتى كاسىپ سالالارىنداعى قيىنشىلىعى بار بۇقارانى الدىمەن قامتاماسىزداندىرىپ، شارتقا ۇيلەسەتىن جاڭادان جۇمىستانعان ءۇيى جوق جۇمىسشى - قىزمەتكەرلەر، سىرتتان كەلگەن جۇمىسكەرلەر جانە جاس شيپاگەر، جاس وقىتۋشى سياقتىلاردى قامتاماسىز ەتۋ كولەمىنە كىرگىزىپ، قالا - قالاشىقتارداعى تومەن كىرىستى تۇرعىن ءۇي قيىنشىلىعى بار وتباسىلاردى مۇمكىندىكتىڭ بارىنشا قامتاماسىز ەتۋدى بىرتىندەپ جۇزەگە اسىرادى»، - دەدى چىن لياڭ.

  ۇكىمەت قىزمەتىنەن باياندامادا «ءادىل دە ساپالى وقۋ - اعارتۋدى دامىتۋ» مازمۇنى العا قويىلدى، بۇل بۇكىل ەلدەگى ءاربىر وتباسىنا، اسىرەسە، اۋىل - قىستاقتارداعى وتباسىلارعا ىقپال كورسەتەتىن بولادى. قالا، اۋىلداردا مىندەتتى وقۋ - اعارتۋدىڭ ءبىرتۇلعالانا دامۋىن ىلگەرىلەتۋ، اۋىل - قىستاقتاردان جانە كەدەي وڭىرلەردەن ارناۋلى وقۋشى قابىلداۋ جوسپارىن ۇزدىكسىز اتقارۋ سياقتى شارالار ارقىلى ءاربىر ادامنىڭ تەڭ ورايدان يگىلىكتەنىپ، وقۋ - اعارتۋ ارقىلى ءوز تاعدىرىن وزگەرتۋىنە مۇمكىندىك جاسالادى»، - دەدى گۇلپاري ابدوللا.


  پارحات روزى

  بيىلعى ۇكىمەت قىزمەتىنەن باياندامادا بۇقارانىڭ كوكەي تەستى ماسەلەلەرىنە جاۋاپ قايتارىلىپ، حالىق تۇرمىسىن جاقسارتۋدىڭ جاڭا كارتيناسى كەسكىندەلدى، حالىق تۇرمىسىنا قاتىستى «ۇتىمدى تياناقتاناتىن» ۇسىنىلىم حالىق تۇرمىسىنداعى ۇتىمدى جۇمىستاردىڭ بىرتىندەپ تياناقتانۋىنا مۇمكىندىك جاسايدى.

  «حالىق تۇرمىسىنا قاتىستى قوماقتى سي نەگىزگى ساتىداعى ۇكىمەت قىزمەتكەرلەرىنە دە اناعۇرلىم جوعارى تالاپ قويدى، حالىق تۇرمىسىنا قاتىستى ءتۇرلى ساياساتتاردىڭ قاز - قالپىندا تولىق اتقارىلۋىنا كەپىلدىك ەتۋ ءۇشىن نەگىزگى ساتى ۇيىمدارىنىڭ اناعۇرلىم جوعارى ءونىمدى اتقارۋ قابىلەتىن ازىرلەۋىنە تۋرا كەلەدى، بۇل ءبىز جونىنەن قىسىم ءارى قوزعاۋشى كۇش. ءبىز ءتۇرلى قىزمەتتەردى ناقتى، تىڭعىلىقتى ىستەپ، ءار ۇلت بۇقاراسىنىڭ تۇرمىستارىنىڭ بارعان سايىن جاقسارعاندىعىن شىنايى سەزىنۋىنە مۇمكىندىك جاسايمىز. مەملەكەت كوركەيسە، وتباسى گۇلدەنەدى، سان مىڭداعان وتباسىنىڭ جاعدايى جاقسى بولسا، مەملەكەت ونان ارمان جاقساراتىن بولادى»، - دەدى پارحات روزى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار