بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

[باس شۋجيدىڭ تاپسىرماسىن ەستە بەرىك ساقتايىق]ءار ۇلت بۇقاراسىنا جاراسىمدىلىق پەن ورنىقتىلىقتىڭ اشىق اسپانىن سيلايمىز

2018.03.13 15:47     كەلۋ قاينارى : شينجياڭ گازەتى

ءتىلشىمىز سۇي يۇنيان

  2017 - جىلى 3 - ايدىڭ 10 - كۇنى، باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەبەۋدى جەتەكشى ەتىپ، ەكونوميكانى دامىتۋ مەن حالىق تۇرمىسىن جاقسارتۋدى نەگىز، وتاننىڭ تۇتاستىعىن قورعاۋ، ۇلتتاردىڭ ىنتىماعىن جەبەۋ قاتارلىلاردى ءتۇيىن ەتىپ، قوعامنىڭ جاراسىمدىلىعىن، ورنىقتىلىعىن باتىل قورعاپ، جاڭا دامۋ ۇستانىمىن شىن مانىندە تياناقتاندىرىپ، حالىق تۇرمىسىن بار كۇشپەن قامتاماسىزداندىرىپ جانە جاقسارتىپ، ۇلتتار ىنتىماعىن تىنباي بەكەمدەپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا قۇلشىنۋ كەرەكتىگىن اتاپ كورسەتتى.

  ءبىر جىلدان بەرى شينجياڭداعى ءار ۇلت كادر - بۇقاراسى باس شۋجيدىڭ تاپسىرماسىن ەستە بەرىك ساقتاپ، ارەكەتتەرىندە تياناقتاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، باس نىسانانى تىعىز ارقاۋ ەتىپ، لاڭكەستىككە قارسى تۇرىپ، ورنىقتىلىقتى قورعاۋ شارالارىن جاپپاي تياناقتاندىرىپ، قوعامدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ ۇتىمدى جولىن بەلسەنە قاراستىرىپ، قوعام ورنىقتىلىعى مەن باياندى تىنىشتىق باس نىساناسىنىڭ زاتتىق نەگىزىن، يدەيالىق نەگىزىن، قوعامدىق نەگىزىن قۇلشىنا بەكەمدەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تۇبەگەيلى تياناقتانۋىن ىلگەرىلەتىپ، قوعام جالپى جاعدايىنىڭ ورنىقتىلىعىن ساقتاپ، ءار ۇلت بۇقاراسىنىڭ حاۋىپسىزدىك سەزىمى مەن ريزالىق سەزىمىن كورنەكتى كۇشەيتتى.

تاتۋلىق جاراسىمدىلىقتى ايگىلەدى

  بيىلعى كوكتەم مەرەكەسى دەمالىسىندا، فۋكاڭ قالاسىنداعى شينجياڭ قار - مۇز دۇنيەسىنە ساياحاتشىلار كوپ كەلدى، ءار كۇنى كەشتە وتكىزىلەتىن تارتىمدى ويىن - ساۋىق نومىرلەرى جانە «باتىس ءوڭىر داۋىسىن» تاقىرىپ ەتكەن كولەمدى وت شاشۋ ويىنى كورەرمەندەرگە قۋانىش سيلادى.

  دەمالىس كەزىندە شينجياڭنىڭ جەر - جەرى تارتىمدى، اسەرلى، قىزىقتى ساياحات مەرەكەسىن قۇتتىقتاۋ قيمىلدارىن ىركەس - تىركەس وتكىزىپ، كورىنىستىك اۋماقتاردا ادامدار قايشالىسىپ، ءار ۇلت بۇقاراسى مەن ەل ءىشى - سىرتىنان كەلگەن ساياحاتشىلار كوڭىلدى، شاتتىققا تولى، جاراسىمدى، وركەنيەتتى، حاۋىپسىز كوكتەم مەرەكەسىن تويلادى. شينجياڭنىڭ قابىلداعان ساياحاتشىلار سانى مەن ساياحاتشىلاردىڭ تۇتىنۋ جالپى سوماسى تاريحتاعى ەڭ جوعارى ورەگە جەتىپ، ساياحات كاسىبى جاراسىمدىلىقتىڭ، ورنىقتىلىقتىڭ بارومەترىنە اينالىپ، شينجياڭ قوعامىنىڭ ورنىقتىلىعىن، تىنىشتىعىن، جاراسىمدىلىعىن تولىق ايگىلەدى.

  بوساعالىق جاپسىرىپ، ءتۇشپارا ءتۇيدى، تورسىلداق اتتى... سان مىڭداعان وتباسى باس قوسقان ءساليقالى ساتتە، شينجياڭنىڭ جەر - جەرى جەلىلەس قيمىلدار ۇيىمداستىرىپ، مەرەكەنىڭ جاراسىمدىلىعى مەن شاتتىعىن شىرقاۋ شىڭىنا جەتكىزدى.

  وتكەن ءبىر جىلدا، شينجياڭ قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، كەشەندى شارالاردى ويداعىداي اتقارىپ، لاڭكەستىككە قارسى تۇرىپ، ورنىقتىلىقتى قورعاۋ شارالارىنىڭ شىنايى تياناقتانۋىن ىلگەرىلەتىپ، قوعام جالپى جاعدايىنىڭ ورنىقتىلىعىن ساقتاپ، ەكونوميكانىڭ، قوعامنىڭ دامۋىنا تاماشا ورتا ازىرلەپ، ءار ۇلت بۇقاراسىنىڭ حاۋىپسىزدىك سەزىمى مەن ريزالىق سەزىمىن كۇشەيتتى.

  قىستىڭ قاقاعان ايازى كەزىندە ءۇرىمجى قالالىق قوعام حاۋىپسىزدىگى مەكەمەسى تيانشان رايونى بولىمشە مەكەمەسى دۇڭمىن ساقشى بولىمشەسى تيانباي حالىققا قولايلى ساقشى پۋنكتىنە ءۇرىمجى قالالىق 8 - ورتا مەكتەبىنىڭ تولىق ورتا 3 - جىلدىعىنىڭ وقۋشىلارى «كەشكى پىسىقتاۋ ءۇيى» دەگەن تاعى ءبىر ات قويىپ الدى. وقۋدان تاراپ ۇيىنە قايتقان بالالار وسىندا كەلىپ جىلىنىپ الادى دا، تاپسىرمالارىن ورىندايدى.

  شينجياڭنىڭ جەر - جەرىندەگى حالىققا قولايلى ساقشى پۋنكتى تاۋلىك بويى قىزمەت ىستەپ، ادامدارعا جىلۋلىق سەزىندىردى، ول ءار ۇلت بۇقاراسىنىڭ «جىلۋلىق پۋنكتىنە»، «ىنتىماق پۋنكتىنە»، «تىنىشتىق پۋنكتىنە» ءارى ءار ۇلت بۇقاراسىنىڭ باقىتتى، تىنىش تۇرمىسىنىڭ پارمەندى تىرەگىنە اينالدى.

  ءبىر جىلدان بەرگى جاراسىمدى قوعامدىق راي شينجياڭنىڭ تىنىشتىعى مەن جاراسىمدىلىعىن تولىق ايگىلەدى.

جىلۋلىق نەگىزدى بەكەمەدى

  3 - ايدىڭ 7 - كۇنى تۇستەن بۇرىن، اۆتونوميالى رايوندىق پارتكوم ساياسي - زاڭ كوميتەتى ورگانىنداعى ايەل كادرلار ءۇرىمجى قالاسى تيانشان رايونى بەيبىت جولى ءمالى باسقارماسىنىڭ سانشان الەۋمەتتىك اۋماعىنا كەلىپ، سول جەردەگى ايەل جۇرتشىلىقپەن بىرگە «جەلەكتىلەردىڭ جۇرەگى پارتيا دەپ سوعادى. جاڭا داۋىردە ۇلەس قوسايىق. جاڭا تۇرمىستى بىرگە جاراتايىق» اتىنداعى «8 - ناۋرىز» ايەلدەر مەرەكەسىن تويلاۋ جەلىلەس قيمىلىن ورىستەتتى. ساياسي - زاڭ كوميتەتىنىڭ كادرى گۇلي حالىق ساياسي - زاڭ كوميتەتىندەگى بارلىق ايەل كادرلار اتىنان «رايونىمىزداعى ءار ۇلت، ءار سالا ايەلدەرىنە جولدانعان اشىق حاتتى» وقىپ، رايونىمىزداعى ءار ۇلت، ءار سالا ايەلدەرىن باتىل ءۇن قاتىپ، ايقىن پوزيتسيا بىلدىرۋگە، وتاننىڭ تۇتاستىعىن، ۇلتتار ىنتىماعىن جانە قوعام ورنىقتىلىعىن بىرگە قورعاۋعا ۇندەدى.

  ءبىر جىلدان بەرى شينجياڭ باتىل ءۇن قاتىپ، ايقىن پوزيتسيا ءبىلدىرۋ قيمىلىن ىشكەرىلەي ورىستەتىپ، «ءۇش ءتۇرلى كۇشتىڭ»، «ەكىبەتكەيلەردىڭ» سۇرقيا ءمانىن ىشكەرىلەي اشكەرەلەپ، سىن تەزىنە الىپ، قوعام ورنىقتىلىعىن باتىل، تاباندىلىقپەن قورعاۋدىڭ قۇدىرەتتى قوعامدىق ورتاسىن جاراتتى. باتىل ءۇن قاتىپ، ايقىن پوزيتسيا ءبىلدىرۋ قيمىلى يدەيالىق رۋحتى جانۋدىڭ تازارتقىشىنا جانە لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شارالارىن تياناقتاندىرۋدىڭ ىلگەرىلەتۋشىسىنە اينالىپ، باس نىسانانى ىسكە اسىرۋعا بەرىك يدەيالىق نەگىز قالاپ، قوعامدىق پىكىر ورتاسىن جاراتىپ، ۇيىمدىق كەپىل ازىرلەپ، بۇقارالىق نەگىزدى بەكەمدەدى.

  بيىل كوكتەم مەرەكەسى كەزىندە، اۆتونوميالى رايونىمىزدىڭ جەر - جەرىندەگى، تاراۋلارىنداعى، ورىندارىنداعى كادرلار، جۇمىسشى - قىزمەتكەرلەر ۇلتتار ىنتىماعى «تۋىستاسۋ اپتالىعى» قيمىلىن ىشكەرىلەي ورىستەتىپ، كوپشىلىك تەرەڭ سەزىممەن جاۋاپكەرلىك ارقالاپ، قىستاقتارعا بارىپ، تۋىسىمەن بىرگە ەڭبەك ەتىپ، بىرگە تاماقتانىپ، بىرگە ۇيرەنىپ، بوساعالىق جاپسىرىپ، تۇمشالامالى شام ءىلىپ، كوكتەم مەرەكەسىن بىرگە تويلادى.

  ءبىر جىلدان بەرى شينجياڭ «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى دوستىق قيمىلىن ىشكەرىلەي ورىستەتتى، 2017 - جىلى 12 - ايدىڭ 8 - كۇنىنەن بەرى ورىستەتىلگەن ۇلتتار ىنتىماعى «تۋىستاسۋ اپتالىعى» قيمىلى «ۇلتتار ىنتىماعىنىڭ بەرەكەلى شاڭىراعى» قيمىلىن ونان ارى تەرەڭدەتە ءتۇستى. بۇكىل رايونداعى ءبىر ميلليون 100 مىڭ ۇكىمەت قىزمەتكەرى جۇپ قۇراپ، تۋىس بولعان وتباسىمەن قول ۇستاسىپ، جۇرەكتەس بولىپ، زاڭ - ءتۇزىم، ساياسات، جىلۋلىق، مادەنيەت جەتكىزىپ، ءار ۇلت بۇقاراسىن پارتيا مەن ۇكىمەتتىڭ توڭىرەگىنە تىعىز توپتاستىردى.

  نەگىزگى ساتى كوركەيسە، شينجياڭ كوركەيەدى، نەگىزگى ساتى ورنىقسا، شينجياڭ ورنىعادى. ءبىر جىلدان بەرى، شينجياڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن ىشكەرىلەي ورىستەتىپ، نەگىزگى ساتىنى، نەگىزدى بەكەمدەۋگە، جۇرت كوڭىلىنەن شىعۋعا كۇش سالدى. بۇل كۇندەرى قىستاق پارتيا ياچەيكا شۋجيى كۇشەيدى، باسشىلىق القا تولىقتاندى، قارجى جەتكىلىكتى بولدى... پارتيا تۋى تيانشاننىڭ تەرىستىگى مەن تۇستىگىندەگى ءاربىر نەگىزگى ساتى شەبىندە جەلبىرەپ، قوعام ورنىقتىلىعى مەن باياندى تىنىشتىقتىڭ نەگىزى ونان ارى بەكەمدەلدى.

جاراسىمدىلىق ورنىقتىلىقتى جەبەدى

  ءۇرىمجى اۋدانىندا ءبىر توپ ادۆوكات ۇكىمەتتىڭ زاڭ كەڭەسشىسى رولىن اتقارىپ، جەر - جەردى ارالاپ، كاسىپتىك بىلىمدەرى ارقىلى حالىقتى ۋايىمنان ارىلتىپ، قيىنشىلىعىن شەشىپ، ءار ۇلت ەگىنشى - مالشىلاردىڭ زاڭدى ۇقىق - مۇددەسىن قورعاۋعا كومەكتەسىپ، تاۋ قويناۋىن مەكەندەگەن ەگىنشى - مالشىلارعا زاڭدىق ساۋات جەتكىزدى جانە قىزمەت كورسەتتى. ءبىر جىلدان بەرى شينجياڭنىڭ جەر - جەرى ۇكىمەتتىڭ زاڭدىق قىزمەت كورسەتۋدى ساتىپ الۋىن ىسكە اسىردى، زاڭدىق كەڭەسشىلەر ۇكىمەتتىڭ زاڭ بويىنشا شەشىم شىعارۋىنداعى، زاڭ بويىنشا اكىمشىلىك جۇرگىزۋىندەگى، داۋ - شاردى ءبىر جايلى ەتۋدەگى، بۇقاراعا قىزمەت كورسەتۋدەگى جاقسى قولعاناتىنا اينالىپ، قالىڭ حالىق بۇقاراسىنىڭ قارسى الۋىنا بولەندى.

  2017 - جىلى شينجياڭ الەۋمەتتىك زاڭدىق قىزمەت كورسەتۋ جۇيەسى قۇرىلىسىن جاپپاي ىلگەرىلەتىپ، ءار ۇلت بۇقاراسىن جالپىعا ءتيىمدى، الەۋمەتتىك يگىلىك سيپاتىنداعى، ەركىن تاڭداۋعا بولاتىن الەۋمەتتىك زاڭدىق قىزمەت كورسەتۋمەن قامداپ، ازاماتتاردىڭ نەگىزگى ۇقىعىن قامتاماسىز ەتىپ، حالىق بۇقاراسىنىڭ زاڭدى ۇقىق - مۇددەسىن قورعاپ، قوعامنىڭ ادىلدىگىن، تۋراشىلدىعىن ىسكە اسىرىپ، قوعامنىڭ جاراسىمدىلىعى مەن ورنىقتىلىعىن پارمەندى جەبەدى.

  ءبىر جىلدان بەرى شينجياڭ زاڭمەن جونگە سالۋدىڭ قامتاماسىز ەتۋ جانە تىرەكتىلىك رولىن شىنايى ساۋلەلەندىرىپ، قوعامدى جونگە سالۋ قابىلەتى مەن دەڭگەيىن ۇزدىكسىز جوعارىلاتۋىنىڭ ارقاسىندا، قالىڭ حالىق بۇقاراسىنىڭ جاڭا ءۇمىتىن اقتاپ، ءار ۇلت حالقىنىڭ ريزا بولۋ دەڭگەيى مەن حاۋىپسىزدىك سەزىمى كورنەكتى جوعارىلادى.

  بۇكىل رايونىمىزداعى ءار دارەجەلى حالىق سوتى مەكەمەلەرى ءادىليانى حالىق ءۇشىن جۇرگىزۋدى، ءادىليانىڭ ادىلدىگىن قىزمەتتىڭ نەگىزگى ارقاۋى ەتىپ، ءار ۇلت حالقىنا ساپالى ءادىليالىق قىزمەت كورسەتىپ، ءادىليانى حالىق ءۇشىن جۇرگىزۋدىڭ ۇلگىسىن جاڭالاپ، ارىز - شاعىم جاعىنداعى قىزمەت كورسەتۋدىڭ ءتۇرىن مولايتىپ، ءار ۇلت حالقىنىڭ ءاربىر ءادىليالىق دەلولاردان ادىلدىكتى، تۋراشىلدىقتى سەزىنۋىنە قۇلشىنا مۇمكىندىك جاراتتى. پروكۋراتۋرا ورگاندارى ءتۇرلى قىلمىستىق ارەكەتتەردى قاتاڭ جازالاپ، قوعامنىڭ جاراسىمدىلىعى مەن ورنىقتىلىعىن قورعادى، سونداي - اق شارۋالارعا تيىمدىلىك جاساپ، كەدەيلەردى سۇيەمەلدەۋ، جەر الۋ جانە كوشىرۋ، وقۋ - اعارتۋ جانە ەمدەۋ، ازىق - تۇلىك جانە ءدارى - دارمەك سياقتى سالالاردا حالىقتىڭ ۇقىق - مۇددەسىنە زيان جەتكىزگەن ءىرىپ - ءشىرۋ ارەكەتتەرىن قاتاڭ تەكسەرىپ، شينجياڭنىڭ ەكونوميكاسىنىڭ جاڭا جاعدايدا اقاۋسىز اينالىمىن زاڭمەن جونگە سالۋ جاعىنان قامتاماسىز ەتتى.

  ءبىر جىلدان بەرى شينجياڭ زاڭدى، ءادىليانى ءادىل، مادەنيەتتى جۇرگىزۋدى قاتايتىپ، ارناعا ءتۇسىرىپ، جالپى حالىقتىڭ زاڭمەن جونگە سالۋ كوزقاراسىن كۇشەيتۋگە، نەگىزگى ساتىنى زاڭمەن جونگە سالۋدى ىلگەرىلەتۋگە تاباندى بولىپ، شينجياڭدى زاڭمەن جونگە سالۋدى جاپپاي ىلگەرىلەتىپ، ەكونوميكالىق دامۋعا حاۋىپسىز، ورنىقتى قوعامدىق ورتا، ءادىل دە تۋراشىل زاڭمەن جونگە سالۋ ورتاسىن، ساپالى دا ءونىمدى قىزمەت كورسەتۋ ورتاسىن ازىرلەدى.

شينجياڭداعى ءار ۇلت كادرلارى مەن حالىق بۇقاراسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنىڭ، ءسوز جوق، ىسكە اساتىندىعىنا كامىل سەنەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار